رواية غلطة اخي
الفصل التاسع والعشرون29
بقلم عبير سليم
و اخيرا و بعد طول انتظار تعترف القلوب بما تكنه و تخفيه بداخلها منذ سنواتأحمد و تقى قاعدين مع بعض على النيل : معقوله يا احمد معقوله انت بتحبني أنا دي اخر حاجه كنت ممكن اتوقعها في يوم من الأيام طب امتى حبتني و ازاي قدرت تخبي مشاعرك جواك و ازاي انا محستش بحاجه زي دي طب و ماما كوثر ازاي محستش و أيمن ازاي معرفش و انت كنت طول الوقت عادي جدا
فهمني يا احمد ارجوك فهمني انا محتاجه افهم انا من وقت ما قريت المكتوب على ضهر الصورة و انا جوايا أسئله كتيرة محتاجه أعرف اجابتها منك
أحمد : حاضر يا تقى انا حريح قلبك من حيرته و اقولك على كل اللي محيره تقى انا حبيتك من اول يوم جيتي فيه للدنيا لما شلتك على ايديا و عيونك فتحت اول ما فتحت فتحت لية انا وقتها حبك اتزرع جوة قلبي و بدا يكبر مع مرور الأيام
كنتي كل يوم بتكبري فيه ادام عينيه حبك جوايا بيكبر اكتر و اكتر كنت بهتم اعرف كل تفاصيل حياتك كنت بخاف عليكي و بتمنالك كل سعادة الدنيا ضحكتك كانت هي سعادتي و دموعك هي اوجاعي
عدت السنين و مرت علينا كلنا و حبك عمره ما قل و لا في واحده قدرت تدخل قلبي ابدا مفيش، غيرك انتي و بس اللي فقلبي داريت حبك جوايا ليه معرفش يمكن غباء، مني لأني لو كنت اعترفت بالحب ده يمكن وقتها كان حاجات كتير أوي اتغيرت في حياتنا لكن انا مقدرتش اعلن عن حبي كتمته جوة قلبي و لما عرفت ان مصطفى و عمي حمدي اخدوا قرار انهم مش حيوافقوا على اي حد يتقدملك الا بعد ما تخلصي المعهد فضلت اصبر في نفسي و استنى اليوم اللي تخلصي فيه عشان اقدر اتقدملك و نفس اليوم اللي قررت فيه اني اتقدملك و اعلن حبك اللي احتل قلبي من سنين و عشقي ليه
لقيت ايمن جاي يقوللي انه بيحبك و عاوز يتقدملك وقتها حسيت ان الدنيا وقفت بية مش قادر أصدق و لا اقتنع انك ممكن تكوني لحد غيري و مين اخويا حبيب عمري قررت اني اكمل اللي فيه و خطبتك بنفسي لأيمن كنت فرحان لفرحتكم لكن تعبان مش قادر استحمل انك خلاص رحتي مني بس ربنا يعلم و شاهد علية اني كنت فرحان ليكم و عمري ما اتمنيت ان حاجه تفرقكم و كنت خلاص رضيت باللي ربنا قسمه لحد ما بقينا من نصيب بعض تاني
تقى انا عارف اني غلطت لما كتمت حبي جوايا لكن اللي انا متأكد منه ان ربنا اكيد كان ليه حكمه فكده
و انا دلوقتى بعد اللي حصل ده و اللي طلع وهم ايقنت ان كل حاجه حصلت تدبير من ربنا ياااه على كرمه سبحانك يا رب
تقى انا بعد وفاة اخويا كرهت الدنيا كلها موته كسرني و وجع قلبي و عمري ما كنت حدي لنفسي فرصه اني افكر في الارتباط بحبيبته و حب عمره حتى لو كان روحي فيها
و لولا أن أمي هي اللي طلبت مني اني اتجوزك انا مكنتس حفكر في حاجه زي دي أبدا
و كل ده حصل عشان ربنا يجمعنا يا حبيبي يا اخويا زي ما يكون كان بيقربنا من بعض من غير ما يعرف الله يرحمك يا حبيبي
