واية غلطة اخي
الفصل الثلاثون30
بقلم عبير سليم
خلاص يا احمد مش قادرة و اللهأحمد : عشان خاطري كلي دي كمان
تقى : يا احمد انا كده على ما اولد حكون شبه الفيل
أحمد : ههههه ده انتي حتبقي قمر يا للا بقى
تقى : على فكرة انت عمال تزغط فية و انت مش، بتاكل
أحمد : لا و الله انا باكل اهوه
دي حتى ماما عامله الاكل تحفه
تقى : ماما كوثر دي أعظم ام في الدنيا كلها انا بحبها اوي يا احمد
أحمد : و هي كمان بتحبك و بتموت فيكي
تقى : مبتسيبنيش و لا لحظه و بتخللي وقعتي سوده لو لقتني واقفه في المطبخ
أحمد : ربنا يخليهالنا يا رب و يباركلنا فعمرها
تقى : يا رب يا احمد عارف يا احمد انا و الله ما خايفه ان يحصل حاجه غير عشانها حاسه ان لو بعد الشر الحمل ماكملش هي ممكن تروح فيها
أحمد : الف بعد الشر ان شاء الله ربنا حيكملك على خير و تقوميلنا انتي و ايمن بالف سلامه
تقى : يا خوفي لا تطلع بنوته مش ولد
أحمد : حبيبتي كل اللي يجيبه ربنا كويس المهم عندي انك تقوميلي بالف سلامه
تقى : ربنا يخليك ليا يا حبيبي يا رب
أحمد : و يخليكي لية با مشمش يا قمر
في الجامعه
ألف ألف مبروك يا فرح
فرح : الله يبارك في حضرتك يا دكتور جاسر
دكتور جاسر : دلوقتى بقى تقدري تحطي رجلك على أول سلم النجاح
فرح : كله بفضل حضرتك و تشجيعك لية
دكتور جاسر : انا معملتش حاجه يا فرح انتي اللي ذاكرتي و اجتهدتي و تعبتي
هاه قوليلي بقى ناويه على ايه
فرح : انا نويت ان شاء الله أسافر
دكتور جاسر : متاكده من قرارك ده يا فرح
فرح : أيوة يا دكتور
الدكتور جاسر : ربنا معاكي يا فرح
ترجع فرح الشقه و هي ناويه تنهي كل شئ مع نادر خلاص هي نجحت و خلصت كليتها و مبقاش فيه داعي و لا سبب يخليهم مع بعض اكتر من كده
تتفاجئ بنور الشقه مطفي تمد ايدها عشان تنوره تلاقي انوار الشقه كلها نورت
نادر عملها مفاجأة بمناسبة نجاحها و عزم مامتها و فريده و فريال و كمان مامته و باباه طلب منهم ييجوا يحتفلوا معاه بنجاح فرح
فريد و هو بيحضنها : فرح الف مبروك يا حبيبتي
فرح و هي بتحضنه : الله يبارك فيك يا حبيبي ربنا يخليك لينا يا رب
تباركلها فريده و امها و اختها و حماتها و حماها على النجاح و يحتفلوا معاهم
وسط الاغاني و الفرحه
نادر كان جايب عشا و حلويات كتير اوي
و قضوا كلهم ليله حلوه و بعد كده استئذنوا و مشيوا
يمشواو يفضلوا هما الاتنين مع بعض
فرح : شكرا يا نادر بس مكنش في لزوم تتعب نفسك و تتكلف كده
نادر : تعبك راحه يا فرح مبسوطه يا فرح
فرح : عمري ما كنت مبسوطه زي النهارده اخيرا ابتديت احط رجلي على اول السلم
نادر : فرح انا اسف يا فرح
فرح : اسف اسف على ايه يا نادر
نادر : اسف على اللي عملته معاكي يا فرح اسف على اني خذلتك في يوم من الايام اسف على الاهانه اللي اهنتهالك اسف على اني مكنتش اد الثقه اللي وضعتيها فية اسف يا فرح
انا نفسي تقبلي اسفي و تسامحيني يا فرح
فرح : و انا مسمحاك يا نادر
نادر : بجد يا فرح مسمحاني يعني خلاص انتي نسيتي كل اللي حصل
فرح : و هو انا عشان بقول اني مسمحاك يبقى نسيت اللي حصل اللي، حصل ده محفور هنا في قلبي و عمري ما حنساه فيوم من الأيام
نادر : فرح انا مش فاهم تقصدي ايه امال انتي مسمحاني ازاي
