رواية عشق الثأر الفصل السابع والعشرون27بقلم مينة طلال
_كون الكلب ينعت وعته
واشلع ضلوعي وياه سته
لو ينمرد ييدي مرته
وزتت حطب للنار ازته...
___________________
اسحاق
- اذكرت الحلم وكلتله .. يس وين ابنكم
يس : شسوي بالابن وهيه راحت؟ ولله جان رضيت الدنيا كلها تروح بس هيه كون تبقى ، ولك ولله ممستوعب شلون سلمتها بيدي للموت ماادري
جاي اموت
اسحاق : ركز وياي يس ابنك وين هسه اجاني طيفها توصي بي
يس : ليش مااجتني لعد ليش
كام يبجي عرفت مراح اخذ منة لاحق ولاباطل طلعت من الاستقبال وخابرت صباح جاوبت
- صباح وين ابن دموع
صباح : ضل باالخدج واحنا رجعنا للبيت
- همه كالو بقو يعني؟
صباح : مااعرف اسحاق ماسالنا ضل عدنا بال احنا منا يس ومنا دموع ندهرنا
- وج حلمت بيها توصي باابنها عود صدك كلنا شامري بالمستشفى ومحد يدري بي ..
سديته منها استجمعت روحــي وشغلت السيارة للمستشفى مايطيني كلبي افوتلها وماتت بيها اختي الصبح بس هذا امانتها والباقي منها..ومحد يدري عنه
وصلت ورحت للاستعلامات من سالتهم كالي الواكف : استاذ لازم واحد من اهله هوه يستلمة مانكدر ننطي الك مسؤلية جبيرة هاي ، هواي اتصلنا برقم الاب بس ماحصلنا
اسحاق : خوية رحمة لموتاك ، اليوم ماتت اختي هنا وزوجها ضربتة جلطة الطفل ضال هنا شنو معناها؟اني خالة اخو امة شلون ماتنطونيا
- ممكن تجيب اي مستمسك يثبت قرابتك من الطفل مع جناسي الاهل لو سمحت
وخرت منه خابرت صباح : صباح فدوة تعبتج بس رايد جناسي يس ودموع وشهادة الوفاة خل ثامر يجيبج ، حتى نستلم الطفل ضال بالمستشفى وحدة
صباح : خوش جاية
سديتة وكعدت انتضرهم ساعة يلا اجو
اطيتهم مستمسكات والشهادة مال وفاة راحو يجيبو وطلبو. من صباح تاخذة لان مرة وتعرف ..اني بس امشي بلاية روح حتى ما لحكنا نفرح بي
صعدنا طبت صباح وطلعت شايلتة لافي بمدري شنو اطتنيا وجايبة جنطته وياها طلعت مثل لفاف لفتة بي وخلته بحضنها ودموعها تنزل : صدك عود دموع سويتيها وعفتي ابنج ، انتي وصيتيني واني راح اقصر على ابني ومااقصر علية بس ياريت انتي جنتي موجودة وتحضني وتبوسي وترضعي
اسمعها ودموعي تنزل وياها بهذا اليوم نسيت اني رجال نسيت كل قواعد الرجال ميبجي الرجال قوي ، اني مو قوي اني اضعف بشر هسه بدنيا الهوه يكدر يوكعني خابرني عمي جاوبت
هاشم : وينك اسحاق نريد نطلع حتى نوصل النجف الفجر راح يطلع
- لاعمي نطلع كربلاء هيه رادت هناك تندفن
- عمي ماعدنا هناك قطعة احنا
- اشتريلها عمي اشتري ، شعدي اني بعد بدنيا غيرها
لو بيدي اطيها عمر جان نطيتها عمري..
هاشم: راح اخابر هناك جماعة نشوف وين يكدرون يدبرون قطعة ونشتريها قبل لانوصل
- هيه تريد هاي القريبة على الامام شوف هناك اقرب مكان على الامام
- صار عمي صار
سدة واني ساكت وصباح بس دموعها تجري بجة الطفل لو كلبي فز كبل كتلها : شبي ليش يبجي
صباح : سودة علية يريد ينام يرضع يشم امة ، شنو ذنبة هذا
وبجت
هزيت راسي مااكدر اجاوبها طلعت باكيتي ومن جكارة للثانية وصلنا شلت غراض الطفل وهيه طبت لغرفتها طلعت من دشداشاتها ولفته بيها كل موقف يهد حيلــي هد ولله مو حمل اني لو الدنيا محتركة جان تحملت بس مو هيه تروح..