تقى انا مش اناني و الله و لا عاوز اخد مكان ايمن في قلبك انا عارف ان أيمن أول حب فحياتك و انتي كمان كنتي حبيبته و كان بيحلم باليوم اللي حتكونوا فيه سوا عارف انك من حقك انك تكوني مخلصه ليه و لذكراه عارف ان قلوبنا مش بايدنا
عارف يا تقى عارف و ده اللي تاعبني و واجع قلبي لأن على اد حبي و عشقي ليكي على اد ما زعلان على اخويا اللي مات قبل ما يتهنى مع حبيبته
بس غصب عني مش بأيدي اعمل ايه و انا شايف حبيبتي و عشقي معايا و بين ايديا و مش بس كده لاء ده كمان القدر هداني بأحلى هديه و انك مكونتيش لحد قبلي فهماني يا تقى مقدرة اللي انا فيه حاسه باللي انا حاسس بيه انا اسف يا تقى اسف يا حبيبتي لو كنت ضايقتك بكلامي او شيلتك حمل على كتافك اسف
بس انا جوايا وجع كبير اوي و نفسي تقفي جمبي و تساعديني نداويه سوا
تقى : أحمد انا مش عارفه اقولك ايه و لا أرد على كل اللي انت قلته
أحمد انت كنت بالنسبه لي أبيه أحمد اخويا الكبير و معاملتك لية كانت أكبر دليل على كده
ايوة حبيت أيمن و هو أول حب في حياتي و انا متاكده انه كان بيحبني من كل قلبه و كان المفروض اننا نكمل حياتنا سوا لكن حنعمل ايه و ربنا أراد انه يفرقنا قلبي وجعني على فراقه و ربنا شاهد على اني حبيته و لو علية كنت مستعده افضل عايشه على ذكراه العمر كله
لكن لقيت نفسي مفروض علية اني لازم اتجوز و انا مفيش في أيدي حاجه
ملقتش ادامي غير ماما كوثر ألجأ لها عشان تساعدني و لما طلبت منك انك تتجوزني انا كنت متضايقه اني ورطتك في جوازك مني و كان كل خوفي انك تسيبني خصوصا بعد ما.....
أحمد : بعد ما ايه يا تقى كملي كلامك و اللا كتير علية انك تريحي قلبي من اللي كاويه
تقى : انت الدنيا كلها قليله عليك يا احمد
أحمد انا بحبك ايوة بحبك و مش حخجل اني اعترف بحبك اللي ملا قلبي و حياتي كلها مش عارفه حبيتك امتى و لا ازاي لكن انت السبب انت اللي خلتني أحبك أخلاقك و طيبتك و حنيتك علية جدعنتك مع فرح و وقفتك معاها جريك مع بابا و مصطفى في السكك اول ما عرفت باللي حصل لابن عمي وقفتك مع طنط فايزة وقت الحريق و انك انت و عبد العزيز اللي كنتوا كل يوم مع العمال لحد ما بيتهم رجع احسن من الاول كل ده و اكتر خلتك فرضت مشاعرك على قلبي لقيتني بحبك يا احمد كان لازم أحبك مينفعش غير اني أحبك
أيمن عمري ما حقدر انساه حيفضل ذكرى جميله عندي لكن انت حياتي اللي انا عايشاها انت حبيبي اللي انا عاوزه اعيش معاه الحياه نفسي انسى معاه اي حاجه وجعتنا املي اني اسعدك و اعوضك عن كل سنين حرمانك من حب عمرك
أحمد و هو بيمسح دموعه : تقى انتي بالنسبه لي كنتي حلم مستحيل تحقيقه عارفه يعني ايه تفقدي الأمل في حلم عمرك في حلم عشتي طول عمرك ما تحلميش غير بيه
و بعد ما خلاص في لحظه الاقيكي معايا حطمع في إيه اكتر من كده انا وجودك معايا في نفس الشقه احساسي اننا بتنفس نفس الهوا بناكل مع بعض من نفس الطبق ده في حد ذاته كان كل الحياه بالنسبه لي
