رواية عشق الثأر الفصل الثالث والعشرون23بقلم مينة طلال
- يايعد الما يرمشن من يشوفنج..
__________________
أسحاق : مروجي ، حبيبتي باوعيلي
دنكت عيونها رافضة ترفع وجها تباوعلي رفعت وجهه بيدي نزلت دموعها مسحتها بيدي : اش ، الله ياخذني ولا اشوف دموعج بسببي..
مروج : روح اسحاق ، بالكوة رجعت وكفت وراك ، لاترجع تكسرني ، ماعدي قوة بعد
- مااعوفج اني مروج. ليش ماتفهميني ..
- انت اصلان عفتني اسحاق
- ولج اني
قاسم : ها اسحاق ؟ اشوفك رجعت ؟ شتريد منها ممكن افهم ، كافي اطيتك فرصة وضيعتها .. مراح اجازف بيها مرة ثانية ، ياريت تاخذ سليم وترجعون..
احمد : استاذ بس الوزير رايد يودعكم ..
- اخذ مروج من ايدها ومشو بتجاه الوزير رحت لسليم الي صلطن ويا العصاير والنسوان
- سليم امشي نرجع
سليم : ها الفاهي مادبرتها ولك هسه حصلت سبع ارقام وموعدين ، وهاي العراقي التتقشمر ماقشمرتها..
- شنو اقشمرها سليم ! لك غير قاسم يفتر فوكاي ، هيه هينة عبالك؟
- دبر روحك اسحاق ، صالحها اليوم اني ضال ويا هاي الشكرة تريد نركص سوة ، نوب نسيت اسمها كمت اخبط
هزيت ايدي ورحت اقتربت اكثر من مكان مروج جانت تحضر تصعد مرة ثانية حتى توقع كتابها والناس تاخذ وتوقعلهم
رحت بالسرة الاولى مشو كدامي اربعة وكفت كدامها
- ممكن توقيعج ست
مروج : وتالي؟
- اريد اقرة الكتاب ممنوع؟
- لا من حقك
اخذت نسخة منها وقت وقدمته الي كتلها: اكتبي اهدء
تأفأفت بملل لحظة جان يطلع على وجهه ابتسامة شريرة كتبت وسدتة وانطتنية اتعمدت من اخذه الزم ايديها هيه رتبكت واني ابتسمت ونزلت رحت لسليم جان قافل مايرجع طلعت اخذت سيارتة وطلعت افتر بشوارع..
وين اروح ماادري شسوي مااعرف ، اني راح اوصل لشي هنا لو راح اضل مثل الجهال الضيع اهله؟
شفتها سالفة تعبانة اربط روحــي بسليم خاصتاً هوه متجه للنسوان والشرب مراح يفيدني خابرت عمي يأمنلي بيت وحجيتله كلشي دلاني على بيته وكال يخابر صاحب العمارة يطيني المفتاح..
جان شوية بعيد عن مكان الحفل بس ماهتميت طلعت بالخريطة ومشيت على الموقع من وصلت جانت منطقة هادئ عبالك مابيها بشر ، طبكت السيارة ودكيت الباب على الحارس ، جاي احجي ويا واشوف سيارة طبكت مقابيل البيت الي مفروض اكعد بي
نداريت من باب الفضول وانصدم من اشوف مروج طبكت وجاي تنزل من سيارتها
طبيت بيت الحارس مترجي مايحجي ، هوه نصدم بسبب اختبائي يمة ميدري شنو غايتي ضليت ارقبها نزلت طلعت من جنطتها مفتاح فتحت الباب وراحت..
طلعت واني صافن على بيتهم : يالله شهل صدفة هاي
الحارس : ابني شبيك؟
- عمو اعذرني بردت شوية وطبيت يمك
الحارس : عمي هاك مفتاحك وتوكل ، دير بالك ترة هنا مو العراق اقل ابلاغ يشمروك ورة الشمس..
