رواية عشق الثأر الفصل الثامن والعشرون28بقلم مينة طلال
_ العذاب الشفته منه بگبر ماموجود
عيشتي الجحيم بكل تفاصيله..
_________________
إسحاق..
- باوعت لرسائلها اشمئزت نفسي مسحت رقمها وحظرتها من كل البرامج ..اعتبرتها صفحة ونطوت من حياتي..
طلع يس يباوع مثل الشخص العبالك اول مرة يجي للمكان طلع جكارة وكالي : من وصلت للبيت حسيته هذا مو بيتي ، البيت المابي ضحكتها وريحتها وصوتها هذا مو بيتي.. مااعرف شلون نطاني كلبي وطبيت
هيه رجعتني هنا اسحاق جنت مااريد ارجع..
نايم على كبرها واجت تكلي جاي تحرك كلبي روح هذا نصيبي من الدنيا ، كالت اذا تحبني داري ابني ، وصتني باابنها اسحاق للحظة حسيتة مو ابني بس ابنها عافته جزء منها حتى لاننسها
جريت حسرة وجاوبته : انت جنت فاقد اني جبته وجبناله حليب وهسه يم صباح وعمتي جاي يدارونا بس لازم انت تروح تسمي مقبلو اني اروح
يس : هيه رادت تسمي علي
- علي علي ، راحت ام علي بس عافت علي روحها بي هذا، خاف تزوج بالمستقبل يس ترة اخذة من هسه اكلك
- يازواج اسحاق؟ ليش ضلت عدي روح خلافها حتى ازوج ، ولك هذا المي مجاي اشتهي اشربه صار يومين
- الله يصبرك يخوي ويصبرنا ويعظم اجرنا بفقدها
هاشم : يولد همتكم ويا الشباب برة يلا ولدي
طبيت نطيت مبايلي وغراضي لصباح وطلعت وياهم نصبنا الجار ونظفو الشارع الطباخ بدة بالغداء، والكهوجي خلص الكهوة وكام يضيف الي يجون واني ذهني سارح بدنيا وين اخذتنا وين ودتنا
منو جان يصدك ام الضحكة الحلوة تروح بيوم وليلة
اخ لو جان بيدي اشيل من ؏ـَمريٰۛہ واطيها ، بس شوف قسمتي اشتغل بفاتحتها ..
صار الظهر شفت طباخ محتار وحدة ناس ويا راحو يجيبون غراض مشيت اساعده جان شخص جرني من بدي نداريت واشوف سليم ، حسيت جرحي نفتح حضنته وبجيت بجيت هواي وهوه يبجي وياي لتمو علينا الناس الي يواسي اجة عمي وخرنة ويطبطب علينا سال سليم
- من أنت بوية
أسحاق: هذا اخوي الي احجيلك عنه عمي ، سليم
هاشم : هلا بيك ابني
سليم : البقاء بحياتكم عمي ، الله يرحمها
هاشم: تسلم ابني حياتك الباقية تفضل
اخذنا عمي للجادر لان ناس تجمعت يمنا
كعدنا سليم يمي يحضني ويحجي وياي يريد يواسيني مايعرف شوية واجة قاسم تفاجأت بي مجنت متوقعة يجي عزاني وكعد يمنا ضيفوهم الولد واحتاجينا غراض للعشة مبايلي ضل يم صباح طبيت اريد اخذة منها جانن هواي نسوان بالمطبخ ماانتبهت منو منهم اصلان شفت عمتي كتلها ..
- عمتي صيحي ام زيد
وداد : اي عمة
طبت وتصحيها واشوف مروج تقدمت من بين نسوان وكالتلي
مروج : البقية بحياتك يارب ، خاتمة الاحزان
مباوعت عليها بس كتلها حياتج الباقية اجت صباح شايلة علي
صباح : ها عيني
- تسلم عينج بس رايد غراضي
- الزم علي هسه اجيبهن
اطتنيا وراحت مروج بس تراقب بعيونها جرتها عائشة حتى تصير بعيدة عني بس هيه عيونها مانشالت مني
واني جنت مستغرب من برودي ناحيتها ، سبحان الحول كل ذاك الحب وصار عبارة عن ثلوج ولا عبالك جانت هل مرة قطعة من الكلب
يممَڪٰٖטּ بسبب موت دموع ، ويمكن الخذلان العشتة والعطاء بدون مقابل خلاني اصحى على نفسي..
