" الحقيقه إننا بنطلع شماعه لكل حاجه سيئه بنعملها ..
بنقول أننا إتربينا بطريقه سيئه ..
إننا حزينين .. و إنو الدنيا ضاغطه علينا من كل الجهات ..
بس عزيزي القارئ .. أنت لم تعد في الثامنه من عُمرك ..
يعني بالدارجى كده انت كبير .. انت مسؤول عن كل حاجه تخصك .. و انت المفروض تتعافى من كل الجروح ال فاتت ..
ماف سبب يخليك سئ غير إنك تختار تكمل سئ .."
#عنده_مهند :
كان قاعد ف كرسي قدام باب بيت محمود ..
كان حاسس الدنيا ضاغطه عليهُ شديد ..
كان بفكر هو عمل شنو أمبارح ؟
هو عايز يعمل شنو أصلا في الجاى ؟
هل هو أختار الطريق ال صح ؟
عارفين إنو أصعب حاجه في الحياه أنك تقاتل نفسك ..
تحارب أفكارك ..
و تضيع بين قرارات مصيريه مفروض تاخذه ..
صح الوجع مرات بخلينا م نشوف التصرف ال صح
بس الوجع ما حا يشفع ليك السوء ال ممكن تعملو في غيرك ..
قطع صوت تفكيرو عمر و هو بتكلم ..
عمر:مهند ما كأنك بتصرفاتك دى ح تخلى الناس تركز معاك
مهند:لي عملنا كده ؟
عمر:انت امبارح اخذته قرارك و خلاص .. ما حا تجى حسي و تقول لي السؤال ده
مهند:أنت عارف إنو لو أتقبضنا ح نتسجن؟انا أول مره اعمل تصرف ضد أخلاقي و مهنتي
عمر:عملتو .. و عملتو عشان روان .. لو عايز تنسحب من حسي قرر عشان انا صدقني ما فاضى لتغير رأيك كل شويه .. يا تكون في الموضوع ده معاي يا اطلع منها من حسي .. امشى اقتل اروى ال انت اصلا عايز تقتله و ادخل السجن و انا بعمل الباقي براي ..
مهند كان حاسس راسو ح ينفجر ..
بس كان عارف انو كلام عمر صح ..
ما حا يستفيد شى لمن ياخذ حق روان من اروى بس ..
كان لازم ياخذ حقها من أى زول ليهُ يد في الموضوع ..
عُمر ركب العربيه و بعدها بمسافه مهند ركب جمبو ..
عمر:متأكد؟
مهند:ما فرقت .. إتسجنته و لا لا .. المهم دم روان ما يمشى ساى
عمر طلع من جيبو حاجه صغيره .. كأنو جهاز تنصت
عمر:ح نشوف لو الخطه نجحت ..
مهند:…
….
#عنده_وعد :
نون:ما ح ينفع .. صدقيني ما ح ينفع .. مفروض نوديها مستشفي
وعد:و ح نقول ليهم شنو في المستشفي؟؟
نون سكتت و رجعت تعاين ل حياه ال كانت في السرير و شبه ما واعيه ..
حولين السرير كلو دم ..
نون:حياه جنت .. مستحيل تكون بس مريضه نفسيه .. في زول بعمل في نفسو كده ؟
وعد كانت بتعاين ل حياه و دموعها بنزلو ..
كان في فتحه كبيره بالسكين في بطنها ..
غمضت عيونها و هيا بتتذكر الحصل قبل كم ساعه ..
#فلاش_باك :
وعد كانت في المطبخ عايزه تشرب حاجه
فجأه حست في صوت غريب من الجهه المقابله للثلاجه ..
الأضائه كانت بسيطه
فتحت فلاش و من الخلعه و المنظر ال شافتو وقع منها التلفون ..
رجعت مسكت التلفون و عاينت ل حياه ..
وعد:حياه ؟؟؟
حياه كانت واقفه و كأنها ما واعيه بالحولينها ..
