رواية احببت نديم الفصل الثامن8بقلم اية موسي
عيوني تعبت وهو بيمشي .. ماله ده ؟
بعد تقريبا 5دقايق .. دخل واحدة ..مش باينة
- الحمد الله انك جيتي يا هنا
هنااا !!
قعدت بكل غرور وهي بتقول
- انا اهو جيت يا شهاب ... خير ؟
- خير طبعا .. انت لدلوقتي ما خلتيش نديم يوقع على تنازل
تنازل !!.. تنازل ايه !!
- ما انت عارف يا شهاب انه ده ابني برضو
- ماشي يا هنا .. بس انتي ناسية الوعد
حسيتها كدا مش عاجبها
لقيت شهاب بقا زي الكتكوت المبلول
- هنا .. احنا مرينا بكتير علشان نبقى هنا
- تمام .. انا معاك .. اخلي نديم يوقع .. بس الكل بقا شاكك فيا
- شاكك فيكي .. ليه
- انت ما شوفتش ازاي كنت بتعامل يوم ما غارت الزفتة الين من البيت .... دلوقتي رحمة ونديم بيبصولي بنظرات غريبة .. وقبلهم نبيل
- سبيك من كل ده .. اعملي الي حقوله وركزي كويس
بدا يهمس .. انا سامعة تلطيش كلام ..مش فاهمة .. بس الي فاهماه ان نديم بخطر
سبت موبيلي لاني عارفة ان الاتنين بيسجلوا فممكن احضره باي وقت
بصيت لنفسي بالمرايا وقلت
- اروح ولا . نديم غلبان ما يستهلش مني كدا ... بس الي حصالي ما كانش قليل
بالاخير بعد فترة جدال بيني انا والمراية .. قررت اني اكون اصيلة واروح .. بس ازاي !!
حتبقى كرامتي بالارض
اخدت نفس وانا مش عارفة اعمل ايه
بصيت لنفسي.. الكسرة اللي في عيني من قلم شهاب لسه وجعاني، ونظرة طنط هنا الشمتانة مش قادرة أنساها.. بس لو سكت، هبقى زيهم. نديم غلط، بس اللي بيتدبرله ده (جريمة). الكرامة مش إني أسيبه يغرق، الكرامة إني أنقذه وأنا باصة في عينه وأقوله: أنا أحسن منكم كلكم
كلمت نبيل وانا بجد مش عارفة اقول ايه .. بس ما اتوقعش نبيل يصدقني ..دي امه برضو
قررت اني اضحي في كرامتي موقتا ... بس بعدها بجد حمشي .. مش عاوزة اتجوز .. ابقا طول الوقت وحيدة .. احسن ما افضل معاهم
كلمت نبيل وقلت جملة واحدة
- انا عاوزة ارجع القصر
- ايه !!!.. ليه
- الموضوع ده يخصني انا .. عاوزة ارجع القصر
- ألين .. متاكدة
- للاسف اه .. حكلم نديم واقوله
كلمت نديم وقلته وانا بطلع الكلام بالعافية
ابتسمت و انا بسمع صوته الي بيقول بلهفة رهيبة
- بجد.. حترجعي القصر
- اه يا نديم حرجع .. وممكن اقلك على حاجة
- طبعا
- انا عاوزة ندي علاقتنا فرصة ... يعني عاوزة ابقى معاك طول الوقت علشان افهم شخصيتك
قفلت الخط وانا ببص لنفسي بالمرايا
غبية ؟!... غبية جدااا
عشمت نديم بحاجة مستحيلة
انا اسفة يا نديم .. بس ده علشان احميك
بدات اجهز الشنط وانا مش عاوزة ارجع
وصلت عند الباب .. كان نبيل وماسك نفسه بالعافيه
- تصدقي بالشهر الي قعدتيه اثرتي بيا جدا .. دلوقتي حقول قصص الجيران لمين ؟
ابتسمت بثقة
- راجعة .. راجعة يا نبيل .. بس خليه سر ما بينا
استغرب بس انا ما سبتش مجال للاسئلة
ركبت مع نديم ... حرفيا واحنا ماشين ما سابش حاجة الا وعملها .. اكلنا ايس كريم .. شربنا قصب .. اكلنا ذرة
ما كنتش معترضة .. كنت ببص لنديم وهو بياكل وبيتكلم .. كنت ببتسم.. فيه كاريزما غريبة ... انا مستعدة اقعد ابصه كدا لبكرا
احمم .. ده مش حب .. ده اعجاب .. اعجاب بلبسه .. مش بشخصيته حتى
وصلنا بالليل .. الحمد الله ما شفتش هنا .. والا كنت حفضح نفسي بنظراتي
اخدت شور وغيرت بجامتي ورحت اطمن على نديم
كان نايم .. اتطمنت شويا ..معقول تبصمه وهو نايم !
