رواية عشق الثأر الفصل الرابع والعشرون24بقلم مينة طلال

-وراح تشوفني بكل الخسارات

وراح تحطني الاول من تعدهن...

_____

ريم : خوية شنو سالفة لا شكرا مااقبل ، اعرفك تعرفني

سليم: مجاي اخذ رئيج جاي ابلغ..

اني ومروج واحد يباوع بوجهه الثاني سليم عافنا وكام يدخن مروج همست: شبي هذا؟ 

- مااعرف ولله مااعرف ، خل نشوف امشي نرجعجن وصبح نفتهم

سليم ضل بالبيت اخذت البنات وافترينا ورا البيت ونمشي ونلتفت واني كلبي ممطمئن قاسم مو هين ، رفعت مروج طبت وجرت ريم امنت عليهم ورجعت للبيت لكيت سليم مدخن خمس جكاير استغربت وضعة

- شبيك ماتكلي؟

سليم : ماسمعت البنية شصاير وياها؟

- اولاً خلي نتأكد من كلامها ، ثانياً ياما وياما شفنا شبيك؟

سليم : طبعا مروج وحطيتها جوه ابطك تهتم لحد بعد

- سليم احجي عدل ، مو جاي امضرط واكلك شبيك ماتحجي شنو اقرة افكارك..

- ماادري عبالك طبت كلبي ، عقلي وبالي كله صار وياها

- سليم حافظ على كلبك بس خل نفهم سالفتها ونتاكد

ضحك ضحكة ماعرفت افسرها بس يممَڪٰٖن عبالة اذكرة بمروج عفتة وطبيت للغرفة جاي اطلعله ملابس شفت صور عمي صفنت عليهن رجعتهن وطلعتله

- اسبح وتعال انام

سليم : لا راح ارجع لبيتي

- لاتولي تشرب زقنبوت شبيك تخبلت من اجيت هنا ، اسبح وانطمر راح اقفل الباب واشوف شلون تطلع

سكت واني قفلت باب الخارجي والصالة كلتله تصبح على خير وطبيت شمرت روحــي نمت بدون مااحس ماكعدت اله على اتصال عمي

هاشم : ها عمي خما كعدتك

- لا عمي ، شلونك

- حمدلله انتي شخبارك ، اسحاق احتاج غراض من غرفتي تكدر ادزهن الي ، بس حاول لاتفتح الكنتور

اسحاق : عمي

- ها عيني

- انت مزوج قبل؟ عدك عائلة

سكت واني هم سكتت منتضر جوابة وادعي ميجذب علية جر حسرة وكال : شفت الصور؟

- مو قصدي ادور طبيت ردت من غرفتك شغلة وشفتهن

- اي عمي اني وابوك ازوجنا اخوات ، بس ورا سواية امك ، خوالك اخذو مرتي وشردو وجبروني اطلكها ، واختفو لغير محافظة

- وانت ليش قبلت ؟ ماندري بيك شو

- محد حجة بموضوعي كلهم لتهو ويا ابوك ، نوب صارت حادثة قتلهم تالي عفت العراق وهجيت

- عمي 

هاشم : ها بوية

- انة اسف خاف ذكرتك ، ولله اعتذر

هاشم : ليش منو كلك ناسي اني؟

سكتت هوه جر حسرة وكلي على الغراض وسدة ضليت متندم لان حجيت خابرت دموع اطمنت عليها وعلى ابني سلمت على يس وسديته 

طلعت من الغرفة لكيت سليم نايم ورافع رجلية ضحكت علية ورحت للمطبخ اريد اسوي ريوك لاخبر لابيض كلشي ماعدي فتحت القفل وطلعت ادور على اسواق نسيت اني كلشي مااندل مشيت وخابرت على مروج شوية وجاوبت صوتها ناصي

- صباح الخير 

مروج : صباح النور، شمكعدك؟

- خابرني عمي وكعدت ، مااندل اكو سوبر ماركت قريب علينا..

