رواية احفاد ابليس الفصل التاسع9 بقلم رشا منصور
ليلي….
عملت الأكل واخدته وروحت ل أم حسن ونور وأول ما نور شافتني فضلت تضحك لي وعوزاني اشيلها… اخدتها من مامتها وقولت لهم أنا جيت اتغدي معاكم يلا بينا وقعدنا كلنا نأكل وسمعت دقة الباب ودخل أحمد يسلم علينا وقال أنا جيبت دى ل نور ولقيتها عسليه🤣
قولت له أنت جايب عسليه ليه ورده ضحكنا كلنا…
أحمد نبيل….
اخدت من ماما فلوس واشتريت عسليه وأنا راجع من المدرسة وبعد ما وصلت البيت واكلت قولت ل ماما هروح أشوف نور واخدت كيس العسليه وكانت هناك ابله ليلي ونور قاعدة ع رجلها طلعت كيس العسلية وقولت لهم ده ل نور خدى كلي كله لوحدك..
ولقيت ابله ليلي بتقولي أنت جايب لها عسليه ليه. قولت لها علشان العسليه حلوة ونور حلوة وأنا بحبها…
ليلي…
خلاص يا أم حسن إحنا نجوز نور ل أحمد 🤣🤣 ولقيت أحمد بيقولي أنا لسه صغير لما أكبر واشتغل ويكون معايا فلوس كتير..
اتجوز بقي..
قولت له شاطر يا أحمد يلا تعالي اتغدي معانا لكنه رفض وقال أنا كلت يا أبلة…. وبعد ما قرب من باب الشقه بصلي وقالي عيب نأكل عند الناس.. قومي روحى😲 …. شوف الواد!!!
سعاد….
أول ما فوقت من البنج فضلت أسأل ع ولادي ولقيت كلهم موجودين بس مش شايفه عيالي بس حوريه طمنتني وقالتلي هما بياخدوا تطعيم وبيتعمل لهم ملف ب فصيلة الدمm.
ولقيت باب الغرفة اتفتح ودخل الممرضين وعيالي معاهم
ولقيت سليمان بيقولي أنا مردتش أختار الأسامي وقولت ده حقك أنتي يا أم العيال… ربنا رزقنا بولد وبنت
قولت له أنا نفسي أسمي عبدالرحمن والبنت تكون تاليا
إيه رأيكم في اختياري
حوريه…
مافيش رأي بعد رأيك يا أم عبدالرحمن ولا أقول يا أم تاليا..
عاوزين بقي يوم السبوع نعمل عقيقة ولا إيه رأيك يا ماما
عائشه مامت سليمان…
العقيقه عليا أنا هديتي ل احفادي أنا ما صدقت أشوف عيال أبني..
والله يا سعاد ما تحملي هم تربيتهم أنا وحوريه هنساعدك.. إحنا فرحتنا بهم بالدنيا كلها…
الجنnالأحمر…
كنت قاعد اسمع كلامهم بس حبيت احط التاتش بتاعي.. وإلا وجودي ميبقاش له لازمة 🤣🤣
سعاد…
وحياتك يا حماتي بلاش تعرفي 😲😲 أم خلاص!!!
الحقي يا حوريه خبي. عيالي… يا مصيبتي هيحسدوا عيالي…
أم أخلاص….
لوووولووولي حمدالله على السلامه أنا أول ما عرفت أن عائشة في المستشفى قولت أكيد مرات سليمان بتولد… عامله ايه يا سعاد جيبتي ولد ولا بنت…
حوريه…
ربنا رزقنا ب تاليا يا خالتي… نورتي. اتفضلي العصير.
أم أخلاص….
كان نفسنا في واد يشيل أسم سليمان.. معلشي بقي نصيبك يابني.. أنا بنتي إخلاص اسمالله عليها حامل في ولد.. الله أكبر.