- شنو قصدك؟
- قصدي شفتك ختلت من شفت ست مروج ، اذا عدك شي وياهم او بالك شي انصحك وانت بكد ابني لا تورط روحك ، هذا عمها جان مدري شني حزبي مدري شنو بالعراق وبس يلمحك بعد الك الله ..
- عمي ماعدي شي وياهم اني ، انت تعرفهم من شوكت؟
- صارهم سنين عايشين هنا ، مااعرف ڪُلـش بس من بعيد..
- خوش عمو ، اطمئن ماعدي شي وياهم..
اخذت المفتاح منه وطبيت خابرني عمي حجيتله كلشي وهم حذرني هوه مثل الحارس ، بس استغربت من طلب مني انام بغير غرفة ومااطب غرفته ، سلمت وسديته
ماهتميت ولا وصلت غرفته اكو غرفة ثانية جانت مرتبة تمددت بيها افكر ، هسه شسوي؟ عفت كلشي واجيت علمود شنو ؟ وشراح اسوي وشنو اريد
حاولت ارتب افكاري كمت افتر بالبيت جان مرتب لان مصارلة هواي عمي من اجه ، رحت وكفت اباوع من الشباك مال صاله مطل على الشارع صار كبالي بيت مروج ، نتبهت البيت كله طافي الة غرفة تصير نهايتة ضواها مشتغل..
حاولت اجاهل السالفة راسلت دموع كتلها وصلت لان الوقت تاخر وخفت نايمة ، كبل جاوبتني خبرتها حجينا وسديته .
رجعت باوعت الضوة مشتغل ، عقلي كلي روح شوف ، لبست كوت وشفقة وطلعت مجاهل نصايح العم والحارس ، وصلت لبيتهم كمت امشي على كيف الجو حيل بارد والمنطقة ظلام الي يشوفني مليار بالمية يكول حرامي ..
وصلت بسرعة للغرفة جان بيها برردة بس شوية من النص مكشوف باوعت واشوف مروج حاطة كتابها وورقة بصفها ترسم
نسيت كلشي وضليت اتأملها بالساعة ندك بابها صمت الورقة وكامت واني بسرعة الضوء عبرت من ورا بيتهم ورجعت للبيت
طبيت وعقلي وروحي يمها ، خابرني سليم هزيت ايدي هسه تذكرني بس جاوبت كال
سليم : خرة ب*** خرة *** وينك وينك ، من كل عقلي كلت ضاع ، وين وليت
- رحت لبيت عمي
- ياقندرة منهم
- لا سليم هذا الوحيد الزين
- مااعرفة ، المهم وينك ماضل عقل براسي ماضل شي ماتخيلته
- بيته حاليا
- ليش ؟ مو عساس تبقى يمي؟
- سليم ماريد اضايقك
- روح اسحاق
سدة بوجهي ضليت اعصر بالمبايل ، حقة يزعل بس اني ماترهم اعيش ويا ، سليم حيل متغير مو هوه ، واني مجاي اتونس جاي بالي هدف
كمت طفيت ونمت تعبت حيل كعدت الصبح المبايل يدك شفته سليم جاوبته : ها يعني راح تحبس روحك يم عمك؟
- سليم نايم نايم
- نامت عليك طابوكة ، كوم صحصح ودزلي موقعك حتى اجيك
- شلون تجي مو اخذت سيارتك
- عدي غيرها
ضحكت وكلتله تمام سديته وكمت غسلت رحت للصالة كبل باوعت على بيت مروج ماكو حركة رحت للمطبخ شفت عمي حاط مكينة كهوة سويت سادة خليتها بالكوب ورحت رجعت اباوع واشوف مروج طالعة من البيت ويا قاسم وشايل طفل
وكع الكلاص من ايدي دمر الدنيا واني ؏ـيونَيي مفتوحة عليها ، ابن منو هذا؟ معقولة ابنها؟ زين منين جابته
الشيطان لعب يعقلي لعب ، خابرت سليم كلتله لاتجي وطلعت من البيت ظام وجهي مشو سيارتهم لحكتهم اباوع للطريق وكفو كدام مستشفى، نزلت هيه وهوه راح يطبك اني وكفت كبل ورحتلها ركض
- مروووج
مروج : اسحاق ، شنو سالفتك راح تضل لاحكني ؟
- ابن منو هذا
باوعت للطفل الي ابتسم ومد ايده على وجها واني محترك وي اشلة واشمرة بشارع باوعتلي صفح وكالت : ميخصك
جريتا من ايدها واني اعض اسناني : مروج لاتختبرني صبري
