رواية ضماد جرح الفصل التاسع والعشرون 29 بقلم نوسه حمد
مرت الايام وكنت مبسوطه شديد مع فادي وقدمت للجامعه واطمنت علي ابوي البت الاتزوجها طيبه جدا ومحترمه وبتحترم الراجل وبتقدرو م بتعاين للعمر وبتكتفي بيهو ودي صفه حلوه شديد في ناس الجزيره
في يوم من الايام جات فاتن ومعاها البت البتشبهني رحبت بيهم واتعاملت معاها عادي جدا كاني ما بعرفها ولا كانو بتربطني بيها صله طبعا انا وفاتن غير انو انا مرت اخوها صاحبات شديد بترتاح لي من زمان قومتا عشان اضيفهم اختي مسكتني قالت لي نوسه نحنا م جينا نضايف البيت بيتنا انا جيتك في موضوع وياريت م تحرجيني قلت ليها خير ان شاءالله بقت تعتزر لي بالنيابه عنّ آبوها وامها والغلطه الغلطوها والذنب الارتكبو فيني قلت ليها لا عادي م مشكله م زعلانه بالعكس انا ربنا عوضني عن اي شي لمن جيت ليكم كان عشمي انو تحتوني واكون م مجهوله عشان كل عريس يتقدم لي بخليني بالسبب الانتي عارفاهو ودا الطبيعي انتي في ذات نفسك لو مهيلم اخوك دا لا قدر الله قال عاوز بت م معروف اهلها بترضو اكيد لا ودا احساس اي واحد اتقدم لي عيشتا حياتي كلها ناقصه وانتو كاملين ابوك ياسر كان بدي الناس الربوني قروش ونسا انو احتياجاتنا لي اهلنا ما قروش احتياجنا سند صدقيني انا لو خيروني بين اتنين اكون وسط اسرتي وما عندنا جنيه ولا البناكلو ولا اكون عايشه ومصروف علي وما عندي اهل ح اختار اني اعيش فقيره اكسبها بالحلال رزق اليوم واهلي يطبطبو علي ولا اكون مجهوله 💔ابوك كان ضميرو مأنبو قصادي بس امك انا وقفت قدامها وكنت مكسوره وفعلا محتاجاكم قلبها م حنا لي قالت لي معليش يا نوسه امي احساسها بكون صدمه اكتر من تصديق انو انتي جنبها وانك بتها ومحتاجه ليها وخليك من العتاب واللوم نوسه ابوي وعا واتكلم وقال عاوزك ممكن يا نوسه تمشي معاي عاوزاك تطمني قلبو وتقولي ليهو عافيه ليك قلت ليها من غير م امشي انا عافيه ليهو فاتن قالت لي نوسه عشان خاطري اديهم فرصه فادي جا لقاهم قاعدين معاي وهو م كان شايفهم بنادي فيني بقيت اغمز ليهو قعد اضحك وقرب مني قال لي تخافي ومالو لو قلت حبيبتي انتي حلالي فاتن قعدت تضحك قالت ليهو وريتنا يافادي والله ي نوسه فادي دا كان عامل فيها نفسو لا بحب لا قلبو بلين مسكني عليهو وقال ليها حبي كلو من نصيب الغاليه ست البنات فاتن قالت ليه النصيحه نوسه تستاهل اي شي حلو في الدنيا فادي سلم علي ملك وقال ليها منورانا الليله قالت ليهو تاني ح تشوفني كتير موش دا بيت اختي فادي ابتسم وعاين لي قال ليها تنوري يا ملك في اي لحظه بيت اختك مفتوح ليك وبتمني منا انو تكونو اخوات وسند لبعض انا نوسه م بقصر منها بس اكيد حوجه انو انتي اختها ما بقدر اسدها قالت ليهو اكيد بس نوسه ترضا قال ليها ترضا علي شنو قالت ليهو ابوي قال عاوزها فادي قال ليها اعتبريها عندو بكره ان شاءالله وقبل علي قال لي ولا م كده قلت ليهو كل البتقولو انت يمشي يا فادي شكرتني شديد قالت لي ربنا اخليكم لبعض ي نوسه قلت ليها امين ويتم ليك علي خير قالت لي