فرح : انا مسمحاك عشان اقدر اسامح نفسي يا نادر و اقدر اعيش و اكمل حياتي
الغلط اللي، حصل و اللي ارتكبناه مكنش، غلطك كان غلطي قبلك و لو مكنتش انا وافقتك مكنش كل ده حصل و مكناش وصلنا للي احنا فيه دلوقتى
نادر : خلاص يا فرح بلاش نتكلم في اللي فات و تعالي نبدأ حياتنا من اول و جديد نبدا حكايتنا مع بعض
فرح : نادر احنا حكايتنا انتهت من يوم ما انت اللي قررت تنهيها بنفسك
نادر : فرح انا عارف اني جرحتك لكن انا و الله انا بحبك بحبك اوي يا فرح
فرح : بتحبني و ده حصل امتى يا نادر و اللا دي كدبه بتكدبها علية تاني
نادر : لاء لاء و الله المرة دي انا صادق معاكي في كل كلمه بقولها انا بحبك يا فرح و نفسي تديني الفرصه اني اعوضك عن كل اللي حصل
فرح : في حاجات لما بتتكسر مينفعش تتصلح تاني و اهمهم الثقه نادر انت بتتكلم في إيه و بداية ايه اللي انت عاوزنا نبداها تاني مع بعض و تعويض ايه تللي عاوز تعوضهولي
نادر : انا عارف انك زعلانه مني لكن انا عاوزك تقدري موقفي يا فرح انا غصب عني لما انتي وافقتي تتجوزيني زعلت كان نفسي أوي انك ترفضي
فرح : زعلت ههههههه زعلت اني وافقت مش كده امت ايه بقى عاقبتني على اني وافقت ففضلت ترسملي الحياه الجميله اللي حنعيشها سوا و تبنيلي قصور في الهوا و تعيشني فاوهام و احلام و غيرة و حب و اشتياق كل ده و انت زعلان امال لو كنت فرحان بية كنت عملت ايه كنت عملتلي تمثال مش كده
و ايه بقى اللي خلاك بعد ما كنت زعلان و رافض وجودي فحياتك و بتحتقرني تحبني كده زي ما بتقول
نادر : انتي يا فرح لما عشت معاكي في بيت واحد و شفتك اكتر و شفت تعاملك مع كل اللي حوالينا حبيتك لما لمست كل حاجه بتعمليها بايديكي حبيتك لما شفت مواقفك الجميله اللي عملتيها مع اهلي و معايا حبيتك شفت فيكي اللي انا كنت معمي عنه
يوم ما عرفتي ان ماما تعبانه و جريتي قعدتي بيها و فضلتي سهرانه جمبها اكتر من اسبوع و مسيبتيهاش غير لما اطمنتي انها بقت كويسه
و لما انا نفسي تعبت و جالي مغص كلوي و انتي مرضيتيش تتخللي عني و فضلتي سهرانه جمبي و متحركتيش غير لما بقيت كويس
فرح : كل ده شئ، طبيعي اي حد ممكن يعمله يا نادر و انا عملت الواجب مش، اكتر
نادر : فرح و حياة كل لحظه حلوة عشناها سوا حاولي تسامحيني و تدينا الفرصه نبدا مع بعض
هاتي أيدك يا فرح هاتيها نبدأ حياتنا تاني و صدقيني مش حخذلها المرة دي
فرح و هي بتبص لايده الممدوده ليها : ايدك اللي بتمدها لي دي انا وثقت فيها و مديتلك ايدي و انا واثقه فيك مديتهالك و انا قلبي كله حب لبك مديتهالك و انا متاكده انك عمرك ما حتبيعني و لا تكسرني
مديتهالك مرة و خذلتني و عمري ما حمدهالك تاني يا نادر
نادر انا ربنا وحده العالم ان عمري ما حبيت و لا عرفت معنى الحب غير معاك انا غلطت ايوة غلطت و ندمانه ندم العمر كله على اللي عملته في حق نفسي و حق اهلي و لما خنت ثقتهم فية
بس من حبي ليك يا نادر حبي ليك كان عاميني كلامك لية كان مخليني مغيبه مش شايفه و لا سامعه غيره بنيتلي قصور على المياه و انا صدقتها عيشتني اجمل ايام خلتني احس اني طايرة في الهوا و في الاخر و مع أول مشكله بعتني و يا ريتك احترمت اللي كان بيننا لا ده انت دست عليه بكل جبروت و قوة اتعاملت معايا كاني حشرة كلبه زيي زي الزباله اللي بنفتح باب الشقه و نرميها برة عشان ريحتها متطلعش في الشقه و ما بنصدق اننا نرميها و نتخلص منها
