رواية ضماد جرح الفصل الثامن والعشرون 28 بقلم نوسه حمد
كنت مبسوطه وايام زواجي بتمر كانها سنين وابوي كان مبسوط لي بالذات لمن حكا لي اعمامي انو العريس ولد عمي فرحو لي بس في عيون بناتهم كنت بشوف الغيره كانهم بقولو ليه ما نحنا نكون مكانها اعتراض علي حكم ربنا حسد وحقد ما عرفتو عبير كانت بتقول لي م تركزي معاهم عايزاك تركزي مع نفسك وكانت تعبانه شديد في الشغله كانها امي مش بت لماني بيها الزمن وزوجها محمد جا زي الليله وبكره العرس فادي كلفو بي تجهيز صاله متحركه للمعازيم وفادي قام بالعرس من والي ابوي اتكلم معاهو قال ليهو دا واجبي انا قال ليهو عارف بس انا م عايز زواجها ينقص حاجه وحجزت توب بي تاج عشان ام فادي قالت لي الزفاف والجدله للحفله عندهم الكبيره عشان عاوزين يعزمو كل اهلهم كنت بتكلم مع فادي قال لي بكره عازم اصحابي قلت ليهو يشرفو وكنت بتكلم معاهو للصباح لمن عبير شاكلتني نومته حبه تاني صحاني تلفونو قال لي قومي امشي الكوفير نحنا فطرنا وح نتحرك ليكم طوالي وما جايين كتار انا واصحابي عربيه وامي وابوي واخواتي عربيه واعمامك عربيه وع فكره ي نوسه مهيلم جاي معانا قلت ليهو ابوهو كيف قال لي كويس خرجوهو بس للاسف بقا م بتحرك لانو الجلطه كانت كامله في الراس قلت ليهو انا السبب قال لي لا دا يومو يا نوسه وربنا يشفيهو وانا ما عايزك تشيلي اي هم انا عايزك زي م انتي سواء اعترفو بيك او لا لو ضميرهم صاحي ح يضموك عليهم بس لو لسه الدنيا عامياهم ما ح يعاينو ليك اصلا بالذات مرت عمي ياسر دي انا بعرفها قلت ليهو فادي انت امي وانت ابوي وانت اخوي واختي صدقني غيرك م عايزه وانا وريتك كنت عاوزاك لشنو ولانك قبلت بي ح اشيلك في عيوني قال لي وانا كمان يلا قومي عايز اشوفك احلي واحده ودقيقه اوريك جلابيتي قلت ليهو لبست يعني قال لي من بدري جاهز ابوي مشغلها لي قال لي م من عوايدك تلبس اول واحد وفتح الكميرا بقيت اعاين ليهو وانا قافله الكميرا وهو شغال يوري فيني في جلابيتو وانا بحصن فيهو وكنت طايره من الفرحه نسيت اوصف فادي طويل لونو قمحي انيق جدااا بالجلابيه خطف قلبي حبيتا فيهو شديد غلبني اتأمل فيهو عبير جات لقتني اتكلم قالت لي قومي بطلي كسل الزمن م في صالحنا ست الكوفير قبيل اتصلت علي بس ابوك قال لي خليها ترتاح مدام صحيتي ارح غلبني اتكلم معاها لانو فادي كان ف الخط قال لي يلا ي نوسه مسافه السكه نحنا ح نوصل ومسافه العقد والناس اتغدو انتي بتكوني خلصتي ح اجي اسوقك من الكوفير قلت ليهو طيب قومت اتجهزتا وطلعنا مشينا الكوفير ولبست وعبير كانت معاي ما فارقتني لحظه لغايه ما فادي اتصل علي وقال لي مبروك بقيتي مرتي انا كنت م مصدقه وفي لحظه مرا علي شريط حياتي ودموعي جرت بين مصدقه وما مصدقه وم عديت لحظات وفادي جا ساقني و وكان مبسوط وطاير من الفرحه وانا كنت مبسوطه اكتر منو وطلعت بالتوب رهيبه بتاعت الكوفير قالت لي بحب العروسات البجوني اكونو اول مره يعملو مكياج بحس انهم ملاك ❤️❤️
مشينا الصاله وكانو الناس كلهم قاعدين ولمن فادي جا سايقني خجلت من التعاليق شايفنو كتير علي ومقللين مني شديد بس فادي كان تركيزو كلو معاي كانو بقول ليهم انا م شايف غيرها ولاول مره اسلم علي ابوهو ولمن شافني انخلع سلم علي وبارك لي قال لي ما تعتبريني ابو زوجك انا عمك قبل اكون ابو فادي وربنا ادي ابوك العافيه ويقوم بالسلامه ويفرح بيك قلت ليهو امين ام فادي مبسوطه شديد كانت والعجب فاتن بس زوجها م طايقني بعاين لي بي طرف عينو كانو مجبور وهو الوحيد الأقرب لي زول فيهم بس معليش خلصنا العرس علي خير وابوي كان طاير من الفرح وقررنا