هيه توجعت جرت ايدها تفركها والطفل ضل يبجي : ابن عمي وخر ، عبات لهل ايدة كسرت ايدي
- مروج
قاسم : شعدك هنا
باوعتله وبلكوة لزمت روحي مااطلع خبالي علية كلتله : بالعافية وبالخير يتربة بعزك
- مشكور ، اسحاق وخر منها ، خلي النفس طيبة عليك
- واذا ماوخرت؟
باوعتلة بتحدي
- وكتها ترجع قاسم الي دفنتة بيدي بالعراق
سحب ايدها وطبو للمستشفى ضليت اباوعلهم ورجعت لسيارتي كمت اسوق بسرعة وضوجة روحــي طافرة وصلت لمنطقتنة جاي اكسر لمكان البيت واشوف بنية طلعت بوجهي بالف ياعلي وكفت كبل لااطخها
جان شخلصني لو طاخها بس..
نزلت الدنيا طافرة من عيني : شبيج شبيج ثولة ، بنص الشارع ، يـ؏ـنـʊ̤ لو معورج جان ضيعتيني تدرين
ريم : اسفة اسفة ، ڪُلـش اسفة ولعباس مو قصدي ، خوية اعذرني بالي مو يمي
- يابال خوية رحمة لهلج ، هنا حتى لو انتي ماتشتكين علية الدولة ماترحم
- اعتذر يابة اعذرني
- انتي عراقية شجابج هنا؟ قصدي هنا عايشة؟
- اسكت وخليها خوية ، رحم الله والديك ، واعتذر منك
- اذا تريدين اوصلج وين مكانج؟
- ماعدي مكان
ضليت اباوع عليها لحظة اريد استوعب كتلها : شلون يعني لعد وين عايشة
جرت حسرة وكالت : سالفتي ماتسولف ومحد يصدكني حتى لو احجي
- اذا تحبين يمكن اكدر اساعدج؟ تفضلي صعدي
البنية ترددت تصعد خابرت دموع وكتلها سالفة بسرعة ماافتهمتني بس كتلها طمني البنية خل تصعد وياي
دموع: وين تصعد وياك اسحاق شبيك تسودنت ؟ بعدك يومين برة وتخبلت شجاك ، حرام شعدك وياها
- شـَڪو شبيج اكلتيني حاصل فاصل ، وج اريد اساعدها شعدي وياها ، عود خابرتج تفزعيلي
- شراح تورط روحك اسحاق؟
- تحاجيها او شلون؟
حاجتها كلتلها اخوي وابن خير ومدري شنو وساعة تحجي والبنية بس تسمع كوة قنعت صعدت وياي
صعدت بصفي هيه ساكتة واني ساكت مستغرب الوضع شوية وكتلها : شنو قصتج؟
ريم : اني ريم من الموصل ، اهلي توفو على ايد التنظيم ، اخذني ولد سوري وهربني من العراق من بين التنظيم واخذني لبيتهم ، عشت فترة يم اهله وهناك طلب نزوج ، وافقت لان كلبي مال اله خاصتا جان طيب وياي وساعدني اهرب من ذاك الوضع الجنت بي
بجت واني جنت استمع باانتباه واحاول اصدكها اخذت كنينس من السيارة انطيتها سكتت وكملت
- ازوجنا فقط شيخ لان من هربت حتى ملابس مااخذت وياي لاعدي جنسية ولا اي شي خاص بية ، ضلينا خمس شهور بعد العرس احنا مثل عصافير الحب ، كل اهله فرحانين واني جنت مرتاحة لحد مااجة ذاك اليوم
سكتت وكامت تعصر بيديها قوي وشفايفها ترجف خليتها تاخذ راحتها وتقريبا وصلت لبيتي كتلها: هذاك بيتي اذا تحبين نكمل جوة
ريم : خوية اني مو مثل البنات التعرفهم
باوعتلها صفح: ليش انتي وين تعرفيني حتى تعرفين يابنات اعرفهم؟ نزلي خوية اني هم مو مثل الشباب التعرفيهم
هيه فشلت نزلت طبكت السيارة ومشيت للباب مشت وراي جاي افتح الباب واسمع صوت سيارة نداريت واشوف مروج نزلت شايله الطفل باوعت للبنية وباوعتلي هزت ايديها وطبت لبيتها، ركعت الباب بحيث الصوت وصل يمنا
مااهتميت لان ممجبور ابررلها نيتي ، هيه تعرفني اني شنو بس اذا حبت تصدك عقلها فهاي مشكلتها مو مشكلتي..