تقى : احمد انا بحبك اوي يا احمد أحمد : و انا بحبك و بعشقك يا تقى
تقى : مشمش يا احمد بحبها منك اوي
أحمد : احلى و اجمل مشمش في الدنيا كلها
تعرفي نفسي في ايه يا مشمش
تقى : نفسك في ايه يا حبيبي
أحمد : نفسي اعملك فرح كبير نفسي افرحك
تقى : انت فرحتي يا احمد فرحتي بوجودك في حياتي أكبر من أي فرحه في الدنيا
يوم ما اتكتبت على إسمك و بقيت مراتك هو يوم عيدي و فرحي
أحمد : نفسي اسعدك يا مشمش
تقى : و انا نفسي في حاجه يا احمد محتاجاها اوي في حياتي
أحمد : نفسك في ايه يا حبيبتي شاوري و انا اجيبلك الدنيا كلها بين ايديكي
تقى : نفسي في نونو صغير كده يملى علية حياتي و أعلمه ازاي يحب الخير لكل اللي حواليه نفسي يطلع حنين و طيب و جدع زيك يا احمد
أحمد : أيمن
تقى : أيمن
أحمد : نفسي في ايمن اوي يا مشمش نفسي اجيب أيمن الصغير اللي حيكون عوض لينا و لأمي عن أيمن الكبير
تقى : ان شاء الله يا حبيبي
أحمد : قوليها تاني يا مشمش نفسي اسمعها منك على طول
تقى : ان شاء الله مش حيبقى في فحياتنا كلها غير الحب
يدخل البيت و ايده في ايدها و يحكي هو و هي كل حاجه لكوثر و كوثر مكنتش مصدقه اللي سمعته معقوله دي يعني ايمن معملش حاجه يعني ابنها برئ، من اي شئعيطت جامد و اترحمت على ابنها و حضنت تقى و اتمنتلها كل سعادة الدنيا و اخدت احمد في حضنها و باركتله
ياااه على حكمتك يا رب الحمد لله انك معانا و فوسطينا يا حبيبتي
يمر اليومين و ييجي فرح البنات اللي كان مصدر سعاده للجميع تقى كانت معاهم طول اليوم في الكوافير و الفرحه ماليه حياتهم فرحهم كان جميل اوي و لا الف ليله و ليله اتجمع فيه كل العشاق
الكل فرحان لشباب و عصافير العيله و الكل بيرقص معاهم و بيشاركهم الفرحه
أحمد حط ايده في ايد حمدي و كتب كتاب امنيه و مصطفى
و حمدي حط ايده في ايد حامد اخوه و كتبوا كتاب عبد الرحمن و مها و الزغاريد علت و أصوات الاغاني ملت القاعه
و لما جه وقت رقصة السلو مد عبد الوهاب ايده لهند عشان يرقصوا
هند : واه حنرجص يا عبد الوهاب
عبد الوهاب : و منرجصش ليه أن شاء الله
هند : اتكسف
عبد الوهاب : جومي معايا و ملكيش صالح
هند : بس اني مبعرفش ارجص زيهم
عبد الوهاب : بجولك ايه احنا حنعمل كيف ما بيعملوا احنا مش اجل منيهم و ياللا بجى جبل ما يخلصوا
تقف معاه هند و هي محرجه لكن عبد الوهاب يشدها لحضنه و تستجيب معاه في الرقص
أحمد و تقى وقفوا يرقصوا مع بعض و عيونهم كلها حب
فريده و عبد العزيز هما كمان كانوا بيرقصوا معاهم و الكل بيدعيلهم ربنا يرزقهم بالذريه الصالحه
حمدي : الحمد لله انهم جبضوا على اللي عمل العمله دي بس ياااه معجوله في واحده تعمل أجده
حامد : عشان غبيه كانت مفكرة لما تجتله حتورث فيه
و اهيه ربنا وجعها في شر اعمالها و طليجها اللي اتفجت معاه انه يجتل عبد الوهاب لما اتخانج معاها بعد ما ربنا رد كيدهم و ولدي عاش سمعتهم مرته و هي اللي بلغت عنيهم هما الاتنين و اهم مرميين في السجن