عائشه مامت سليمان…
ربنا يقومها بالسلامه وتفرحي ب حفيدك.. أنا بقي مرات ابني جابت ليا الولد والبنت.. جابت تؤام الله أكبر خمسة في عين اللي ما يصلي ع النبي…
سعاد…
بصيت ل حوريه وقولت لها كفايه كدا خليها تمشي.. أنا خايفه،. من عينها.. خدوها وروحوا…
أم أخلاص… ما تجيبي العيال أشوفهم…
حوريه…
الولاد نايمه يا خالتي.. وسعاد تعبانه يلا كلنا نروح وبالمرة نجيب أكل وحاجات ل سعاد.. وكمان سليمان عاوز يقعد مع مراته لوحدهم
الحج عرفة…
أول ما الممرضة خرجت ليا الولد وأنا مش مصدق نفسي فضلت شايله وابص له.. معقوله الحلم اتحقق..
وأول ما شيماء خرجت من العمليات ودخلت غرفتها قولت لها مبروك يا أم شريف.. من انهاردة أنتي تؤمري وأنا أنفذ يا أم الواد
شيماء…
أنا تعبانه… سيبني أنام.. وهات الواد بجواري هنا وروح هاتلي فراخ مشويه والبنات وتعالي متتأخرش…
وما صدقت خرج من الغرفه… أنا مش قادره أنسي إني لو كنت جبت بنت كان طلقني وراح اتجوز واحدة تانية ومش هيفرق معاه بناته هيعيشوا ازاى 😭😭
السا'حر. الشيخ موسى…
كنت قاعد مع زبونه وفجأة حضر الأمير سلسال… طلبت من الزبونه الانصراف ولقيته بيقولي..
تركت مكانك وبطلت تساعدنا ع الرغم أن الجنn اللي مشغلك..
إيه فاكر نفسك هتهرrب. مني. ده أنا احر'قك..
لأ لأ أنا مهر'بتش. منك أنا هرrبت. من أهالي القرية في ناس طلبوني أشوف بنتهم ولقيتها ملبو'سة ب واحد منكم ولما الجنn اللي معايا كلمه قال لنا أن البنت دى هياخدها. قر'بان. ل سيدنا وتاني يوم لقيت أهل القرية اتجمعوا حوالين البيت واتهموني إني سلطتt الجنn يخطفها.. ورموا نار🔥 ع البيت…
والجنn اللي معايا هو اللي هر'بني.. تقدر تسألهم بنفسك…
والبلد هنا لسه متعرفش فيها ومجاش ليا غير اتنين.. واحد عاوز يعمل سحرr ل مراته علشان توافق يتجوز عليها.. والتانية بنت اتأخرت في الجواز وعاوزة تعرف إذا كان حد عمل لها سحرr أو عندها أى تعطيل ووقف الحال….
أنا خدامكمm وعايش من خيركم ومقدرش آخر لكم طلب بس قولي أعمل إيه…
الأمير سلسال…
عاوزك تروح المساجد وتخلي الناس تفهم أنك شيخ تقي،ولك كرمات وأنك بتساعد الناس وتعالجهم. وتصلح بينهم… وتخليهم يثقوا فيك ويؤمنوا أنك قادر على المعجزات…
عزيزة…
يا حماتي نفسي رايحه أكل حمام ورز بالخلطه وحاسه إني دايخه.. الحمل تعبني أوى.. وعادل فاكرني بدلع. كل ما يشوفني نايمه ع السرير يقولي كفايه كسل وبطلي دلع.. يرضيكي كدا
حماتي…
هو في راجل يحس بوجع حمل ولا ولادة.. سيبك منه وأنا لما هشوفه هطلع عينه… متزعليش نفسك.. الحمل مبيحبش الزعل. المهم صحتك.. وأنا هقوم اعملك حمام ورز وملوخيه واعملك طاجن رز معمر.. نامي وارتاحي وأنا أول ما أخلص هجيبلك الأكل
عادل…
دخلت لقيت أمي بتقولي ل عزيزة هعملك الأكل ونامي وارتاحي.. قولت لها في إيه ياما هى هتفضل نايمه كدا.. ما أنا عندي زمايلي في الشغل حوامل وبيشتغلوا وعندهم عيال وشايفين طلباتهم وطلبات بيتهم.. إيه الدلع اللي هى فيه ده…
وكمان أنا سألت الدكتور وقالي حالتها كويسه تقدر تعمل كل حاجه..