طبيت للبيت اشرت للبنية على الصالة طبيت لغرفة عمي جاي اريد اخذ حب وجع راس فتحت كنتورة جاي ادور صار كدامي البوم صور عجبني اشرفة خاصتا ذكرياتنا كلها يمة اول مافتحت وكعت صور دنكت المهن كلهن صورة من جان شاب وياه مرة تشبه امي ، صفنت بيها هاي خالتي فرح
ضليت اباوع للصورة وعقلي ميجمع ، اكو صور عرس وطفل وهواي صور كعدت بالكاع مصدوم احاول استوعب عمي مزوج خالتي؟ وينها لعد وين ابنة؟ كل جسمي كزبر ماحسيت على روحــي بس صوت البنية تصيح بلا رحمة
اخذت الالبوم والصور قفلت كنتورة وغرفتة حطيتهن بغرفتي ورحتلها
- ها خوية
ريم : العفو بس اريد اروح للحمام
- تفضلي نهاية هذا الممر
اشرتلها وهيه كامت مستحية كعدت على قنفة لازم راسي حتى الوجع راح بس الصور بعيني بقن ، شنو قصتة عمي؟ وليش ماحجة او اي احد حجه بهل موضوع؟
اجت البنية تمشي كعدت بنفس المكان كالت : مااكدر ابقى يمك اني ، ماريد اسببلك مشكلة او ازعاج افهم انت رجال غيور وتريد تساعد ، بس هل بلد مايفهمون هل شي
جاي اريد احجيها ندك الجرس استغرب من اجيت لليوم محد داك الجرس استأذنت منها ورحت للباب فتحت الباب واستغرب مروج جاية وبيدها صينية بس فتحت الباب كالت : جبتلكم اكل خاف جعتو
- جيتي بوكتج فوتي
مروج : لا انت اكيد مو صاحي
- شبيكم اليوم كلكم تكولولي مو صاحي
مروج : لازم هيه كالتلك؟
باوعتلي من بين عيونها كتلها
- تفوتين لو لا؟
- شعدي افوت لبيتك شنو مثلها مااستحي؟
- نصي صوتج لاتسمعج ، ؏َـيب مروج انت ماتعرفين قصتها شلون حكمتي عليها؟ هذا رمي محصنة حرام عليج
دنكت وكالت : شعدها يمك لعد وحدكم بالبيت؟
- فوتي وتعرفين؟
- خاف عمي يحجي
- من يخابرج كليله بسوبر ماركت واني اشردج
ضحكت اخذت الصينية منها فاتت واني مشيت وراها وصلت للصالة كالت السلام عليكم
ريم : وعليكم السلام ، اعذريني سويت سوء تفاهم بينكم ، هستوني جنت اطلب من الاخ اروح
اسحاق : اسمي اسحاق
ريم : على راسي خوية ، بس ماريد اسببلك احراج
اسحاق : تعالي خل ناكل ترة طبخ مروج مايتفوت
مروج كعدت ساكته حطيت الصينية بالكاع رحت للمطبخ جبت خواشيك ومي طلبت من مروج تكعد وكعدنا ناكل البنية ماتاكل ومروج تبوك نظرات بس اني اكل من كلبي هم اكل حبيبتي وهم كتلني الجوع صار يومين مماكل زين كتلها : عاشت ايدج
مروج : هذا طبخ عائشة خمطته من الجدر
ضحكت وهيه هم بس البنية مستحية خلصنا شالت الصينية مروج وضلت بالمطبخ راحت ريم تغسل واني احكت مروج شفتها تسوي جاي صرت وراها
مروج : اسحاق احترم نفسك
