رواية عشق الثأر الفصل الثاني والعشرون22بقلم مينة طلال
- عاندت الحجي واني الجنت خسران
ماادري اليحبً مًنِ گلبه يتبهذل ..
______________________
قبل اسبوع / العراق
اسحاق
راسلت سليم كلتله اريد اجي مارد عرفتة نايم نمت واني اخطط شلون راح التقي بيها وشلون راح يكون اللقاء شنو راح احجي شسوي
كل تفصيلة فكرت بيها نمت واني احلم بكلشي فزيت على اتصال جان من سليم
- الو
سليم : صباح الخير كلت اكعدك لدوامك وهم نحجي
باوعت للساعة ب٧ فتحت مايك وكمت : صباح النور حبيبي ، عاشت ايدك شلونك شلون وضعك شجاي تسوي هناك..
- هسه تجي وتشوفني شسوي
ضحكت وكعدنا نحجي ونتفق شلون نلتقي ودعتة وسديتة منه حتى اروح لدوام سويت جاي شربت وطلعت بسرعة خلصت حتى اروح لجوازات اجدد جوازي
رحت للمعاملة جاي انتضر سرة خابرتني دموع
دموع : الحكني اسحاق راح اموت
كمت خايف عليها صحت: شبيج اذا شقة لو مفاجاة بطليهن دموع ترة كلبي يرجف عليج لاتسوين هيج ، شـَڪو شبيج
دموع : مااشاقة ولعباس بطني جاي تملخني الحكني والبارحة التحق يس استحيت اخابر اهله
عفت جوازي اطيت اجور ورحت ركض يمها وصدك من وصلت دكيت الباب طلعت صباح مبدلة سلمت رسمي وطبيت ركض لكيتها بالمطبخ هيه بسابع صارت بطنها لخشمها وتتلوة نكسر كلبي عليها سندتها اكومها صباح جايت زيد شالته جان نايم حطته ورا وساعدتني كعدنا دموع يمي وسقت بسرعة للمستشفى مالتها..
- صباح خابرتي دكتورتها معقولة عدها ولادة ؟ شنو سالفة هستوها بسابع
صباح : خابرنها تنتضرنا بالمستشفى كالت تشوفها وتقررر
سكتت ولزمت ايد دموع واسوق عين عليها وعين على الشارع شـَڪو شي يجي بحلكي احجي وبكلبي ادعي على امي الخلت بنتها الوحيدة تعيش اصعب ايامها بدون امها .. اذكر صباح طول ولادتها امها وياها تعلم وتساعد وتخفف تحسرت على وضعنا
وصلنا للمستشفى طبكت وركضت للطوارئ اطلب سدية ركضو وياي الممرضين حطيناها وصباح تركض خطية اخذت منها زيد الكعد متنحس وركضنا لكتنا الدكتورة طببتها للغرفة
ضليت برة الوب رايح جاي صباح جانت ولادتها طبيعية وامورها كلها تمام ماخفت عليها بس دموع بسابع وتوم وضعها صعب راحت روحــي خابرني يس
يس : حبيبي شلونك
سكتت ماادري اكله بهل وضع خاف خطر علية جاوبتة احاول ابين طبيعي : حمدلله انت شخبارك شلون الوضع يمك ، ماتكلي منين طلعتلي سالفة الجيش هاي
يس : حلم وحققتة ياخوية
سكتت كال : اوصيك بدموع ولو انت ما تتوصة البارحة معجبتني مدري شبيها ، بعد اخوك اذا صارلك مجال تمرلها..
- ماتحتاج توصيني لا يضل بالك
جاي اريد انهي الموضوع واسدة الخط طلعت ممرضة مستعجلة كالت : بطلين دم نحتاج للمريضة
حطيت ايدي على المبايل بس سمع للاسف وكبل كال : وينك إسحاق شعدك بالمستشفى، يامريضة هاي دموع بيها شي ، صباح ؟ احجي منو شـَڪو شصاير
- ماكوو شي اهدء ، بس دموع توجعت وجبتها لدكتورتها
يس : لاتجذب ؏َـليۿ شبيها دموع
سكتت مااكدر اصبرة واني كلبي نار عليها : باوع احجي ويا صباح راح انزل اجيب دم
اطيتها المبايل ونزلت للمصرف مال دم سحبت مني وبدلتة بدمها اخذت بطلين صعدت نطيتة للمرضة كعدت بالكرسي شوية بعيد عن صباح مدتلي مبايل
اخذت منها بس وجها مايتفسر مااهتميت هيه ما سكتت كبل كالت : راح تسافر وراها ، مو كلتلك انت بحياتك محبيتني ولا راح تحب غيرها ..