كام يبجي كالتلي : اسحاق فدوة ماعدنا لاممة ولاحليب جنت اكللها نرضعهم طبيعي واني اساعدج ، اخ ياوجع كلبي ياحبيبة
اسحاق : نروح نجيب امشي
دموع : خل اودي الطفل لامي
طلعنا من الغرقة وطبينا لعمتي جانت حاطة صورة دموع وتنعي من حطينا الطفل بحضنها وبجة حطته على كلبها وتبجي
- شنو ذنبك انت بيبي شنو ذنبك
مكدرت ابقى طلعت من البيت حيل اختنكت لحكتني صباح ضلينا نفتر بشوارع بالكوة لكينا صيدلية مفتحة اخذنا حليب وممات ورجعنا حان الطفل رايحة روحة من البجي كبل صباح سوته حليب رضع ونام
من شفتة نام حسيت دموع رتاحت رحت للاستقبال كعدت كبال تابوتها امسح على الخشب واحجيها : جبت ابنج رضع ونام وعيونج الي اخذها الموت مراح اخلي بشر يضرة واقدمة على روحــي ياروحي انتي ياعزيزتي
هاشم : بوية كومو امشونا اكرام الميت دفنة ولله حرام عليكم الي تسو بيها..
يس : عمي ليش مستعجل تريد تاخذها مو كافي الموت اخذها مني ، ولله كالت مااروح واني اخذتها للموت برجلي من عسني ميت ولاماخذها
نمت على تابوتها ثامر والولد كومنا كوة شالوها وخرناهم اني ويس شلناها من البداية وثامر وعمي ورانا طبو تمي غايب وجاسم محد يبنا اهتم بس سلمو على عمي ومشو ويانة حالهم حال الناس الغرب الجاين
شيعناها بالمنطقة واحنا نردد لا اله الا الله
النسوان طلعت على صوتنا تبجي عليها لان كلهم يعرفوها ويعرفون جانت راح تجيب رجعت بتابوت..
صعدنا بيكم واني ويس هم طول الطريق وياها
احجي وياها بس ماادري شنو احجي بس كلبي يحاجيها
وصلنا لكربلاء ب١١ شلنها زورنها الامامين وطلعنا بيها
عمي خابر على رجال يعرفة دلانا نفس المكان الرادتة ماكو بعد هواي عن الامام الي حرك كلبي لكيته محضر كبرها ، ضاكت بية الدنيا كلها شسوي هسه اني شلون امنعهم ياخذوها مني؟
وصلنا لمكان الكبر واحس رجلية وكفن مااكدر اكمل ولله مااكدر ادفنها بيدي صعبة ولله صعبة جابو تابوت ثاني صغير بي بتها وكام الدفان يحفر خلص بسرعة عبالك مو بشر راح يدفن تحسة يريد يدفنهم ويخلص
طلب نجيب الجثة وخرتهم واني شلتها وياي يس راد ياخذها مخلينا نزلتها اني ويا وجع كلبي من طلب مني افوتها بلحد ايديه بقت ترجف ودموعي تنزل بدون مااحس طلب ينزل يلقنها طلعت واني اباوع على هل قطعة البيضة الجواها روحــي من الدنيا
بس طلع وكال شمرو التراب بدو يشمرون عليها التراب كمت الطم على راسي وصدري تهسترت جنت مسكن الالم لان جان تابوتها كدامي هسه هيه كلها راحت وراح يبقى بس اسمها ينذكر ويا المرحومة
ولج طلعي شفتي من حياتج ورحتي طلعي يروح اخوج المن عايفتني بعدج
وخروني عمي والولد ودفن بتها يمها قرو الفاتحة وبدو الناس تريد تروح الي راح والي يستحي ينتضر منه نكوم عمي اخذهم للسيارات واني ويس مكابلين ترابها اشيل منة واحطة على كلبي وابجي كومني عمي
هاشم: من البارحة شعلت روحها شعل ولكم حتى بموتها ماارتاحت من وراكم لاقريتولها قران لا دعاء بس تنوحون مثل النسوان مو جاي تشغلون كبرها شعل
اسحاق : كلبي مشعول عمي مو بيدي موبيدي
يس : ادفني يمها عمي مااكوم ادفنوني وياها
هاشم : كومو قومو بواجبكم الها اذا صدك تحبوها سولها عزاءو ثوبولها زورو واقرو قران واهدولها عمرة وحج بدال النوح الي يضرها بس..