عاوزني انسى و ابدا معاك من الاول انسى انسى ايه يا نادر انسى ايه و اللا ايه
انسى لما كنت بتكلمني كل يوم اكتر من عشر مرات و بتسمعني احلى كلام في العشق و الغرام و بتحاول بكل الطرق انك تقنعني بالجواز منك و انت من جواك بتحتقرني انسى انك كنت بتسمعني احلى كلام في الحب و انت قلبك عمره ما دقلي انسى يوم ما ممسكت ايدي و دخلتني بيتك و قلتلي دي مملكتك اعملي فيها اللي انتي عاوزاه و بعد كده رمتني برة مملكتي بمنتهى القسوة
انسى لما قطعت ورقة جوازنا و قلتلي ان اللي بيننا مكنش جواز و انه كان مجرد علاقه عابرة
انسى انك كنت بتتعامل معايا على اني موميس بتقصي معاها يومين
طب انسى منظري و انا واقفه ادام الباب عماله اخبط عليك و اترجاك تفتحلي و انت جوة سامعني و مش، في دماغك اي حاجه انسى شكلي و بصة الجيران ليه
انسى كسرتي و انا نازله مش عارفه أروح فين و اللا اجي منين
انا وقتها كنت عاوزة اموت نفسي و ربنا كنت حموت نفسي لولا اني خفت اخسر اخرتي زى ما خسرت دنيتي
طب انسى القلم اللي اضربته على وشي من ابيه احمد لما عرف انسى رميتي في المستشفى لما فقدت ابني انسى المكالمه اللي سمعهالي ابيه احمد عن المقابله اللي تمت بينكم و الكلام اللي قلته علية
انسى ايه انسى ان لولا وقفة ابيه احمد و ابيه عبد العزيز جمبي انت عمرك ما كنت حتفكر تصلح اللي عملناه و تتجوزني و لا كنت حصعب عليك انسى ايه و اللا ايه يا نادر
لا يا نادر انا عمري ما حنسى ابدا و انا اصلا مش عاوزة انسى لازم اللي حصل ده يفضل ادامي عشان منساهوش ابدا و مديش فرصه لقلبي انه يضعف لاي حد تاني أو أنه يثق في حد من تاني
و انت بفضلك خلتني افقد الثقه فأي حد في الدنيا و عمري ما حقدر اصدق اي حد
نادر : انا عارف عارف اني جرحتك اوي يا فرح و مستعد اعمل اي حاجه في الدنيا تخليكي تسامحيني و تنسي يا فرح
و اوعدك اني حعوضك عن كل اللي حصل و اريحك من اي وجع سببتهولك
فرح : عاوز تريحني يا نادر
نادر : اديني فرصه فرصه واحده بس و انا حعوضك و انسيكي كل اللي حصل
فرح : تعوضني ايه يا نادر و تنسيني ايه مفيش، حاجه ممكن تعوضني و لا تعوض قلبي اللي انكسر و لا تعوض الخوف اللي عيشته و انا مش عارفه حعمل و لا مصيري حيكون ازاي
أنا الليله اللي نمتها قبل ما يحصللي الإجهاض و ابنك لسه في بطني ابنك فاكره يا نادر ابنك اللي انت رفضت وجوده
كانت أصعب ليله فحياتي كوابيس مسابتنيش طول الليل كنت بحلم بيه بيكلمني بيقول ليه عملتي فية كده يا ماما ليه جيبتيني للدنيا
حلمت ان اهلي طردوني و اني قعده بشحت بيه في الشوارع حلمت اني سيبته قدام بيت حد و مشيت حلمت اني وديته دار أيتام و بقى يتيم و هو امه وابوه عايشين عارف ليه عشان من وجهة نظر ابوه انه ابن حرام ابن حرام
و هو حس بيك و برفضك ليه أعلن غضبه و قرر يمشي
و تقوللي اعوضك انا اللي خسرته كتير اوي يا نادر و استحاله يتعوض في يوم من الأيام