كان في سكين في يدها مليان دم .. بس المفاجأه الأكبر كانت جهة بطنها ..
حياه ما كانت لابسه تيشيرت و بطنها نصها شبه مفتوحه ..
وعد كانت مصدومه و فجأه لاحظت انو وعد رجعت مسكت السكين ب إتجاه بطنها عشان تكمل ال بتعملو ..
في اللحظه دى وعدت جرت عليها و اخذت السكين بقوه ..
حياه كانت حا تصرخ بس وعد بكل قوته مسكت فمها ..
وعد كانت شبه منهاره بس بتحاول بكل قوته أنها تسحب حياه للغرفه ..
و فعلاً قدرت بعد مجهود و بعد حياه اصلاً فقدت الوعى و هيا في يدها ..
وعد اول ما فتحت باب الغرفه نون كانت نايمه بس صحت و هيا سامعه صوت غريب ..
نون اول ما شافت المنظر كانت ح تصرخ بس وعد كانت بتحاول تهدى فيها و انو مفروض تسكت ..
نون:ده شنو؟؟منو عمل فيها كده ؟؟
وعد:هيا عملت كده .. انا ح اطلع امسح الدم ال بره قبل زول ف البيت يشوف .. و انتى ح تحاولي توقفي الدم ده
نون:وعد انتى بتقولي شنو مفروض نوديها دكتور
وعد:ده ما وقت اناقشك فيهُ .. نفذى ال بقولو بس
وعد طلعت المطبخ و بدت تكب مويه في كل المكان .. كانت بترجف و خايفه شديد ..
كلهم كانو نايمين و دى الحاجه الوحيده ال كويسه ..
وعد جابت فستان من فساتينها و كانت بتمسح بيهُ ..
كانت عارفه انو آثار الدم ما ح تطلع بالساهل من قطعه في المطبخ و ما كان في وقت تنشغل بحاجه زى دى ..
خلصت مسح و اخذت الفستان خلتو ف كيس اسود و دخلتو الغرفه ال قاعدين فيها ..
وعد:ح امشى الصيدليه وريني محتاجه شنو انتى
نون:ما حا اعمل كده مستحيل
وعد:انتى قاريه تمريض على شنو طيب ؟؟ نون ماف وقت ركزى معاي .. اجيب ليك شنو من الصيدليه
نون كانت بتبكي و كتبت ليها كل الحاجات ال ممكن تحتاجها
نون:ممكن تموت .. لازم ناخذه دكتور يا وعد ..
وعد ما ردت عليها و طلعت اقرب صيدليه ..
الدنيا كانت ليل و الشوارع فاضيه بس ما كان في وقت تخاف فيهُ
كان في صيدليه بعد شارعين من البيت ..
جابت كل الحاجات ال كتبته نون و رجعت البيت ..
وعد:اخلصي قبل الناس يصحو
نون كانت بترجف و بدت تطلع الحاجات من الأكياس ..
نظفت ليها الجُرح و بعدها خيطت الجرح ..
نون:جسمها سخن شديد ..
وعد سخنت مويه و ختو ليها كمادات ..
وعد:لي م صحت لمن حسي؟
نون:لو ماتت ؟؟
وعد و نون كانو بعاينو لبعض بخوف ..
#في_الوقت_الحالي :
وعد و نون رتبو الغرفه و حاولو ينظفو كل الدم ال كان في الغرفه ..
نون:خالتو ح تسألنا مالا ح نقول شنو
وعد:عندها حمه .. خلينا نلبسه جلابيه بيت .. لازم الجرح ما يظهر
نون:انا ما عارفه عملت شنو اصلا و لو العملتو صح .. انتى ملاحظه انى لسه ما اتخرجته صح ؟؟ خايفه تموت
وعد:ما تقولي موت خلاص .. ما حا يحصل شى .. انتى اصلا قلتي انو ال حاجه الكويسه انو الجرح ما عميق شديد .. مالك حسي ؟؟
نون سكتت و كانت خايفه شديد ..