حمدي : الحمد لله انها جت على اد كده المهم انه يكون اتعلم و يخللي باله من مراته و ولاده
حامد : اتعلم جوي وتاب و دلوك مفيش هنديه اغلى من مرته وعياله
حمدي ربنا يهنيهم و يسعدهم كلهم يا رب
فجاة تتوقف الاغاني و نور القاعه ينطفي و مفيش حاجه منورة غير شاشة العرض اللي تتعرض عليها صور تقى كلها من و هي مولوده و بعدها و هي بتحبي و بتخطي و صورها في أعياد ميلادها و هي صغيرة صورتها و هي بلبس المدرسه صور جميله ليها في جميع مراحل حياتها و معاها اغنية وليد توفيق انزل يا جميل عالساحه الكل فرحان و مبسوط و الكل بيغني مع الاغنيه و بيتفرجوا على صور تقى الجميله و اللي كان اخرهم صور فرحها هي و احمد
تقى واقفه عماله تتفرج على الصور و الضحكه ماليه وشها و حاضنه احمد بايديها و احمد مبسوط ان تقى مبسوطه
و بعدها أتقدم العاملين بالقاعة بتورته كبيرة عليها صورة تقى و اسمها و الكل اتلم حواليها و الكل بارك لتقى عشان عيد ميلادها
الفرحه كانت فوق كل الحدود و تقى متوقعتش ابدا ان احمد ممكن يكون حضرلها مفاجأة زي دي جاب الصور دي كلها منين و ظبطها ازاي
عاوزة تقولله معقوله تعمل كل ده علشاني
احمد حضنها و هناها بعيد ميلادها و قدملها هديته و هي كانت فرحانه بشكل لا يصدق
انتهى الفرح و الكل خرج و المطر نزل من السما بشده و الجو بقى برد اوي لدرجة ان تقى كانت بتترعش من البرد احمد خباها جوة العربيه و كل عريس ركب مع عروسته و طلعوا على شقتهم
اه ما هو اصل كوثر اتحايلت عليهم ميسافروش بعد الفرح على طول خافت عليهم من الحسد قالتلهم يروحوا شققهم و بعديها بكام يوم يسافروا
و قرر احمد انه يسافر هو و تقى هما كمان يعملوا شهر عسل بس بعد ما يكون عملها التحاليل اللي طلبتها الدكتورة
بعد ما دخل مصطفى هو و أمنيه الشقه
مصطفى : الليله ليلتك يا معلم يا للا بقى يا قلبي اتعلم
أمنيه : انت بتعمل ايه
مصطفى : بعمل زي الناس
أمنيه و هي بتغمض عينها : يخرببيتك انت حتقلع ادامي
مصطفى : انتي مكسوفه مني يا قلبي ده انا جوزك يا بت
امنيه : مصطفى من فضلك احترم نفسك و بلاش كده
مصطفى : و هو في احترام احسن من كده
امنيه : يا مصطفى بقى الله بص بس الله يخليك احنا نقعد كده باحترامنا و ادبنا
مصطفى : بصي انا حقولك زي ما عادل امام قال في السفارة في العمارة ده انا ححترمك احترام حنزل فيكي احترام لحد الصبح
تطلع امنيه تقف فوق السرير يطلع مصطفى وراها تنزل امنيه بفستانها يجري مصطفى وراها في الاوضة لحد ما يمسكها الله يخرببيت سنينك بقولك ايه ما تفرهديش امي خليني اعرف اشوف شغلي
امنيه : قليل الادب
مصطفي : طب انتي اللي جيبتيه لنفسك بقى يا للا استعنى عالشقا بالله
امنيه : ههههههههه
مصطفى و عاملالي مؤدبه
طبعا صوت ضحكهم و جريهم كان فوق شقة احمد و تقى و هما سامعينهم و عمالين يضحكوا عليهم