اطتني الغراض تشكرتها واطيتها علي وطلعت...
____
مروج
ڪُلـش سهل تلوم انسان وانت ماعشت ولا شي من هوه الي عاشة
اسحاق خلال ٣ سنوات جنت متخلية عن ذاتي واحلامي وحتى كرامتي
صبرت وتحملت وضغطت على نفسي في سبيل ننجمع سوة
بس شنو حصلت؟
خيانة وخذلان وكسر
انتضرت وكل ماانتضر اكثر يكسرني اكثر
بلاخير شفت روحــي كدام خيارين ، يااني ، ياعائلتة
ومستحيل جنت اخلي عائلة تنهدم ومرة تنكسر بسببي
اختاريت البعد رغم كل التعب الي عشتة بهل علاقة
كل المجهود الي بذلتة قررت اتخلى عنة واروح حتى لااهدم حياة عائلة
تغربت وضعت بجيت هواي وتعبت
اخذت علاجات نفسية اعتزلت وصار عدي كأبة تالي
رجع
بس بعديش؟
من بجيت ونكسرت ووكفت وحدي
اجة يريد ارجع للصفر ويا
اوكي ممكن ارجع بس وعائلتة؟ الي من وراهم اني عفتة من البداية لخاطرهم ماانكر احلى اسبوع عشتة بحياتي جان قريب علية بسًمن عرض علية ارجع ويا حسيت راح اخسر كلشي وارجع للصفر وعائلتة هيه تربح لان شـَڪد ما ييتعدون بنهاية بينهم طفل يجمعهم..
من عافني وراح حسيت الدنيا رجعت اظلمت بعيني بعد ما لونها بجيتة لهنا ..
اني وسليم حاولنا ثنينا نتواصل ويا بس بدون فايدة مجان يرد على احد بينا ، انصدم بعد اربع ايام من رجعته عمي يبلغني اخته
توفت
اني وعمي وسليم وكل شخص قريب على اسحاق يعرف شنو دموع عد اسحاق ، اسحاق روحه اخته عاف كلشي مقابل محد يضرها صح اني ماعدي اخت ولا اخ بس حسيت بااحساس انو فقد شخص حيل مهم بحياتة.. راسلته وجان عدهم صبح رجعت دخلت للمحادثة شفته حاظرني من البرامج اتصلت هم حاظرني
مااعرف شلون تقبلت الموضوع بس كلت يلا موكت ازعل منه هسه
مااجنت ادري اسحاق مطلك ولاجاي يريد نزوج كل ضني يريدني زوجة ثاني او مااعرف بس اعترف هل مرة اني سلمتة بيدي ..
عمي قرر هوه سليم يروحون طلبت منه اروح وعائشة كالت مشتاقة للعراق حجزنا كلنا
وصلنا للعراق الصبح عمي جان بايع كلشي اله بالعراق اله البيت الي جنة عايشين بي قبل لا يشتغل شغلة القديم
رحنا طبينا بي بعد سبع سنوات كلشي مثل ماعفنا بس احنا مارجعنا مثل ماجنة كل واحد بينا عاش هموم والدنيا اخذتة بطرق مختلفة..
