رواية ضماد جرح الفصل السادس والعشرون 26 بقلم نوسه حمد
لقيت ابوي وولد اخوهو ما فاتحين الدكان ما عاينت لي فادي دخلت جوه زي المجنونه بقيت افتشهم فيهم واكورك لي ابوي ومافي رد مشيت فتحت دولابهم لقيت ملابسهم مافي فادي قال لي نوسه مالكم فشنو ابوك وين قلت ليهو للاسف فقدت ابوي السندني وراعاني وكبرني وخزلتو في النهايه وجريت افتش لي ابوي الحقيقي الاصلا لو كان عايزني كان بعد صلح غلطتو ضماني ليهو انا انانيه شديد
فادي قال لي نوسه استغفري وفهميني براحه براحه قلت ليهو انا بعد جيت منكم كلمت ابوي بالحصل وقلت ليهو لازم نهاجر لازم اطلع اي دوله تانيه تتقبلني قال لي نوسه اي دوله تانيه كيف ومنو الما متقبلك عمي في العنايه ولا مرتو ماخافت الله عليك الله يا نوسه م تدخلي عقدات في راسك وتكبري الموضوع ولو جيتي للصراحه انا ربنا قسم لي ابو زي ابوك خالد دا والله ما افتش لي واحد زي ياسر هو عمي واي شي بس صدقيني الدفء والحنان والاحتواء البتلقيهو عند ابوك خالد ربعو م ح تلقي عند عمي ويانوسه عمي دا متكبر وبعاين لي الناس بطرف عينو. موش هدا ابوي ونحنا في حالنا وما محتاجين ليهو بنظر لينا نظره تكبر وكده كده مافارق معانا اولادو طيبين معانا شديد شايلين صفه جدي كان طيب وحاول احتوينا ع قدر مايقدر كنا بنجتمع قدام عينو بس بدون نفس مرضاه ليهو بس مجرد م مات بقينا نتلم في المناسبات وتاني جمعنا بيهم النسب فاتن حبت مهيلم وقالت م عايزه غيرو نحنا في الاول رفضنا بس هي اصرت وهو ولد كويس والله م زي عمي المناصب اغرتو شديد ومصاحبتو للوزراء وكبار الدوله خلتو يشوف اي زول تحتو رغم انو ماف زول اقل من زول كلنا واحد في النهايه مصيرنا نموت شوفي هسي عمي الحاله الفيها مافي منصب ح يقومو من مرضو دا عشان كده ي نوسه اسمعي كلامي وانا والله جيت عشان اطلب يدك من ابوك عمي قبل بيك او ما قبل بيك انا رضيان وشاريك قلت ليهو لا يا فادي انا مستحيل اصغرك قدام اهلك والمعازيم انا كنت عاوزه ارتبط بيك لمن ابوي اعترف بي بس الحمد لله علي ما اراد الله قال لي نوسه انتي قولي م عايزاني بس قلت ليهو انا الله عالم بي اول ما شفتك وانا شغاله عندكم اول لمحه لمحتك فيها حسيت احساس غريب حسيت انك الانسان الحا تنشلني من الانا فيهو دا حسيت انك الوحيد الحا تكون امان وملجأ لي احتفظت بمشاعري السنين دي كلها عشان ما أخزلك قدام اهلك واصحابك بسبب الحاصل علي قال لي نوسه انا هسي بكامل قواي العقليه بقول ليك ي نوسه انا عندي استعداد اقيف قصاد اي زول وح اتزوجك وما هاميني اهلي اختي امي ابوي انا عايز اتزوج البت الكنت بحلم بيها البت الكانت بتجيني في الحلم وبتردد اسمي بحزن كنت بصحا مخلوع من الكابوس دا لغايه ما جا يوم والصوت البسمعو في حلم لقيتو في الحقيقه قدامي انا بقيت مخلوعه وبعاين ليهو قلت ليهو منو انا قال لي نوسه انا حلمت بيك قبل اشوفك وما الاحلام الما مفهومه دي انا كنت بحس صوتك عديل وعلي كم مره بشوف بت لابسه فستان ابيض وملامحها م ظاهره اثر دموع وخربشات في وشها وكانت بتقول لي فادي بصوت ملان حزن وانا بكون معاي بنات اشكال وانواع صوتها وشكلها بلفت نظري كنت بخلي كل البنات وبمشي ليها اول م اقرب منها عشان اشوفها بصحا مخلوع ولمن اول يوم انتي رددتي اسمي فيهو انا انخلعت وبقيت اتزكر في الصوت وفي نفس اليوم الشفتك فيهو في