اسحاق : ليش شمسوي ؟
- وخر خلي مسافة بينا
- تدللين
وخرت منها ودرتها علية شميتها من ركبتها عبالك اروي عطش السنين كلها بستها ووخرت : تدللين
عفتها ورجعت للصالة ريم رجعت كالت : اريد اروح
- انتي مو ماعدج مكان؟
ريم : اي
- وين رايحة لعد؟
ريم : ارجع للشارع ماريد اسوي مشاكل الك ويا زوجتك مبين تحبون بعض
اسحاق : الله يسمع منج
- ها؟
- هيج خوية خل تجي هيه حتى تكملين وماتطلعين منه الة أمنلج بيت ومكان امن ، مااكدر اعوفج وانتي بنت بلدي مشردة هنا! اذا اطر الامر ارجعج للعراق وياي..
سكتت وشوية اجت مروج حطينا الجاي جاي نشرب جاي وندك الجرس كبل كمزت مروج : اجة عمي يمة اسحاق راح يموتنا
- سكتي اعصابج وين اكو احد يسويلج شي واني موجود ، فوتن لغرفتي هذيج بزاوية ولاطلعن صوت..
كامن للغرفة رحت افتح الباب طلع سليم
سليم : ها سكط
وينك لاتجاوب لاصخام بعينك ، ترة كرهتني بعيشتي احس روحي ورطتك
- سليم مااكدر افوتك
سليم : ها الملعون تحجي علية وطلعت من جوة هلا هلا
- خايس شتعرفني ، بس صار وياي شي
سليم : بالعباس ماروح شو دوخر
دفعني وفات صاح : طلعي عيني طلعي
طلعت مروج تركض: شتريد
سليم : صخام بعينكم شجاي تسون؟ ولج انتي عمج يدري بيج؟ يمعودة ستري على الولد اهله ينتضرو ماعدهم غيرة
مروج: ولله هوة كال تفضلي ، بـﻋـَدين انت شعليك بية؟
سليم : ماعدي شي وياج بس خايف على اسحاق لا تودي بمصيبة
مروج : اني اودي بمصيبة
اسحاق : كافي انهو هل نقاش هل نشوف حل لمشكلة البنية
سليم : يابنية نوب؟
إسحاق : تعالي خوية
طلعت ريم مدنكة صوفر سليم : اللعب بعد اخوك
اسحاق : نجب سليم لاتمسلت ، امشو للصالة نحجي
رجعنا للصالة كعدن البنات سوة واحنا بعد مسافة وسليم نسى حتى شعدة جاي يمنة شاف هاي ونسى روحة
سليم : وين لكيتها
- بس اسمع ولا تستعجل
احجي خوية عيدي من البداية وكملي لحد موصلنا
ريم عادت القصة الحجتها وكالت : عرفت اني حامل اخذتني امة لمرة جبيرة يعرفوها وكالت هيه بشهر الثاني رجعنا فرحانين بس الي خلاني انصدم ومااعرف شسوي هوه ردة فعل حسام الكارثية
حسام : شو يعني يا امي حامل ، بتسقطو
ام حسام : يامو اذكر الله حرام هل حكي
حسام : ان ائلت بتسقطو يعني تسقطو ، كيف بدي اجيب ولاد من بنت سلمتني نفسا واجت لهون معي بدون ماتفكر لحظة
جانت كلماتة مثل السم ، مثل بركان ونحط بكلبي ، بس اني من وافقت اهرب ويا مجان عدي خيار ثاني جان صرت فريسة الدواعش وضليت من شخص لشخص والله واعلم جان شسو بية ، وهوه عرض الزواج علية واني وافقت لان شي حلال وماعدي شي بدنيا غيرة بعد
