رواية احببت نديم الفصل السادس6بقلم اية موسي
بعد نوبة العياط الي حصلت .. خرج نديم من غير ولا كلمة وانا نمت
صحيت تاني يوم على صوت رنة موبيلي .. كان نديم
- لدلوقتي نايمة !.. يلا افتحي الكاميرات علشان داخل لشهاب
قمت بكسل .. وغسلت وشي يمكن 6 مرات علشان اركز
فتحت الكاميرا على دخلة نديم
-اهلا بجوز بنتي
- انا عاوز ا فركش
- لاما هو انا مش عاوز عبط
- ومين قال اني بمزح او بستهبل .. انا عاوز فعلا افركش
ضحك ضحكة طويلة ونديم واقف قدامه
- الاوراق لسا معايا
- أي اوراق ؟
- اوراق القصر يا روح امك
- والله انا مش شايف أي اوراق
- لا اوريهمك
وفعلا لف ظهره لنديم علشان ما يشوفش ... بس الكاميرة لاقطة كل حاجة .. كنت بصراحة مش على الرقم نفسه .. بس على السطر.. يعني الرقم الاول كان بالسطر التاني .. وهكذا .. وبعدين نقعد نحزر .. بس احسن من ان ما نكنش عارفين حاجة
فعلا رمى الاوراق لنديم ونديم بصله باستسلام
- انت عرفت ازاي تضغط عليا
- عيب عليك .. انا اعرف اعمل كل حاجة
خرج نديم وانا بكتب الارقام المتوقعة على نوتة
دلوقتي دور المرحلة الرابعة والاهم .. اخذ الورق
تاني يوم .. في الشفت المسائي .. كنت واقفة بكل هدوء .. ساندة نفسي وبشرب كاسة نسكافيه .. وجمبي جهاز انذار حريق
انا عارفة اني الي حاعمله غلط ..وغلط جدا .. بس معنديش افكار تانية
الممر فاضي
هوووب .. ضغت على الزر
وما اقولكمش حصل ايه .. كمية فوضى وجري
انا طبعا جريت .. بس على مكتب شهاب
لقيت نديم هناك .. وشهاب طالع جري هو وغادة .. ينجو باروحهم
دخلنا على المكتب وقفلنا الباب
وبدات احط ارقام
5001 لا
8007 لا
2004 اه
- سنة ميلاد ميادة
ما اهتمتيش اهم حاجة لورق الي بين ايدي ..و دفتر !
دفتر اسود جلد
رميت الورق لنديم الي كان مبسوط
ومسكت الدفتر .. لقيت اول صفحة مكتوب فيها بالخط العريض
" الانتقام "
كنت حكمل بس لقيت نديم سحبني من ايدي بقوة علشان نخرج
ووقع الدفتر
كنت عاوزة ارجع .. بس نديم كان بيجري بسرعة مجنونة .. من الفرحة
خرجنا من المستشفى وركبنا عربية نديم
كان نديم بيمشي بسرعة كبيرة
وصلنا لمنطقة مقطوعة تقريبا ..منطقة ترعب
مسك نديم الورق وحرقهم وعيونه بتلمع
النار ولعت .. وطفت .. وتركت وراها بس ... رماد
لقيت نديم سجد سجدة شكر .. وانا مبتسمة ليه .. بس بفكر بالدفتر
ايه اللغز ده ؟
انتقام .. من مين
- تتوقع حيعملوا ايه لما يعرفوا الي عملناه
- مش حيعملوا حاجة .. انتي بس احذفي المشاهد دلوقتي من موبيلك
وفعلا فتحت وحذفت المشهد الي فيه وانا بتضغط على التنبيه ..و وانا ونديم بندخل مكتب شهاب
روحنا على البيت .. دخلت اوضتي وقفلتها كويس وانا خايفة
قعدت شوية وحسيت اني مش حقدر انام لوحدي الليلة
- هو ينفع انام معاكي
- طبعاااا .. حروح اجهز الفشار والكاندي علشان نعمل بيجامة بارتي
ابتسمت.. بتفكرني رحمة ب Pinkie Pie .. البوني الوردية .. مليانة طاقة وحيوية .. كنت بحب الكرتون ده وانا صغيرة جدا .. كانت بتحب الحفلات جدا ..زي رحمة
نمت عند رحمة .. طبعا بعد ما خلتنا نعمل كل فعليات الدنيا
صحيت تاني يوم على حد بيمسك شعري بقوة
صرخت من الوجع ولفيت .. ميادة !!
كانت مخيفة .. زي الوحش
- انتي سرقتي الورق يا حرامية
كان الكل موجود .. الا نديم
حاولت افك شعري وانا بستنجد برحمة .. بس هي كانت واقفة مصدومة
- انتو الي سرقتوا ملكنا ..مش انا
لقيت قلم جاي من شهاب .. ليا !!!
- اه يا حرامية يا بنت ***
بصيت لهنا ورحمة .. هنا واقفة .. شمتانة !!