عارف حقولك زي ام كلثوم ما قالت عاوزنا نرجع زي زمان قول للزمان ارجع يا زمان و هاتلي قلب لا داق و لا حب و لا انجرح و لا داق حرمان فات المعاد
نادر لو انت بتحبني زي ما بتقول و عاوزني اسامحك ارجوك تطلقني
طلقني يا نادر
نادر : اطلقك انتي بتقولي ايه يا فرح لا يا فرح انا مش حطلقك مش حطلقك يا فرح
فرح : لا حتطلقني يا نادر حتطلقني عشان انا مسافرة يا نادر
نادر: مسافرة فين يا فرح
فرح : مسافرة برة يا نادر حكمل دراستي و اشتغل و مش حرجع تاني
نادر : لا يا فرح ارجوكي متسافريش انا بحبك و الله العظيم بحبك عاقبيني زي ما نتي عاوزة اعملي فية كل اللي عاوزاه و انا حستحمل بس و احنا مع بعض
صدقيني يا فرح صدقيني المره دي بس
ارجوكي يا فرح
فرح : عن اذنك يا نادر انا داخله استريح عندي أوراق بكرة و لازم ابتدي اخلصها
نادر من فضلك كفايه لحد كده سيبني يا نادر سيبني الملم جروحي و أحاول انسى و ابدا صفحه جديده مفيهاش اي رواسب من الماضي
تسيبه فرح و تدخل اوضتها و تفضل تبكي من قلبها و هي بتفتكر علاقتها بيه من اول يوم لحد الليلادي كانت بتحط ايدها على ودانها كأنها رافضه تسمع صوت بيفكرها بكلام قاله في الماضي
اما نادر فحالته مكنتش اقل منها هو كمان افتكر من اول يوم شافها فيه و اد ايه أعجب بيها افتكر حقارته معاها
افتكر اد ايه هو كان حقير و انه يستاهل كل كلمه قالتها بس هو بيحبها بجد و مش عارف يعمل ايه قرر انه يلجأ لعبد العزيز و يفهمه كل حاجه و يقولله يقف جمبه و يساعده انه يحتفظ بيها في حياته و عبد العزيز بالفعل اتكلم معاها لكن مفيش فايده نهائي فضلت مصرة على الطلاق لحد ما اضطر نادر انه يطلقها و هو قلبه بيتقطع من فراقهم لبعض
و بعد مرور بعض الوقت تسلم فرح على تقى و امها و أخواتها اللي مش فاهمين حاجه و لا عارفين سبب لطلاقها غير انهم مش متفاهمين
تودعهم و تأخذها فريده و عبد العزيز عشان يوصلوها المطار و في اليوم ده يعرف نادر بالصدفه من دكتور جاسر ان معاد سفر فرح النهارده
يفضل يتصل عليها لكن هي خلاص كانت قفلت تليفونها
يتصل على عبد العزيز فيعرف ان فرح دخلت المطار و هما خلاص خارجين
وقتها كان خلاص وصل و اول ما نزل من العربيه شافهم
عبد العزيز : فرح دخلت خلاص يا نادر
نادر يسيبه و يبعد الأمن من ادامه و بجري على جوة لكن خلاص كانت الطيارة بالفعل طلعت لقى نفسه بيقعد على الكرسي و بيبكي من قلبه على حبه اللي ضيعه من بين ايديه
اما فرح كانت قاعده في الطياره و هي بتعيط و في نفس الوقت بتكلم نفسها
فوقي يا فرح خلاص انسي كل اللي فات انتي دلوقتي حتبدئي حياة جديده و لازم تبدئيها صح
فريده : عبد العزيز هو في ايه انا مش فاهمه حاجه هما مش اتفقوا على الطلاق في إيه
عبد العزيز : في ان نادر بيحب فرح اوي و كان نفسه انها متسافرش لكن هي أصرت على السفر و ده سبب طلاقهم
فريده : الغبيه معقوله واحده تلاقي حد بيحبها بالشكل ده و تسيبه ليه يا فرح و انا اللي اقتنعت انكم مش متفقين
عبد العزيز : كل شئ، نصيب و يا عالم مش يمكن يرجعوا لبعض محدش يعرف بكرة في إيه
فريده : ربنا يكتبلك الخير يا فرح يا حبيبتي يا رب
زغاريد و اغاني عاليه و انوار متعلقه على البيت بتعلن عن وجود فرح و سعاده
