رواية احببت نديم الفصل السابع7بقلم اية موسي
- حكلم المحامي يا نديم وحنطلق .. مفيش لا كلام ولا حل بالموضوع ده
خرجت وانا واقفة بياس ..حروح فين؟
والمشكلة انه ده كومبوند.. يعني اكيد مفيش تاكسي
واكيد مش حروح بسواق مدام هنا
لفيت وشي وانا بشوف القصر بحسرة
فعلا .. خيراً تعمل شراً تلقى
لقيت رحمة طالعة تجري
لفيت وشي وانا بشوف الشنط الي معايا .. وخلاص بدات امشي
لقيتها حضنتني ... وهي بتعيط
- انا اسفة ... والله ما كنت اقصد
- ابعدي يا رحمة
- لا .. مش باعدة غير وانتي جوا
- مستحيل
لفيت وشي لقبت نبيل بيحمل شنطي
- انت بتعمل ايه !!!
- بساعدك
- لو سمحتوا ابعدو عني .. مش كفاية الي عملتوا
- طب تعالي بس اوصلك فين ما انتي عايزة .. اكيد مش حتمشي بكل الشنط دي .. وبالبيجامة
بصيت ليه ..وشفت ان دي اقل خدمة ممكن يقدمها
مشيت على العربية و ورايا رحمة ونبيل
- الين والله انا اسفة جدا
لفيت ليها بشراسه
-انك تتهميني بالسرقة .. وتسيبيني اتضرب وانتي بتفرجي ..وعاوزاني اقبل اسفك
انهارت بالعياط.. نبيل ماسكها
- تعالي اركبي العربية ونتكلم بس نوصل
فعلا ركبنا
- عاوزة اروح البلد
لقيت رحمة اتكلمت من بين عياطها
- لا يا نبيل ... الين بتكره البلد
- ملكيش دعوة انتي
- فعلا انتي بتكرهي البلد
-ملكاش دعوة انت كمان ... انا كرهتها منكو .. انتو السبب
سابني اتكلم ومشى على طريق الي على مزاجه
- انت رايح فين ؟
- ملكيش دعوة
بيردهالي ؟!
- وصلنا
بصيت للمكان .. كان نفسي ابتسم .. بس الوضع ما كنش سامح للابتسام
المكان حلو .. بيوت كلها ارضي .. فيها جنينة حلوة مليانة ورد .. شوارعها بسيطة بس مرتبة جدا
لا قصور فخمة ولا بيوت معفنة
بيوت هادية .. بسيطة
مكان مليان الوان
تحسه كدا المكان الي بحلم اعيش فيه لما اكبر ( يعني ابقى عجوزة وكدا )
نزلت
- اهلا بيكم بالحي الي انا عايش بيه .. البيت الي جمبي فاضي .. حتاجروا ليكي
- شكرا مش عاوزة حاجة .. عاوزة اروح على البلد
- ليه .. انتي ناسية كلام جدي
لفيت يصدمة ولقيته نديم
حسيت بخنقة وانا بشوفه هنا ..وبيفتح دفاتر ماضي قديم
- لا .. فاكرة كويس .. بس حرية من غير كرامة .. ولا تقييد بكرامة ؟؟
- طب ليه ما تكونش حرية بكرامة
بصيت لنبيل وقلت
- مش عاوزة منكم حاجة .. انا حبني حياتي لوحدي .. مش لازم مساعدتكم ... مش عاوزة يجيلي عقد نفسية اكتر من كدا
- اخر كلام .. حتفضلي هنا .. حنسكن هنا
-حنسكن !!.. لا شيل الجمع يا باشا .. لاني لو سكنت هنا .. فمش عاوزة اشوف وشك
-موافق
بصيت بتحدي ليه ..
- انا موافقة .. بس مش عاوزة اشوف لا وشك ولا وش ختك... ولا الست الوالدة طبعا
قربت مني رحمة وهي رجعت تعيط
- انتي مش فاهمة موضوع
- مش فاهمة !.. لا كل حاجة واضحة
- لا ... ميادة قالتيلي ان في واحد مات بسببكم
- واحد مات !
