رواية عشق الثأر الفصل السادس والعشرون26بقلم مينة طلال
-فراش الفـاتحه لـو شفـته
ملموم بـنص ڪلـوبنا تلـكه الچوادࢪࢪ..
_____
وكف يس السيارة وندار علية
يس : دموع ترة جاي اقلق ، شبيج ليش هيج متغيرة؟ حجيج كله الغاز وداع
اسحاق : اكيد نفسيتها تعبانة باجر من تشوف جهالها بحضنها كلشي يتغير
حجت عمة حتى تغير جو : عمة احنا مقبرتنا بنجف
حجيت اني بجدية: لاعمة ذمة تدفنوني هنا
اسحاق : كافي دموع
- سكتت
كلنا سكتنا عمتي نامت وصباح نامت على جتفها وزيد بحضنها تضاهرت بنوم ويس واسحاق مكضيها جكاير حش وهمه يحجون بصوت ناصي عبالهم كلنا نايمين
يس : معاجبني وضع دموع هواي تحجي بالموت وحجيها ممفهوم ، اخذها دكتور نفسي
اسحاق : يمكن تعب الحمل وخوف الولادة هيج مسوي بيها ان شالله بس تجيب ناخذها
سكتت ومافتحت عيني محد جاي يفهم الي جاي اعيشة
جبرت روحيً انام كعدنا على يس يحجي بصوت ناصي كعدن
كل وحدة مشت لغرفتها باوعت للساعه ب٤ ونص
الدكتورة كال ب١١ احنا بالمستشفى اني صمت عن الاكل والشرب من طلعنا كربلاء كلت خل اشبع نوم
طبيت شمرت روحــي ويس نام يمي همست : وين اسحاق
حضني وكال : ضل بالاستقبال يريد يجي ويانة للمستشفى
- حبيبي
نمت واني افكر باجر كعدني يس بكل حب
يس : يلا حبيبتي راح نتاخر عيني
فتهمت الساعة ب٩ ونص اول مرة يكعدوني الصبح كله جان عايفني براحتي الظهر اكعد ولان طلعت تكاسلت اكوم كلتله
- خل نأجل العملية مابية اكوم
يس : ها شكلت مو كلتلج راح تتعبين ؟ كومي يروحي اني اساعدج
- خايفة يس ماريد اروح عوفهم بطني احسن
- كولي يالله تكولي على الله وان شاءالله نرجع بسلامة انتيوياهم شايلهم بحضنة
- واذا مرجعت
سكت واني سكتت منتضرة يطمني حجه كوة
- انتي ماعدج خطورة اسم الله ، ونرجع بحيل الله للبيت واكلج شفتيهاي كلشي ما بينا
- ان شاء الله
ندكت البابصاح يس ادخل طبت صباح صبحت علينا وكفت طلعلي ملابس وجنط الجهال وترتب الغرفة حتى اذا نرجع بليل كلشي كامل لان كلهم راح يجون وياي
باوعت لجربايات الاطفال الصغيرة لجنطهم نغزني كلبي وطلعت للحمام غسلت وتوضيت صليت الفجر اني وكاعدة طلعو الجنط وساعدتني صباح البس جبتي باوعت لغرفتي نظرة اخيرة واني اسأل روحــي هم ارجع لهاي الغرفة؟
طلعت واني اباوع للبيت واذكر من طبيت عروس
كلشي مااعرف وكل لحظة عشناها اني ويس
جان اسحاق بصالة بس شافني كام وحضني
اسحاق : هاي منو الحلوة الي راح تصير احلى ام بدنيا ، خما خايفة
دموع : مااخاف وانت حواليه
باسني ومشينا باوعت للبيت من برة وهوه يطبطب على ظهري
صعدني ليكدام يم يس وهوه يم عمة بحضنة زيد
وصباح من جهه ثانية عمة بنص
الطريق كله مشغل يس قران واني اسمع واهدء روحــي وادعي ربي يسهل علية
وعمة تدعي وتنخى بصوت علي نرجع بسلامة اني وجهالي
واسحاق ويس يتمتمون امين
وصلنا المستشفى وهنا حسيت الروح شـَڪد عزيزة
شـَڪد تمنيت اطلع منها عايشة وارجع ويا اهلي
بعدني مشابعة من اهلي مشابعة من زوجي ماعشت الامومة التعبت بيها
جنت اردد هل جمل اني وامشي بممرات المستشفى