- عادي تنتضرني اروح وياك ، اريد اشتري غراض؟

-اكيد ، بس وعمج يقبل

- طلعو للمستشفى علاوي مريض وراح ويا عائشة

- اكلج شنو ازوجها؟ شنو لموضوع؟

- اي ازوجو عود من اجيك نحجي راح ابدل على سريع

- براحتج 

رجعت شغلت السيارة وكفت كدام بابهم شوية وطلعت لابسة كوت وكبوس فتحتلها الباب صعدت مبتسمة كتلها

_ ياريت كل صباحاتي ابديها بهل وجه

سكتت مشيت وهيه تأشر منا منا ماحفظت الطريق شوية بعيد نزلنا اخذت ريوك وعفتها براحتها تكمل خابرني سليم : ها

سليم : ادري شلون عايش جاي ماعدك

- رحم الله والديك ذكرتني اجيب جاي

سليم : ليش انت وين

- بسوبر ماركت اجيب ريوك

- واني عبالي نايم ، حتى مافتحت الباب ادري سجن

- فتحتلك القفل بس لاتروح هسه جاي

سديتة وضليت واكف اجت مروج اجر بالعربانة اخذتها منها ورحنا احاسب رادت تفتح جنطتها خزرتها ابتسمت ووخرت دفعت وشلت العلاليك وطلعنا

صعدت بسيارة وكتلها : عمج شلون ازوج عائشة

ابتسمت وكالت : طلعو عاشك ومعشوك وقصص عشك بينهم وازوجو

- ولله عفية قاسم خوش قاسم طلع

- من بداية زين بس اني مجنت مقدرته وصدكت حجي الناس ، همزين ماخسرتة

- وانتي هم خوش بنية

سكتت وصلنا للبيت نزلت نزلتلها غراضها طبت للبيت ورجعت للبيت سليم يباوع من الجامة بس طبيت كال : خو زوجو وفضوها بليل سوة صبح سوة

- مجاي تنطيني فرصة احسها رسمية وياي

سليم : انت سوي الفرصة

- شلون يـ؏ـنـʊ̤؟

- تحجج سوي فعالية وشوفها تحبك

- شلون يـ؏ـنـʊ̤

سليم : بالي فكرة بس جوعان ممكن توكلني؟

- خوش خوش المن طالع من صبح غير علمود حضرة جنابك

ضحك عفتة ورحت على مطبخ سويت جاي وبيض واجبان اخذت الصينية ورحت يمة جان صافن مقابل بيت مروج ويدخن

- ها سليم

سليم : ها شسويت

- غير ريوك تعال

- ولله مااشتهي

- سليم اكوم امسحك بثلج وحق علي

ضحك وضحكت ويا اجه كعد وصدك بالكوة ياكل اكلنا احنا وساكتين شلت الصينية وحميت الجاي رجعت صيبت وكعدنا واحد مقابل الثاني ندخن..

سليم : عمك يكدر يشوفلنا هويتها واذا عدها احد بالعراق؟

- بس قاسم مو اضبط؟

- وشلون نحاجي قاسم

- ترة مااذبحنا ، نكدر نطلب منه

- ولله ماادري جرب انت

- لا اني لا انت كله

- مراح يكول منين عرفتوها؟

- خلي اليوم نطلعها من بيتهم وراها نحاجي

- هم هيج احسن

اخذ اغراضة وراح لبيتة اني كمت اخذت فرة بالبيت مليت كلشي مااكدر اسوي خابرت مروج مجاوبت رجعت خابرت جاي اسدة جاوبت

مروج : ها اسحاق اسفة مجنت يم المبايل

- عادي ، شلونج شلونها البنية

- زينة كاعدة بغرفتي ماتتحرك وبس صافنة ، من اشوفها صافنة انقهر اكول معقولة جاي تذكر الصار وياها؟ والصار وياها مايحملة جبل زين منها ومحافظة على عقلها..

اسحاق : كل بشر والة نصيب بالحياة ، اني هم مجانت الدنيا عادلة وياي بس شوفي وين احنا .. بالاخير كلنا نعيش

- صح كلامك

سكتنا ثنينا ضل بس نفسنا غمضت عيني وكتلها : مرجي

سكتت مجاوبت كملت : كافي جفة وبعد سامحيني وخل نكمل الباقي من العمر سوة

مروج : اسحاق صعب حيل صعب ارجع وياك وانت تعرف شنو العشتة وياك وبعدك .. بعدك مشفت النوم عشت على منومات ومسكنات ادمرت بين مجنت انت بيتك وبحضن عائلتك

 _ شسوي وتسامحيني مستعد كلشي اسوي

- خلي الزمن يمحي الجروح بلاول

_ ماعدي وكت مااريد ابقى هنا هواي

- واني ماريد ارجع للعراق..

