عدت ليلة الزفاف على خير بكل بلاويها وحلوها
وابتدت الحكايه من تانى يوم وحصل زى ما بيقولوا ف المثل الايه اتقلبت وبقى العريس مش طايق عروسته
(شكلى نقيت ع العريس ولا ايه 🤔🤔)
والبيت كان هيتخرب بعد رابع يوم زواج لولا لطف ربنا وتدخل الاب واللى رجع يعمل بنصائح المأذون ايام الخطوبه واهتدى الحال لحد السبوع (احيه 3 ايام عسل بس قلبى عندك ياختى)
ونزل العريس الشغل
هو يخرج من باب الشقه من هنا ويدخل عفركوش افندى من هنا (يخربيت عفريت انت مش كنت غورت😫😫)
وبرضوا بيجى على هيئه جوزها ورجع من الشغل
مره يقفلها جمب حوض المطبخ وينده عليها عشان تروحله ومره يقفلها جمب المرايه ومره يقعدلها على ركبه قدام السرير متنح ليها (يانهار اسوس عليا وعلى سنينى) وكل مره كانت بتحا.رب بكلام الله وادعيته
بس هو مش يأس (مصمم اوى عفركوش دا يحرقه)
لحد ما كرهت تقعد ف بيتها جوزها ينزل من هنا وتقوم تخلع هى من هنا وتنزل تنام ف حضن امها ومترجعش الا لما جوزها يرجع وفضلت ع الحال دا لحد ما ولدت اول بيبى وساعتها اختفى عفركوش فتره (الظاهر فقد الامل انها تروح معاها الاهى يتهد حيله البعيد)