رواية يوميات دودو وعفركوش الفصل الاول1بقلم هدي محمود
البدايه/بنت فى سن 18 سنه اتخطبت وبعدها بفتره صغيره اتكتب كتابها والدنيا كانت فل وعنب ع الاخر لحد ما ف يوم اتغيرت حياتها واتقلبت فوق دماغها مبقتش طايقه خطيبها ولما بتشوفه بيركبها قرد 🐒🐒ونفسها تسيبه بأي شكل ومهما حاول معاها او ابوها كلمها هى مصره على موقفها لحد الخطيب ما زهق ووصل الامر للمأذون وفعلا راحوا وطبعا المأذون لازم يقول خطبته الى بتنصح ويوعظ وهى على نغمه واحده مخدوش يابابا مخدوش يابابا ولان عمو المأذون كان ليه نظره ف الناس طلب يقعد مع البنت لوحدها يسألها ايه سبب إصرارها يمكن يعنى فى حاجه محرجه تقولها قدام ابوها وبدأ اسألته هو عمل معاكى شئ خاطئ وهى تقول لا طب يابنتى ايه السبب وهنا كانت المفاجأه الكبرى
قالتله اصله قليل الأدب ومش محترم
المأذون طبعا دماغه عملت ايرور الاااه ازاى يابنتى معملش شئ خاطئ وبتقولى قليل الأدب
البنت وهى وشها جايب الوان 🙈🙈🙈 قالتله اصله بيجيلى ف المنام يدخل عليا الحمام وانا باخد شاور 👨🦲👨🦲
المأذون سألها بيكون امتى الحلم وبيكون خطيبك بنفس هيئته دى وكانت الاجابه يوم الخميس بالليل وطبعا خطيبها بيجيلها يوم الجمعة الصبح وكان بيجى اطول واضخم من حجم الخطيب وعيونه مبرقه بشكل مخيف 👹👹😱😱 ياسنه سوخه ياولاد انا خوفت 😫😫😫
وهنا فهم المأذون وطلب منها تجيب كبايه ميه وتشرب نصها وبعد ما عملت كدا خد باقى الكبايه وقرأ عليها قرءان وطلب منها تشرب تانى عملت كدا بس المرادى كانت الميه مره علقم بطعم الصبار (يع انا بطنى وجعتنى)
طلع ايه بقى ياحلوين مصيبه مقندله بستين قطران حد ابن ستين تييييييت مستكتر العريس ع البت الغلبانه (مش عارفه على ايه 😏😏) وقام عملها عمل سف.لى وسلط عليها اهل الارض وساكنى المرايه والحمام وسى عفركوش افندى هو الى كان بيجيلها ف هيئه جوزها
حسبى الله فيهم وف الى جابوهم يالا الله يحر.قهم مطرح ماهما موجودين سواء حايين او ميتين
المهم عشان مطولش عليكم المأذون نصحها بشويه حاجات تعملها اهمها ولا تاخد شاور ف الحمام ولو دخلت مش تقفل عليها الباب نهائى ولا تبص ف المرايه (احيه أومال البت هتنضف فين ياعم الحاج دى كدا هتنتن) والحمد لله الامور اتصلحت بينهم واتجوزوا