استقبلتنا دكتورتي وهيه تسالني عن معنوياتي اكتفيت بالابتسامة
لان كلمة وابجي
نص ساعة نزلو سوالي باص يس واسحاق وفتحولي دفتر اجن الممرضات يساعدني اغير ملابسي حتى اتحضر للعملية
طبت وياي صباح
بس خلصو لزمت ايد صباح
-صباح اريد اوصيج
صباح : كولي عيني
- فدوة مثل مادرتي بالج على زيد ، ولدي امانة بركبتج
صباح : اسكتي دموع ان شاءالله تكومين بسلامة وانتي بس تربيهم
- كلشي يصير صباح اذا الله كاتبلي اموت ومااكعد ولدي امانة بركبتكم لحد يزعلهم صيرولهم اهل ولاتخلوهم يحسون بغيابي
- كافي دموع كافي
مسحت دموعي وطلعت ضليت وحدي بهدوم العملية اجن الممرضات نومني على سدية متحركة وكالو عشر دقايق وناخذج لغرفة العمليات كلبي كام يدك طب اسحاق ويس وعمة وصباح عيونها حمر كلهم كعدو يطمنون بية يس يبوس بيدي من صفحة واسحاق يبوس براسي وايدي من صفحة ثانية
اخذوني للغرفة العمليات حطولي البنجي جاي ياشرلي ابو البنج غمضت وماحسيت بشي بعد
مجنت ادريهاي النوم الابدية...
__________
اسحاق...
بس وصلت لشقتي الاتصالات من مروج وسليم المبايل علك
قفلت المبايل ولميت غراضي ماعدي هواي اشياء اصلان
حجز تذكرة وخابرت دموع اصلان اغبة شي سويتة عفتها بهل وضع وركضت ورا حب مابي بس الاذية من الاول..
اجة سليم كسر الباب مافتحت من صارت ساعة باوعت بالباب واكف فتحتله
- ها
سليم : شنو هل تصرفات التافها هاي ؟ هاااا؟
- سليم السبب الجابني هوه التافهه اني راجع لهلي
- ارجع منو مانعك؟ بس هيج لااحم ولادستور
- سليم ماقصرت وياي بس لهنا وكافي هنا شعدي باقي ، مروج بايعة ومخلصة
- روح اسحاق اني ماامنعك ، بس من تريد تروح بجذب كلي ، يعني اعرف من مروج انت راجع
- هاهيه سليم مشكور
طب سلمت علية ضل كاعد حجينا بموضوع ريم كال هوه يحلها وراح ودعتة لان كلتله طيارتي بليل..
طلعت للمطار باوعت لبيت مروج وعبرت منه ولاعبالك عبرت قارات حتى اشوفها للحظة حسيتها شخص مو مهم ، انسان عادي
اني لمعتها وعليتها بنص كلبي وعقلي وقنعت روحــي مااعيش بدونها
بس هاي ويني عايش وعايفها ورايح
صعدت بطيارة وصلت لتركيا حبيت افتر لان ذيج الرحلة جو البحر فادني
مشيت على البحر خليت سماعة باذني شغلت اغنية تركية ما مفتهم اصلان شنو يكول بس امشي ودموعي تنزل سمحت الها تنزل اني غريب هنا محد يعرفني خل اطلع الي بكلبي وارتاح
وفعلا بعد مشي ساعة رتاحيت حجز تذكرة لللعراق بليل رحت لمطعم تعشيت بمطعم على اطلالة البحر كلشي بهل بلد يرد الروح كلت بس تجيب بسلامة دموع اجيبها هنا..
مااضل شي لطيارتي رحت للمطار اخذت كهوة وكعدت انتظرها
صاحو رحلتي ركبت الطيارة بس وصلت للعراق رتاحيت استلمت الجنطة واشف دموع تريد تركض سودة علية بس ماتكدر ركضت حضنتها ورتاحيت..
رجعنا لبيتي جانت طابخة ومرتبتة حسيت هسه اني بالبيت صدك
كعدنا نحجي ويا عمي على مروج ماطوخت لان يس موجود واستحيت يسمع سبحت اكلنا وترخصو
بس الي قلقني حجي دموع وتصرفاتها
عبالي واحد راح يروح وجاي يوصي كل كلمة اذكرني بحلم ابوية واتعرذ الشيطان..
