رواية الضحية الفصل الثاني عشر12بقلم رويدا راشد
نهاية الدرب
بعد شهرين من وفاة أنس ...
فهيمة: اهو بنتي بتولي عروسة تهبل طالعة غزالة زي امك.
جنان: عمري ماحسيت بيك امي لذلك اطلعي وخليني في حالي.
رانيا: كنت نسمع فيها شن تقول ومستغربة من القسوة للي فيها ماكنتش نعرف السبب شن.
طلعت فهيمة وكان اخر همها كلام بنتها للي ظلمتها وجابتها بطريقة غير شرعية.
محسن: سجلت الحوش باسم بنتي الصغيرة جنان
خالد: انت غلطتت غلط كبير يامحسن ورانيا للي انحرمت من امها شن ذنبها.
محسن: بصوت مليان قهر ذنبها اني بوها انا تعبت وكل يوم يفوت عليا نتفكر فيه للي قاعد ايصير فيا نتأكد انه ربي يعاقب فيا...
خالد: ماعندي مانقول غير ربي يهديك ولاخلاص.
محمد: اخيرا بنحصل فايدة من وراء الحقيرة وامها وبعدها نطلقها ونرتاح ...
صفاء: سكر فمك كان تسمعك امي توا تشوف شن ايصير...
محمد: هذا الحق انا مانحبهاش ..
صفاء:قاعد تحب رانيا صح.
محمد: انا ظلمتها وسيبتها وربي عوضها بالأحسن مني.
صفاء: مش ديما الانسان ياخد للي يبيها .
......بعد مرور شهرين.......
خديجة: ربي يهينك ياولدي ويطول في عمرك ❤️ونشوف صغارك يارب.
قيس: حضن امه وقالها ربي يطول في عمرك.
رانيا: جنان طالعة غزالة يااختي.
جنان: حتى بعد للي عرفتيه مازال تقولي اختي انت الحاجة الوحيدة للي فرحانة بوجودها في حياتي.
رانيا: معاش تقولي هكي مازال عندك حياة تستنى فيك مع راجلك ونشوفك مرة ثانية فرحانة وسط صغارك.
جنان: ابتسمت رغم انها مش فرحانة...
فهيمة مقعمزة مع غزالة فرحانات ....
خشت رانيا: حسيت بشعور المقطوع من شجرة مافيش حد عدل عليا ....خشت جنان ناضت امها وعمتي يزغرتوا وجعني حالي .....
شوية وجت خديجة وكميلة مع قيس روحوا بي رانيا....
صفاء: خلي نولعوا المنظومة ونديروا جو.
محسن: تروح ع الساكت زيها زي اختها مافيش فرق بينهم.
محمد: خش وهو مش معدل عليها وشد يدها وروح بمرته....
قيس: نوعدك انه نعوظك ع كل شئ انت بنت خالتي وحب الطفولة ،نوعدك نخاف ربي فيك.
رانيا: ابتسمتله وعرفت انه هو الشخص الصح.
محمد: اسمعي هما كلمتين مافيش غيرهم اي حد يسألك شن وضع محمد معاك تقولي زي العسل وراك تستني انه نحبك في يوم من الايام.
جنان: نزلوا دموعي لانه كنت عارفة شن يستنى فيا معاه.
محمد: فكيني من دموع التماسيح اهيا شبعت منها فوتيه ع غيري.
محسن: عندك اسبوعين وتطلعي تقلبي وجهك من الحوش معاش نبي نشوفك.
فهيمة: هههه هذاك قبل توا الحوش بإسم بنتي ولا كانك ناسي نفكرك.
محسن: اهو قولتيها بنتك للي عمرها ماحباتك ولا رح تحبك نبي نفهم شن طينتك بالزبط .
فهيمة: مش مهم تفهم نخليك توا عندي ماندير.
كميلة وخديجة مقعمزات مع بعض...
خديجة: هذا وين ارتحت بعد قيس تزوج رانيا اتهنيت عليها وافتكت من حوش النكد.
كميلة: ايه والله .
صفاء: شن مش ناوي تسافر انت ومرتك زي اختها.
محمد: شن اختها وين سافرت .
غزالة: عقرب زي امها تركيا يافالح حتى انت برا حتى لتونس .
محمد: مش طالع برا من الحوش.
جنان: شفت اللمعة في عيونه لما جابوا سيرة رانيا التقعميزة كلها وانا ساكتة .
سالم: خيرك يابنتي هدرزي توا خلاص وليتي من العيلة.
جنان: انا طبيعتي قليل مانتكلم .
حنان:الو فهيمة شن قالوا زوجتي بنتك بدون ماتعزمي اختك.
فهيمة: اختي للي تكرهني.
حنان: عارفة روحك شن دايرة باش يكرهوك .
فهيمة: شن سبب الاتصال اهو.
حنان: نشم في رائحة شياط قلت نفكرك انه انا مستعدة نفضحك .
فهيمة: ناقصني غير انت توا، وسكرت الخط.
محمد: الحوش للي مسجله خالي بإسمك غدوا بنمشوا تكتبيه بإسمي...
جنان: انصدمت هوا منين عرف الموضوع متع الحوش.
محمد: اكيد في بالك تسألي كيف محمد عرف كيف كيف ....خلي نحكيلك كيف يوم في الليل جيت نبي خالي وفجأة هب نلقى امك الشريفة العفيفة مع راجل .....
جنان: حسيت قلبي وقف لما قال هكي ودموعي بدوا ينزلوا...
محمد: لالا ،راك تبكي مازال خلي نكمل الباقي المهم من هوا ،راجل خالتك حنان للي تكره امك ومصباح راجل خالتك شن علاقته بأمك ....امك
زااااانية ....وانت للأسف بنت زنا يعني ياالحوش
يااعتبري روحك مفضوحة ....
جنان: حسيت الدنيا تلف بيا وضاقت عليا ،علاش
شن ذنبي انا ايصير معاي هكي....اطلع نبي نغير وباش نمشوا نتنازلك ع الحوش...
محمد:شاطرة هكي نبيك خديت مفتاح السيارة وطلعت نولع فيها .....عطلت قلت يلا خلي نمشي نضبح عليها .......