_ شنو قصدج؟

- قصدي واضح حتى لو سامحتك وقررنا نعيش ونكمل علاقتنا مستحيل ارجع للعراق ، هنا شفت حياتي وبديت اعيش هناك اشفت غير الموت والقتل

_ انتو جنتو ضمن الي يقتلون ترة!

- شنو قصدك بانتو ؟ شفتني شايلة مسدس وافرفر بالبيوت اقتل ناس؟ مو انت وجماعتك مافيا؟ واذا على عمي تاب وبطل وبعد هوه والله

ضحكت بستهزاء وهيه سدتة بوجهي شمرت المبايل وهزيت ايدي : هجمو العراق وطفرو نوب يحجون علية ، عساس رايدج العراق العرمة ، لسانها شطولة صاير

خابرت سليم ..

سليم : بعدني مطالع المنطقة ، شنو اشتاقيتلي؟

- نجب

- شبيك؟

_ مروج تكول ماارجع للعراق

- اي احسن شي تسوي

_ سليم ليش تمضرط؟ لعد اني شلون بهل حالة تعرف ڪُلـش زين اهلي وكل حياتي بالعراق ، هنا شعدني اني..

- عدك بيت وسيارة والكة شغل وتعيش احسن عيشة

_ واهلي هناك؟

- ترة اكو اختراع اسمة كامرة احجي وياهم لحد ماتمل وبس تاخذ جنسية واقامة اذا يريدون يجون اسحبهم..

_ شـَڪد حلو الحجي

- والفعل هم حلو بس اطلع من قوقعتك ، يلا يلا جاي اسوق لا يلزمني الشرطي

_ وبالعراق تكلب يوتيوب ايباهه ويحجون على العراق ، منو مدمرة غير شعبة

- روح يم مروج احجي وطنيات اني ماعدي شي هسه ارجع اذا تريد

سديتة وطلعت من البيت اختنكت باوعت على بيتهم وضليت امشي الدنيا العصر بس بدة ثلج خفيف ينزل والشمس شبه راح تختفي ، بس اختنكت من البيت والاجواء وقصة ريم ومن كلشي صار بهل بلد ، نوب مروج الي تريد تبقى

مشيت هواي او بلاصح تيهت ضليت امشي كبل كلت بلكي يصير كدامي شارع  عام ماكو  ، ضليت التفت شفت رجال جبير بالعمر بس جان لابس دشداشة عراقية صيفية  شعرة عالي ولحيتة ثخينة حيل  ، الثلج جاي ينزل واطرافي جمت استغرب يمشي بتجاهي كال : ابني هنا مو امان ارجع

- حجي انت عراقي ، اني جديد وتيهت ماادري منين اروح..

- جاي اكلك ارجع

- حسيت الرجال مو طبيعي نداريت اريد ارجع ، بس التفت شفتة ماكو 

تعوذت من الشيطان وطكيتها ركض رجعت كلة ورة لحد موصلت لشارع قريب على منطقنا لان حافظ بس هل شارع ،  كمت امشي على كيف واشوف مروج من بعيد تاشرلي بيدها تعال ، ركضت الها مستغرب شمطلها بهل طقس وشلون اجت هنا ..

عبرت الها بسرعة اريد ارجعها جاي اوصل يمها دك مبايل طلعتة من جيبي مروج تتصل رفعت راسي اختفت ماكو كدامي ، جمد الدم بجسمي منا البرد ومنا هل سوالف الجاي تصير وياي اجت سيارة طايرة مشت بصفي لو ما متحرك خطوة جان طرت وياها ، رجع دك المبايل جاوبتها وصوتي يرجف..

- ها مروج

_ وينك بيتك ظلمة ضل بالي ، شعجب مطفي

- طالع افتر اختنكت من البيت

_ يمعود ارجع هنا مو امان اشكال اكو عبالك مثل العراق 

- مو تريدين تبقين هنا

_ يختلف الموضوع اسحاق

- خل ارجع مروج

سديتة ومشيت باسرع شي عدي مابية هبطة بعد بس وصلت للبيت ركضت  طبيت جمدت للحمام ركضت سبحت بمي حار وطلعت شغلت تدفئة يلا شوية استقريت خابرت عمي كبل

- ها بوية

_ عمي صار وياي شي غريب

- خير يارب

_ ماادري خير لو لا

- احجي

_ ضليت احجيله هوه ساكت يسمع من سكتت كال : مرات ربك كد ماعبدة قريب علية يدز خدم يساعدو وينقذو بوقت الشدة يممَڪٰن ملائكة رحمانين تشكلو بصورة ناس حتى يساعدوك ، ياعمي بطل تفتر بشوارع انت غريب وماتندل ، ودير بالك من كلشي هنا

- عمي اختنكت شلون عشت انت؟

_ بضيم، بس تعودت بعدين تصير سوالف..

