رواية ضماد جرح الفصل السابع والعشرون 27 بقلم نوسه حمد
عبير جات من بره وشها مخطوف بقيت اسال فيها قلت ليها عبير مالك فشنو حاولت تطنشني بس ملامحها والدهشه الفي عيونها م قدرت تدسها مني قلت ليها عبير في شنو اتكلمي قالت لي نوسه انتي ابوك وامك منو عرفت انو في زول قال ليها كلام قلت ليها ليه السؤال عمرك م سألتيني السؤال دا قالت لي لا لا بس ي نوسه لاحظت انك م بتشبهي اهل ابوك ديل نهاي ملامحك بتختلف عنهم ما جاني احساس انهم اهلك قعدت اضحك قلت ليها عبير دا علي انا انتي مفتكراني هبله عبير نحنا بي طبيعتنا حتي لو م بنعرف اهل بعض مستحيل نعاين للشبهه الا اذا سمعنا حاجه وعايزين نتاكد منها وبما انك ما عايزه توريني سمعتي شنو او القال ليك منو انا ح اتكلم انتي اختي مستحيل اكذب عليك طالما الحاجه دي بقت ملاحقاني وصدقيني حاولت كتير اني اصلح الغلط قبل اجي اليوم دا بس معليش ي عبير ربنا قاسم لي كده قالت لي فشنو ي نوسه انا مستحيل اصدق الكلام الاتقال معقوله انتي بت حرام انا قلبي انقسم النص💔قلت ليها كتر خيرو الوصل ليك المعلومه دي بس ي عبير الكلمه دي جارحه انا تعبت منها علي العموم انا ح احكي ليك بس ع شرط تحكي لي منو القال ليك قالت لا دي فتنه والفتنه اشد من القتل قلت ليها طيب انا ح احكي ليك وبقيت احكي ليها في الكلام من لحظه شالني ابوي خالد وامي ريا لغايه م لقيت ابوي وامي الحقيقين وابوي لمن عرفني اني بتو الجدعها وقع من طولو وهسي راقد في العنايه قالت لي بس الحكا لي م حكا لي كده حكا لي بطريقه مقرفه وما كده بس عايز اشيل رقم خطيبك يكلمو عشان قال انتو كذبتو عليهو قعدت اضحك قلت ليها النسيت اقولو ليك ي عبير فادي دا طلع ود عمي ايه رايك بقت مخلوعه قالت لي طيب ي نوسه لازم الناس دي كلها تعرف عشان ما يتكلمو ساي قلت ليها يعرفو كيف مالم ابوي الحقيقي يجي يسوقني علي عين الناس ويضمني ليهو قالت لي ابوك خليهو امك مالا قلت ليها نكرتني والله قالت لي معقوله مفترض امك تتاثر واول م تشوفك تضمك عليها قلت ليها اول شي امي دي انا شفتها قبل اوريهم الحقيقه هي من النوع المسيطر وصعبه شكلها والشي التاني الفي قلبي مغروس انو هي بعد ولدتني حاولت تتخلص مني بس ابوي رفض والاتنين انا م مسامحاهم كل العاوزاهو منهم ينسبوني ليهم وصدقيني م ح احن ليهم لانو الاب والام ما الولدو اكتشفت الابو والام الربو وكبرو والله يا عبير انا امي ريا كنت بشوفها قاسيه بس قصاد امي دي ريا ملاك اقسم بالله احتمال هي اصلا طبعها صعب او م قدرت توصل لي حبها وخوفها لي بطريقه حنينه وكانت بتسعا لي انها تشتري لي البيت اتخيلي بس ربنا يرحمها ويغفر ليها قالت لي نوسه اعفي لي قلبت عليك المواجع بس ي نوسه الكلام صدمني قلت ليها كنت متوقعه يقولو ليك بس ي عبير ممكن توريني القال من والله ما ح اسالها قالت لي بت عمك الشايفه روحها دي قلت ليها دا رده فعل بسيطه لي حقدهم وحسدهم لي والله يستر من يوم الزواج انا خايفه منهم يحرجوني مع اهل فادي امو واخواتو م مشكله قالت لي هي عاوزه رقم خطيبك اتخيلي واسمعي كلامي تلفونك دا م تجدعيهو نهاي قلت ليها خليها التعمل العاوزه تعملو ما بهمني وفادي دا يا عبير م بتصدقي بعرفني ليهو كم وحكيت ليها بالماضي وحكيت ليها انو قبل يشوفني ويسلم انا كنت بجيهو في النوم قال لي انتي كنتي بالنسبه لي هدايه حتي في الحلم كان لمن يشوفني قال لي انتي كنتي ملامحك م ظاهره بس صوتك هو الصوت السمعتو لمن لاقيتك حقيقه قال انو بتكون البنات حوالينو بس لمن يسمعني بحاول يشوفني وانا بختفي وهو بصحا قال لي انو هو غلط كتير