" أحياناً وقوعك في الحُب يجعلك تفعل ما لا تظن أنك ستفعله في يوم .."
نجاه:ابوي مات .. و انت بتقول لي امسكي نفسك؟
مروان:كُنتِ عارفه انو نهايه القصه ممكن تكون كده .. احنا ما بنلعب يا نجاه .. الموت اسهل شى عندهم
نجاه:انت جاى لي ؟؟ جاى عشان تزيده علي؟
مروان:جاى عشان اقول ليك معلومه و امشى .. قتلو عشان شايفين انو قال شى م كان مفروض يقولو ..
نجاه:ل منو؟قال ل منو؟
مروان:مهند و عمر
نجاه:قال ليهم شنو طيب ؟؟
مروان:هو قال انو ما قال شى .. لكن انتى عارفه انو طالما قتلوهو جماعتنا معناتا في شى إتقال
نجاه:انت حاسس انو ممكن يحصل لينا شى؟
مروان:ما حاسس .. انا متأكد انو الموضوع حا يصل لينا في النهايه ..
نجاه:طيب و الحل شنو؟
مروان:لو جا دورنا نضحي انتى عارفه حا نضحى ب منو صح؟
نجاه سكتت ..
مروان:من البدايه كان إتفاقنا واضح .. انا حا أحميك انتِ بس في الوقت ال انا عايزو انتِ حا تضحى ب سالم راجلك
نجاه:انا بحبو .. انا بحبو يا مروان
مروان:دى مشكلتك ..
نجاه:مروان انا حسي خسرته ابوي .. خليك شويه انسان و قدر موقفي
مروان:انا مقدر موقفك .. عشان كده نبهتك .. سالم حلقه ضعيفه عندنا و انا ما مستعد اتمسك بيها ..
مروان مشى و خلى نجاه واقفه بتبكي ..
….
#عنده_مهند :
تلفوناتهم كانت بتضرب كل شويه بس ما كان في واحد فيهم برد ..
مهند ما كان عارف يتصرف يعمل شنو ..
عُمر كان داخل في حاله صدمه .. ما قادر يستوعب ال سمعو ..
مهند:عمر انا فاهم موقفك .. بس أحنا محتاجين نخت خطه واضحه عشان ما نخسر زمن .. انت عارف انى في ظهرك و انى حا اساعدك .. ح نقدر ننقذ بتك .. على القليله حسي عرفنا أنها عايشه ..
عمر:انا حا اتصرف براي .. انت خليك في موضوع روان
مهند:ماف شى اسمو حا اتصرف براي .. أحنا دخلنا سوا و حا نطلع منها سوا .. حتى لو ب أسوء الإحتمالات و حتى لو ح تتسحب رخصتنا و حتى لو حا نموت .. انا ما حا اخليك في الطريق ده براك ..
عمر:مهند الموضوع ده ما صغير .. دى ما وحده من المنظمات ال احنا اتعاملنا معاهم .. الشبكه ال انا بتكلم عنها دى بتعمل حاجات انت عمرك ما حا تتخيله ..
مهند:شاركني ال حاجات ال انت بتعرفه .. وريني المعلومات ال عندك .. خليني اصل النقطه ال انت واقف فيها عشان نقدر نكمل من النقطه دى ..
عمر سكت مسافه بعدها قرر أنو يحكى أى شى ل مهند ..
الصمت كان أطول من الطبيعي ..
و مهند لأول مرة يحس أنو ال حا يتقال فعلاً حا يكون شى تقيل عليهُ
عمر: قبل أكتر من عشر سنين .. رجعت مجموعة من السودانين من الصين للسودان ..
مهند: و؟
عمر: ما رجعو عشان الدولة رجعتهم و لا عشان كانو قاعدين بصوره ما رسميه هناك .. رجعو عشان يكملو حاجة بدو فيها و أتعلموها ..
مهند: شنو الحاجة؟
عمر ابتسم ابتسامة باهتة ..