- عمي اريد ارجع

_ ارجع بوية منو لازمك..

 - مروج ماتريد ترجع

_ اتفق وياها على شروطكم وشوف شلون تصفى بيك الدنيا ، ضيعتها مرة لاتضيعها مرة ثانية وتضل تندب وضعك

- صح عمي

سلمنا وسديته خابرت دموع زينة سلمت عليها وشمرت المبايل وايدي على راسي ماادري شسوي اجاني شعور اريد اصلي كمت توضيت وكعدت اصلي صليت هواي بدون مااحسب ولا احط نية بس اريد اصلي اريد احسن بقرب الله اريد احسن بالامان

ندك الباب عفت السجادة ورحت مروج جايبة اكل بس باوعت بوجهي كالت : شصاير وياك ؟ ليش لونك رايح

- تعبان

_ بيك شي؟

- اريد ارجع للعراق

_ سكتت حطت الصينية بيدي وباوعت علية ساكتة

- لاتباوعين عدج عمج وعائلتة وشغلج ومكانج اني راح اختنك هنا لاشغل لاعمل كاعد بالبيت بس شتعرفيني انتي؟

_ دور شغل

- مجيت استقر هنا حتى اشتغل مروج جيت علمودج ، اختاري يا نرجع سوة يا اخر مرة بحياتي احاول بعد علمودج راح ارجع وبعد ماتشوفيني بحياتج..

_ افكر وارجعلك جواب

- تمام 

عافتني وراحت اخذت الاكل وطبيت مالي نفس عفتة على طاولة ورجعت اصلي ممَاެدࢪيہٰ شلون اخذتني نومة وجانت هاي اول مرة انام هيج نومة عمية واحلم باابوية جان كاعد بحديقة هوه واهلة وحتى عمي قادر يمة ، دموع وشايلة طفلة صغيرة بحضنها كام واجة يمي لزم ايدي مبتسم ابتسمت ويا حضنته وبجيت

- مشتاقلك يابة

زيد : اني هم بس اعرف كل اخبارك اني

- يابة تعبان اني ولله تعبان

- ادري ابني ، بس ارجع هسه لازم ترجع لاتبقى هنا

- وين قصدك ماابقى بهذا البلد؟

سكت وباوع لدموع الي شايلة طفلة وتناغيها باوعتلها وجها منور وشايله طفلة من جنة عبالك كال : هيه تحتاجك هسه اشبع منها قبل لاتروح

 _ وين تروح يابة شبيها اختي

هد ايدي وراح يمها مسح راسها وكال : ارجعلها..

فريت فزة روحــي رايحة بسرعة ركضت للمبايل اتصلت عليها هواي مجاوبت اتصل بيــٰس مرتين يلا جاوب

يس : خير اسحاق شبيك خما اكو شي

صوتي رايحة بالكوة كلتله : دموع دموع شبيها يس شبيها دموع

- مابيها نايمة بصفي ساعة ب٥ عدنا ماشفتها

_ كعدها بداعة ابوك كعدها ، خل اسمع صوتها

- شبيك اسحاق شصاير وياك

_ كعدها يس جاي اكلك

اسمعه ضل يكعدها وهيه ترفض لحد مكللها اسحاق على خط يلا كعدت اجاني صوتها : اسحاق

- ها يروح اسحاق ها حبيبتي

دموع : ها حبيبي شبيك اسم الله شصاير وياك ؟ اكو شي لاتخلي بالي

- انتي زينة حملج زين تحتاجين شي؟

- اي حبيبي كلشي زين وبعد اسبوعين ولادتي الدكتورة كالت نسوي عملية احسن لان توم

من كالت عملية كلبي زادت دكاته وايدي ضلت ترجف بالكوة كتلها : وشنو خما عليج خطر على ولدج

- لا حبيبي ان شاءالله كلشي ماكو ، تمنيتك تحضر وتشوفهم اول واحد

_ اكيد يروحي اكيد ، اجي شلون اعرفج وحدج

دموع : صدك يعني تجي؟

- اي حبيبتي 

حجينا شوية بالكوة سايرتها بس سدته حطيت ايدي على كلبي اتنفس بسرعة متعوذ من الشيطان ، شهل حلم هذا شنو يقصد ابوية 

كمت لفراشي نمت ومقرر الصبح انهي موضوعي ويا مروج كعدت على دكات الباب قوية كمت اطوطح عبالك شارب مشروب الدنيا فتحت سليم كاشخ على اخر حبة : امشي نطلع

- ناس تكول صبح الخير 

سليم : صباح الخير يلا نطلع

- وين من صبح

- بس الساعة ب٢ ياصبح خبصتني تكلي صبح!