تقى : انا مبسوطه اوى يا احمد تعرف اني كنت ناسيه ان الليلادي عيد ميلادي
أحمد : يااه يا حبيبتي دي اسعد ليله في حياتي يوم ما الدنيا كلها نورت بوجودك و كانت الدنيا بتشتي شتا
تقى : الجو برد اوي يا احمد
ياخدها احمد في حضنه : تعالي يا حبيبتي ارتاحي و اتدفي في سريرك و اعملي حسابك بكرة ان شاء حنروح نعمل الإشعات و التحاليل عشان اطمن عليكي يا حبيبتي
تقى : خايفه يكون عندي حاجه يا احمد
أحمد : ان شاء الله خير ياخدها احمد في حضنه و تغمض عيونها و تنام اما هو يفضل عينه عليها و عي نايمه
عبد الرحمن عمال يخبط عليها و هي في الحمام مش عاوزة تخرج : انتي يا بنتي انتي يا للي جوة
مها : ايه عاوز ايه
عبد الرحمن : بقالك ساعه في الحمام بتهببي ايه
مها : بفكر
عبد الرحمن : بتفكري فايه في ليلتك دي
مها : اصل المفروض ان عندي مذاكرة عشان امتحان الشهر الجاي فبفكر ابدا دلوقتى اذاكر انهي ماده
عبد الرحمن : تذاكري ايه يا حبيبتي قولي كده تاني انتي عاوزة تذاكري الليلادي
مها : ايوة طبعا يا حبيبي انت عاوزني أسقط و اللا ايه
عبد الرحمن : اللهم طولك يا روح انا كان قلبي حاسس ان الليله ده حيحصل فيها حاجه كله من نبرك فيها يا باهي انت كمان
مها اخرجي يا حبيبتي الله يخليكي اخرجي و خلينا نتفاهم
مها : ماشي حخرج بس ابعد عن الباب
تخرج مها و هي بتدور عليه فتتفاجئ بيه و هو بيحضنها
مها : يالهوي خضتني
عبد الرحمن : ايه ده يا موهه انتي لابسه بجامه عليها ميكي ماوس
هو انتي رايحه الحضانه و اللا ايه
مها : امال عاوزني البس ايه
عبد الرحمن : تلبسي الحاجات الحلوة اللي في الدولاب
مها : ايه جه انت شفتها
عبد الرحمن : ده انا حفطتها و قعدت اتخيلك شكلك حيكون ايه في كل واحد فيهم
مها و هي بتضربه في صدره قليل الادب
عبد الرحمن : هههههه ده انا غلبان
مها : طيب ايه رايك تخرج تتفرج على التليفزيون و انا اقعد اذاكرلي شويه
عبد الرحمن : اخرج اخرج فين انتي هبله يا بنتي انا عاوز ادخل
مها : تدخل تدخل فين
عبد الرحمن : يا دي النيله يا حبيبتي افهمي الليلادي ليلة دخلتنا يعني لازم ندخل
مها : مش فاهمه
عبد الرحمن : انا عارف انك مبتفهميس تعالي و انا حفهمك
مها : لا يا حبيبي انت عاوز تضحك عليه مش كده
و انا عاوزة اذاكر
عبد الرحمن : ده احنا حنذاكر مذاكرة بصي انا ححفظك المنهج كله الليلادي
و ياخدها و يبدءوا حياتهم الزوجيه
أحمد اخد تقى و راحوا عملوا الإشعات و التحاليل و راحوا بيها للدكتورة و طمنتهم ان الحمد لله الامور مش صعبه للدرجه و ادتلها فيتامينات و مقويات و علاج قابض للاوعيه الدمويه
عدى اسبوع و صحتها أحسنت و النزيف وقف نهائي و بقت كويسه و العرسان مبسوطين جدا و الكل بارك ليهم و هناهم
و جه وقت السفر و سافروا كلهم على شرم الشيخ و احمد و تقى سافروا معاهم
و كل واحد و عروسته دخلوا الجناح الخاص بيهم و تقى واحمد كانوا مبسوطين انهم حيبدءوا حياتهم مع بعض