سكتت وهيه سكتت ضليت انتضر دموع ومابالي احد غيرها ساعة تقريبا وطلعت الدكتورة
كمنا يمها كالت : شوفو مبدئياً اعتقد هيه جاي تتعرض لضغط او تعب جسدي او نفسي
صباح : دكتورة ولله ممخليتها تلزم شعرة بس نفسيتها تعبانة بسبب زوجها التحق بجيش وهيه من يومها ممرتاحة..
- اي شوفي هل شي خلاها متوترة ومتشجنة واثر على حملها سلباً خاصتا انو هيه حامل بطفلين فا المطلوب يحاول زوجها يمنحها الطمأنينة والسلام هل اشهر الاخيرة ، لان حتكون جداً صعبة عليها
وهم صار عدها نزف ليل سبب هل وجع سيطرت على الموضوع
الباقي يمكم اريدها ترتاح جسدياً ونفسياً ..
- نكدر نشوفها
- بس ترتاح
اشكرت من الدكتورة خابرت يس حجيتله كلشي بالتفصيل كال الله كريم سديتة منة وكعدت مقابيل الغرفة كلت لصباح : اجيبلج اكل شي مي
صباح : الاحسن ترجعني للبيت اسوي اكلة لدموع تسند روحها احسن ، هم زيد تبهذل بنومتة
هزيت راسي شلت زيد حطيته على كلبي ابوسة كعدو يمي بسيارة رجعتها للبيت ورجعت للمستشفى
دموع جانت نايمة على المهدئات طبيت شفتها حبيبة اخوها نايمة مثل الملاك دكت صباح تكلي كملت الاكل وصيت ممرضة نطيتها فلوس ورحت اجيب الاكل بطريق خابرني سليم
سليم : ها بشر خلصت جوازك
- يمعود ليش اني مثل البشر أفرح بشغلة
- شـَڪو لطمت
- جنت بالجوازات وخابرتني اختي عدها وجع وهيه حامل اخذتها للمستشفى ومن صبح يمها لو تطلع لو تبقى اليوم
- وين زوجها لعد
- التحق بجيش ، وحتى لو موجود من كل عقلك سليم اعرف اختي بالمستشفى واروح اسوي جواز
- حقك ، حمدلله على سلامتها مابيها بس العافية
- الله يسلمك حبيبي جاي اتعبك وياي
- نجبب
ضحكت وسديته وصلت لبيت دموع دكيت الباب اجت صباح لابسة حجابها طبيت اخذت الاكل جاي اطلع كالت : اذا رحتلها كللها عفت عائلتي لخاطر حبج ، خليها اتقدر هل حب
- صباح ، حجينا هواي وفهمتج الموضوع
- واني من اول يوم فهمت ، فهمتك اكثر منهم كلهم انت حبيتها وماحبيت غيرها
سكتت وطلعت رجعت للمستشفى طبيت يمها نايمة خفت رحت صحت الممرضة كالت طبيعي جسمها بعده بالمهدئات
رجع خابر يس ماخذ اجازة وكلتله وضعها صليت يمها وضليت كاعد انتضرها تكعد
اجت الممرضة بدلت المغذي وراحت سالتها شوكت تكعد كالت بعد
طلعت برة المستشفى ادخن فتحت مبايل طبيت للانستا شفتها ناشرة شكل كتابها
ضليت اباوع على الستوري تشجعت وكتبتلها بالتوفيق
مااجاني رد او رفض
هل شي شجعني اكمل بالخطوة الي اريد اسويها
ساعتين اجاني يس كعدنا برة اجن ممرضات كالو كعدت بس شافت يس فرحت سلمت عليهم واطمئنيت عليها ورجعت للبيت
خابرت سليم سولفنا واساني ونمت
كعدت الصبح بالي بس يم الجواز خابرت دموع كالو تطلع يومين وحالها استقر رحت للجواز خلصت واستلمت الجواز حسيت قطعت المشوار نصة
رجعت للبيت حضرت جنطتي اني واحابر بسليم اخذت اجازة وخلصت كلشي بقى بس اقطع تذكرة
مراح اكدر اسافر مباشر لامريكا جان لازم اسافر دولتين يلا اوصل
حجزت تذكرة بعد يومين كلت اودعهم
واكضي وقت ويا اختي وابني بين مااروح
نمت وكعدت بليل سبحت وبدلت وكلت اكللهم على سفري اليوم..