وعد كمان كانت خايفه بس ما كان قدامهم حل ثاني ..
….
#بلسان_ملك :
ما قدرت انوم .. فضلت صاحيه الليل كلو و قاعده ف الصاله ..
عمار نام و صحى و لقاني قاعده نفس قعدتي الخلاني فيها ..
جا قعد جمبي ..
عمار:مش اتفقنا نحكي لبعض اى شى؟
ملك:اي
عمار:مضايقه منى؟
ملك:لا ..
عمار:خليتك امبارح و م اتناقشتا معاك و قلت لمن تهدى حا نتكلم .. ممكن اعرف في شنو ؟ شنو ال شاغل بالك و شنو ال بخليك مضايقه ..
كلام عمار و الهدوء ال كان فيهُ
حسيت انى مفروض احكى ليهُ
بس كنت خايفه
عمار مسك يدي ..
عمار:ملك انا ما بس راجلك .. انا صحبك كمان .. حتى لو الحاجه دى م كانت ح تعجبني او كانت ح تعصبني ح اعرف اتعامل معاها .. بس المهم عندى انك ما تكتمى ده كلو جواك .. لو انا السبب او غيري .. وريني عشان اخفف عنك بطريقتي ..
ملك:بابا قبل يتوفى قال لي كلام ..
عمار:قال ليك شنو
ملك:انو هو كان بعمل في شى سئ .. و انو الحاجه دى مستحيل ربنا يغفره ليهُ ..
عمار:اها
ملك:حاسه انو الحاجه دى ليها علاقه حسي بالموضوع ال جو عشانو الشرطه امبارح
لمن قلت كده ل عمار كنت عايزه اشوف رده فعلو ..
صراحه ما قادره اثق فيهُ .. و كنت محتاجه أى شى يثبت لي لو هو عندو خلفيه عن الموضوع ده ..
عمار:كلنا بنرتكب ذنوب .. و امكن ابوك كان قصدو حاجه عاديه .. الانسان لمن يكون بموت يادوب بستشعر عظمه ال حاجه ال كان بعمله .. مستحيل ابوك يكون داخل في حاجات سيئه لدرجه الشرطه تدخل في الموضوع
ملك:هو قال لي انو امك كانت معاهو في الحاجات ال بعملها ..
عمار صلح قعدتو ..
عمار:ما فاهم
ملك:يعني الحاجه السيئه دى .. خالتو حنان عارفاها
عمار:لي م تسأليها ؟
ملك:اقول ليها شنو؟و هل اصلا هيا ح تقول لي الحقيقه
عمار:طيب يا ستي انا حا اقول ليك شى
ملك:اها
عمار سكت مسافه بس بعدها بدء يتكلم
عمار:انتِ عارفه انو في بدايه حياتنا كان وضعنا المادى سئ .. بعد ابوي سافر و اتزوج نسى انو عندو عيال و مرة هِنا .. امي كانت بتحاول قدر ما تقدر انها تقيف على رجولها عشاني و عشان مروان
ملك:اها
عمار:انا الحاجه ال انا بعرفه انو بدايتها كانت غلط .. هيا و ابوك اتعرفو في شغل مشترك و الشغل ده كان فيهُ مخدرات
ملك:مخدرات!!!!
عمار:كان في واحد بجيبها من بره و هُما عليهم التوزيع .. الموضوع فيهُ تفاصيل كتيره و عملو شركه مزيفه عشان يقدرو يدخلو قروش المخدرات دى بطريقه منطقيه للناس لأنها كانت مبالغ خياليه .. بعدها قدرو انهم يكبرو الشغل و بالقروش ديك عملو الشركه ال حالياً انا و انتى عارفنها ..