بيتنا انتي جيتيني في الحلم تاني والمره دي ما كنتي حزينه ووشك ملامحو ظهرت لي وما كانت في خربشات في وشك وكنتي بترددي في كلمه واحده وبتقولي لي انت ضماد جرح وكنتي مبتسمه قلت ليك نوسه وشكلي قلتها في الحقيقه وقومتا مخلوع وقلببي بضرب معقوله البت الكانت بتجيني في الاحلام هي نوسه البت الشغاله عندنا طلعت اشرب مويه من المطبخ لاني كنت حاسي بي خنقه ولقيت منظر فتح قلبي بت لابسه عبايه بيضاء جميله وماسكه كتاب بتقرا فيهو جيت سالتك واعجبت بي عبايتك بتاعت الصلاه وبقيتي تشرحي لي في الدين وانتي كنتي بريئه حتي في سؤالك ودهشتك لي ديانتي القديمه ممكن الناس يشوفونا مسيحيين احترمو ديانتنا بس مستحيل زول يتكلم معانا بالبراءه الانتي اتكلمتي بيها معاي رغم انك كنتي م متعلمه وصغيره في السن بس وصلتي لي معلومه عجزو عن توصيلا الناس لينا او انتي كننتي سبب في دخولنا الاسلام ودي حاجه انا ولا اهلي ما بنسوها حتي فاتن اختي م ارتبطت مع مهيلم اخوك الا بعد اسلمت يعني ي نوسه عمرك ما كنتي خسارة بالنسبه لينا انا جيت عشان اقول ليك انا ضماد الجرح الانتي بتفتشي عليهو والسنين دي كلها انا سعيت جاهد عشان اقرب منك بس انتي كنتي بتبعدي عشان الحاصل ليك لكن يا نوسه صدقيني لو قلتي لي الحقيقه من زمان اقسم بالله اقيف قصاد الناس واتزوجك نوسه استهدي بالله وقومي اجهزي والبسي ويلا نمشي بلد ابوك قلت ليهو لا لا يا فادي الناس تقول شنو علي اقولو بقت كعبه ومباريه الاولاد وابوها فات خلاها قال لي قولي بسم الله انا ما ولد مبارياني انا زول عاوز يتقدم ليك علي سنه الله ورسوله وعشان اطمنك اكتر شيلي اي شي بخصك ويلا اوديك ليهم واطلب يدك واعمل ليك عرس عندهم اجيب اعمامي للعقد وانسي حته انك بت حرام والقصص دي انا الح اطلع القسيمه وانا متقبل بيك ي نوسه م عشان انتي طلعتي ف النهايه بت عمي انا مستعد ي نوسه حتي لو كنتي مجهوله عايزك وما عايزك تردي هسي العاوزو منك تلبسي مسافه اتصل علي فاتن وامي يجونا قلت ليهو لا طيب خليهم مره تانيه انا بمشي براي قال لي لا وعلي فكره اساسا هم جايين لاحقني هنا وانا م كنت متخيل انتي قررتي قرار زي دا وابوك ماف واول م وصلت رسلت ليهم اللوكيشن م تابع كلامو امو اتصلت عليهو طلع ليهم وانا بقيت اقشقش في دموعي وكنت من جواي مبسوطه كانو صخره كانت في صدري وفادي جا شالا مياده وفاتن جو داخلين سلمت عليهم ورحبت بيهم فاتن بقت تعتزر لي علي كلام امي وقالت لي كلو لخير ي نوسه انتي بت م ساهله انتي بت طيبه ونادر الزيك انا مبسوطه انك ح تدخلي تاني بيتي وتكوني بتي وجزء منو نحنا ح نكون فخورين بيك انا قلبي قال شح دي امو وقالت لي الكلام دا من غير م اشعر حضنتها حضن نفسي كانت تحضنو لي امي اول م تعرف اني بتها الجدعتها وبقيت ابكي بكا فاتن حنينه شديد قالت لي نوسه دموعك غاليه ممكن عشانا نحنا نقشي دموعك ديل وتدخلينا لي ابوك حكيت ليهم بي قراري وابوي فات خلاني قالو لي حرام عليك ي نوسه كان تستحملي اي شي وتكوني معاهو قلت ليهم غصبا عني فادي قال ليهم هي ماشه وانا ح اوديها يمه تمشي معانا قالت ليهو طوالي وفاتن زاتا قالت الا تمش معانا فادي قال لي اها م عندك حيله بعد امي واختي اهلك ح يقولو مباريه ليها ولد قعدت اضحك وقلت ليهم انا جاهزه يلا نمشي طلعنا وفادي دور العربيه ووصلنا قريب العصر المكان كان