قفلت البيت ورحت لبيت دموع دكيت الباب طلعلي يس بس وجهه ثكيل استغربت منه بس كلت يمكن من ورا وضع دموع متعبة
سلمت وطبيت صحت يالله هل مرة اول مرة ادخل ومااشوف دموع بالمطبخ ترحب بية نعصر كلبي حسيت هذا البيت كلة بدون فايدة
يس كلي تفضل محد غريب طبيت لغرفتهم جانت متمددة بس كاعدة يمها صباح وزيد شلتة بستة وخليتة بحضني
سلمت صباح ماجاوبت بس طلعت كبل اني كعدت يم دموع
لزمت ايديها وبوستهن
- شلون صرتي يروح اخوج
ليش هيج تعبتي روحج ، راحت روحــي من شفتج هيج ولله ردت اموت..
دموع : علمود هيج راح تعوفني
جرت ايدها مني ودارت وجها تبجي
عقجت وجههي اباوعلها : شبيج منو عايفج ، حبيبتي شبيج منو وياج
دموع : انت انت وياي ، وين رايح وعايفني واني ماعدي غيرك
صفنت عليها بـﻋـَدين ضربت بعقلي صباح كايلتلهم : باعي مرايح دوم شهر وراجع
- وتعوفني وشفت وضعي ؟ منو الي غيرك ام اب؟
- وداعتج احاول اقل الشهر وارجع
- يعني صارت مروج هيج مهمة ؟ بحيث اتوسلك تبقى يمي وتختارها! روح خوية روح ، او اكلك لاتجي بعد ضل يمها خل تشبع بيك وتفرخ دودتها حتى بيتك هجمته علمودها..
أسحاق : دموع لهنا وكافي ، مريضة وتعبانة ومقدرج ، بس لا تصيرين مثلهم وتشبجين شي بشي ، انتي اكثر وحدة تعرف اني شنو وشسويت وشكد قدمتكم على نفسي
- روح اسحاق روحلها هاهيه لوًاموت واصير بفراش الموت مااكول بعد عدي اخ واصيحة
كمت منها استغفر وافتر على روحــي طلعت روحــي بحجيها ولله لو غير واحد تمنيتها ولد واحد غريب واركعة بالكاع يس حجة بثكل : ابو زيد اخذ راحتك شوف حياتك من حقك ، لاتخاف عليها اني اخذت اجازة طويلة واذا اطريت اعوف شغلي واكابلها
هيه بجت واني ماتحملت هل ضغط عفتهم وطلعت ركعت البوب وطلعت لشارع صعدت بسيارة وكمت اسوق وامشي بس ماادري وين بس امشي اريد واحد يدليني ينصحني شسوي ماادري
خابرني عمي جاوبتة : ها يابة
هاشم : شوكت تسافر اسحاق
- بطلت يابة راح الغيها
هاشم : لا تلغي ولا ابد شوكت رايح
- بعد يومين المفروض
- راح احجي وياك هسه وبعد كلمن عقلة براسه ، شوف وليدي صح انت عدك ابن واخت واقارب وناس تحبك ، بس هذا كله مراح يفيدك
اذا انت محبيت نفسك ، صارلك سنين تقدم وتضحي ليش من قررت تفرح كلها وكفت بوجهك؟ اذا تسالني يابة اروح ؟ راح اكلك روح ولكلب داعيلك من حقك تعيش وتحب وتنحب ليش ضال معلل وعايش وحدك خانكتك الدنيا روح حب وعيش وافرح
- عمي ودموع حجت حجي قوي كسرت كلبي
- معليك بالحجي ، يبقى حجي تعرفها تحبك وحجت بدون تفكير روح كلنا يمها شنو راح نعوفها؟ روح بابا
- ماادري يابة حرت بزماني
- ولاتحيرر الي تحسة صح سوي..
سلمت علية وسديته وصفنت ويا نفسي : صدك مو كافي كل هل سنين واني اقدمهم على روحــي شوكت اعيش اني ؟
رجعت للبيت قفل المبايل وطفيت الجرس والاضوية كلهن عدي حبوب مهدائات شربتهن ونمت ماكعدت وكل مااحس روحــي صحيت ارجع اجبر روحــي انام لحد ماحسيت جسمي نمل
كعدت ب٣ ونص العصر كمت امدد بجسمي .. اخذت فرة بالبيت حطيت جاي على النار وكعدت ادخن وصافن علية فار طفيتة وطلعت كلاص حتى اشرب واشوف باب الداخلي يندك..