لوووولي لووولي الف الف مبروك يا ولاد ربنا يهنيكم ويسعدكم يا حبايبي يا رب
حسام : الله يبارك فيكي يا ماما
مامته : ياااه انا الدنيا النهارده مش سايعاني من الفرحه مش قادرة أصدق معقوله انت و رانيا تبقوا من نصيب بعض يا ما نت كريم يا رب
رانيا : يا حبيبتي يا عمتو ربنا يخليكي لينا يا رب
والدة حسام : و يخليكي لينا يا حبيبة قلب عمتو
حسام : مبسوطه يا حبيبتي
رانيا : متتصورش فرحتي و سعادتي اد ايه يا حسام انا حسه انى اسعد انسانه في الدنيا كلها
انت وجودك في حياتي عوضني عن كل حاجه حللى الدنيا في عينيه من تاني خلاني احس بقيمة نفسي و اني زيي زي كل بنت بتتحب و بتسمع من حبيبها كلمة حبيبتي
حسام : انتي مش زي اي بنت يا رانيا انتي ست البنات كلهم و انتي مش، حبيبتي انتي روحي و قلبي و حياتي كلها انا نفسي اعيشك ملكه
رانيا : يا حبيبي يا حسام ربنا يخليك ليا يا رب
حسام : بس انا مستغرب منك اوي يا رانيا
رانيا : ليه يا حسام
حسام : كل بنت تحلم بفرح كبير تتباهى بيه وسط أهلها و صاحبها و انتي مرضيتيش و اصريتي نعمل حاجه على الضيق
رانيا : عشان انا شايفه ان دي مصاريف و بهرجه ملهاش اي لزمه حسام انا ميهمنيش موضوع الفرح ده خالص و ميشغلنيش انا اللي، يهمني انا و انت و بس و بعدين احنا لسه في أول الطريق و محتاجين نبني نفسنا و انت تعبان و شقيان و انا لازم احافطلك على تعبك و شقاك يا حبيبي
حسام : ربنا يخليكي ليا و يباركلي فيكي يا حبيبتي يا رب
ياخدوا مجموعة صور مع الأهل و الأقارب و الأصدقاء اللي بيحتفلوا معاهم بفرحتهم
اخيرا الحب و السعاده بقوا من نصيب رانيا لما قدر حسام انه يحتويها و يعوضها عن كل شئ حسسها بالحب اللي عمرها ما حسته مع غيره اهتم بكل تفاصيل حياتها عيشها الحب اللي كان نفسها تعيشه بقى ليها هي و بس مفيش في قلبه و لا عقله و لا حياته كلها غير رانيا رانيا وبس
و هي في المقابل حبته و نست معاه الماضي و بقى حسام بالنسبه لها الحب الحقيقي اللي كانت بتدور عليه
و طبعا فرحة الاهل بيهم عدت كل الحدود
و فرحة مروان لاخته رانيا اللي عاش معاها الامها و احزانها فوق كل وصف
و المفروض انهم حيقعدوا في مصر شويه في شقتهم و بعد كده حيسافروا عشان يبنوا مستقبلهم و يبدءوا حياتهم على امل انهم ينزلوا في الاجازات لحد ما ييجي الوقت و يرجعوا بلدهم
احمد و هو بيشتغل في الورشة يجيله تليفونايوة يا ماما
مالها تقى
عندها نزيف طب انا جاي حالا
طبعا احمد اول ما يعرف انها تعبانه و جالها نزيف يروحلها بسرعه و ياخدها على المستشفى و كوثر عماله تدعي ربنا و تقى عماله تعيط
يدخلوا المستشفى بسرعه و يدخلوها الطوارئ تتفاجئ، بيهم سمر و تعرض عليهم المساعده
أحمد : تقى عندها نزيف
سمر : طيب ما تقلقوش هي في الشهر الكام
أحمد : في الشهر الخامس
سمر : سلامتك يا تقى
اتفضلوا معايا انا حكشف عليها
احمد : انتي يا سمر
سمر: ما لك مستغرب ليه يا احمد هو انت ما تعرفش اني نسا و توليد
أحمد : لا و الله ما اعرفش
سمر : معلش و لا بهمك
طبعا تقى مكنتش مركزة في اي حاجه كل همها انها تطمن على البيبي و بس
يقعد احمد و كوثر قلقانين جدا و سمر بتبص على السونار
اطمنوا خير ان شاء الله
أحمد : يعني البيبي كويس