- اه .. وانا والله اسفة يا ألين .. كنت متاثرة بموت الراجل .. انتو موتوا بني ادم علشتاخدو اوراق تافه بالنسبة لحياته .. تخيلي لو كان له عيال صغنين .. او لسا متجوز جديد.. اوامه لسا عايشة وبتموت فيه .. تخيلي وجع عيلته
بصيت ليها وانا حاسة بحجم المصيبة .. بس غادة ما قالتش الكلام ده
حضنت رحمة وانا بطبطب عليها وبفكر .. هي اصلا ما كانتش حتقدر تعمل غير كدا .. ايه حتقفبوش امها وشهاب .. بس كانممكن تتدافع
- حعمل مكالمة واجي
دخلت جوا وكلمت غادة .. وتاكدت .. مفيش أي موته !!
ما بقتش فاهمة ..ومش مهم افهم
بس سامحت رحمة .. بس اكيد مرجعناش زي اول
اخدت الشقة الي جمب نبيل
مر شهر
حتصدقوا لو قلت انه ده احلى شهر بحياتي واهدى شهر
عزامكان بيجي كتير عليا .. واصر اكتر من مرة ارجع معاه
وانا ونبيل رفضنا
نديم احترم رغبتي وبعد
بس بلاقيه كل يومين كدا جاي يجيبلي اكل و اغراض للبيت
كنت برفض باول ...بس ليه لا
ده كله بسببي انا
بعدين انا مراته مش من حقي يصرف عليا ؟!
بقينا انا ونبيل صحاب جدا جدا
رحمة بتيجي مرة بالاسبوع .. تبات يومين عندي
مش حقولك اني مش بحن
او مش ببقى مبسوطة لما تيجي
بس .. مش قادرة انسى
عملت كيكة ودقت الباب على نبيل .. فقرة العصر المفضلة
بعمل كيك ونبيل بيعمل شاي وبنقعد بالحديقة
نتكلم على اهل الحي
نتكلم على عوجيز الحي وطبخهم .. ونقعد ندي تقييم
وطبعا كلهم صفر بالنسبة لمهارتي انا ونبيل
اينعم بحرق كل الاكل .. بس قشطا
على الاقل بعمل كيك لذيذ
وبنقعد نتنمر على المشيين بالشارع
حرفيا فقرة ضحك يوميا
بقيت انتظرها بفارغ الصبر
انهاردة ما كنش حد في الشارع للاسف .. وخلصنا كل كلمنا على تنظيف ام هبة ..واكل ام سامي .. وسيطرة ام محمد على جوزها ..وسميرة عملت ايه في مرات ابنها لما جات زرتها
لفيت لنبيل وقلت
- انت ليه بتكره مامتك
لقته اتخشب وبعدها بشوية ضحك
- انتي فاكرة
- ما تتوهش
- حقوم اجيبلك عصير من المطبخ تحفةةة
عرفت انه مش عاوز يتكلم فاحترمته
دق البا وقمت افتح .. كان نديم
- ما لقيتكيش بالبيت قولت اكيد هنا .. القمر عامل ايه
- تمام .. اتفضل
قعدنا احنا التلاتة لاول مرة
اول مرة من شهر اقعد مع نديم
كان في عقلي سوال .. ازاي عرفوا انها انا
كنت مكسوفة اساله بس سالت
- هما ازاي عرفوا انها انا الي اخدت الاوراق
اتنهد نديم
- ما عرفوش .. هما من كتر كرههم ليكي خمنوا .. والواضح انهم اتاكدوا
افتكرت لما ميادة قالت اني الي سرقت الورق بنبرة سوال معصب
وافتكرت انهمما عصبوش جامد الا لما قلت انتو الي سرقتوا ملكنا مش انا
وقتها جاني القلم من شهاب
غمضت عيني وانا بفتكر كل ده
محدش سال على طنط هنا
طبيعي .. نبيل بيكرها
وانا ليه ممكن اسال ؟
روح نديم وروحت
نمت وصحيت تاني يوم مكسلة
قررت افضل قاعدة على السرير واطلب الاكل دليفري
كنت بقلب بملل وقررت افتح الكاميرات بتاعت مكتب شهاب
فتحت ..كان بيمشي يمين وشمال
عيوني تعبت وهو بيمشي .. ماله ده ؟
بعد تقريبا 5دقايق .. دخل واحدة ..مش باينة
- الحمد الله انك جيتي يا هنا
هنااا !!
سندت نفسي وفتحت جهاز التصنت وانا بسمع الكلام الي صدمني