امين يارب ممكن ي نوسه تخلي ابوك يجي معاك قلت ليها اكيد ان شاءالله فاتن قالت لي نوسه بكره ح انتظرك في الشارع وح تلبسي شنو وبقت تفكر معاي فادي قال ليهم دي امور بنات انا داخل ارتاح ي نوسه الليله م تعملي اكل عازمك بره قلت ليهو لا يافادي انا عملت الاكل قال لي م مشكله ناكلو بكره بس عندي مزاج اطلعك قلت ليهو تمام وفات خلانا فاتن قالت لي خلاص ي نوسه نتلاقا في الواتساب قومي علي راجلك وبكره منتظرنك قلت ليهم ان شاءالله ودعتهم وفاتن دخلت لقيت فادي نام شكلو تعبان رغم انو تعبان وجاي من الشغل بس همو كلو فيني وكيف يرضيني وما عارف انو انا لمن اشوفو نايم ومرتاح بكون مبسوطه ومبسوطه شديد كمان خليتو نايم وقفلت النور وطلعت اتصلت علي ابوي سلمت عليهو قال لي الغاليه بتي قلت ليهو كيفك يا ابوي مشتاقه ليك ولي ونستك قال لي انا زاتي مشتاق ليك بس م عاوز اتصل عليك كتير راجلك يكرهني قلت ليهو فادي مستحيل يكرهك قال لي واثق منو الحمد لله انو ربنا وقعك فيهو ولد حلال قلت ليهو كل شي قسمه يا ابوي انت كيف ودريه كيف دريه دي مرتو قال لي تمام والله دريه بتسلم عليك وكل يوم تقول دايره تمشي ليك بس انا مشغول عاوز اوسع البقاله واعمل فيها خضروات وفواكه قلت ليهو فكره ي ابوي قال لي كنت عاوز اكلمك بس م بقدر اتصل كتير قال لي اسياد البيت قالو عاوزين يبيعو البيت وما اعمل فيهو حاجه قلت ليهو احسن شي عاوزين فيهو كم قال لي ماف طريقه القروش كلهن في الدكان انا عايز اوسعو قلت ليهر نسيت انت البيت الاشترتو امي ريا ربنا يرحمها قال لي لا دا حقك وحق اولادك قلت ليهو ابوي اولادي عندهم ابو الحمد لله وانا حقي لو م كان ليك يحرم علي وبعدين انا وانت واحد انت عاوز تعمل فيها حقي وحق اولادي انا م عندي اهم منك صدقني ي ابوي اولادي م ح يكونو اهم منك قال لي الله اديك العافيه ي بتي قلت ليهو امين يا ابوي ودي فرصه نشتري البيت عليك الله م تضيعها امشي بيع البيت داك وشوف دا بي كم وانا عندي قروش في بنكك م محتاجه ليهم نتمو ونشتري البيت قال لي طيب ي بتي بس ع شرط اكتبو بي اسمك قلت ليهو مستحيل يا ابوي قال لي لا لا اول شي انا م معروف العمر احتماال اموت واخواني بجو يقولو عاوزنو وهو م حقهم دا حقك وما عندي البرثني قلت ليهو قبلانه يا ابوي وان شاء الله عمرك طويل. قال لي عمري يطول عشان اشوف. اولادك واشوفك متخرجه والبسك روب التخريج بي يدي قلت ليهو امين يا ابوي دعواتك انا. قدمت للجامعه قال لي موفقه بأذن الله قلت ليهو ابوي في حاجه حاصله اتصلت عشان اكلمك قال لي قولي خير ي بتي فشنو قلت ليهو ابوي ياسر قالو اتكلم وقال عاوزني بتو جات عشان تحنسني اسامحهم ابوي سكت قال لي انتي م محتاجه ليهم عاوزين منك شنو قلت ليهو ابوي انا والله م وافقت بس فادي قال ليهم ح نجي وانا م بقدر اكسر كلمه فادي انت رايك شنو قال لي خير ي بتي بتمشي معاك منو قلت ليهو انت قال لي لا لا م بقدر انا بقيت احنس فيهو قال لي خلاص ي بتي ما بحرجك بكره بجيب دريه وبجيكم نمش معاكم انا م بعرف بيتهم علي