يس : سوي انت عمي مااكوم اني
هاشم : وانت اسحاق
اسحاق : اني ميت من زمان عمي ميت
دنكت بست كبرها وكمت احجي وياها بصوت
- لادكولين اخوي عافني رايح اقوم بواجبي اتجاهج وداعة ترابج ارجع يمج ومااعوفج وحدج
ضليت اباوع انتضرها تجاوب درت ظهري ومشيت يس نايم على كبرها عفنا يبرد كلبه هوه من يريد يجي
صعدنا بسيارات ونزلو بطريق يتغدون بس طلبو مني انزل لعبت روحــي ومشيت اتقيئ بصحراء
- يااكل اكل هذا ؟ اكل فاتحتج ؟ من تعمة ؏ـيونَي وسم بطني اذا اسويها
ضليت ادخن بالكوة ثامر قنعني اشرب جاي ومي
ساعتين وطلعو للسيارات رجعنا لبغداد ب٦ المغرب جان االجادر ناصبي عمامي والطباخ جايبينة الولد وناس جاين سلمو وكامو يعزونا واحنا اروحنا رايحة
كعدنا ظهرنا مكسورخابرت يس جاي بطريق رجعت خابرت صباح
_ شلونه الطفل
صباح : زين بس من الفة بهدوم امة يسكت ويهدء
_ حركي كلبي خاف بعد عدي حيل
_ دفنتها صدك اسحاق شلون نطاكم كلبكم تغطوها بالتراب وترجعون
وخرت الموبايل واني ابجي واصيح يابوية لتموو علية
الزلم تواسي وطبطب بس انيمامهتم لاي واحد
اخ ياوجع كلبي صبو العشة وكعدو ياكلون واني اذكر من كلنا نبها ماتاكل علمود عمليتها
كمت طبيت للبيت وصحت : ام زيد
صاحنها النسوان وكبل اجت كالت : ها اسحاق
_ غرفة دموع فارغة؟
_ اي اني انيم ابنها واقفلها
_ سويلي طريق اريد افوت
سوتلي طريق وفتت لغرفتها شفت ابنها نايم بجربايتها ملفوف بدشداشة الجبتها الها
شلته حطيته على كلبي واني ابجي وكفت صباح بلباب تبجي وياي طب زيد يبجي
_ با با اين عمة؟
_ راحت عمة بابا ماتجي بعد
_ ايش!