اهله مارضو ؏َـليۿ وابو كالة اغضب عليك بس هوه اخذني من وراهم وسقطني وكال باجر وكعي روحج عساس مات الطفل ثاني يوم دفني من الدرج واخذني للمستشفى وهناك خابر اهله كلللهم سقطت
من بعد هذا الحادث اني كرهته وحاولت اكثر من مرة اشرد منة هوه كام يشرب ويكبسل حتى اغتصاب يغتصبني
ضلت تبجي بقوة سليم عظ على سنونة واني متأكد لو يعرفة جان راح خلص علية حضنتها مروج وكملت : بعد فترة عرفت من رجعاتة البعيدة وملابسة والفلوس الي يجيبهن نظم للتنظيم الموجود بسوريا هنا عرفت روحــي حامل من جديد نهاريت ، المن اجيب طفل لهل بشر؟
حاولت بكل الطرق انزلت وكعت روحــي من الدرج شلت شـَڪو شي ثكيل كمزت مافاد عبالك الطفل الله رادة يجي للحياة
مرت شهور واني احاول انزل هل طفل مافاد عمتي لاحظت بطني الكبرت وحالتي الدوخة وغيرها اخذتني لنفس المرة كالتلها حامل بسادس بجيت يم المرة وعمتي لامتني لان محجيت كتلها خفت من حسام خاف يسقطة وحجتلها الصار وهيه وعدتني تحميني
خاصتاً هيه مجانت تدري ابنها نظم للتنظيم لان جان يجي بليل سكران من ينامون يضم الملابس وينام..
بس شاف بطني ولاحظ وجود طفل حبسني بالمخزن وضل يدفرني بطني وظهري لحد مانزفت وعافني محبوسة سبوع الالالم اخذتني واغمى علية شـَڪد تمنيت اموت خاصتا من شفت ابني الحجمة مايجي بكلدالجف لحمة يمي لاطبو شافوني لااخذو الطفل دفنو
هنا هيه نهارات مكدرت تكمل حتى مروج راحت روحها راحت للحمام تتقيئ ركضت ورة مروج امسح على ظهرها راحت روحها ركضت جبتلها مي بين ما غسلت شربت مي سندتها رجعنا للصالة وشفت سليم حاضنها وهيه تبجي مثل الطفل كل جسمها يرجف كلنا تأثرنا محد كدر يحجي هذا سليم الحجارة حاضنها وعيونة مدمعة حمر وخرها يمسح عيونها وطلب مي من مروج ركضت تجيب وكلنا ساكتين شربت مي وكلنا نباوع عليها محد اجرأ يكلها كملي الة سليم الي اختنك وكللها : وشصار بـﻋـَدين
باوعتلنا وكالت : اسفة مانويت ادوخكم وياي ولااسبب الكم اذة بس لكلام جان خانكني
مسحت عليها مروج واني وسليم منكدر نحجي بس نهز راسنا كالت : بعد اسبوع ماادري شلون امة قانعتة يفتح الباب رغم جان قافل اموت هنا بس شفتها لمتها على وضعي
هوه من شاف الطفل يمي شالة وحطة بجيس اسود وراح ذبة للحيوانات
سكتت مانعة روحها تبجي ومروج ضلت تغلط عليهم وتسب سليم كام ماتحمل : وينة هذا غيرة سزز تندلين مكانة ؟ بس دليني علية اذا مااكطعة واذبة للجلاب كدامج..