بعيد والعربيه بتاعت فادي كانت عربيه فخمه من بدايه الحله الناس تعاين لينا عايزين يعرفو ديل منو والشفع مباريين العربيه خجلوني ودخلوني في ضفوري وصلنا بيت ناس ابوي لقيت اعمامي قاعدين اتونسو سلمنا عليهم وسألناهم من ابوي بدون نفس ردو لينا الولد الكان شغال في الدكان لمن شافني جاني بي لهفه قال لي نوسه جيتي لاحقانا ابوك بالو مشغول بيك قلت ليهو ابوي وين قال لي في غرفتو بهناك طبعا انا من طفله تاني م جيت راجعه البيت دا مشيت لقيت ابوي راقد في عنقريب والبيت كلو صابي والمطره مبهدلاهو بهدله لمن شافني لمن فرح وجاني بلهفه وانا كنت ببكي بكا شديد وهو زاتو يبكي والناس اتلمو فينا واعمامي اتفرجو فينا فادي قال ليهم مدام كلكم متجمعين انا جيتك يا خالد عمي اطلب يد نوسه منك اعمامي بقو مخلوعين من الولد العز الجا يطلب يدي ابوي بقا يفضل فيهم وادا الولد قروش اظنو قال ليهو اضبح ونادي النسوان يشتغلن وحلف عليهم قعدهم ودخلهم في بيت ناس عمي وبنات عمي الغيره دايره تقتلهن وقالنا لي عديل الولد دا كتبتي عند ياتو شيخ شيخ امك قوي مسكت عمنا وجاب ليك عريس م رديت عليهم فادي طلب يدي وقال ليهم اسبوع ح اجيب اهلي واعمل ليها عرس هنا حتي اعمل عرسي هناك ابوي قال ليهم ابشرو واكرمناهم وودعناهم وفاتو مننا ابوي بقا مبسوط شديد كانو في حج ولا عمره قال لي الحمد لله كان قلبي حاسس اني ح اسلمك راجل قلت ليهو الحمد لله يا ابوي واعفي لي اعمامي قاطعوني في الكلام قالو لي كل مره جايبه ليك راجل وتقولي عاوزك ومن أعرفو حقيقتك يخلوك هسي ديل فهمهم شنو ابوي قال ليهم دا واحد اتقدم علي سنه الله ورسوله انتو مالكم موش قلتو المره الفاتت عجبكم ليها وانكم م كلمتو اهل الولد الجا اتقدم ليها بس شكلكم كذابين والحقد وغل جواكم وانا م بشتغل بيكم بي بيتي ويوم عرسها بجيبو صيوان مقفول وبي طباخو لو جيتو من ضمن الضيوف اهلا وسهلا لو م جيتو ما بتأثرو بي شي وسعاده بتي م بتقيف عليكم ربنا قادر يسعدها ويجبر كسرها وساقني ومشينا قال لي شوفي انا مسؤول منك امام الله م بقول ليك بحارب
بس انا البقيف قصاد سعادتك بقيف في وشو لاني ما وقفت في سعاده بت ليهم وعايزك م تتاثري بنادي ليك بت احمد جارنا بت هاديه ورايقه تونسك قلت ليهو م مشكله اتصلت لي عبير وحكيت ليها فرحت فرح قالت لي سريع رسلي لي اللوكيشن بجيكم انا كده كده ف الجزيره عاينت لي منظر البيت خجلتا قلت ليها طيب رسلت ليها اللوكيشن تاني يوم عبير وزوجها جو لينا م حسسوني انو بيتنا كعب او غيرو كانو مبسوطين لي شديد وعبير قالن م بتفوتني محمد زوجها قال لي خليها تونسك انا بمش الخرطوم بجي يوم العرس قلت ليهو ان شاء الله عبير م شاء الله جاتني جاهزه جابت لي كريمات ومسكت شغله البيت ابوي قال لي فادي ادينا اسبوع تاني قال ليهم م عندك مشكلة ابوي صان الغرفه وظبطها وظبط كل البيت وانا كنت مبسوطه عبير قالت لي لو يطلقوني م بفوتك وكنت مبسوطه شديد وبنات عمي بجن عشان يطاعنني بالكلام عاوزين باي طريقه يفهمو عبير حقيقتي يوم عبير الصباح كانت تنظف بره واتاخرت م جات سريع جات ملامح وشها مخطوفه قلت ليها مالك قالت لي نوسه انتي ابوك منو سكت م رديت عليها عرفت انو في زول وراها حقيقتي لو فادي واهلو اقتنعو بي البقنع الغنم الانا وسطيهم ديل شنو والله يستر ما يفضحوني قدام المعازيم………………….:يتبع