سبحنا ورتاحينا خابر سليم على عمي يطلب منه يجي ويا رحنا سوة بسيارة لبيت اخته الي صار بي ممان الفاتحة مالتها
بس وصلنا شفت الجادر والناس اباوع بزلم اتمنى اشوفة بس ماشفتة عمي كال لعائشة تاخذني ونطب بسرعة طبينا سلمنا على الكل واحنا مانعرف اي احد وكل شخص يسأل عائشة تجاوبة عائلة صديق اسحاق
بعدنا بالمطبخ هوسة ولازم نسلم على كل سمعت صوت بس مو غريب علية هذا الصوت الي جان يرجع الي الحياة
اسحاق : عمة صيحيلي ام زيد
اني اعرف ابنة اسمة زيد لان دائما جان يحجي بي ويكلي تمنيت انتي امة ، اجرأت اروح اعزي بس هوه داير وجهه عني عذرتة منا زعلانين سوة ومنا اخته هستوها متوفية
ضليت اباوع علية لحد مااجت مرة حلوة شايله طفل كالتله الزم علية حيل رجف وكلبي كمت احسة يطلع من صدري هذا ابنة؟
ردت احجي ردت ابجي الطم اصيح بس جرتني عائشة مبعدتني عن هاي العائلة السعيدة
اطتة غراضة وطلع اسمع نسوان تتهامس مو اطلكو شو يتحاجون ونص يكولن رجعها ضليت عايشة على روس الاقلام الي اسمعها خابر عمي عائشة كاللها طلعن
جاي اطلع واسمع مرة تصيح لهاي البنية
وداد : يمة صباح تعالي سوي حليب لعلي
صباح: يمة هسه بس بيدي شغل
رحت يمها كتلها : اساعدج
صباح : ها حبيبتي، لاعيني ارتاحي فدوة تفضلي
- ابنج جوعان روحــي رضعي اني اخذ الشغل عنج
- مو ابني ، عمت عيني ابن دموع هذا مالحك تتهنى بي
بجت عيوني دمعت الموقف يخنك ماادري مختنك على دموع لو على الزمن الخلاني احجي ويا مرت حبيبي
- عبالي ابنج شفته شايله زوجج
- غير خالة حبيبتي ، اذا مايشيلة منو يشيلة ، ليش شبقالة من عائلتة بس هل طفل من ريحتهم ضل
- الله يرحمهم
وداد : وج يمة صباح وين صرتي
- ي ي جاية ، من رخصتج حبيبتي
عافتني وراحت جرتني عائشة : كافي اذلين بروح تره النفس غالية
- بس هوه اغلى من النفس عائشة
طلعنا جان واكفين يم اسحاق باوعت علية هوه ولا شافني صعدت بسيارة وبجيت
عائشة : بس لو اعرف ليش تبجين مو انتي كتيله ارجع ، رجع لبيته وعائلتة ليش هسه تبجي
- ابجي لان بغبائي هل مرة ضيعته من ايدي ، كالي اذكري انتي بعتيني ، عاف كلشي واجاني واني خسرتة عائشة خسرتة هل مرة للابد
عائشة : حبيبتي الله يعوضج يمكن من البداية مو قسمتج هوه كالي تقهرين روحج مو كافي سنينج الراحن..
درت وجهي للجامة وبجيت صار بوجهي هوه وعيونة تلاكت عيوني جانت تحجيلة شـَڪد يحبنة على عكسة الي جان عبارة عن بشر بلا روح حتى نظرته حسيتها مستحقرتني ..
اجة عمي صعد كال لعائشة تكعد يمة لان سليم مراح يجي ويانة تحولت يمة مسحت دموعي وكلتله : عمي شوكت نرجع
قاسم : هسه نرجع للبيت حبيبتي
- لا قصدي لامريكا شوكت
سكت هوه وعائشة واني اباوعله بالمراية انتضر جوابة : مااشتاقيتي للعراق عبالي نبقى اسبوع اكثر ونرجع نفتر نسوك نزور
- لاعمي اريد ارجع اني
عائشة : هاهيه قاسم اديت واجبك خل نرجع
وكف السيارة وندار يباوع علية : شصار ؟ ليش فجاة ثنينجن تريدن ترجعن؟ عائشة مو كتلتي روحج تريدين تزورني علي؟ بعد شو رجعني تصيحين؟
سكتت لان خطية هيه فعلاً مشتاقة للعراق بس مرادت تعوفني وحدي كلت : عمي عائشة تريد تضل ومشتاقة تبقى بس اني هل بلد كارهته ، احجزلي ارجع وانتو تعالو براحتكم
قاسم : وشلون أمن عيني اعرفج هناك وحدج صار مصار ؟ مروج من الاخبر احجي شبيج لان تعرفيني ڪُلـش زين لاغبي ولااهبل
بجيت وعائشة تطلب منه ميضغط علية هوه هنا طكت عندة: علمود اسحاق مو ؟ بس الولد ضال بدون روح شسوالج؟ حاجاج
عائشة : لا وداعتك كلشي مسوة بس هيه تحسست
- حبيبيتي من رخصتج خليها هيه تجاوبني ..