سكته و ما رديت
عمار:ال انا متأكد منهم انو وقفو الشغل ده .. امي ندمت شديد على الحاجه دى و قالت انها نقطه سوده في حياتها .. و فعلاً دى حاجه سيئه شديد بس المهم انهم ندمو و انهم وقفوها ..
ملك:كيف عرفته انت؟
عمار:امي حكت لي .. و الحاجه ال طمنتني أنها قررت تشاركني ال حاجه دى .. لأنو فعلاً وقتها عرفته انها ندمانه و أنها عايزه تبدى بدايه جديده .. فالذنب ال ابوك كان بتكلم عنو هو ده ..
فكرته بالكلام ال قالو عمار ..
معقوله دى قصه تانيه كمان من مصايب بابا ؟؟
انا لسه ما كملتا الفيديوهات حقه حياه ..
و خايفه أكمله عشان خايفه أتصدم أكتر ..
بس بعد كلام عمار عرفته انو الموضوع ده ليهُ جوانب كتيره ..
يعني غير قصه الأطفال الواضح انها عباره عن تجاره أعضاء
في قصه مخدرات كمان !!!
عمار كان بتكلم بكل شفافيه و هو واثق أنو أمو أتغيرت ..
بس ده أكد لي حاجتين
اولاً الموضوع لسه مستمر بالذات بعد ال كان حاصل آخر مره في بيتهم
ثانياً أنو عمار فعلا ما عارف شى ..
….
#عنده_وعد :
حياه بدت تفتح عيونها شويه شويه ..
كانت حاسه ب الم فظيع في بطنها ..
عاينت حولينها لقت وعد و نون واقفين فوق راسها ..
حياه:حصل شنو؟و في شنو؟
حياه حاولت تقوم بس نون ثبتته ..
نون:انا اصلا ما واثقه في العملتو فيك فعليك الله ما تتحركي
حياه:عملتي شنو؟
وعد:انتى متذكره عملتي شنو امبارح؟
حياه:شنو؟
وعد سكتت
حياه:في شنو وروني !!!
وعد:لمن تدخل خالتك الغرفه حاولي م تظهرى الألم .. ح نقول عندك حمه و صداع
حياه ما كانت مستوعبه شى .. بس دموعها كانت بتنزل ..
نون:انا اصلا اديتك مسكن بالوريد .. فالألم حسي اخف بكتير من الطبيعي .. ح تقدرى تستحملي
حياه ختت يدها في بطنها ..
حياه:حصل شنو؟ما تقولو انى عملت كده في نفسي ؟..
حياه كانت بتبكي بطريقه هستيريه
دخلت خالتهم زاهيه ..
زاهيه:بسم الله .. في شنو؟؟
زاهيه جرت على حياه
كان منظره واضح انها تعبانه شديد و منهاره
ده غير حاله البكاء الهستيريه الحصلت ..
وعد:هيا تعبانه من امبارح بليل .. و اتذكرت امي و ابوي الله يرحمهم .. عشان كده منهاره
خالتهم زاهيه قعدت تبكي مع حياه و حضنتها ..
حياه و هيا حاضنه خالته كان الألم زايد بس بتحاول أنها ما تظهر شى ..
نون و وعد كانو بعاينو لبعض بقلق و خايفين شديد ..
….
#عنده_مهند :
وصلو بيت مهند
مهند قعد في الكنبه و سرح
عمر جاب اللابتوب حق مهند و فتحو
عمر:كلمه السر شنو
مهند:روان بالانجليزي
عمر عاين ليهُ و سكت
فتح اللاب و وصل وصله ف الجهاز الصغير ال كان معاهو
في البدايه ما كان في صوت شى
بعد مسافه جا صوت ..
مهند و عمر كانو بسمعو بتركيز ..
محمود:انقذوني .. حا اموت
صوت راجل فجأه بتكلم مع محمود ..
