رواية بنورها اهتديت الفصل السابع7بقلم مريم محمد

عاد إلى بيته يشدّ شعره بجنون، يشعر بنيرانٍ مشتعلة في قلبه. دخل غرفته وضرب الباب خلفه بقوة اهتزت لها أرجاء المنزل.

جلس على الأريكة يحاول التفكير بهدوء، ولكن من أين له بذلك الهدوء وعقله سينفجر؟ أخذ يتحرك في أرجاء الغرفة.

مدثر بصوتٍ جهوري:

"عاملالي فيها الطاهرة الشريفة!"

وكسر كأس المياه في الحائط.

وضع يده على كتفه، ثم قلب الانتريه على الأرض.

مدثر:

"ماشي يا نور… ما بركبش معاك لوحدنا."

وكسر زجاج المرآة بيده، وبدأت يده تنزف.

مدثر:

"خليكي تشوفي مدثر المحمدي اللي بحاول ما أظهرهوش معاكي."

دخل ريان وجو على صوت التكسير.

جو:

"في إيه يا مدثر؟"

ريان:

"إيه أصوات التكسير دي؟"

ريان بخضة:

"إيدك مالها؟ وإيه اللي أنت عامله في الأوضة ده؟"

نظر لهم مدثر، ثم تركهم ورحل.

جو:

"يا بني رايح فين؟ إيدك بتنـزف!"

مدثر:

(لم يرد)

ريان:

"روح وراه يا جو، أوعى تسيبه."

جو:

"ماشي، سلام."

خرج إلى الجراج، لم يهتم بذلك الجرح ولا بالألم الذي يشعر به، فألمه الداخلي يؤلمه أكثر بكثير.

ركب السيارة، وسند رأسه على المقود، وبدأ في البكاء.

يشعر بالاختناق… يعلم أنه لا يستطيع أن يؤذيها…

لا يستطيع.

جو:

"مالك يا صاحبي؟"

مدثر:

"تعبان أوي… أول مرة أحس إني تايه. أول مرة أحس بسكاكين بتقطع في قلبي… حاسس إني مش قادر أتنفس."

احتضنه جو، وأخذ يقرأ عليه بعض الآيات لتكون له نورًا يهدئ من أعصابه ويُريح قلبه.

بعد مدة هدأ مدثر، وبدأ جو في معالجة جرحه.

جو:

"إيه اللي حصل؟"

مدثر:

"كانت بتحضنه."

نظر له جو بتعجب، فهو يعلم أنه يتحدث عن نور، ولكن من كانت تحتضنه؟

جو:

"مين؟"

مدثر بشرود:

"أحمد."

جو:

"أحمد مين؟"

مدثر:

"أخو صاحبتها."

جو:

"يمكن يكون في حاجة غلط."

نظر له مدثر ولم يتحدث.

---

في صباح يومٍ جديد في الجامعة…

في الكافتيريا تجلس نور وتسنيم في انتظار المحاضرة.

نور:

"ههههه هموت، مش قادرة!"

تسنيم:

"هو أنا بحكيلك نكتة؟ بقولك متقدملي عريس!"

نور:

"لحظة… إنتي بتتكلمي بجد؟"

تسنيم:

"أمال بقالي ساعة بقول إيه؟"

نور بجدية:

"ترفضيه… سامعة؟ قولي له صاحبتي أولى بيا."

تسنيم:

"ههههه إنتي اتجننتي يا نور يا حبيبتي."

نور بغيرة على صديقتها ومطّت شفتيها كالأطفال:

"أمم."