_ راحت لمكان حيل حلو احلى من هنا
_ اوح وياها
حضنته وبجيت : للا بابا لا لاتروح فدوة لعينك تعبت ولله تعبت
اخذته مني صباح وطلعتة شوية ورجعت : اسحاق خطية ضل الطفل لااسم لامستمسك شنو ذنبة
_ بس تفضل الفاتحة اسويله ٫ شرادت تسمي هيه؟
_ علي
_ ام علي الغالية رحتي ياعزيزة اخوج
سكتنا والطفل بحضني سمعت مرت غايب تحجي بصوت حتى يسمعون
_ عساس طلكو ويتخشخشون بالغرف
صباح دنكت اطيتها الطفل لزمت ايدي تشرلي اسكت سحبتها وياي وطلعت
_ عمة الله يساعدج
_ هلا عمة البقية بحياتك
_ شوفي وحك الدفنتها ورجعت ٫ ان سمعتج جبتي طاري مرتي على لسانج لاشوفج الي ماشفتي من عشرين سنة
_ شحجيت اني احترم نفسك كاعدين بيتك
_ تعرفين شحجيتي ٫ وخل اسمع بعد اسمنا اجة بحلكج
عفتهن وطلعت جاي يلمون الجادر وينظفون سليم يتصل
جاوبته
سليم : عمت عيني ياخوي البقية بحياتك حبيبي ٫ جايك اني
_ سليم جنت اكلك هاي روحي هلي اغلى شي عدي ٫ بعد ماعدي روح ماعدي غالي
سليم: سودة علية ياخوية يااسحاق بطريق اني باجر اوصل اول مكالي قاسم حجز وجيت
_ اخ ياسليم ٫ اجيت ركض عبالي جيتي تفيدها تالي ماتت كدامي ومكدرت اسويلها شي دفنتها بيدي ورجعت للبيت سليم كاعد بفاتحتها تصدك
_ اجرك على الله حبيبي الله يصبرك ويرحمها
- تسلم
- مااريد اتعبك اخذ راحتك
سديته وضليت صافن وين اروح هسه ماريد اطب بيتي اذكر من طلعت منة وهيه توصيني مااكدر اطب بيتها هذني نسوان جوه اجاني عمي
هاشم : يلا امشينا للبيت تعبت بوية
- يابيت عمي ؟
- غير بيتك
- مااطبله مجاي يطلع حجيها من عقلي
هاشم : بكيفك اني رايح
عافني مشه شوية ورجعلي
- تعال وياي ولاتكسر كلبي بزايد
- عمي اني المكسور اني الضعت اني المهضوم
هاشم : وشنو اني مرتاح احس دافن جزء من جسمي شي ناقص مجاي الكه ادور بالوجوه مجاي اشوفها
- اخ ياعمي اخ
حضني وبجينا قنعني ارجع بالكوة سقت دايخ مماكل شي بس جكاير وصلت للبيت عمي جاي يفتح القفل واني اباوع واذكرها من طلعت منا
هاشم : ادعيلها ، فوت صلي واهديلها قران حتى ثنينكم ترتاحون
سمعت كلمتة وحسيت هذا احسن شي اسوي سبحت وطلعت فرشت مصلايتي وعميطب لغرفتة كعدت اصلي بس سجدت نزلت دموعي مو بيدي حتى الامام علي كال اصعب شي بدنيا فقد الاحبة
مجان عدي بدنيا غيرها اني وراحت
كمت تمددت على فراشي غمضت جاي احاول اشرد من كل هذا الصار اتمنى كلشي حلم
اتمنى مااجتني ذاك اليوم وجانت حامل
اتمنى لو مبقيها كدامي كل عمرها ولامزوجها
اتمنى لو ماخذها وياي وطالعين ويا قاسم
واتمنى واتمنى واتمنى..
بس شيفيد التمني؟
لو كلشي نتمنى يصير جان الناس خلصت حياتهم بيتهم ويتمنون
غفيت وشفتها تبتسم شاله بتها مثل الملاك
فزت اذن الفجر والجو كسر برودة طلعت توضيت صلي وصليتلها قريت قران وزيارة عاشوراء وهديته الها ضليت كاعد على سجادة
دم مبايلي صباح نغزني كلبي : ها صباح
- عفية تعال للبيت هذا الطفل جاي يصخن ومافادن كمادات خل ناخذة للمستشفى
ركضت بدشداشتي كبل للشارع شغلت وصلت للبيت مااعرف شلون وصلت بهل سرعة طوطت وخابرتها طلعت لافته وعمتي تمشي وراها
- ها شبي
- صخن رضعته ماياخذ حليب حاطته على كلبي لفيته بهدوم امه احط كمادات ماتنزل حرارته المستشفى احسن يممَڪٰٖטּ يحتاج علاج