الفكرة خوفتيني شوي
قمت جبت لحاف وبطانية وقفلت باب الاوضة ونمت على الكنبة الي جمب السرير
صحيت على صوت حركة خفيفة بفزع
لقيته نديم .. لف ليا
- ايه ده .. انت الي منيمك هنا
- خوفت
- خوفتي !..من ايه ؟
سكت وانا ببص ليه ومش عارفة ارد.. اقوله بخاف من الاشباح ؟
- نازل تصلي الفجر
- اه
- ما تصلي هنا ؟
ضحك نديم
- لا بحب اصلي في المسجد .. ايه .. خايفة .. ده انتي بقالك شهر كامل بشقة لوحدك
- حنزل معاك
وفعلا كلبشت ايدي في ايده ونزلت تحت
قعدت تحت وهو خرج للمسجد
فعلا فضلت قاعدة وعنيا بتلف يمين وشمال
لحد ما جاء
- انت حتنام ؟
- لا حفطر
- حفطر معاك
بصيلي نديم باستغراب ومد ايده
وفعلا رحنا نفطر وكنت بصراحة مكسوفة اني افضل بالبيت .. ومش حروح الشغل بعد الاشاعة الي شهاب طلعها عليا .. بس مضطرة اقعد
ابتسمت وقلت
- خلي بالك من نفسك .. ومتوقعش على اوراق غير لما تتاكد يا نديم ... مش عاوزين مصيبة زي المرة الي فاتت
ابتسملي وقال
- انتي غريبة يا ألين
- انا مش غريبة .. انا حريصة
-ماشي يا ستي
قرب مني وباس دماغي وخرج بسرعة
ابتسمت وانا بسمع صراخ كل يوم الساعة 8 .. بقالي شهر ما سمعتوش
- يا داااادة ...شرباتي فيييين
- يا ماماااااا ... شوزي فييين .. ميادة اخدته ؟
- يا جمااااعة .. حد شاف الشنطة ؟
ابتسمت بسخرية وهمست
-حتى الشنطة مش عارفة فينها
طلعت انام بعد ما قلت لنديم ما ياكلش حاجة في الشغل
صحيت قبل موعد رجوع نديم بساعتين .. نزلت على المطبخ
فتحت اليوتيوب .. كتبت كل حاجة على ورقة
اخدت نفس .. سميت الله .. وبدت اطبخ
اقطع بصل .. اشوح توم .. احط صنية الفراغ في الفرن
كانت الريحة تحفة .. بس عقلي مش مع الاكل
علقي في اكتر من حاجة
جدي وجدتي الي ما سالوش عليا
نبيل وحالته الي بدات تتحسن
واخر حاجة هنا
ايه علاقتها بشهاب
وازاي ممكن امنع الضرر عن نديم
اهددها وتبعد من دون ما اشوه صورتها قدم عيالها
ولا اقعد بس اراقب الوضع
بس ازاي حقدر احميه ونا اصلا مش عارفة ازااي حتمضيه .. ازاي حتضحك عليه
طفيت النار على الرز
وانا قررت الي حعمله