مجنت اعرف ارادة الله اكبر من قوتي انو ارجع الها رجعتي مافادتها بشي لان راحت رغم رجعتي الها..
ثاني يوم رحت الصبح جانت نايمة طلعنا ا ويس من رجعت جانت نايمة حضنتها وكعدنا نسولف طلبت نروح لكربلاء وعمتي ايدتها طلعنا نسوي السيارة ونرتبها رجعنا مكملات صعدنا بسيارة وهم دموع كساع تحجي حجاية تخلينا نشيل روحنا ونركعها..
وصلنا زرنا وماكو بلساني دعاء ولاطلب غير سلامة دموع
خلصنا زرنا وتعشينا ورجعنا للسيارة بطريق وتصدمنا دموع بطليها تندفن هنا
سكتتها لان ضجت عليها مو منها
نامن بطريق ويس شايل همها ميعرف شيسوي
وصلنا للبيت ب٤ ضليت بالستقبال بالكوة اخذت عيني النوم كعدنا كلنا متوترين وندعي تعدي بخير وسلامة وكلهم يطلعون بسلامة
طول طريق المستشفى احنا قران ودعاء طبينا سوينا الاجراءات
واخذ دموع يحضروها
طلعت صباح ميتة بجي تكول توصيني توصيني بلكوة عمة سكتتها واني الخنكة بصدري شكبرها طبينا كلنا يمها نطمنها ونبوس بسها اخذوها لصاله العمليات وكعدنا ننتضر
مرت ساعة ونص ونسمع صوت طفل
كلنا ابتسمنا ونشكر الله اني ويس ماعرفنا نكعد بس نلوب
طلعت ممرضة تركض ردنا نسألها اجهالتنا واستمرت تركض شوية ورجعت شايله جياسة دم هواي
ربع ساعة طلعو طفل واحد سلمو النا وكال الام بعدها
مافرحت بي ولا تقربتله بالي يم دموع ويس هم ماشافة
بس عمة وصباح شالنه واخذتة للمرضة للخدج
صارت نص ساعة ؏ـيونَي صارن براسي كمت ادك بالباب واصيح اطلعو فهمونا صار ساعتين اختي جوة
طلعت ممرضة كالت هدوء رجاءاً هسه تجي دكتورة تفهمك.
- شتفهمني وين اختي شسويتولها
طبت رجعت واني اركع بالباب يس ماتحرك عبالك ممستعوب الصاير
عشر دقايق طلعت الدكتورة القميص الي لابستة مطفر علية دم
هذا دم اختي
باوعت بوجهنا وكالت
- المريضة صار عدها نزيف داخلي برحم
حاولت اوقف النزيف حتى اطريت اشيل الرحم بس
يس : بس شنو دكتورة
- كلبها ماتحمل العملية وبنتها اجت ميتة
اسحاق : شعلينا بالبنية اختي شبيها
الدكتورة: سويت الي كدرت علية بس القدر راسم غير شي المريضة توفت البقية بحياتكم
اسحاق: شنو توفت ؟ شنو يـ؏ـنـي توفت شجاي تحجين شو دوخري
الدكتورة : هذا يومها خوية ولله حاولت شـَڪد مااكدر اساعدها بس الموت اقوة مني جان
دفعتها وطبيت للغرفة دموع نايمة وبطنها طالعة مخيطة يمها سرير بي طفل احمر حيل نايم ، هاي بتها بس مو نايمة جانت ميتة
غطيت بطنها وتقربت بطى اباوع لعيونها : دموع حبيبتي بنيتي كوومي عيني كومي لاتشاقين ويانة كومي ابنج برة ينتضرج ميخالف بنتج راحت الله يعوضج بس لاتعرفين ابنج خطية
كومي دموع تسمعيني ماتعرفيني انتي وين رايحة وعايفتني
ولج دموع كووومي كووومي
كمت اهز بجتفها ودموعي تنزل سحلوني كوة الممرضين برة واني اصرخ مثل المرة جانن صباح وعمتي ممجودات من كالت الدكتورة من اجت ؏ـَمتي وشافتهم يسحلوني صرخت
- يمة بنيتنا ، وين اختك يمة اسحاق ، صخم الصخمج وداد صخام بعينج
صباح : شـَڪو يمة شبيج
شبيها دموع ، اسحاق شبيها دموع احجي لاتخبلني
اسحاق : راح دموع راحت جانت حاسة راح تموت جانت تكلي مخنوكة اني واني اكللها تعب حمل ، بس مو تعب هذا لا جانت تنازع الموت يوميا واحنا نسكتها ولك يابة نكسر ظهري بويةةة
ولك بوية زيد اخذني اني هم اخذني لاتعوفوني وحدي بدنيا منو الي غيرها
كمت اريد ارجا افوت طلعوها مغطين وجها الحلو وشايلين الطفل بغط ابيض وخرت من وجها الغطة واني شامر روحــي عليها ابوس بعيونها الحلوة وخدودها ووجها شلون تموت وتعرفني شلون
ولج خوية دموع لاتكسريني كومي كومي..