نرجع الخرطوم عبير ودعتني وقالت لي بجي للعرس تاني يوم ابوي قفل البيت وودع اهلو وقال لي بعزم اخواني بس لعرسك الفي الصاله كلمهم ومشينا ابوي فتح دكانو والناس كلهم مبسوطين لمن ابوي جا فتح الدكان كانهم كانو منتظرنو عدينا يومين واهل فادي جابو لي الشنطه والحاجات وحاجات في التلفون م شفتهن ابوي قال ليهم ليه تعبانين الحاجات دي كتيره شديد قالو ليها تستاهل لو بنقدر نديها عيونها بنديهم ليها كل م تمر الايام بكون فرحانه وزعلانه فرحانه عشان ح اكون مع فادي وزعلانه عشان ح افارق ابوي م نفسي افارقو واخليهو براهو اتناقشت معاهو في الحته دي قال لي م تشيلي هم انا بتزوج من حلتنا بس انتي ما تقلقي قلت ليهو انا م ح افارقك ي ابوي وكمان لو عاوز الزواج انا م عندي مشكله قال لي بأذن الله وعايز لي واحده تكون هديه ورضيه تحترمك انتي قبل تحترمني مرت الايام وعبير جات ومشينا حجزنا الزفاف جات فاتن ساقتني مكان ولا كنت بحلم بيهو. وحجزنا فيهو وفادي كمان حجز البدله بتاعتو ومرت الايام وزي الليله وبكره العرس رسمتا والصباح فادي جا وداني الكوفير مشت معاي عبير وطلعت احلي من المره الفاتت وفادي جا ساقني والصاله كانت هاديه الناس الفيها كلهم طبقات عاليه واخواتي بنات ياسر جو وامهم جات وباركت لي وكانها م بتعرفني ولا نفسي بالذات هي تعرفني م حبيتا نهاي وبقيت م عايزاهم كأهل طالما فادي بقا مقتنع بي كانت اجمل ليله في حياتي وبعديها مشينا فندق وسافرنا السعوديه تاني يوم اول ايام حياتي مع فادي بديتا بي عمره وقعدنا شهر وكل لحظه بتمر علي بتكون ملانه حب وسعاده فادي مختلف عن اي انسان لاقيتو في حياتي حنين وطيب وقلبو ابيض شديد رجعنا السودان كنت مشتاقه لي ابوي شوق شديد نزلنا عندو رحب بينا وضبح لينا وعزمنا اهل فادي وجات اللحظه الاصعب من صعبه رحولي ابوي شده م متاثر في وشي م قادر اعاين قلت ليهو ح اجي ي ابوي م ح اخليك براك قال لي دا اليوم الخايف منو بس انا الان ضميري مرتاح واديتك راجل وماقصرت معاك امام الله فادي قال ليهو انت انسان ما ساهل جزاك الجنه ان شاءالله وما تخاف نوسه في اي وقت عاوزاك تجيك وانت حبابك تجينا في اي وقت وانا شايف الاحسن انك تتزوج واديني خبر وعرسك علي قال ليهو لا لا والله انا عندي الحمد ولله وبمش الجمعه البلد بعقد لي علي واحده هديه ورضيه تتم معاي باقي عمري دا قلنا ليهو ان شاء الله ومشينا بليل بيتي ودخلت المكان الكان نفسي ادخلو من لحظه كنت شغاله عندهم غرفه فادي وكنت مفتكره اننا ح نسكن فيها بس فادي قال لي انا جهزت بيتي فوق وساقني بيتنا حسيت اني انتصرت اخيرا علي كل الظروف وفادي قال لي تقدمي للجامعه وانا مستعد اشجعك واقيف جنبك
مرت الايام وابوي قال لي لقيت لي واحده في حلتنا يتيمه عقدت عليها وما كبيره باركت ليهو وقال ح يجيبا الخرطوم وح يرسل لي قروش اشتري ليها قلت ليهو تمام استاذنت من فادي وداني اشتريت ليها اي شي ووديتو ليهم البيت واجرت لي بنات نظفن ليهم البيت واستقبلناها وطلعت ظريفه ووصيتا علي ابوي شديد بعد ابوي اتزوج بالي بقا مرتاح وما شايله هم
فاتن جات ومعاها البت البتشبهني وطلعو لي في بيتي استقبلتهم وعاملتها كاني م بعرفها ولا عندي بيها صله رحم اتناقشت معاي قالت لي انا عارفه امي وابوي غلطو واي انسان بعما عديل في غلط اهلو ودا الطبيعي بس الحقيقة مره وامي وابوي لو قالو انتي م بتهم الشبه ظاهر انا قبل اعرفك حسيت بيك اتناقشت كتير مع امي ورافضه ومصره علي انو انتي م بتها احتمال عشان صورتها قدامنا وانا هسي جيت عشان اقول ليك ابوي اتكلم وقال عاوزك ممكن تمشي البيت معاي ليهو ……يتبع