ورحمة مصدومة
وميادة لسا ماسكة بشعري
- طالما كدا يبقى استحملوا
عضيت ايد ميادة الي سابت شعري وصرخت
ووقفت على السرير
ونطيت على ميادة
بقيت انا فوق وهي تحت .. وهاتك يا ضرب
حرفيا صرخها جاب اخر المنطقة
كنت بضرب بقلب ورب
جه شهاب يدافع .. او جه يضربني
مسكني من شعري وانا فضلت متبتة بمكاني .. مش قايمة عن بنته
بس جت هنا كمان تبعدني
- ابعدي يا متخلفة
وفعلا شهاب سحبني من شعري على الارض
كنت بحاول ابعد بس كان ماسك فيه بقوة
- انتي ايه !!.. صنم !
قلتها لرحمة الي واقفة
شهاب جه يضربني لقينا الصوت الي وقفهم
- بس .. كفاااية
بصينا كلنا .. كان نبيل ومعاه بوكيه احمر
- على اخر الزمن حسمع لواحد اصغر من بنتي
انا بوسط انشغاالهم سحبت شعري .. بس والله ما انا ساكتاله
اخدت نفس وجهزت نفسي وهوب
بدات ضرب برجليا وايديا لشهاب
ما كانش عارف يتلقيها من فين ولا فين
اضربه ببطنه وفورا يلاقي بوكس على انفه
او كف مثلا
لكن لقيت
نبيل وقف قدامي
-ما قولنا كفاية
- هو الي بدا
- انا الي بدات ولا انتي يا حرامية
لف نبيل بشراسه
- انا مسمحلكاش تتكلم على بنت عمي ..ولا عاوز اسيبها عليك وتاكل كمان علقة
ضحكت لما شفت وش شهاب بقا احمر
- في ايه ؟؟؟
لقينا نديم الي داخل .. وفي ايده اكياس كتير
جريت ميادة ليه وهي بتعيط
- نودي .. الحرامية بنت عمك ضربتنا كلنا
وبدات تحضنه وتعيط .. بس نديم بعدها عنه وجالي
- ايه الي على وشك ده !
- من الزفت شهاب
- اخرسي
- خلاص انت وهي .. شهاب خد ميادة واتفضلوا برا من غير مطرود
- عجبك يا هنا ؟!.. انا د . شهاب احمد اتطرد .. ومن مين ؟.. من حشرة زي نبيل ؟؟
-اطلع برا يالا .. بلاش اوريك الحشرة حتعمل ايه
فعلا شهاب وميادة خرجوا .. وبقينا احنا الخمسة باوضة
- انتي فعلا يا ألين سرقتي ؟؟
- لا
قلتها بضيق وانا بلف وشي
- رحمة هو انتي تفكري تفكير ان ألين ممكن تسرق ؟
- ليه لا ؟!... البنت جاية من الارياف ..وعينها فارغة
بصيت بصدمة لطنط هنا
- انا لو سرقت فيعتبر ما سرقتش .. انا رجعت الحق لصحابه .. بس
رحمة : يعني انتي فعلا سرقتي الورق من مكتب شهاب !
بصيت لنديم وسكتت .. هو فعلا الي عملته سرقة ؟
- انا رجعت حقك يا بش مهندسة رحمة .. مش اكتر
- حقي ما يرجعش كدا
بصيت لرحمة بصدمة ..من متى بقت كدا
قولت بعصبية
-تولعوا بكاز كلكم !.. الموضوع مش ورثي .. انا غلطانة اني ساعدت
و رزعت الباب ورايا
فتحت باب اوضتي بعصبية .. وبدات الم كل اغراضي
- بتعملي ايه !
- حمشي .. حروح أي حتة .. انشاء الله ارجع البلد .. احسن من هنا
- انتي مجنونة ؟!!... ده بيتك انتي قبل ما يكون بيتنا
- لا مش بيتي ولا عمره حيكون بيتي .. وانت واهلك ولا عمركم حتكونوا اهلي ... وحطلق يا نديم .. واقعدوا بالشارع بقا .. الجمعيات الخيرية تستاهل القصور والفلوس دي اكتر منكم
دخل نبيل
- اهدي يا ألين اكيد في حل
- حل !! .. حل ايه وانا اتضربت في البيت ده ولا امك ولا اختك دافعوا عني .. ده بالعكس الست الوالدة كانت واقفة لصف شهاب .. وبعدها اتهمتني اني حرامية .. والاوراق دي اخدتها انا واخوك .. وده من حقكم .. شهاب مش حرامي .. والين حرامية !!
حسيت نبيل اتعصب .. فخرج وانا كملت توضيب شنط وطردت نديم برا الاوضة
خرجت برا ولقيتهم كلهم قاعدين .. كانهم كانوا بيتخانقوا
- حكلم المحامي يا نديم وحنطلق .. مفيش لا كلام ولا حل بالموضوع ده