_قلت ليهُ شنو؟
محمود:و لا شى
_محمود قلت ل مهند شنو أنجز
محمود:بس موضوع روان .. هو اصلا جا عشان موضوع روان .. وريتو اني ما عارف تفاصيل .. قلت ليهم عن اروى بس
_انت ما عارف أنك ما مفروض تتكلم؟
محمود:كان حا يقتلني
_و لي ما قتلك ؟؟ لي خلوك عايش؟قلت شنو عشان يخلوك عايش غير اروى
محمود:و الله ما قلت شى .. م عارف لي خلوني بس و الله ما قلت شى
_انت متوقع انى اصدق ؟ يعني حا يخلوك عايش و هما عارفين انك اسهل شى تشتكي عليهم؟و بعدين معلومه زى معلومه اروى ما ح تكون مهمه عندهم للدرجه دى ..
محمود:ما قلت شى عن حنان .. و لا عن ال مُنظمه .. انا قاعد اموت و عندى سكرى .. انقذوني و بعدين حا نتفاهم
_حا تموت فعلاً لو ما قلت لي الحصل بالجد !!
محمود:و الله ما قلت شى .. مهند كان زعلان على روان و ما كان عايز يعرف شى غير منو الكان سبب في الحصل ليها ..
_عمر .. قلت ليهُ حاجه بخصوص موضوعو؟
محمود:لا .. هو عايز ينتقم بس .. ما شاكك اصلاً بحاجه ..
فجأه صوت محمود و هو بصرخ ..
محمود:انا ما قلت ليهم شى .. اكيد ما غبي لدرجه اقول ليهُ انو بتو عايشه ..
عمر لمن سمع الجمله دى إتصدم
مهند كان جمبو و اتصدم زيو ..
فجأه المكان بقا سخن عليهم الأثنين ..
عمر كان بحاول ياخذ نفس .. حس انو الدنيا بتلف بيهُ
و كأنو ما واعى ..
مهند:عمر ..
عمر ما كان برد عليهُ ..
و فضلت الجمله بتتردد ف راسو
" اكيد ما غبي لدرجه اقول ليهُ بتو عايشه .."
عمر خت يدو في راسو و مهند كان بهز فيهُ
مهند:عمر ركز معاي .. عمر سامعني ؟؟
عمر بعد مسافه عاين ل مهند
عمر:بتي عايشه ؟؟؟ سمعته ال كلام ال قالو ؟
مهند حضن عمر
مهند:ما عارف لو مفروض حسي اكون فرحان و لا زعلان .. بس صدقني الجمله دى احسن مليون مره من احساس أنك كنت عايش في شعور ذنب موت بتك
عمر اول ما مهند حضنو و قال كده قعد يبكي ..
ايوا يبكي ..
كأنو قالو ليهُ فقدت انسان عزيز ..
بس ما كان بكاء فرح
كان بكا حزن على الفتره ال راحت و هو عايش في وهم انو فقد عيلتو ..
بكاء خوف لانو ما عارف هيا وين و بتعمل شنو ..
بكاء من المجهول .. من انو يكتشف أنها ما كويسه ..
انو يكتشف انها متعذبه ..
هِنا كان الوجع أسوء بمليون مره .. من وجع ال فقد ال عاشو ..
#فلاش_باك :
لمن عمر و مهند كانو في بيت محمود ..
عمر:حا اخت ده في البيت جوا
عمر طلع من جيبو جهاز تنصت صغير
عمر:محمود مستحيل يضرب للإسعاف .. ما حا يقدر يدخل شرطه و جوطه في المووضوع .. ح يتصل على واحد من الشغال معاهم .. بس ما حا يخلو عايش
مهند:حا يفهمو انو اكيد في سبب يخلينا نخليهُ يعيش ..
عمر:حا يتوقعو انو قال شى مهم .. و ال شى المهم ال ح يخافو منو اكيد ح يقولو لمن يجو هنا
مهند:لو ماف زول جا ؟؟
عمر:انا عارف هما بفكرو كيف .. و كده كده بكره حا يتصلو علينا عشان نجي نحقق في جريمتو لانو ح يربطوها ..