مسحت وجهي وكلتله : انت شفته اجه الامريكا مو؟
- اي؟
- اجه يقنعني ارجع ويا للعراق ونزوج بس اني مقبلت
قاسم : خوش وبعدين
بجيت وغطيت وجهي : اني خسرتة هل مرة عمو اني ضيعتة من ايدي عاف كلشي واختارني واني رفضته وروحي بي..
قاسم : خاف جان اكو حتمال قليل انتو تنجمعون ، هسه مامو صفر بالمية تنجمعون لان الولد يريد يرجع مرتة ويربي ابن اخته ويا ابنة وماكو شي بدنيا يهمة بعد..
مروج : واني
- انتي ويا ثنينكم ماعرفتو تتصرفون هوه ازوج وعافج
وانتي اشتراج وبعتي
كلشي يكللكم انتو مو لبعض هاي قسمتكم بالحياة
عمي مو كلشي نتمنى بالحياة يصير ترة القدر من يلعب بحياة انسان كل قوتج ومشاعرج وحبج مراح تكفيج توكفين بوجها
هذا اني مثال كدامج ، عذراً عائشة راح احجي هل كلام بس انت تعرفي ، اريدها تسوعب الحياة..
اني جنت استاذ مزوج احلى مرة وعايش قصة حب ماعاشها قيس وليلى بس شنو صار؟
بيوم وليلة اني بسجن ومرتي بالكبر ليش؟
لان قسمتي مو وياها
هاي عائشة من سنين بوجهي
شـَڪد غيرت ناس من دخلت بمجال شغلي بس هيه اكو شي حان يمنعني اغيرها ، جنت بداخلي اكول يمكن لان ساعدتني يممَڪٰٖטּ لان سندتني بس لان قسمتي وياها هيه بقت
والدليل بس سعينى بزواج الله سهل علينا وبشهر احنا مزوجين ومخلفين
عائشة : قاسم مو لهدرجة لاتبالغ
- بمعنى الكلام حبيبتي
ليش انتي ويا من نويتو ترتبطون لليوم الف حاجز صار
سليم اني عمة مرتة وهسه اخته
لان الدنيا ماتريدكم تنجمعون ، انتو نصيبكم مو سوة
- عمي كلامك على راسي بس شلون اقنع كلبي؟
قاسم : عوفي للزمن الزمن كافي يطيب اكبر جرح..
- بس عمي اني راجعة
- براحتج
_____
سليم
منين اجتنا ريم والله مادري
جنت حالف ماادخل كلبي بعلاقة بعد
وبيوم تطلع كدامي مثل السحر
بنية حلوة وناركة بس عيونها بيها بحر حزن
شـَڪد نمردت من سمعت قصتها
استعانيت بقاسم وبدينا ندور على زوجها واهلها
للأسف اهلها كلهم من ضمن شهداء داعش اله عم واحد باقيلها
وزوجها طافر لغير بلد وصعب حيل تلكة شخص من يعبر من اوربا
لان يغير هويتة وحتى شكلة
خليته بالي كلت يممَڪٰٖن يرجع وتواصلنا ويا عمها
الرجال حيل فرح من عرف عده شخص من اهله عايش
لان جانن بناتة وزوجته من ضمن السبايا الراحو
من تاكدنا هوه عمها اني طلبت منه اجي للعراق واحجي ويا شخصيا
من اجينا ما اجيت ويا بيت قاسم اخذتها وحدها غرفة بالفندق حتى ورة مااخلص من الفاتحة اخذها ونروح..