ريم : ماادري
ركع كصته سليم اخذ جكايرة يدخن يم الجامة رحت ادخن يمة كلبي وجر ضلن هنا شفت قاسم طالع يدور بعيونة للشارع نداريت لمروج : قاسم يدور عليج
مروج : مااروح واعوفها اخذها وياي
اسحاق : لازم نفتهم كلشي مروج مو حجي تاخذيها وياج
مروج : مابيها تحجي بعد البنية الصار وياها مو هين ماجاي تسمع؟
- اسمع واحس شايفتني؟
سليم : كافي لاتتناكرون اخذيها مروج خل ترتاح وبليل نشردكم ونجي نحجي خليها تسبح وتنام طلع من محفظته خمسمية دولار حطهن بيد مروج
مروج : شجاي تسوي مااخذ ربع اشكرك مااحتاجهن
- موالج
_ ميخالف مناخذ
كومت ريم وندارينا كلنا من الباب الورة مال بيت قاسم بعدة برة مدري منو صاحة طب ومروج جرت نفس ركضنا كلنا عبرنا الشارع جنة توم وجيري
افترينا من ورا بيتهم عفناهن قريب على الباب ورجعنا اني وسليم وكفنا ورة الجامعة نباوع دكت الباب مروج وطلع قاسم
من شافها هيه ولبنية مدري شحجو بس قنعتة وطبن بس طبن دك سليم على مروج ضليت اباوعلة منيلة رقمها طلع على الانستا
جاوبته : ها بشري؟
مروج : كلتله صديقتي تساعدني بالكتابة وسكت ، مااحجيله غير شي مو؟
سليم : حاليا لا ، بس يمكن نستعين بي يالمستقبل
جريت المبايل منة : خما حاجاج لان تاخرتي
مروج : لا ماحجة
- اكيد
- اي شبيك
- يلا ديري بالج على نفسج وعليها بليل نرجع نحجي خليها ترتاح
سديته وباوعت لسليم البس صافن بالفراغ
- شراح نسوي؟
سليم : اذا مالكيته وكطعتة وشمرتة للجلاب كدامها اني مو رجال ولااكعد بين زلم بعد
- هسه خل نعرف وينة
سليم : نعرف نعرف
طبينا ضلينا نشرب جاي وندخن توسلت بي ياكل طلبتله بيتزاء بالكوة اكل قطعتين حيل تاثر ماتوقعته هيج يسوي
صارت ب١٢ خابرت مروج اجاني صوتها يهمس : ها اسحاق
- يبعد روح اسحاق
سكتت كتلها : نمتو؟
- نمنا المغرب هسه اطلع اشوف الوضع بالبيت كلت لعمي هاي صديقتي وراح تبقى كم يوم لان من غير ولاية
- عاشت ايدج هيه نايمة؟
- اي خطية
ضلت فاتحة الخط افترت بالبيت هدوء ماكو صوت كالت : نامو
- جاينكم فتحي الشباك
سليم بس يسمع شغل جكارتة وطلع قبلي مشيت وراه افترينا ورا البيت وصلت لغرفتها مشتغل الضوة وصلنا فاتحة الشباك طفت الاضوية وكالت : راح اكمز بس لزموني ، الزمني انت اسحاق
سليم : ديلا ميت الزمج اني
ضحكت وكفت على شباك وكفت مقابلها كمزت لزمت حضنتها لكلبي ونزلتها : خما تعورتي؟
- لا
خطية ضلت البنية تباوع مروج كلتلها : كمزي اني الزمج
سليم : سكتي
وكف كدام الشباك ريم كمزت حضنها ونزلها حاي نريد نمشي ندك الباب شلت مروج ورجعتها للغرفة حطت مخاد وصاحت ها بصوت ناصي
عائشة : نايمات اسفة حبيبتي بس الملهية مال علاوي يمج؟
دورت مروج لكتها على مكتبها نفشت شعرها وفركت وجها فتحت الباب ونطتها احنا كلنا دنكنا : هاي اي ضليت يمي من جان هنا
- عذريني كعدتج بس مانام ضل يتنعوص ، يلا تصبحين على خير
سكتت سدت الباب وقفلتة باوعتلنا واجت تركض : شلون اذا رجعو اجو؟
سليم : خلي مبايل مفتوح خط حتى نسمع وعوفي الشباك مفتوح بس نحس حسو نرجعكم
اسحاق : خوش فكرة
رجعت كمز حضنتها ورحنا نركض طبينا البيت وكلنا نضحك عبالك مغامرة جاي نعيش وريم بس تبتسم كال سليم : جوعانات؟
مروج : اي ولله نمنا بدون اكل
طلب بيتزاء ثنين وببسي كعدنا بصالة اجة التوصيل وجاي ناكل مثل العائلة طختني مروج تاشر بعيونها عليهم ابتسمت الها سليم يحط كشب على بيتزاء ويحط كدامها
كمت اسوي جاي لحكتني مروج : اساعدك؟
- ماتعرفين شـَڪد فرحان بقربج مني هيج
مروج : من زمان حان المفروض احنا قريبين اسحاق
تقربت اريد احضنها كح سليم : بس مي
هيه ندارت تسوي جاي واني طلعت كلاصات اخذ مي وراح حصنتها من ورة وبستها
مروج : اسحاق لاتخليني اندم لان ثقيت واجيت ، ترة من ورا ريم تدت شريط علاقتنا كله
- اف اني اضرج لو اذيج صدك تحجين؟
سكتت بستها وخرت منها ماريد الح وياها اخذت الكلاصات والجاي شالت السكر واجت جان سليم شايل الكارتونات ، كعدنا نشرب جاي كال سليم : نكمل..
