رواية الضحية الفصل التاسع9بقلم رويدا راشد
"رأس الخيط"
سالم:سمعت حاجة طاحت ولا انا نتخايل ومع نسمع كويس.
محسن: هذا صوت خسارتك في الكارطة ألعب بلا جو زايد.
سالم: انا بنطلع نشوف متأكد انا
طلع سالم لقى خالد طايح وغارق في دمه وجنبه لوحة واضحة انها الأداة للي حصل بيها الخبطة.
انقلب الفرح المزيف لعياط كل واحد يعيط لغاية في نفسه ...طلع من عينها ومجرد خياطة للجرح وبعدها كانت اموره تمام.
خديجة: انت شن طلعك تخلى وتنبت نخلة ماعندك علاقة بحد شن حوشك باش تعس عليه.
كميلة: الراجل رأسه يوجع فيه مش ناقص لكلك زايد .
قيس: باهي تفكر يابوي بشوية إلا ماتجمع شوية امور نعرفوا من وراه الموضوع.
كميلة: خلوه توا يرقد والصباح رباح .
أنس: ولا.كلف نفسه البي يدور من وراء الموضوع.
خالد: شن وين يعرف هو من وراها القصة.
خديجة: اتعيش درويش وتموت درويش راك كارثة الحق.
في حوش محسن ...
فهيمة: نكد علينا فرحنا عيشة تقصر العمر بجديات.
محسن: سكري فمك اخر حاجة نبي نسمعها توا كلام للي يسمم اهو.
غزالة: باهي حق سلم خوي نكدها علينا وبعدين من يقدر ايجئ لحوشك وايدير هكي.
محمد: الموضوع مش خانب أكيد في قصة كبيرة وراء الموضوع.
سالم: ياريتني نضت من أول ماسمعت الطيحة لكن انت محسن تقول تتخايل.
محسن: مش وقت كلام توا خلي الراجل ينوض ع خير وقتها لكل حادث حديث .
جنان: انا نحس في قصة يارانيا شن رأيك.
رانيا: الموضوع ايخوف من يقدر يخش لحوشنا لازم يكون يعرف الحوش هذا مش غريب راهو.
جنان: فعلا هاذي كيف فاتت عليا.
رانيا: ردي بالك في الجديد .
جنان: واحد معاش يقدر يطلع لجنان متعه لكن خلي توا يبان الموضوع .
فات أسبوع كل واحد شاد مكانه ...محمد لايتصل ولايدور في جنان نهائي المكالمات كلها من غزالة وبنتها...
رانيا كيف بادية تتعرف ع قيس بحكم انها مش محتكة بيه قبل ....
رانيا: ايام قاسية تشبه بعضها هدوء فهيمة غريب عجيب مش بالعادة تسكت هكي.
خديجة: كيف بديري في جنان بتحكيلها ولا شن رأيك.
رانيا: للي فيها سادها يكفي الأخ محمد مايعرفش هيا حية ولا ميتة.
كميلة: ياروحي جنان هاذي #الضحية في الموضوع كله.
خديجة: شن ذنبها تكون فهيمة امها بس واخر همها بنتها .
خالد: انا طالع بالك تبي حاجة .
خديجة: سلامتك توكل ع الله ورد بالك ع روحك.
محسن: انا حاير من الخيال للي انت شفته ياخالد ليا اسبوع مارقدتش زي الناس.
خالد: مانبيش ندخلك الشك يامحسن لكن بعد للي انت احكيته ع فهيمة سامحني فيها بس انت كيف قبلت تتزوجها.
محسن: انت حلفت ع المصحف راك فوته الموضوع اهو .
خالد: اسمع مرة مرة راقب تصرفاتها هاتفها خشاتها وطلعاتها.
محسن: هاذي لعنة خشت لحياتي نااااادم وربي نادم.
خالد: رد الفايت محال لكن فكر في الجاي توا .
محسن: من الراجل للي قدر يخش لحرمة حوشي بس وبكل ثقة مش خايف انه يشوفه حد وكانه في حد عاطيه جانب الأمان .
خالد: الدنيا دوائر شفتها كيف تفكرت ايام تخش لحوش علي الله يرحمه وهو عاطيك جانب الامان.
محسن: مش محتاج تفكرني الحق مزلت نتفكر الغلط للي ماقدرتش ننساه.
خالد: قصدك كارثة صحح المعلومة لو سمحت.