سمر : اهوه بيتحرك ادامك اطمن الولد بخير
كوثر : ولد انتي متأكده يا سمر انه ولد
سمر :"*ايوة طبعا يا طنط ولد واضح جدا اهوه قدامي
كوثر : الف حمد و شكر ليك يا رب
أحمد : و تقى يا سمر
سمر :" *ترتاح و متعملش مجهود خالص لحد ما الكام شهر دول يعدوا و انا حكتبلها على حاجه توقف النزيف
كوثر : ربنا يسعدك يا سمر يارب و يطمن قلبك
سمر : شكرا يا طنط
أحمد و هو بيسند تقى : يا للا يا ام ايمن
تقى : حاضر يا ابو ايمن
يشكروا سمر على اهتمامها
تقى : شكرا يا دكتورة سمر
سمر :العفو يا حبيبتي ربنا يكملك على خير و تقومي بالسلامه
يمشوا و هي تكلم نفسها : ولد حتجيبي ولد ماشي يا تقى اما كانت نهايتك على أيدي مبقاش انا انا مكنتش متخيله انك تيجي لحد عندي و تقعي تحت ايدية بالشكل ده يا محاسن الصدف بس و حياتك عندي اني مش حفوت الفرصه دي و عالعموم هانت خلاص
حالتك بتقول ان النزيف عندك حيتكرر و محدش حيكون معاكي غيري يا ست مشمش
و تقرر انها تتصل عليهم باستمرار من باب انها تطمن عليها و طبعا تقى كانت مستغربه جدا من التغيير اللي حصل لسمر ده بس من طيبة قلبها صدقتها متعرفش قلبها اللي السواد عاميه بيكرهها اد ايه
بعد مرور شهر
شايل البيبي على ايده : بسم الله ما شاء الله ربنا يبارك فيه ويحميه و يحفظه من كل شر يا رب
الف مبروك يا حبيبي الف مبروك يا فريده
فريده : الله يبارك فيك يا احمد و عقبال تقى ربنا يكملها على خير يا رب
أحمد : يا رب يا فريده
فريده : انا دعتلها كتير و انا بولد و الله ان شاء الله ربنا حيقف جمبها و حيكمل فرحتكم على خير
أحمد : كان نفسها تيجي معايا و الله و تشوف البيبي بس انا خفت عليها
فريده : لا تيجي فين انا ان شاء الله اول ما اشد حيلي حروحلها بنفسي انا و البيبي
أحمد : و حتعملوا سبوع ان شاء الله
عبد العزيز : طبعا حنعمل سبوع و احلى سبوع دي جدته بقالها تسع شهور بتحضر لسبوعه
أحمد : ههههههه انت حتقوللي على طنط ربنا يخليها يا رب
دي مش بعيد تاخده منكم اساسا و متخليكمش تقربوا منه
عبد العزيز : انت بتقول فيها دي من ساعة ما فريده ولدت و هي عماله تقولله اسمع كلام تيته و متسمعش كلام امك و لا ابوك
أحمد : ههههههه ربنا يخليه و يسمع كلامنا كلنا ان شاء الله
صح يا
الله انتوا سميتوه ايه صحيح
عبد العزيز : امممم سميته على اسم واحد كده لازقلي العمر كله و مش عارف اخلص منه
أحمد : واحد لازقلك مين ده
عبد العزيز : حيكون مين يعني غير صديق عمري و اخويا و حبيبي
معنديش اغلى منك يا صاحبي عشان اسمي ابني على اسمه
أحمد : أحمد انت سميته احمد
فريده : ايه رايك بقى في المفاجأة دي
احمد : أحلى مفاجأة طبعاً يا حبيبي يا عبد العزيز
الف مبروك يا ابو احمد حمد الله على السلامة يا ام احمد
عبد العزيز : الله يبارك فيك يا احمد و عقبال يا رب لما يجيلنا ايمن بالسلامه
أحمد يا رب يا عبد العزيز يا رب
بس امال فين العيله ده انت حاجي حلاقي الكل هنا
عبد العزيز : كلهم معانا من امبارح مشتهم عاوز اقعد مع مراتي و ابني
أحمد : ماشي يا سيدي و انا كمان حمشي اروح اشوف مراتي انا كمان
عبد العزيز: ربنا يطمنا عليها هي كمان يا رب