وين قلت ليهو شكرا يا ابوي ربنا م يحرمني منك قفلت منو لقيت فادي في وشي قال لي ليه خليتيني نومتا قلت ليهو قلت اخونك شويه قعد اضحك قال لي مستحيل انا اجي يوم واشك فيك انك ح تخونيني قلت ليهو عارف ليه ي فادي لانو ماف راجل في الدنيا دي بجي جنبك رجال السودان ديل كلهم في كفه وانت في كفه براك توزنهم وتزيد قعد اضحك قال لي بصدق قلت ليهو لازم تصدق لانها دي الحقيقه قال لي تسلملي حبيبتي انا صليتي المغرب قلت ليهو ح اصلي واستحما ونجهز قال لي تمام عازمك من هسي لغايه م تزهجي قلت ليهو انا معاك م بزهج انت كل دنيتي يا فادي زمان كان م بتمر علي لحظه وانا م خايفه فيها عشت رعب م يعلم بيهو الا ربنا حاسه انو ح اتخزل من كل الناس بس انا الان لو موتا هسي تاكد تماما انا موتا وانا اسعد انسانه بوجودك جنبي انت امان بالنسبه لي قال لي انتي جنه الدنيا ❤️❤️🫰🏻🫰🏻
مشيت لبستا وطلعنا قعدنا في مكان حلو اول مره اشوفو كل لحظه بتمر علي بتزكر انا كنت وين وبقيت وين كلمه الحمد لله م قاعده طلع من خشمي بحمد ربنا علي نعمه الزوج الصالح الزوج البقدر الما بعاين للجوانب التانيه البعاين لي انو الزوجه امان وجنه انا متاكده ماف واحده بكون عندها زي فادي دا وبتكون م حامده ربها قاعد احسسني اني قيمه بعد الدنيا كلها حسستني اني صفر او مبهمه كل افعالو بتقول لي الناس م عرفو قيمتك وانا حظيت بيها قضينا يوم حلو رجعنا متاخرين لقيت اتصال من ابوي حكيت لي فادي قال لي اي قروش محتاجه ليهم انا موجود قلت ليهو ممكن اطلب قروش شخصيه بس لي ابوي صدقني م ح يجي يوم واطلب منك لانو ابوي حساس شديد قال لي ابوك ابوي قلت ليهو اي نعم بس الحاجه دي خليها ع جنب ابوي لو احتاج ليك ح يحتاج ليك تسندو لو مرض بس احتاج ليك ماديا مستحيل قال لي كده ح ازعل منك قلت ليهو لا يا فادي ربنا م جاب زعل العفو منك قال لي تمام البتشوفي ي نوسه وصدقيني موش انتي مقتنعه وما عاينتي ليها عند زول انا متاكد انك م ح تحتاجي لي زول ربنا بكفيك بي العندك لانو القناعه م حاجه ساهله انتي فكرك انا اتزوجتك ساي نوسه انتي م تتصوري انا عاينت لشنو لمن عرفتك واشهد الله كنت بي اي وضع ح اتقبلك لانو ح اتزوج ملاك في زمن كتر فيهو نفاق البنات قلت ليهو فادي الحمد لله انو انا وانت كنا نصيب بعض انا كمان لقيت فيك حلم كل البنات الما حلمتو في يوم بس كل لحظه بتمر علي وانا معاك بحسها انها حلم اي بت
رجعت لي ابوي قال لي طمنيني انتي كويسه قلت ليهو كويسه ي ابوي بس طلعنا انا وفادي نتعشا بره قال لي قلت الا حصلت عليك حاجه قلت ليهو الحمد لله كويسه اها طمني قال لي جيت ابشرك البيت حقك جاب اكتر من قروش البيت دا ابتسمت وفي سري قلت الحمد لله واتزكرت كلام فادي لمن قال لي قناعتك دي ح تكفيك في مواضيعك والحمد لله قلت ليهو طوالي ي ابوي بيع قال لي اي طوالي ببيعو وناس البيت ديل قالو في اسرع زمن عاوزين الرد قلت ليهو تمام يا ابوي بكره بعد نجي من ناس ابوي نمشي لمحامي يخلص البيت قال لي ان شاء الله اها بكره الساعه كم قلت ليهو خليكم جاهزين بنجي نسوقكم قال لي تمام