محسن: انا عندي فكرة ممكن نطلع منها بنتيجة .
خالد: للي هيا .....
محسن : انا بنقعد......لين نعرف من يخش ومن يطلع .
خالد: هذا رأي ممكن يوصلك لحل.
سالم: شن ياولد انت لا تتصل ولا دور في البنت علاش خاطبها اتقي الله فيها.
محمد: امتا صار وسموه للي لحقت تشكيلك.
سالم: تحشم ع وجهك ياقليل الأدب رباية امك شن بيطلع منها هاذي نهاية للي يتني في رجليه في ميعاد النسون.
غزالة: هو هذا العافنة حطها في رأس امه .
محمد: انا اولا خطيبها مش راجلها باش ناصل ونمشي وانجي.
سالم: ساهلة حوشك معاش مازال عليه هلبا انا نكمله وتوصلها.
صفاء: مصدومة من كلام بوها وكيف شاقي بموضوع محمد مش هكي في العادة.
غزالة: هاذي الساعة المباركة الحق.
محمد: ساكت واصلا واضح انه مش عاجبه الكلام.
قيس: انا نعرف انه مش تتقبلي وجودي في حياتك بين يوم وليلة ،لكن وعد نكون ليك الأب والأم والأخ والحبيب والصديق وكل حاجة تتمنيها.
رانيا: ربي يسهل الوقت يخليني نتقبلك وانت شهادة لله راجل تتمناك ألف بنت .
قيس: لكن انا عمري ماتمنيت غيرك ، من الألف نبي قلبك انت بس نعرف انك كنتي تحبي محمد ولد عمتك ونعرف انه جرح القلب صاعب والخذلان أصعب .
رانيا: انا نسمع ومصدومة من كلامه ،لانه نعرف مش ساهلة ع الراجل انه يعرف قلب الانسانة للي يبي يكمل معاها حياته مش ليه.
قيس: لكن انا نبي فرصة بس صدقيني رح نعوظك ع كل شئ والله.
خديجة:اسمع ياأنس الدور الفوقي بنكمله لخوك وسلم ولدي انت مرة ثانية الأرض واسعة وابني وين ماتبي.
أنس: قبل الحق نعرف الصغير عو للي يقعد لاصق في أمه مش الكبير.
خديجة: قال الصغير قال طير ينقب راسك نوض اقلب وجهك من قدامي.
أنس: علاش لا، ياكبدي حتى هيا بنت أختك .
خديجة: امتا نرتاح منك بس.
أنس: اسمعي انا طالع مع أصحابي راك تتصلي بيا وديرلي جو الأم الحنونة روح ووينك والجو اهو.
قيس: سكري خلي نوض لدوشة اهو للي برا
اسمع يافرخ امتا تتحشم وتنقص من لسانك اهو .
انس: جو انا كنت نكلم في مرتي عارفينك عريس قيس شد فرينو رانيا لبست فيلو...
قيس: حذفه بالشبشب اقلب وجهك وراك تعطل...
فهيمة: الو حنان كيف الحال وشن اخبارك نتمنى تكوني بخير.
حنان: الحمدلله شن وضعكم بعد للي صار.
فهيمة: والله الواحد تقول يسكن في الجديده ...
حالة وخلاص.
محسن: في من تكلمي.
فهيمة: خليك شوية ....نكلم في أختي ولا ،لازم ناخذ منك الأذن.
محسن: انا بايت برا ردوا بالكم لو فيه حاجة اتصلي بيا...
فهيمة: وين بايت.
محسن: في جهنم شن دخلك بيا انتي.
فهيمة: تمام باي حنان بعدين نكلمك ...اسمع كلمني كويس وبإحترام...
في المستقبل....
.....: واقفة نتفرج عليه وهو مسكر وخاطري مكسور ،حسيت بيد صغيرة شدت أطراف أصابعي وسمعت صوته الناعم ماما احنا وين توا .
سكتت وكأنه لساني غص ماقدرتش نتكلم مسحت دمعة نازلة من عيني ...شديت يده وركبت السيارة....
الماضي....
خديجة: اتصل بخوك من بكري مايردش المطيور اهو بيهبلني.
قيس: انا قتله روح بكري....الساعة توا 1 معقولة لكن غير يروح بس وربي لما نعطيه طريحة نباش القبور ...
وهما يتكلموا باب الحوش يطق...