يوصل عبد العزيز احمد و يرجع لفريده يلاقيها حاضنه احمد و بتغنيله سيد الحبايب يا ضنايا انت
عبد العزيز : شكله كده الاستاذ احمد حياخد هو الحب كله و انا خلاص حتركن على جمب
فريده : هههههههه ده احنا حنغير بقى
عبد العزيز : اه حنغير و شكله كده الواد ده حيبقى ضرتي
فريده : ههههههه هههههه مجنون يا ناس
عبد العزيز : مجنون بحبك يا بنت عمري
فريده : و بنت عمرك مجنونه بحبك و لو جبت عشر ولاد محدش يقدر ياخدني منك يا حبيبي انت حبيبي و نور عينيه و ابني البكري يا عبد العزيز
عبد العزيز : لاء قوليلي يا بيبي
فريده : هههههههه بيبي و احلى بيبي في الدنيا كلها
بعد مرور أسبوع
في الشركه اللي بيشتغل فيها عبد العزيز
الله يبارك فيك يا نادر
نادر شوف حياتك فرح خلاص اختارت حياتها
نادر : مش قادر يا عبد العزيز صدقني حاولت و مش قادر صورتها حوالية في كل مكان
انا بحبها بحبها اوي و مش حقدر اكمل حياتي من غيرها
عبد العزيز : ياااه لو كنت اتمسكت بيها و بحبها مكنش كل ده حصل لكن خلاص مش حنقدر نقول غير فدر الله و ما شاء فعل
نادر : و نعم بالله لكن انا مش حستسلم مش عشان سافرت يبقى كده خلاص لاء انا مستعد اروح وراها اخر الدنيا
عبد العزيز : مش بالعافيه يا نادر
نادر : لا مش بالعافيه بالحب اللي مالي قلبي ليها انا غلطت و معترف بغلطي بس ترجعلي محتاجها اوي وحشتني اوي حياتي بقت ملهاش طعم من غيرها
عبد العزيز : للدرجه دي
نادر : و اكتر بكتير انت عارف يا عبد العزيز برغم اننا قعدنا سنه مع بعض زي الاغراب و مكنتش طايقاني و كانت بتعاملني معامله زي الزفت لكن كنت مرتاح لوجودها معايا
كنت بدخل المطبخ و اكل من الاكل اللي هي عاملاه برغم اني كنت ببقى شاري حاجات جاهزة كتير لكن كنت بحب اكل الاكل اللي فيه نفسها و هي بتعمله
زعيقها و خناقاتها معايا كنت بحبها ريحتها في الشقه كنت بشتاق لها
الاسبوع اللي قعدته مع امي لما تعبت كنت بخلص شغلي و اروحلهم
مش قادر على بعادها تعبان من غيرها اوي
عبد العزيز : مش عارف اقولك ايه يا نادر
نادر : ساعدني ساعدني الله يخليك
عبد العزيز : حاضر و الله بس صدقني انت الأهم وجودك انت اهم مليون مره لازم تثبت لها حبك بأي شكل
نادر : و انا مش، حياس طول ما نا عايش مش، حياس
فكر معايا يا عبد العزيز ايه رايك تقولها اني انتحرت او رميت نفسي في النيل او ولعت فنفسي اي حاجه تحنن قلبها علية
عبد العزيز : نادر انا حاسس بيك لأني اكتر واحد اتعذب بحبه انا حساعدك يا نادر و ان شاء الله خير
تمر الأيام و كوثر مش بتسيب تقى نهائي تقريبا بقت مقيمه معاها في الشقه نفسها ربنا يقومها بالسلامه
و امنيه كل يوم تسهر معاها و دايما فرح بتجيلها الكل كان خايف عليها و بيدعيلها حملها يتم على خير
بعد مرور عدة أيام
تقوم تقى باليل و هي بتصحي احمد و بتعيط الحقني يا احمد
أحمد : ايه في ايه مالك يا حبيبتي
تقى : النزيف رجع تاني و اكتر من كل مرة الحقني يا احمد ابني حيروح مني يا احمد
أحمد : طيب اهدي اهدي يا حبيبتي ان شاء الله خير
ينادي على امه و مصطفى و أمنيه يصحوا و يروحوا معاهم
الكل خايف و متوتر و كوثر عماله تدعي ربنا و مصطفى مرعوب على أخته و امنيه خايفه على تقى جدا و احمد مفيش في تفكيره غير حبيبته و بس