في حياتو واسهل حاجه عندو البنات دا قبل يسلم بعد شافني واقتنع واسلم بقا افتش لي وانا كل مره بهرب منو وحلف انو انا لو قلت ليهو الحقيقه كان اتزوجني وامو واختو بحبوني شديد يعني م خايفه منهم بس خايفه ليهم من الاحراج يا عبير قلت ليها ح اتفاهم معاهو واحكي ليهو الحصل النشوفو بقول شنو قالت لي كويس وبت عمك دي انا ح اكلمها بالحقيقه وابوك لازم اكلم اعمامك قلت ليها حلو انا بكلم ابوي واخليهو يفهمهم انو الولد دا ولد. عمي قالت لي ظابط وبت عمك انا م بسكت ليها عشان هي م قصدها مصلحت الولد قصدها تخرب عليك مالو الولد بتعرفو من وين عاوزه بس تخرب اي شي في كلامنا داك دخل ابوي وريتو الحاصل رده فعلو قال الا يمش يشاكلها قلت ليهو ابوي لو شاكلتها ح تغير شنو من الحقدالجواهم بالعكس ح نزيدهم غل قال لي انا البمسك بمسني م بسمح ليهم قلت ليهو ابوي لم اعمامي ووريهم الحقيقه وقول ليهم العريس دا ود عم نسيبه الحقيقي وعارف الحقيقه عشان م تبحتو ورانا والبينا ابقا مشاكل وانا عندي معاهم ايام وراجع الخرطوم قال لي كويس انا من دربي دا بلف عليهم واجمعهم في الدايوان وبكلمهم وانتي البت دي تاني م تدخليها ليك طالما نيتها سودا كده قلت ليهو لا ي ابوي حبابا م بطردها خليها تعرف بت الاصول فينا من بت الحرام البتقول فيها دي ولا هي بت الحلال قال لي الكلمه دي تاني م اسمعها انتي توزني بلد بي حالها وفات ابوي م رباني وبس ابوي اداني شجاعه وقوه قدر القدرت استحملو من كلام الناس الجارح تشجيعو لي ربنا يطول في عمرو واكون ليهو سند زي ما كان لي سند في حياتي
المساء فادي اتصل علي قال لي ان شاءالله رايقه قلت ليهو الروقه يجيبا الله يا فادي قال لي مالك ان شاءالله خير فشنو جديد حكيت ليهو بي بت عمي قعد اضحك قال لي ابشرك اتصلت علي وسمعتها كلام لمن تموت م تنساهو وما اظن يجي يوم وبت عمك دي تقيف قدامك لانها ح تكون خجلانه قلت ليهو انت جادي قال لي جادي ي نوسه وهسي بوريك رقمها قلت ليهو انا م عندي رقمها بس الشي المحيرني بتكون جابت رقمي من وين راسي بقا شاطب معقوله عبير مستحيل قال لي نوسه اطمني انا جايب معاي اعمامي ووريتهم بالحقيقه وانك بت اخوهم ياسر وابوي كان في ليليو جايك ما عشان ح تكوني مرت ولدو لا عشان انتي بت اخوهو وانا قلت ليهو تمشي يوم العقد بس يعني ي نوسه اطمني ما ح يحصل شي كعب انا قصدت اعمل ليك زواج هناك عشان اقوي عينك مع اهل ابوك وعشان يعملو حساب انتو انتي م ساهله انت قيمه ناهيك عن اي شي كان حاصل ليك لانو ما بي ارادتك ولا انتي الاخترتي تكوني كده انتي افضل من اي بت اتربت وسط اسره حقيقه بس الناس دايما بحبو النميمه وما بقدرو يعيشو بدونها ودي اكعب خصله انا لقيتا في المسلمين والحمد لله انا مستحيل انم في زول واخترتك عشان انتي في حالك من عرفتك بتحاولي تثبتي نفسك وحاجات نفسك فيها ساعيه جاهده لي انك تكوني بت مثاليه رغم المجتمع كتير كسر اجنحتك من لحظه زواجك للراجل الكبير وحرمانك من المدرسه وغيرا وغيرا وانا بقول ليك ي نوسه صدقيني انا جيت اعوضك عن اي شي حصل في حياتك ومسؤول امام الله في سعادتك ومستحيل ازعلك ولا اغلط في حقك لانو واثق تماما القادتني لطريق الهدايه ما ح تغلط في حقي في يوم مابنسا اول كلام اتقال بينا انتي كنتي راكزه وما خفتي مني رغم اني وقفت قدامك والدنيا ليل كنتي حاضنه المصحف عليك وبتردي بكل ثقه لانك متوكله علي ربك والجواك نظيف وكنتي بتردي علي بكلمات انا اول مره اسمعها جاني تشويق لديانتك وانا اول واحد اسلم من اسرتي وابوي وامي واخواتي نوسه انتي في بيتك التاني ما ح تشوفي