سحبوني الممرضين وطب عمي وهمه يسحبوها مني كال:
- اسحاق هاي بنتنا ، هاي اختك ولك اسحاق ماخذيها
لطمت على كلبي واني اهد روحــي منهم : اي اي ولك عمي هاي بنيتي شوف شلون جاي ياخذوها منه طبت وردة طلعت ميتة عمي شسوي برووحي اريد اموت ، مااتحمل ادفنها بيدي عمي دفنت ابوية عادي بس ماادفنها هاي امي واخت وصديقتي
هاي بنتياني ربيتها اليوم صارت ام شلون تعوف ابنها
ركضت عليهم اصيح : وخرو انتو ماتفتهمو صوجنا امنا بيكم ، راح اخذها لغير مستشفى صوجي جبتها يمكم طبت مثل الورد
الله لايوفقكم
هاشم : عمي عوفهم يشوفون شغلهم شنو ذنبهم هذول
- وهيه شنو ذنبها عمي ولله بعدها صغيرة وينها وين الموت
هاشم : امر ربك ياوليدي الله يصبرك ، وين يس
رفعت راسي متفاجى وينة وين اختفة سالنا عمتي كالت جانت يم الطفل سالنا ممرضين كالو نضرب جلطة هوه بالعمليات
صاحت عمتي : صخام الصخمج وداد انهجم بيتج ولج
سالنا علية ماخذي بغرفة ضاربتة جلطة قليبة وراح يسوله قسطرة ومعت بالكاع اضرب بوجهي: هذا رجلج الغريب نجلط عليج خوية ولج اني من دمج ولحمج ماصار بية شي من امداني من اخ ما متت وراج..
كمت رحت اسال وين ودوها ماخذينها لقسم الوفيات يريدون يشرحوها ضليت اتعارك وياهم بكيفهم يلعبون هنا خابرت قاسم جاوبني بسرعة : قاسم اني بالمستشفى يريدون يشرحون اختي، دزلي ناس بسرعة
مجاوب نصدم كال : انت بالعراق
- اي رجعت راح ادزلي
- اكيد بس اطيني اسم مستشفى مالتكم وين انتو بضبط
دزيتله برسالة ورا نص ساعة طبو ١٥ واحد مسلحين كلهم رتب سالو عن دموع المستشفى مامت ماكعدت طلبو تقرير طبي بحالة وفاتها وشنو صار بالعمليات واخذو الدكتورة ومنعو التشريح اجاني عمي
- اسحاق شنو اتفقنا احنا على هذا الشخص
- عمي عوفني رحمة لابوك بيا حال اني ، فوك ما كتلو اختي يريدون يشرحوها لاعلى جثتي اشرحهم كلهم ومحد يوصل الها
استلمنها من الثلاجة والشرطة لزمت قضيتها اخذتها وريتني مااخذها ريت مازوجتها ولاشفت هل يوم ياريت ميت بوحدة من عملياتي ولاشايفها هيج نايمة كدامي بلا روح وياها وصلة صغيرة الي هيه بتها
ضليت الوم باابوية لان اخذها واطلب منه ياخذني وياهم
خابرتني صباح صوتها رايح من العياط تكول : يس يريد يجيك وينك
- خل يضل وين جاي يريد يموت
- مايقبل اسحاق
جر المبايل منها وكلي: وين اخذتها
جاوبته والغصة بصوتي والخنكة ذابحتني دموعي تنزل عشرة عشرة ونار احسها بكلبي : هوه اني اخذتها لو هيه راحت يس جان تكول راح اروح بس مصدكنها
- لاتسوي اي شي وصتني ماتريد تندفن بليل تخاف نغسلها بس ماندفنها
اسحاق : ياعلي ياعلي راح اموت ولك يابة
هاشم : سدة وتعال يس عوف الحجي
وكع المبايل من ايدي وكعدت بالكاع احط تراب على راسي والطم : ولج يروح اخوج وين رايحة وين عايفتنا
هاشم : كوم يابة كوم تعذبها هيج مايصلح
- لعد عمي يصلح من حركت كلبي عليها وعافتني ولله ميصلح ولله
- كوم عمي كوم
اخذنها بتابوت من المستشفى لتموت الكرايب والزلم عمتي وصباح راجعت للبيت لان ابنها بالخدج ضال ويس اجانة يلطم حالة مو احسن من حالي
صعدنا بسيارة وحاطيها فوك بالتابوت اجت ويانة مثل الورد من نرجع نرجعها بتابوت ياعلي دخيلك..