كوثر : يا رب أقف معانا يا رب ملناش غيرك يا كريم دي لسه في الشهر السادس يا حبيبتي يا بنتي عديها على خير يا رب
و طبعا هما كانوا اتصلوا على سمر عشان تروحلهم المستشفى ما هي أصلها كانت محلفاهم انهم لو احتاجوها يكلموها على طول
بعد ما تدخلها الكشف و على الاشعه و تقى من كتر التعب يغمى عليها و متحسش بحاجه تطلب سمر من الممرضه تجهز اوضة العمليات و تطلب دكتور التخدير
تتحدث مع نفسها و الأخرى نائمه أمامها لا حول لها و لا قوة
: ياااه اخيرا وقعتي تحت ايدي ياما حلمت و اتمنيت اللحظه دي و اهيه جت لحد عندي و حاخد بتاري منك و ابقي وريني بقى حتعملي إيه بعد ما تفوقي و تلاقي كل حاجه راحت منك
تبصلها بحقد و غل و هي بتحلم باليوم اللي احمد حيكون فيه ليها
طبعا ما نا متاكده من حبه ليكي و انه مش حيضحي بيكي مهما حصل ويوم ما حيكون لية انا حعرف ازاي اخليه يحبني و ينساكي
مش انتي اتحديتيني و وقفتي قصادي استحملي لدعتي بقى ما نا لدعتي و القير و انتي اللي حفرتي قبرك بايديكي
تخرج و هي راسمه على وشها علامات الحزن و تطلب من أحمد انها تقعد معاه على انفراد
خير يا سمر طمنيني
سمر : كان بودي اطمنك يا أحمد لكن للأسف مش خير خالص
أحمد : ابني حصلله حاجه تقى حصللها حاجه
سمر : احمد انت مين عندك اهم ابنك و اللا تقى
أحمد : تقى طبعا تقى عندي اهم مليون مرة
سمر : احمد تقى عندها نزيف شديد جدا و حاولت اوقفه مفيش فايده نهائي
و كده حياتها حتتعرض للخطر و كل ثانيه بنتاخر فيها كل ما الموت بيقرب منها
أحمد : موت موت مين تقى تقى تموت انتي بتقولي ايه يا سمر ايه التخاريف دي
سمر : مش انا اللي بقول التحاليل و الاشعه هي اللي بتقول
أحمد مفيش وقت و انت لازم تاخد قرارك بسرعه و اللا حتفقد مراتك للأبد
أحمد : قرار قرار ايه انا مش فاهم حاجة
سمر : لازم نضحي بالجنين و نستئصل الرحم هو ده الحل الوحيد عشان نقدر ننقذ حياتها
أحمد : انتي بتقولي ايه رحم ايه اللى تستئصيليه ايه الهبل ده
لا لا انا مش حعمل حاجه زي دي
فيها
دي ممكن تروح مني يعني هي فجاة تلاقي كل حاجه راحت منها ابنها يروح و حياتها كلها تروح لاء لاء انا مقدرش اعمل فيها كده
سمر : معقوله ده رد فعلك و ده قرارك انا كنت متخيله انك تقوللي اعملي اي حاجه المهم تنقذي حياة مراتي
أحمد : انا حياة مراتي اهم من اي شئ، بالدنيا لكن انا مش مستوعب اللي بيحصل ده
تشيل الرحم ازاي ازاي انتي عارفه ده معناه ايه يعني تقى حتتحرم انها تكون ام في يوم من الايام
سمر : طبعا عارفه يا احمد و مش قادرة اوصفلك انا زعلانه ازاي لكن صدقني مفيش حل تاني
أحمد : سمر انتي متاكده سمر لاء احنا لازم نستشير اكتر من دكتور لا لا مينفعش ناخد قرار زي ده بالسهوله دي
سمر : احمد انا دكتورة و واثقه من كلامي كويس اوي و انا اللي حتحمل اي نتيجه
أحمد انا متاكده من حبك لمراتك و واثقه انك مش حتقدر تعيش من غيرها احمد تقى حياتها في خطر النزيف مش، حيقف يا احمد مش، حيقف غير لو شيلنا الرحم
أحمد خد قرارك و بسرعه
كده كده ابنك حيموت لكن في احتمال ان امه تعيش و في احتمال انها تموت معاه و الأمر كله بايدك
أحمد و هو منهار من العياط : لله الأمر من قبل و من بعد