مهند:بملف موت الام و الابو
عمر:حا ناخذ جهاز التنصت و نشوف اتقال شنو .. و حا نحقق عادى في الجريمه من غير نخلى اى شى مرتبط بينا ..
عمر و مهند دخلو البيت و اثناء ما مهند بعاين ل محمود بقرف و محمود بقول ليهُ ساعدني ..
عمر خت جهاز التنصت في مكان ما واضح .. من غير محمود ينتبه
محمود:حا تخلوني اموت؟انتُ كده مجرمين ..
عمر:لو مشيت المستشفي و جبت سيرتنا حا نقول اي شى قلتو هِنا .. و صدقني اسهل شى نطلع من الموضوع ده بس انت ح نخليك تتعفن في السجن ..
عمر و مهند طلعو و في اللحظه دى محمود حاول يصل لتلفونو
اول ما وصل ليهُ اتصل برقم ..
محمود:عمر و مهند كانو هنا .. ضربوني بالنار .. تعالو الحقوني بسرررررعه ..
……
#عنده_وعد :
كانو قاعدين في الغرفه و متوترين من وضع حياه ال كانت بتصحي و تنوم كل خمسه دقايق ..
فجأه دخلو رجال الشرطه البيت و كان في اصوات كتيره
وعد:ده شنو و في شنو؟
وعد و نون طلعو و شافو اروى و معاها كم شاب واقفين في الصاله
اروى:حا ناخذكم مركز الشرطه .. كلكم
نون:لي؟؟
وعد عاينت ل خالته ال ما كانت متفاجئه
وعد:عملتي شنو انتى؟
زاهيه:فى شى ما طبيعي فيكم ..
نون عاينت ل خالته بغضب ..
نون:قلتِ ليهم شنو؟لي جاين ياخذونا ؟؟
زاهيه:….
….
#بلسان_ملك :
عمار طلع من البيت و انا اخذت نفس و فتحت اللاب ..
حاولت أهدى نفسي و بديت في الفيديو التاني ..
#فلاش_باك :
جلسه حياه و عبد الوهاب :
عبد الوهاب:كانو بعملو شنو بعد ضبحو ال .. ال طفل
حياه:ولعو النار و ختو كراسي حولين النار .. كانو بختو اللحم في عصايه و بختوها جمبه النار .. بعد مسافه ببدو ياكلو فيها ..
عبد الوهاب:منو ال كان بياكل
حياه:الراجل ال ابيض و معاهو ثلاثه رجال تاني .. الطفلين ال معاهم كانو قاعدين في الارض و ببكو .. الراجل ال ابيض قال ليهم أنو ده عقاب كل طفل ما سمع الكلام ..
عبد الوهاب:ابوك كان وين؟
حياه:كان قاعد في الغرفه بتكلم تلفون .. كُنت خايفه شديد لو شافوني يعملو لي كده .. كنت عايزه اجرى و ادخل البيت بس كانو ح يشوفوني .. قعدته في الارض ابكي .. بعدها .. جات وحده ل بابا في الغرفه و اخذت كل الحاجات ال طلعوها من بطن ال شافع ..
عبد الوهاب:متذكره شكلها؟
حياه:ايوا .. كان عندها شامه كبيره جمبه عيونها ..
….
#فى_الوقت_الحالي :
ملك وقفت الفيديو ..
ملك:حنان !!!
….
#عنده_نجاة :
كانت منهاره و بتبكي بعد سمعت خبر وفاة ابوها ..
كانت قاعده في قسم الشرطه بعد عرفت أنهم أخذو الجثه ..
نجاه فجأه شافت شخص و مشت عليهُ ..
نجاة:منو عمل في ابوي كده ؟؟ انت عارف ؟؟وريني انت عارف ؟؟
مروان:امسكي نفسك .. كل العيون حسي عليكِ ..
نجاة:….
" من الصديق ؟
من العدو ؟…"
يتبع ..