حجيت لاسحاق جان بس يهز راسة ويكلي زين سويت
صديقي راح هذا الكدامي بس جسم
استحيت اكلة بخطتي نحوها انو ناوي ازوجها وهوه بهل وضع
خلصنا اليوم الثاني راد ياخذني لبيتة ابات بس رحت للغندق اجرت يم غرفة ريم خابرتها طمنتها وشفت تحتاج شي ونمت كعدت الصبح بوجهي لاسحاق هذا اخر يوم هواي ناس والمنطقة مكلوبة تعاركو ويا عمامهم وصارت هوسة شكبرها
اسحاق : عمي وحك ترابها الي محالل بي اذبحكم هنا مثل الخرفان
احمد غايب : تذبح منو ولك عليكن جاي تشمر حجيك
غايب : بوية هذا شافنا ساكتيلة لخاطر العالم نجلب
جاسم : احترم نفسك لا نكسر ظهرك اسحاق تماديت هواي
اسحاق : الي ينكسر ظهري علمودها راحت ، بخويطكم كلكم ماتهموني
سليم : حجيت نسيت بست ايدينا حتى نعوفك لو اذكرك؟
هاشم : بسسسس ، عمي طبب اسحاق شربة مي ، بوية صلي على نبي ، وانتو الكبار اخوية العود الجبير هذا عزاء بنت اخوك
اسحاق : عمي رحمة لله لاطلعوني من طوري ليش هوه يايوم حسب روحه عندة اخو واطفال اخ حتى هسه جاي تكلة ليش عده ضمير هوه الفلوس خلته اعمى عن كلشي
احمد : لاخر مرة اكلك احترم نفسك
اسحاق : واذا مااحترمت نفسي شسوي؟
تقدم احمد يريد يجي على اسحاق اني كبل شمرت روحــي علية نومته بالكاع بوكسات ولعباس ماكمت عنه اله شفت روحة جاي تطلع حتى اسحاق يجر بية اخوانة ملخوني واني فوكاه جرني قاسم من فوكاه تفلت علية وكمت
- خيهة عار بس تشمر حجي ولك حتى مارفعت ايدك بوجهي
جرة ابو واخوانة وراحو عساس زعلانين
الناس محد قبل تصرفي بس اخر همي اسحاق حضني وبجة تخبلت
- ليش يبعد اخوك هل بجي ليش تريد ارجعلك عليهم وعيونك ولااخلي واحد سالم بس اشر..
اسحاق : سليم بعمرهم ماحسسونا احنا ولد اخوهم ، ولو شمنتضر اني موت يصحيهم ؟ مو همه كتلو اهلهم بيدهم ياموت هذا بعد الي يصحيهم
الناس جانت ملتمة تواسي بي من سمعو حجية يبووو ناس ولكو سالفة يسولفون بيها للجار العاشر وصلت عمام اسحاق همة كتلو اهله اما عمة هاشم جان مكتفي بسكوت لان حس ماقصرنا
لليل ناس خفت وبدينا نشيل الجادر وماانسى وكفة اسحاق لاخر عمري وهوه يراقب من بعيد الناس شلون تشيل جادر اخته ودموعة تنزل
اسحاق : مو الجادر عزاج عزاج بكلبي ياعزيزة كلبي لاخر يوم بهل روح راح تشوفيني ذاكرج وحاطج بنص كلبي ..
سليم : الله يصبرك حبيبي ويرحمها
- تسلم سليم ماقصرت رغم مواقفي وياك تخزي انت تجازيني بزين ماادري شلون اردلك جمايلك
- شهل حجي اسحاق ، لعد من نكول احنا صحبان واخوان شنو معناها ؟ اذا مااوكف وياك لعد امداني
- احس عمامي مراح يسكتون
- بعد احسن صار هواي ممتعار طلعت كل طاقتي بهذا العار ، كون العباس ويتحارشون بيك لفجرهم همه ونايمين
هاشم : تفجر منو بوية
سكتت مستحي منه اسحاق جاوب: بمعنى الكلام عمي
هاشم : واني قبل سنتين كلتلك خليها على ربك وشوف حكمتة
اسحاق : شو الله اخذ اختي وخله العارات
- استغفر ربك بوية ليش وقادر شفته شلون نفضح ومات موتة شنيعة؟ ربك بالمرصاد ولو بعد حين
سليم : الله عمي مسامع هل حجي من ايام الوائلي الله يرحمة
ابتسم الرجال وكالي : بوية انت من يا عمام
راحت ابتسامتي واسحاق باوعلي كلتله : حجي اني لقيط...