لزمتي راسي دايخ كال : ها

- فوت خل استوعب اني منو

طب واني امشي على كيف كلي : وسفة تشكي لمروج وماتشكيلي

- شنو شاكيلها ليش ؟

- مو تكول مختنك هنا

- واني صدك مختنك بس شمدريك انت ؟ شنو تتوصل وياها

- لا بس لبارحة خابرتها علمود رقم قاسم وكالت انت مكتئب مشوف اجيت اونسك

_ عن الشقة سليم هل سبوع ارجع اختي عدها عملية وحلمت حلم ما مريحني بيها

- صلي على نبي كام عقلك يخترعلك افلام

_ رغم كلشي ماعدي اي سبب ابقى هنا راح اخصمها ويا مروج رجعت وياها خير مرجعت اني ماابقى هنا اكثر من سبوع ..

- ديلا افتهمت امشي غعفضقكةشذر بدل اخذك لمكان تتريك بي يفتح لنفس

طبيت ابدل لان ماعدي خيار ثاني لو احجي لباجر هم ويا ميفيد لازم يطلعني لبست كله اسود وطلعنا جاي نطلع واشوف مروج صعدت تسوق ويمها ريم كلت لسليم كال شعلينا بيهم

اخذنا لمكان مثل الحديقة المفتوحة بيها نافورات ومسابح ومكان كعدات عوائل حيل حلو هوه يدور بعيونة واني اباوع للمكان كلتله نكعد كال اي بس يدور مشينا للمطعم كال نصعد فوك حتى نشوف كل الاطلالة وافقت بس صعدنا صارت مروج وريم بوجهنا

مروج تباوعلي واني اباوعلها ممفتهمين شي عكس سليم وريم المبتسمين كلتله : شنو سليم

سليم : جبتكم مكانو حلو احجو تناقشو ، بـﻋـَدين عود شكروني

عافنا ومشت ويا ريم ونزلو باوعت لمروج ساكتة كالت : كالتلي هنا جانت تشتغل وتريد نجي نسال على راتبها

- خوش ضحكو علينا

مروج : مو مشكلة المكان حلو 

- صحيح 

جريت كرسي الها كعدت وكعدت كدامها نباوع للناس ساكتين وسليم يمشي يم ريم يحجون وهوه مرتاح تمنيت ماينكسر كلبة هل مرة

باوع لمروج شاردة كتلها : مروج

- ها عيني

_ عاجيج وضعنا هيج ؟

سكتت هيه اني كملت : مروج انتي تعرفين ماعدي بس اخت وحدها وهيه صارت عائلتي وماعدي غيرها واني عفتها واجيت هنا لخاطرج ، بس مروج بعد مااكدر اضل اختي عدها عملية واريد اكون يمها

- روح وارجع..

_ ليش ماتجين وياي انتي؟

-  لان بنيت روحــي هنا ماريد ارجع للصفر بالعراق ، هسه انت موًتحس هنا ماعدك مستقبل ولا حياة ، نفس الشي راح يصير بية اذا رجعت وياك..

- بس مروج بهذا كلامج انتي جاي تختارين حياتج وتعوفيني على صفحة..

_ ليش انت موهيج سويت قبل كم سنة لو نسيت؟ مو عفتني وعفت كلشي واختاريت حياتك وعائلتك؟ ليش مستغرب مني لان جاي اختار نفس

صفنت عليها مصدوم بيها : مجاي اعرفج

- مو مشكلتي ، تروح بكيفك ومن تجي تريد كلشي مثل ماعفتة ، لااسحاق هاي الدنيآ متغيرة وماكو شي يبقى بمكانة..

_ يعني الزبدة شنو

- مثل مااجيت وحدك ارجع وحدك ماارجع وياك اني..

          الفصل الخامس والعشرون من هنا