وصلنا لمغتسل نزلنها والكل يصيح لا اله الا الله
اخذوها منه حتى يغسلوها واني اصرخ برة لاتاخذوها
احس الكل اله سبب انو هيه راحت وعافتني
ابوية الدكتورة زوجها كلشي كلشي جان غلط
نص ساعة طلعوها لافيها وحطوها بالكبر فتحت الكبر واني ادور عليها ماكو صارت عبارة عن قماش ملفوف
رفعتها وحضنتها على كلبي ويمي يس يريد يجرها مني كومونا الكبار مالتنا ماراضين الفعل الي نسوي
ميعرفون احنا لابالنا ولابعقلنا
رادو نطلع للنجف اني ويس رفضنا
يس : ذممتنا تندفن بكربلاء
هاشم : عمي ماعدنا مقبرة هناك
يس : اسويلها مقبرة اصيرلها مقبرة هم
اسحاق : هي وصت عميجانت تعرف مراح تطلع من المستشفى كل حجيها جان مال انسان جايي يودع ..
يس : ماندفنها هسه ماتحب الليل تخاف ناخذها لبيتها الفجر نطلع
هاشم : هاهيه عمي
صعدوها بيكم وصعدت يمها واجه يس ايدة على كلبة شمر روحة على تابوت ييجي مثل الطفل واني كاعد يمة حاط ايدي على عيوني وانحب
وصلنا للبيت ويا صعبها من دخلنا والنسوان تصرخ وتلطم وكفت بنصهن الطم على وجهي نزلوها وكلنا كعدنا داير ميدورها
طببناها للاستقبال وضليت نايم فوكاها ابجي واحجي وياها : ترضين اقوت بيتج وما تستقبليني يم روح الحلوة يم ملكة الطيب كوميمن نومج يبعد اخوج هاي النومة مو الج
كعدي وروحج وروح ابوي بعد مااعوفج بس كعدي
ناس تجي وتروح صار الليل شـَڪد رادو يسحبوني اني ويس محد كدر يكومنا يحلفونة بروحها حتى نكوم ونعوفها شلون رهموها؟
اخذت عيني سهوة وشفتها بهدوم بيض شايله بتها الحلو بنص جدي وجدة وابوية وكلهم فرحانين ومرتاحين بجيت اريد اروح يمها من صوت قريب طلعت مسحت وجهي وكالت : ابني امانتك
فزيت الساعة ب٢ الزلم الكبار يصلون وبيهم النايم بس يس حاط جكارته وايده على خدة ويباوع للكبر من شافني كمت كال
- اخر ايام دائما جانت تحجي عن الموت وامنعها ، اطلبها ماتحجي لان جنت خايف بس من فكرة اخسرها بس شوف هسه وضعي مكابل تابوتها وكاعد ، ياريت الكة واحد يموتني ويريحني
_ حلمت ابوية يكلي ارجع اشبع منها ٫ شلون اشبع منها هاي روحي مو اختي
شلون اعيش بلاياها
يــٰس : قبل لانروح كالت اخاف عوفهم بطني بس كتلها توكلي على الله
اخ يابوية ياوجع كلبي ياعزيزتي.