الا خير سواء من اهلي او مني م عايزك تخافي طيب قلت ليهو حاضر يا فادي وانا لو خفت خايفه عليك من نظره الناس قال لي سيبك من الناس انا م ح يعيشو معاي ح تعيشي معاي انتي ح يتقفل علينا باب واحد فكرك ح اختار الناس الكل واحد في همو ولمن احتاج ليهم ما ح القاهم ولا ح اختار النتعيش معاي كل تفاصيل حياتي ويومي والحا تطبطب علي في عز حوجتي والحا تكون لي سند وامان انا واولادي والناس يولعو لو ما عاجبهم طالما امي وابوي واقفين معاي ما شغال بي زول حاضر ي ست الناس ابتسمت لي اول مره بسمه حسيتا جايه من جوه قلت ليهو حاضر ي سيد الناس قال لي تسلملي انتي اها ترتيباتك ليوم عرسك شنو عاوزه تلبسي شنو عشان لو بلدي امي قالت تجهز لي قلت ليهو والله م عارفه قال لي م جنبكم كوفير او في اي مكان قريب ليكم امشو انتو وعبير اعزلي افخم حاجه انا عايزك في يوم زواجك تكوني ملكه قلت ليهو م عايزه اكلفك قال لي دا يوم فرحك لو م عندي اجيبن ليك انتي ح تتزوجي كم مره وح يتعمل ليك عرس كم مره مره واحده في العمر تمام قلت ليهو حاضر البتشوفو بكلم عبير قال لي تمام رسلي رقم حسابك قلت ليهو لا يافادي قال لي اللا شنو انتي بقيتي مرتي تاني وانا البصرف عليك ظابط قلت ليهو طيب بكره برد عليك قال لي لا هسي حنسني لغايه م رسلتو ليهو ورسل لي عشره مليار لمن انخلعت قال لي حاجه بسيطه تتجهزي منها للعرس ودي خاصه بيك امي اشترت كل شي حتي الدهب انا انخلعت قلت ليهو اوديهن وين قال لي خليهم معاك ي نوسه تمام مابينا تفاصيل لو عاوزه عيوني اديك ليهم انا اشتغلت وتعبت عشان اخليك معززه مكرمه وعلي فكره ي نوسه زواجي دا مافي زول دافع فيهو جنيه انا من زمان حالف اصرف علي نفسي وعلي زواجي واي شي بي تعبي والحمد لله مستوره اهلي م محتاجين مني العندي ليك ولي اولادي في لحظه حسيت اني في حلم والدنيا م سايعاني قفلت منو وماقادره انوم من الفرحه وقومتا سجده سجده شكر ربنا ما حرمني واستجاب لدعواتي ورزقني زوج صالح وولد حلال وزي ماقالت ندي القلعه راجل الستره م ساهل ووين بتلقي هو بالساهل ربنا رزقني اخيرا رغم اني زعلت من حركه عباده وتعبت وجنيت عديل بس اتزكرت كلام ربنا وعسي ان تكرهو شيئا وهو خيرااا لكم وبكل فخره ختيت صوره فادي في الحاله وكتبت عليها ❤️🫰🏻 • شريك الحياة الحقيقي هو هدية من الله، يأتي بعد التعب ليكون عوضًا جميلًا يملأ القلب طمأنينة❤️🫰🏻
م عديت دقايق جاتني رساله من عباده كاتب لي فيها تستاهلي كل الخير ي نوسه انا الكنت خسران وسمعت كلام اعمامي الاصلا كانو همهم في مصلحتهم واتزوجت بعد عمي وللاسف اختلفت معاها في اول شهر ورجعت السعوديه كنت خجلان ارسل ليك عشان تقولي جاني في عز حوجتو وبعد طلق مرتو بس كنت بدعي ليك كل م اتزكرك وانا م كنت شاطر سمعت كلام اهلي وما عاينت لنفسي ولا لحبي ليك ولا للانسانه الكلها قيم ومباديء وما حاربت عشانك سمعت كلامهم الرجعني لي ورا وربنا ينتقم من بت عمك الكانت سبب في خراب زواجي منك انا كنت مقتنع بيك بس اهلي صعبين غلبني اقنعهم كتبت عشان اوريك الحاصل م قدرت كتبتو ليك زمان عشان م اجرحك واحسسك انك غير مرغوبه بس كنت مقتنع تماما انو ربنا ح يرزقك بالاحسن مني وتستاهلي كل خير ي نوسه واعفي لي وما عايزك تردي قريت كلامو وقلت ليهو لخير يا عباده وربنا يعوضك بالاحسن منها وحظرتو الفرق بين عباده وفادي عباده سميع او زي م بقول الدين امعه بمشي مع الناس ف الصاح والغلط وفادي زول حكيم بحكم الامور بعقلو والدين والحمد لله ربنا رزقني الانسان البستحقني وفعلا كان لي ضماد جرح غطا علي كل جرح عشتو من اناطفله …….يتب