مشيت حكيت لي فادي قال لي موش قلت ليك الحمد لله ي نوسه ربنا سهلها
تاني يوم فادي مشا الشغل اتصل علي قال لي محمد راجل عبير اتصل علي قال جو الخرطوم وجايين علينا اها رايك شنو قلت ليهو ينورونا انا بتصل اعتزر لي ناس ابوي قال لي طيب اتصلي وارجعي لي اتصلت علي فاتن وكلمتها قالت لي نهاي طبعا ماف عزر خليهم يجوكم وجيبوهم معاكم م شفتي الناس ديل منتظرنك كيف نوسه عزمو كل اعمامي واهلنا قلت ليها انتي جاده كان تكلميني قالت لي هسي كلمتك وم مشكله ي نوسه ضيوفك هم ضيوفنا وعبير زوله م ساهله اختك واكيد ح تفرح لمن تعرف الحاصل قلت ليها تمام ح نجي اتصلت لي فادي كلمتو قال لي م مشكله حبيبتي انا بجيبهم وبجي قفلتو منو جهزت لي ضيافه خفيفه ونزلت تحت لقيت عمي قاعد وريتهم انو جايني ضيوف قال لي يشرفو ي بتي م تستاذني مننا البيت بيتك قال لي تمام خليهم يصلو وسوقوهم معاكم قلت ليهو حاضر ياعمي مشيت لقيت فديه تقرا شكلها ممتحنه قالت لي اعفي لي ي نوسه ما بقدر امشي معاك لكن ماما وبابا م بقصرو قلت ليها م مشكله اهم شي تنجحي لينا
عبير ومحمد جو حسيت عبير تعبانه قالت لي حامل ي نوسه فرحت ليها فرح وحكيت ليهم بالحاصل قالت لي ولا تتوقفي نحنا طوالي بنمشي معاك وانا جيت مع محمد عشان كنت تعبانه وشكلي اتوحمت في محمد اليوم كلو بتصل عليهو زهج مني وجابني اجر لي هنا قلت ليها احلي شي ي عبير
جهزنا ومشينا لقينا الناس كلهم متلمين دخلت سلمت عليهم وابوي من شافني انفقع بالبكا الناس كلها بقت تبكي معاهو شكلو اتزكر اي ذنب ارتكبو في حقي بقا ضاميني عليهو ويبكي وانا زاتي بقيت ابكي اكتر منو وقال لي انا تاني م بخليك بعيده مني في لحظه عيني وقعت في ابوي خالد وكانت دموعو جاريه قلت ليهو الحمد لله انا الان عندي اسرتي فادي وح يكونو اولادي ان شاءالله كنت محتاجه ليك زمان لمن الدنيا كانت قاسيه علي لمن سمعت ابشع الكلام احتجتك جنبي قال لي اعفي لي انا كنت ما بشوف اعمي حقك علي وامي قعدت تبكي قالت لي الله يسامحنا يا بتي انتي بس اعفي لينا والحمد لله وقعتي في ابو م ساهل كبرك وعلمك وبقيتي احسن من اي بت اتربت وسط اسره سيرتك سابقاك نحنا م عايزين منك غير انك تعفي لينا حقك فاتن قالت لي نوسه مهما كان في النهايه انتي لحمهم ودمهم سامحيهم قلت ليها مسامحاهم وعافيه ليهم حقي ابوي ياسر فرح شديد وقال لي ربنا اديك العافيه ويرزقك الزريه الصالحه انتي وفادي والحمد لله م مشيتي مننا بعيد فادي قال ليهو انا الكسبان الحمد لله كانو مبسوطين وانا بعاين ليهم وحاسه كاني في حلم والدنيا حاسه بيها ضلام وطشاش وشايفه الناس كتيره شديد جات جنبي البت الكانت شغاله سلمت علي قالت لي حمد لله ع السلامه قعدت اضحك قلت ليها ممكن تعملي لي شاي قعدت تضحك قالت لي من عيوني قلت ليها العفو ياخي انا بس دايره ازكرك يوم اتشاكلنا انا وانتي قالت لي متزكراهو زي امس وحمد لله ع السلامه فادي قال لي نوسه انتي كويسه قلت ليهو م كويسه قال لي فشنو ما رديت عليهو ووقعتا ……