_____
اسحاق
خلصت الفاتحة..
بس الوجع هسه بدة
يا وجع كلبي من طبيت لبيتي واني عقلي يكلي خلاص راحت اقنع
بعد لاتسمع صوتها لاطب عليك فجاة لا تشوفها
راحت
سبحت وطلعت صليت روحــي كامت تلوب خابرت عمي
هاشم : ها بوية
- ليش مااجيت للبيت عمي؟
- رحت اشوف ابن غايب ، تدري لازم بالوجه احنا بنص
- عمي اختنك اربد اروح لكربلاء
- تريد اروح وياك؟
- لا واح اخذ صباح والجهال بس اني نويت ارجعها تكدر تبلغ عمتي والولد
- صار هسه اردلك خبر
سديتة منه بدلت وحظرت روحــي اذا مقبلو حقهم اروح وحدي مااكدر ولله مااكدر انام لازم اروحلها خابرني عمي
هاشم : روح بوية اخذ عائلتك
- قبلو؟
- محد عده اعتراض لان صباح محاجيتهم هيه وعمتك
- مشكور عمي ، ماتجي ويانة
- روح ويا عائلتك زور اختك وصفي كلبك بلكي هناك ينفتح كلبك لعائلتك
- لاعمي ماعدي بعد شي غيرهم
خابرت صباح كالت جاي تتحضر
طلعت للبانزين فولت السيارة ورجعت لبيت دموع البيت الجنت اطبك وانزل افوت كبل هسه بعد مااكدر اطبلة اله خطار
دكيت هورن طلعلي يس
اجه يم الجامة نزلتها : ها ابو علي
- اروح وياكم
- اصعد خوية شايلك على ظهري
صعد يمي كعدنا ندخن ثنينة ساكتين كال : ابني يبقى يمي اسحاق
- وين تعرف تربي انت يس ؟ الطفل بعد لحم يحتاج مرة اداري
- امي يمي
- وعمة مرة جبيرة وين بيها تسهر وتحفظ وترضع وتسكت صدك تحجي تعال عيش يمنا
- مااعوف هذا البيت هذا البقى من ريحتها غرفتها ملابسها
- لعد تجي شوكت ماتريد تشوف الطفل لان مال تاخذة هاي ماتفيد
سكت وطلعت صباح وعمة نزلت اخذت جنطة الغراض وصعدن ورة طلعنا ب١٢ وصلنا ب ٢ اله زرنا الامامين وصلينا بقينا هناك لان عمة كالت ماتصلح زيارة الليل روح الميت بسماء
اني ويس ضغطنا على روحنا حتى نكتد كعدنا بي الحرمين كلشي بهل مكان يشرح الصدر ويرد الروح حتى نفسيتي تغيرت
حسيت الوجع بعده بس سكن
جانت صباح جايبة جاي واجبان سوت لفة لزيد واطتنا جايات شوية واطتنا لفات وعمة تحلفنا ناكل
اكلت شوية وشربت ٤ كلاصت جاي ماصدكت اذن طبينا صلينا اني ويس طلعنا خابرنا عمتي كالت ميصلح ناخذ الاطفال للمكابر وابنها بعده حيل صغير بقن هنة جوة بالحرم ورحنا اني ويس
وصلنالها ويا كلبي من شاف مكانها ركضت مثل الطفل الراجع من المدرسه ويدور حضن امة نمت على كبرها احجيها
- ها يحبيبة روحــي ، يعز علية اسالج شلونج وانت بالتراب
ويعز علية تساليني شلوني واني ميت بدونج
وعيونج الحلوة اسحاق مات ضل بس جسم ويتحرك