عفت الجاي ورحت بس فتحت الباب صار يس بوجهي
يس: صدك جذب لا تفتح باب لا خطك مفتوح ، تريد اختك تموت
- تفضل يس
- شتفضل غير لبارحة من طلعت نصبتها جادر دموع ، نوب خابر عمي هاشم مدري شحاجاها خلها بزايد تبجي وتون اتصل عليك ماكو جبت للبيت اظلم وين جنت؟
- بالبيت بس مطفي
- امشي وياي للبيت هناك تاكل
- ماالي خلك يس خل اصحصح واجيكم روح انت
- مااتحرك رجلي على رجلك
عفته صبيت كلاصين جاي اطيتة وكعدت ادخن واشرب وهوه يباوعلي : وتالي اسحاق صدك رايح
- بس ارجع
- روح خوية هسه مااعرضلك بس خلي اختك بالك
- اختي بروحي يس مو بس بالي!
عفتة بدلت وطلعت ويا رحنا بسيارتة طبيت للبيت واشوفها كاعدة بالحديقة على الشمس بس شافتي بجت رادت تكوم ماكدرت رحتلها ركض حضنتها وهيه بس تبجي خلبتني
- كافي كافي ، بطلت مااروح بس سكتي
دموع : لا لا روح ، بس هاي هرموناتي هيج تخليني
ضحكت عليها حضنتها وكعدت يمها حجينا ، ويس جاب اكل من برة ، اكلنا وضلينا لليل استاذنت ورجعت للبيت ..
نمت وجانت طيارتي ثاني يوم بليل ..
الصبح رحت للشغل سلمت الشغل العدي لتلاث ولد اعرفهم ، سلمت على المدير وكملت الاجازة ، طلعت من الشغل اخذت حلويات وفواكه ورحت لدموع ، كلت اضل يمها للمغرب وبعد اطلع
رحت يمهم تغدينا وكعدنا العصرية نسولف ، اجه عمي وعمتي والولد صارت جمعة حلوة قبل لا اروح، قبل المغرب ودعتهم ورجعت لبيتي ..
طلعت جنطي وغراضي رتبت وضعي ، جيكت كلشي وطفيت الكهرباء من الرئيسي ، شلت الغاز وتاكدت من كلشي قفلت وتوكلت على الله
خابرتني دموع كتلها بطريق المطار ضلت تدعيلي سلمنا وسديتة ، كمت اباوع على الشوارع وافكر ، معقولة راح اشتاق لهل بلد؟..
الي اخذ طفولتي وشبابي وسعادتي ، الي استخسر بية الفرح ، القنل ناسي هم راح اشتاقلة ؟ يمكن اشتاق للناس التخصني بس الة لا..
وصلت للمطار خابرت سليم كالي راح تاخذ يوم يلا توصل فهمني وعادلي كلشي كلتله تمام وسديته
اخذت كهوه من المطار كعدت اشرب وطبيت للانستا شفتها ناشرة توقيت انو مابقى ٣ ايام للحفل مالتها ، همزين اكدر اوصل نفس اليوم..
ساعة صاحو طيارتنا اخذت جنطتي تفتيش واجرائات طبيت للطيارة ، جانت اول مرة اسافر وحدي لطريق جديد ومجهول ، اني صح رايح بس احتمال انرفض واتفشل اكثر ..
طارت الطيارة وضليت اراقب بالجو ضلمة مااستفاد شي باوعت للفلم الي مطلعي بشاشة ممل تندمت لان مجبت كتاب شي طلعت حبوبي اخذت حبة ونمت كعدوني المضيفات تعذرت منهم وكعدت ..
نزلنا نستلم الجنط وصلنا لتركيا
اول ماطلعنا من المطار كفختني البرودة والثلج دخيلج يام الحسن ماعرف شسوي بروحي اجرت تكسي وحجيت ويا اجنبي شي يفهم وشي لا وصلني لفندق واني ركضت بس ردت اطب لمكان دافي ، شـَڪد نكول لعراق بارد طلع لاشيء يم هذا البرد العشتة
اخذت غرفة ابقى بيها بين مااحجز لامريكا منا لكيت حجز بس باجر الصبح حجز وخابرت سليم كلي استكشف ويضحك واني اغم بي..