حماتي….
بقولك ايه أنت تسكت خالص وملكش دعوة بها.. خليها تدلع براحتها.. تعالي معايا.. وبصيت ل عزيزة وقولت لها ارتاحي يا حبيبتي.. وأول ما خرجت من الغرفه قولت له هو أنت متعرفش أن الحامل بتكون محتاجه تسمع كلام حلو وتدلع.. والهرمونات عندها بايظه. يعني فجأة ممكن تبكي وتنكد وفجأة تهرج وفجأة تعبانه..
مراتك مش بتدلع.. لكن هى عاوزة اللي يدلعها وده هيأثر ع نفسية الجنين.. ممكن يطلع عصبي ،. أو غبي،. لكن لما النفسية تبقي كويسه يطلع ذكي وأنا عاوزة حفيدي يطلع عبقري…
اعدل لسانك مع مراتك ودلعها وهانت فاضل تلات شهور وتولد..
شيحال…
كنت دايما مع عزيزة وخليت حماتها تحبها وتبقي في خدمتها ومحدش فيهم طايق، عادل 🤣اصلي مش عاوزة يقرب منها..
منال….
كنت أغلب الوقت مع جيهان وكل شويه تقول عاوزة أسقط. نفسي وافضل اقنع فيها.. هى مش حاسه بالنعمة اللي هى فيها.. زوج بيحبها وطفل جاى لها.. مش زيي عايشة وحيدة..
محمد…
كل ما اروح البيت الاقي جيهان بتتخانق،. ع أى سبب.. ولولا الحمل كنت سيبت لها البيت وطفشت….
ومنال صاحبتها هى اللى بتعمل شغل البيت وتجهز ليا ملابسي حتى الأكل بلاقيها بالليل جايبه ليا العشا والشاي وترجع تاني ع غرفة جي جي تقعد معاها. لحد ما في يوم لقيت جيهان بتقول…
جيهان….
إيه رأيك يا منال بدل ما أنتي وحيدة كدا اشوفلك عريس وتعيشي في شقة هنا.. نخلي محمد يشوفلك حد من اصحابه وناخدلك شقه في العماره معانا هنا واهو نبقي كل يوم مع بعض…
محمد….
اضايقت من كلام جيهان.. مش عارف ليه ولقيت منال بتقولها يعني استاذ محمد هيشتغل ليا خطبه.. الجواز ده نصيب وأنا نفسي في راجل يكون كل حاجه ليا..
قولت لها أنتي تستاهل كل خير يا منال ده كفايه وقفتك مع جيهان مش عارف من غيرك كنا عاملنا إيه….
ومن جوايا قولت ليه لأ.. جيهان متغيرتش واسلوبها جاف معايا.. افتكرت الحمل هيغيرها لكن دى مش حاسه بأى مسؤولية.. أنا لو اتجوزت منال واخدت شقه قريبه من هنا.. ساعتها هقدر اروح عندها وبالليل تبقي تيجي تبات معانا هنا.. بس ياريت توافق يكون جوازنا في السرr …
الجنn مهموز….
كان لازم ألعب في عقل محمد علشان يفكر يتجوز ع جيهان وكدا ضمنت أن بنتي تعيش في اسرة مفككة.. وده هيساعدني اطلعها زى ما إحنا عاوزين…
ومرت الأيام وجه اليوم الموعود وصر'اخ. جيهان كان مسمع الشارع كله أول ما وصلت المستشفى ودخلت العمليات ولدت وجابت بنوته قو'ية. أول ما بصيت لها ابتسمت لي عرفتني حبيبة أبوها.. وجيهان اطلقت عليها إسم سوزان!!!.
وطيرت وبلغت الأمير سلسال اللي جاء بنفسه وشافها وهى بتبص علينا وقالي واضح أنها هتكون خليفتنا ع الأرض…