بجيت وكمت اخلي مساحة لايس يحجي لان هوه كتوم بالكوة يطلع مشاعرة الشمس هستوها جانت جاي تطلع والعصافير تغرد عالنة يوم جديد بس هل كل البشر عدهم يوم جديد؟
بالنسبة الي اي
لان من هل مكان ومن هل يوم وعدت روحــي
اني وعائلتي وبس مايهمني اي شي ثاني بدنيا
كام يس جبنا مي رشينا مكانها وطلعنا رجعنا مشي للامام كالي
- اسحاق اني لازخلت بطلاكم ولارجوعكم ، بس اسحاق اوصيك هل مرة لاتكسر اختي
- لا يس تعلمت من حياتي هاي الدنيا شوفتني اشكال تغيرت اني مو نفسي هذاك اليدور حب والالوان بالحياة
- الله يوفقكم شرايد اني غير راحتكم
طبطبت علية خابرنا عمتي رحنا للعقود الي بكربلاء رجعنا عقدنا من جديد وطلعنا للسوك كتلها اي شي بنفسج اشتري رفضت بس اخذت ملابس سود هيه وعمة واشياء لعلي ورجعنا
رجعنا لبيت دموع كلت لصباح : يلا عيني لمي غراضج
هيه ماحجت طبت تلم غراضها عمة كالت : يمة تاخذون الطفل
- ي عمة لعد شلون
- احنا ندير بالنة علية هنا ، هوه ابنا بنهاية
- وابني هم عمة ابن اختي الي يوميا توصيني بي ، واني لو ادري بيج حيل اخلي يمج بس عمة انتي مريضة والطفل يرادلة مدارة وسهر وحيل
- صح يمة
- اذا تريدين تعالي ويانة عمة اذا ميشيلج البيت احط على راسي
- ماتقصر وليدي بس مااعرف يس وحدة ماتشوفة انتهى
- ي عمة
اخذت غراض صباح من ايدها صعدتهن وشلنا جرباية الطفل وغراضة ودعناهم ورجعنا لبيتي
البيت الطلعت منة اليوم راجعيلة بطفلين
حسيت صباح مترددة تفوت خليت ايدي على ظهرها امشيها
طبينا وقفلت البوب
شلت جرباية الطفل حطيتها يم مكانها الي جانت تنام بي
البيت على حطة ايدها مااغيرت اثاث او شي
بس احنا ثنينا الي تغيرنا
لدرجة ساعتين بالبيت ماحجينا بس نسال ونجاوب
نومت الجهال بالغرفة وطلعت سبحت وراحت تسوي اكل
نسيت شكلها بدون حجاب كعدت اتامل تفاصيلها وكل خطوة تسويها ندارت ؏َـليۿ تسالني
- منين جايب مسواك
جريت حسرة وكتلها : من دموع تسوكت من اجيت
هزت راسها ورجعت تطبخ بسكوت ماعرفت انهي عل سكوت البينا يممَڪٰٖטּ اثنينا محتاجين نسكت
طلعت للحديقة ادخن خابرت سليم كال طالع لاربيل
اجت بالي مروج مثل الطيف
كبل غيرت مكاني ورجعت كبال صباح كالت : اسحاق وترتني مجاي اعرف اشتغل ليش تباوع
- حاب احس عدي عائلة ماضلي غيركم
مسحت عيوني قبل لاتزل دموعي عافت البيدها واجت حضنتني : واحنا عائلتك حبيبي راح تبقى وياك لاخر هل عمر
جنت محتاج هل حضن حضن يحسسني اني ضعيف لان فعلا جنت حيل ضعيف ضليت ابجي وهيه حاطة راسي بحضنه وتمسح على راسي مثل الام الي تواسي ابنها..