عمر:عارف قانون العطاء و الأخذ يا مهند؟
مهند:ده شنو؟
عمر:هم بؤمنو إنو في حاجات لو قدمتها شغلك حا يكبر .. قانون أنك تقدم حاجه فمقابل الحاجه دى حا تاخذ حاجات اكبر بكتير ..
مهند: قدمتها لمنو؟و تقدم شنو اصلاً ؟؟
عمر قال بهدوء :
كل شهر… بيتجمعو
ما عندهم مقر معين ..
بيت… عادي جدًا ..
جارك ممكن يكون واحد منهم و انت ما عارف
مهند حس بأنو عمر بدء يحكي بطريقه مخيفه شديد
مهند:بيتجمعو يعملو شنو؟
عمر:بيختارو اسم
مهند:اسم شنو؟
عمر رفع عيونو ببطء شديد ..
عمر:اسم طفل
مهند:انت بتتكلم عن خطف و تجاره اعضاء يعني ؟
عمر:لا .. بياكلوه
مهند:ياكلو ؟؟
عمر:قربان شيطاني عشان الشيطان يساعدهم ينجحو اكتر ..
مهند:دقيقه عشان انا حسي جايط
عمر:اها
مهند:الاطفال ال بتتكلم عنهم بجيبوهم من وين لمن يختارو اسم بينهم؟
عمر:اطفال من الشارع .. المحتاجين .. خطف .. دار الأيتام ..
مهند:كيف دار ايتام؟
عمر:بيع و شراء .. بيدفعو مبلغ معين و بشترو طفل
مهند:يعني حسي ناس الميتم ببيعو اطفال؟
عمر:ببيعو لمن المبلغ يكون كبير شديد .. ده الجانب ال سئ من الحياه ..
مهند قام من مكانو و كان بعاين ل عمر ب استغراب
مهند:انت عارف ده كلو من وين ؟؟ او خليني اغير السؤال لاني متأكد انك ما حا تجاوب .. منو المسؤول عن ال حاجات ال بتتعمل دى ؟ الطقوس ال انت قلتها
عمر:المسؤول اسمو جعفر .. أو ده الاسم البنعرفو
مهند:يعني شنو؟
عمر: ما في زول شافو و في ناس بقولوا إنو ما زول واحد اصلاً .. يعني كم زول كبير و كلهم شركاء .. بس اسم جعفر ال حاجه ال وحيده ال بتتقال
مهند سكت مسافه
مهند:تمام يعني احنا حسي بنتعامل مع واحد بقتل الشفع عشان ياكلهم؟
عمر:لا ده مثال بس .. هما بعملو اي شى .. تجاره اعضاء و مخدرات و تبيض اموال .. الطقوس دى مثال أنهم وصلو ل ياتو درجه ..
مهند رجع قعد ..
مهند:ده كلو علاقتو شنو بالحريقة الحصلت؟
عمر سكت مسافه ..
عمر:آخر قضية مسكتها كانت شبكة مخدرات .. متذكر؟
مهند:اي
عمر:كان في يدي اتنين من ال موزعين بس ابداً ما كانو خايفين و ما كانو عايزين يتكلمو .. كل ما اضغط عليهم كانو بقولو لي انو ما وراهم زول و انو جابو كميه المخدرات دى كأجتهاد شخصي منهم بس كنت متأكد انو في شى غلط
مهند:اها
عمر:كُنت بحاول أنى ألقا ثغره و فعلاً بديت أتتبع التحويلات الماليه ال كانت بتصلهم .. شركات وهمية … أسماء متكررة .. كل مرة أقرب خطوة كان بيحصل شي .. مرة الملف يختفي .. مرة الشاهد ينتحر .. مرة الدليل يتحرق .. بس ما كنت عايز استسلم الا افهم ال وره ده كلو منو ..
مهند:و ما قدرت لأنهم ..
عمر قاطعو ..
عمر:لمن عرفو إني بحاول .. قررو يوقفوني بطريقتهم .. حرقو ال بيت و انت عارف الباقي ..