فرحة احمد و تقى فحضنه كانت فوق اي وصف احساسه بانها بقت ليه و ملكه محسسه انه بقى ملك قضوا ليله مع بعض و لا الف ليله و ليله مشاعر جميله تملكته و سيطرت عليه عاملها كأنها ملكه و على اد اشتياقه الحارق ليها على . اد ما كان بيتعامل معاها بمنتهى الرقه و الحب
قضوا أجمل و أسعد ايام في حياتهم و مرت الايام و حياتهم كلها حب و سعاده تقى بقت هي المأوى و السكن و هو بقى ليها كل الدنيا
و بدأت تمر الأيام و الشهور و السعاده مسيطرة على الكل
فريده بقت حامل و فرحة عبد العزيز كانت فوق الخيال و امه و ابوه كانوا طايرين من السعاده اخيرا حيشوفوا ابن لعبد العزيز
و في يوم رجع احمد من الشغل لقى تقى نايمه و كوثر قاعده جمبها
أحمد : في إيه يا ماما مالها تقى
كوثر : كل خير يا حبيبي الف مبروك يا احمد حتبقى اب يا حبيبي.
أحمد : ماما انتي بتقولي ايه انا حبقى اب
كوثر : ايوة و الله يا حبيبي مراتك حامل الف مبروك يا ضنايا
أحمد و هو بيحضنها : يااه اللهم لك الحمد والشكر
بس هي مالها يا ماما هي تقى نايمه كده ليه
كوثر : معلش يا حبيبي أصلها يا حبيبتي مكنتش تعرف انها حامل و لما تعبت و انا اتصلت بالدكتورة و جت و شافتها قالت لازم تنام على ضهرها لحد الحمل ما يثبت وكتبتلها على علاج و قالت اهم حاجه انها ترتاح و انا مش عاوزاها تعمل اي حاجه خالص انا حعملها كل حاجه لحد ما ربنا يكملها على خير و يقومها بالسلامه
أحمد : ربنا يخليكي لينا يا ماما يا رب
تسيبه كوثر يقعد معاها و تنزل
و يقعد هو جمبها و يحمد ربنا و يستناها لحد ما تصحى
تقى : احمد انت هنا
أحمد: الف مبروك يا حبيبتي
تقى : الله يبارك فيك يا حبيبي حتبقى بابا يا حبيبي
أحمد : و أنتي حتبقي أجمل أم
تقى : بس انا خايفه اوي يا احمد
أحمد : ليه يا حبيبتي
تقى : عندي نزيف يا احمد و الدكتورة قالتلي خطر على الحمل و لازم استريح و انام على ضهري و انا خايفه الحمل يحصل له حاجه انا حموت يا احمد لو ابني راح مني
أحمد : بشروا و لا تنفروا يا حبيبتي ان شاء الله خير احنا ناخد العلاج و متتحركيش، خالص و ان شاء الله حتقوميلي انتي و البيبي بالف سلامه
ترجع امنيه من الجامعه تلاقي امها قاعده بتعيط
امنيه : مالك يا ماما في إيه
كوثر : مفيش يا حبيبتي عقبالك يا امنيه يا حبيبتي تقى حامل
امنيه : بجد الف مبروك بس انتي بتعيطي ليه
كوثر : مفيش يا حبيبتي
امنيه : لا يا ماما في هو انا مش عارفاكي قولي يا ماما الله يخليكي
كوثر : تقى عندها نزيف يا امنيه و انا خايفه اوي خايفه عليها و على اللي في بطنها انا ماصدقت ان ربنا كرمها بس خايفه اوي الدكتورة خوفتني و قلقتني اوي و انا مرضتش اقول لاخوكي عشان مكسرش فرحته بس انا قلبي مش مطمن
امنيه :ان شاء الله خير يا ماما هي بس تستريح و ما تعملش اي مجهود و ان شاء الله تقوملنا بالف سلامه
كوثر :" يا رب يا امنيه يا رب