صباح رغم شافت كل اطباعي وما عاشت وياي احلى ايام حياتها
بس من دخلت حياتي وهيه تعاملني بااصلها
حلفت بداخلي اعوضها عن كلشي سويته بيها
وخرت من حضنها بست ايدها اشكرها وحضنتها بجة علي راحت علية واني كمت اكمل الطبخ تاخرت يممَڪٰٖטּ تبدله وترضعة
خلصت المركة وكبست التمن طلعت تمشي مستعجلة
صباح : يا ليش انت جاي تشتغل بس رحت اغيرلة خطية ورضع ونام
أسحاق : ميخالف عيني مصار شي ، صباح
- ها عيني
مديت ايدي خلت ايدها بيدي كتلها : من اليوم همنا واحد وفرحنا واحد نساعد بكلشي بالحياة ونفهم بعض ، ماكو كتمان بينا ولازعل الي ميعجبة شي بثاني يحجي مو ينتضر الثاني يحس ، صرنا عائلة خلينا نعوض عمرنا الراح بجاي
صباح : وشريد اكثر من هذا اني
بستها براسها وراحت تكنل ترتيب المطبخ..
طلعت ادخن واحس روحــي نولدت من جديد كلشي بيه تغير..
بعد مرور ٤٠ يوم..
- اليوم الاربعين مال دموع من البارحة حضرنا الكوسترات وكلشي صباح صارها سيوع تعبانة طلبت منها تضل ويا جهال كالت مشايفتها هيه ابد راح تحلي اخواتها يم الجهال وتروح ما مانعت
صعدنا بالكوستر اني وعمي وعمتي ويس وصباح وخلينا نسوان عمي بغير واحد
وصلنا لكبرها متكابلين اني ويس وصباح عبالك البارحة ماتت ماكمنا لحد ما صرنا مانشوف منو حوالينا رادو يتغدون هنا
صعدنا بالكوستر بطريق وكفنا يم مطعم من نزلنا ريحة الشوي والاكل تارسة المكان صباح نزلت لو روحها راحت ضلت تركض تريد بس تتقيئ
ركضت ورها ضلت بس تتقيئ روحها راحت واني امسح على ظهرها وكلبي راح خفت عليها حيل جاب يس مي وهوه يهفي بوجها شربتها مي ساندها بيدي كومي ووتخربطي بيدي اجرنا تكسي اني ويس وطلعنا بيها لأقرب مستشفى شافونا الطوارئ حجيت للممرضات حالتها سالوني مزوجة كتلهم نعم اني زوجها
حطولها مغذي وسو فحص دم ضلينا على راسها لحد ما كعدت واني الوم بيها : مو تكتلج ابقى ، راحت روحــي هبطتيني عليج
صباح : شمدريني مو كدامك مابية شي بس روحــي راحت فجاة
يس : وكفت عدي الدنيا ولله حتى رجلي مكدرت اوكف عليها ، مابينا بعد حيل صباح ديري بالج على نفسج
هزت راسها متفهمة خوفنا ثنينه عليها طب ممرضة : استاذ انت زوجها
كمت : اي نعم
- مبروك مرتك حامل
اطتني ورقة تحليل نداريت مبتسم على صباح الي مستحية من يس كام باس براسها يباركلها حضنته وبستها من راسها دك مبايلي عمي هاشم كلت يممَڪٰٖטּ افتقدنا ماكو جاوبت والابتسامة بحلكي : ها عمي
هاشم : شنو عمي دريت
- بشنو قصدك صباح شمدريك انت
- ليش شبيها صباح
- شمدريني عمي اعد على شنو قصدك انت
- مو كلتلك ربك بالمرصاد
- ها عمي
- يمكن اني اول اخ افرح بهيج خبر
- عمي احجي شصار
- خابرونا البارحة مو عمامك همه ولدهم بالكرادة جاي يسوكون للعيد مقبلو يجون يمنا حتى يروحون للاربعين هناك بالانفجار الصار ماتو كلهم واليوم لكو جثثهم وخابرونا اسمع اليبو من نسوانهم وعمي وهوه يكلي تسمعني
سكتت للحظة باوعت على الورقة وخرت المبايل اباوع ؏َـليۿ يس كالي شـَڪو شصاير كلتله : تزاحمت النعم..