هزت راسها وكالت : قنعته امة ياخذني للمستشفى عالجوني ورجعني للبيت هم ذل واغتصاب توسلت بعمتي وبست رجلها حتى تجبلي مانع شنو ذنب الاطفال هاي
رتاحيت من هل شغلة بس الي كلب كلشي اجة فد يوم بليل طلب مني ابدل بسرعة لم فلوسة واغراضة وطلعنا نتختل مثل الحرامية رحنا على بحر طلع شارد من النظام لان لكطو يكبسل
اجينا قبل امريكا لتركيا هناك جبرني اذب حجابي واشتغل بمطام وكوفيهات هناك ردت اشرد مرتين بس لزمني وكد ماعذبني وكتلني كمت اخاف اشرد
ورا شهرين لكة شخص يساعده واجينا بالبحر هروب لهنا من دولة لدولة تبهذلت حيل وتعبت جعت ونذليت ماتوقعت بحياتي اعيش العشتة بس وصلنا هنا ضلينا بالكم وعرفت اكو حقوق للمرأة رتاحيت من سمحولنا نعيش ونطونا بيت ضل يوميا يجيب ولد وبنات بالبيت ويخليني اخدم ؏َـليۿ جنت اخاف اشتكي
بس باليوم الي قررت اروح اشتكي رحت للمركز وشوفتهم الاثار بجسمي وحجيت كلشي اجو وياي للبيت لكو بايعة وشارد
وين شارد وين رايح مااعرف من يومها عساس تاملني لدولة مكان محد ساعدني كمت اشتغل شفتات ليلية ويا مبيت بشغل لحد ماشافني اسحاق جنت هستوني طالعة من دوامي..
اسحاق : ليش ماساعدتج الدولة
- قضيتي واحد بالالف من القضاية المشابه التسجل ضد مجهول لو ماينسد الملف ، عساس معممين صورته واسمه ، بس هوه يكدر يغير كلشي هاي اذا ماطافر من امريكا من زمان
سليم : ليش مااعتمدي على نفسج هنا امان وقانون
- وين القانون؟ ترة كلولي الله وياج وصار سنة مجهولة بشوارع
مروج : زين بهل سنة ماجمعتي فلوس بيت شي
ضحكت وكالت : محد بيكم يحس ، اني كل شغل جاي استغل باليوم ٢٠ دولار ولازم يكصون مني مبيت وهم عدي اكلي ومرضي ووو الحجي ميفيد ، هاي اني وهاي قصتي ماعدي شي اكوله بعد ، شكرا لان سمعتوني بس اني مو بحاجة شي باجر ارجع لشغلي
اسحاق : بالعراق ماعدج احد؟
- مااعرف من طلعت جانت قريتنا مهجومة ، مااعرف منو ضل ومنو بقى
سليم : ماتروحين لمكان اني أمنلج بيت..