- اي نروح
مشيت لاقرب مستشفى علينا مو نفسها الي ماتت دموع
طبينا ركض للطوارئ اجانة طبيب حجتله صباح ساألها عن حليبة ورضاعته بجت وكالت
- امة توفت بيوم ولادته جانت ناوية ترضعة طبيعي ، مالحكت ترضعة خليه على ممة حليب نفلاك
نقهر الدكتور كال:- الله يصبركم ويرحمها ، اختبرتي مناسب الة؟
- دكتور اني ما مرضعة حليب ، بس البارحة طبيعي رضع ونام صح العفو يتقيئ بس قليل
- اضن هل نوعية مافادته راح اغيرله الحليب واطيج قطرات تنطيها اله ويا الحليب للحرارة وياريت تنتبهين اذا تحسي مايرضع هوايمو مرتاح مو طبيعي ترجعون تجيبو
كتبلنا العلاج اخذنا من برة جانت جايبة وياها ترمز وممة كبل سوتله حليب جديد حطت الدوة وشربتة نعوص ونام
سكتنا ثنينا اختاريت فرع اطول وغيرت المكان حسيت روحــي محتاج احجي وياها
- صباح
- ها عيني
- تقبلين نرجع سوة
سكتت باوعتلها تعصر بيدها طولت بسكتتها وكالت: من رفضتك رجعتلي ؟
- مو هيج
- لعد ؟
- الانسان بتجربة يتعلم ، واني غلطت ماانكر وندمان هواي ، لو يرجع بيه الزمن ماازعلج يوم عرفت قيمتج ومكانتج زين ، واحنا هسه حيل محتاجين الج
- اذا على الحاجة اطمئن مستحيل اعرف مسؤلية الطفل دموع لاخر لحظة وصتني وهوه ابن اخوية خاف ناسي
_ صباح ليش دائما يصعب عليج تفهميني ؟
- يممَڪٰٖטּ لان انت ماتحب افهمك؟ تشمر حجيك وتمشي ولازم اني ارتب واحلل وافكر وافهم وحدي
- اسف
- كلمة ماتكدر تصلح شي نهدم اسحاق
- صارو عدنا جهال ثنين فكري بيهم
باوعتلي وكالت : تمنيت ولو مرة بهل عمر العشنا سوة تحسسني اني المهمة مو شي ثاني ، مو سبب اقوى يخليك مجبور ادخلني بحياتك..
- ماعدي سبب غيرج ، اني حاب ارجعج
- واني مو حابة اطفالي يشوفون اسوء علاقة بالدنيا
- ليش هيج تحجين؟
- باليوم الكلبك يفرغ راح تلكاني منتضرتك ، بس هسه تريد تملي بية فراغ وتكسر وحشة اعذرني
ابنا يمنا شكوت ماتحب تشوفة ويجيك وتجي للبيت ترة يبقى بيت اختك ، وعلي هم شوكت ما تحب تشوفة
- تدرين اصعب ايام جاي اعيشها هسه وانتي رفضتي تشاركيني همي ، شسوي بيج واني فرحان ومرتاح ؟ اذا بهمي درتي ظهرج
_ هذا تفسيرك لكلامي؟
- شنو معنا لعد تكليلي انتضر كلبك يفرغ
ليش هم دموع عبالج سهل ؟ انتي عبالج اريدج علمود رغبات جسمية
- هاي شنو وداعة ابوية فهمتني غلط اسحاق قصدي مروج
- يا خ*** مشوفين اريد ارجعج ، اذا هيه بكلبي ليش ارجعج ها؟
- اسحاق انت مضغوط ومقهور هواي بس ارتاح واخذ قرار لاتخلينا ندم مرة ثانية ونصير حجي بحلوك الناس
هزي راسي رجعنا للبيت طبت واني كعدت برة طب يس ظهرة منحني
- شوكت اجيت؟
يس : كلشي ممَاެدࢪي وشلون نطاني كلبي واجيت هم ماادري
- فوت اسبح وصلي ذب حملك وهمك على ربك ، اني الة سويت هيج يلا كدرت اكمل
طب هوه شوية وصاحتني صباح : ابو زيد تعال تريك
طبيت مسوية بيض وكهوة وخبز نفسي مااشتهت بس هيه اصرت : لخاطر الجهال اذا اني مالي خاطر يمك ، ماريد احلفك بروح دموع لان كلبي مايطيني اسند كلبك ولو لكمة
جبرت روحي اكلت شوية وشربت الكهوة اشكرتها وطلعت ادخن اجتني رسالة باوعت للمبايل جنت ممغير اسمها كاتبة...
مرجي : البقية بحياتك ، احنا جاين للعراق علمود العزاك ، الله يصبرك ويرحمها ..