- ولك شستكشف متت متت برد ، دخيلك ياعلي ، عود هم نكول بعد العراق بارد
سليم : اني صار عدي البرد زلاطة
- اي انت وهذا القبوط اللابسة
ضحكنا وكلتله : هسه مو ربيع شنو هل يرد؟
- غير يمك البحر شتريد لعد
- ماادري ولك جبت شتوي بس مايدفي يمكن انزل اشتري ملابس
سليم : اشتري اني من اجيت جايب كله صيفي واكلتها
طلعت من الفندق اخذت تكسي وكلتله اريد سوق ملابس حسيتة فهمني نزلني يم مول اطيتة حسابة وهزيت ايدي : نقطينا
- اني جيت بااسطنبول وتعتبر عاصمة تجارية الشغلة كلها بدولار استسلمت واخذت كم جاكيت وبلوزات ثكال واحذية
كعدت بمطعم اكلت افتريت ورجعت للفندق نمت حتى اكعد من الصبح وماافز الة على اتصال سليم الساعة ب١٠ ضليت الطم
سليم : ها اسحاق بشر
- صخام بعيني راحت علية الطيارة
- هنيال امك احجز غيرها ولك باجر لازم هنا انت
سديتة منه دورت لليل اكو حجز يـ؏ـنـʊ̤ اوصل هناك العصر كلتله كال عادي
حجزت بس ڪُلـش ضجت شـَڪد تعرقلت شغلتي
نزلت امشي بشوارع مجاهل البرد حالي حال الطفل من يضيع اهلة لاافتهم اللوحات التركيا لا الحجي لا اللغة حطيت سماعة اعصابي تلقت ضليت امشي وكمت اشوف جسر علية هواي ناس وهوه ڪُلـش بارد
تقربت منه واشوف البحر الجسر اليطلع بالمسلسلات شـَڪد فرحت رحت وكفت كدامة غمضت ؏ـيونَيي مجاهل كل شي حتى عقلي مااريدة يفكر ردت استمتع بالحظة طختني بنية فتحت
- ممكن تصورنا؟
ضليت اباوع عليها هيه عبالها ماافتهمت حجت بالتركية مجاوبت هزيت راسي انطتني المبايل صورتها هيه وبنية وياها كم صور اشكرتني وراحن
رجعت غمضت اجة رجال بالعربانة يبع اكل تركي اخذت فطيرة حارة وكمت اكل وامشي اخذت كهوة وتحسنت نفسيتي عن الصباح صار العصر رجعت للفندق
لميت غراضي ونزلت حاسبتهم وطلعت وصلت للمطار المغرب وكلت ميخالف اضل لليل المهم ماتروح علية هم..
٤ ساعات بالمطار يلا صاحو طيارتي تعبت تعب نوب ماادري شبي جوازي ضلو يرجعوني وعافوني انتضر طلعت روحـي ماصدكت من طبيت للطيارة بس استقريت نمت ماكعدت اله اني بجو
من سالت المضيفة كالت ساعة ونوصل بامريكا تكون الساعة ب٤ تقريبا
ضليت اباوع للجو ومن هبط الطيار جان محترف وهبط بشكل مميز وحلو كلهم حبو سياقته ، نزلنا وبس طبيت المطار شفت سليم منتضرني عفت غراضي وحضنته من كل كلبي شـَڪد حسيت بالوحدة هل يومين..
اخذتي بسيارتة لمحل بدلات رسمية اختاريت بدلة ورحنا بوجهنا للقاعة الي مسوية بيها حفل مروج طبينا وضلينا ساعة ننتضر يلا اجت
اباوع على تفاصيلها وعيوني تاكلها عبالك من الحب والاشتياق..
صعدت تلقي كلمتها اخذت عصير شربت واني اباوع عليها
جنت متمتع بتفاصيلها لحد ماندارت الكامرة ؏َـليۿ
بس شافتني صفنت ؏َـليۿ واني صفنت
حسيت عيوني حجتلها كلشي هيه ابتسمت بس
مااعرف ليش يمكن جاننت حاسه راح اجي..
خلصت كلمتها ونزلت يم عمها كاموً العراقين يسلمون عليها ويهنوها مشيت سلمت على قاسم..
- شلونك استاذ
باوعلي بين المتفاجأ والمصدوم كال : اسحاق شجابك هنا ؟
- اجيت اسلم عليك مشتاقلك ، ميصير ؟
باوعت لمروج مجاهله وجودي عبالك بس صوت كال : اهلا بيك تشرفنا
باوعت لمروج كتلها : مبارك الكتاب ان شاءالله يوم تفتحين معرض كامل
باوعتلي وعيونها تلمع كالت : شكرا
عفتهم ورجعت لسليم البس مبتسم مدري على شنو ، شاف بنات اجنبيات راح يحجي وياهن
ضليت واكف بطاوله شفت قاسم صار بعيد عن مروج يحجي ويا الوزير اخذتها فرصة ورجعت يمها..
- طالعة تخبلين
مروج : ميخصك
- من شوكت ميخصني من يومج وكلج تخصيني..