رواية الضحية الفصل السابع7بقلم رويدا راشد
"بداية العاصفة"
اسفة ع التأخير لكن يعلم الله الظرف اقوى مني
رانيا:قعدت فاتحة عيوني ونراقب في تصرفات فهيمة لانه معاش فيها ثقة وخصوصا بعد للي سمعته....
محسن: في حوش اخته غزالة انا شن درت بس هاذي لعنة صابتني نية عايدة .
غزالة: ايح نية الهواء ،مش هذا المهم توا خليك مركز في خطوبة جنان ومحمد وخلي تكمل فرحتنا ع خير.
محسن:يلا ع قولتك خلي نخلي تركيزي في خطوبة بناتي...
غزالة: مفروض كل وحدة في يوم بروحها توا انت عارف انه انا وخالاتها مانحبوش بعض كيف بنقعمزو مع بعض.
محسن: ليلة وفراقها صبح فكيني من العار والمشاكل للي فيا كافيني .
غزالة: مافيك غير كل خير ،لكن انت مداير جو لروحك وبتفضح روحك .
جنان: رانيا انت مش مضايقة لانه للي مفروض انها امي بتعطيني لمحمد...
رانيا: تصدقي لو نقولك قلبي برد عليه.
جنان: لكن انا مضايقة ومكمودة نحس في روحي
مخنوقة وكأنه روحي بتطلع مني.
رانيا: قربت احضنتها اسمعي للي كاتبه ربي صاير لا انت عندك ذنب، ولا انا اخترت نصيبي كله مكتوب غير الانسان بطبيعته هلوع .
جنان: حضنت رانيا انا مانبيش تكرهيني مهما صار انت اختي .
رانيا: انت وصية امي راك مر الاسبوع واحنا نجهزو للخطوبة ،انا كنت نطلع مع خالاتي وجنان اتجيها غزالة وصفاء ....
من قال تتغير الأقدار هكي ولا كنت نتخايل حياتي مع حد خاطي محمد ...
غزالة: اسمع في الخطوبة فكنا من جو المغصوب اضحك قدامها خلي تموت بغيضها.
صفاء: اصلا لما تشوفك بوجهك هذا تفرح شن ناقصها فرحانة بولد خالتها وتجهز لخطوبتها.
محمد: فوق ماانا مغصوب ومازال طامعين اني نفرح عليكم صحة وجه مش عارف وين تلقوا فيها.
صفاء: وجه فقر مش مستواك جنان الحق رقي وجمال الف من يتمناها ...
محمد: شدها من شعرها اسكتي غير مانكسر
راسك .
غزالة: نحي يدك تضرب اختك ع خاطرها مجنون انت لالا ، مش طبيعي واضح الحق انك مسحور برا عالج روحك...
فهيمة: هانت فات الهلبا مازال الشوية...
انفتح الباب وخش محسن تغير لونها .
محسن: خيرك شن فيك وجهك هارب منه الدم شن كنتي اديري.
فهيمة: كنت نكلم في اختي حنان الحق نطمن ع اخبارهم.
محسن: انا نبي نفهم حاجة وحدة علاش اهلك قاطعينك حتى بعد موت علي وتزوجتك مايواصل فيك حد.
فهيمة: ايح ماهو قتلك لانهم مش راضيين.
محسن: يلا شكلهم حتى ع علي مش راضيين لانه نتفكر فيهم من قبل ماايجيك حد خاطي اختك حنان وبعدها حتى هيا معاش اتجيك .
فهيمة: جبت الحاجات للي ناقصة ولا ،لاهي غير بكلام النسون.
محسن: ملبوسة مريضة ....وطلع وخلاها...
في حوش خديجة كميلة تجهز في بضاعة الفضانية لبنت اختهم رانيا....