مهند:لو سمحته وريني طيب عندك المعلومات دى كلها من وين؟
عمر:ده سر خليهُ لي .. صدقني ما لصالحك انك تعرف
مهند:روان علاقته شنو ب ده كلو ؟
عمر:تتذكر الفتره ال أتمسكت فيها روان
مهند:اها
عمر:كان في جاسوس بينا .. كُنا كل ما تصلنا معلومه تخص مخدرات او تجاره اعضاء و نمشي عشان نمسكهم بكونو عرفو قبل احنا نصل اصلاً
مهند:اي ..
عمر:يعني حسب تقديرى ختوها في روان عشان ما نقبض الجاسوس الحقيقي
مهند:عشان ما نقبض اروى
عمر:كده حا يستفيدو
مهند:يعني احنا بنتعامل مع نفس المنظمه من سنين و احنا اصلا ما عارفين انها كلها شبكه وحده!
عمر:بالضبط .. ال انا عارفو ده جزو من حاجات كتيره لسه ما عارفنها
مهند:…
….
#عنده_وعد :
وصلو قسم الشرطه و كلهم خايفين .. ما عارفين خالتهم قالت شنو و لا ال حاصل شنو ..
كل وحده فيهم كانت قاعده في غرفه استجواب مختلفه ..
أثناء ما حياه قاعده في الغرفه كانت حاسه انو راسه لافي .. ما كان في زول غير اخواتها عارف انها محتاجه ل عنايه طبيه ..
دخلت اروى عليها و قبل تبدء كلام حياه بدت تستفرغ دم
اروى:حياه!!!!
اروى بدت تصرخ لانو المنظر كان جداً مرعب ..
جو الشباب و شالوها عشان يودوها اقرب مستشفى ..
اول ما وصلت المستشفي كانت هدومها مليانه دم ..
الدكتور شرط القميص ال كانت لابساهو و شاف آثار خياطه بس كل ال خيط كان مفكوك و كان واضح انو الزول ال خيط ليها فاشل جداً ..
الدكتور و حسب اعراض حياه ال كانت واضحه قدامو
• حرارة عالية
• ضربات قلب سريعة
• ضغط واطي
• برودة أطراف
قدر يعرف إنو عندها تسمم في الدم ..
و ده لأنو أولاً ال خياطة كانت خاطئة
* لو الغرز كانت م صح فبالتالى بتسد الدورة الدموية جزئيًا
و ده بيخلي الدم ما يوصل للأنسجة → الأنسجة تموت جزئيًا → فالبتالى البكتيريا تتكاثر
*ثانياً لأنو التعقيم ما كان بالصوره ال صح و كمان الجرح كان اعمق من ال طبيعي فكل ال أتعمل من إجرأت أوليه للجرح كان غلط ..
الدكتور عمل كل الخطوات الأوليه و فوراً دخل حياه قسم العنايه المكثفه (ICU)
….
اروى دخلت ل وعد غرفه ال تحقيق ..
اروى:في شنو؟انتو بتعملو في شنو؟
وعد:ما فاهمه؟
اروى:اختك شنو ال فتح ليها بطنها ده اول سؤال ..
وعد ما ردت ..
اروى:الدم ال في الهدوم ال ف الدولاب ده دمها يعني؟
وعد:خالتو عشان كده اتصلت ليكم؟
اروى:ايوا .. شافت الدم من طرف الدولاب و اصلا تصرفاتكم غريبه عشان كده اشتكت
وعد:ده دم حياه .. ممكن حسي نمشي ليها؟
اروى:في المستشفى .. ادعى تعيش اصلا عشان تشوفوها
وعد:ما فاهمه؟ح تموت حياه؟
اروى:ما اخذتوها المستشفى لي ؟ منو عمل فيها كده ؟ احسن تتكلمي عشان نقدر نساعدكم .. وحده فيكم هيا ال عملت كده صح؟
وعد:انتى مجنونه؟كيف يعني نأذى اختنا
اروى:حلو طيب منو العمل كده؟
وعد سكتت و هنا اروى عصبت زياده
اروى:تمام .. خليك ساكته .. انت و اختك ال تانيه ما حا تشوفو الشمس قبل افهم الحصل شنو
اروى طلعت و خلت وعد و هيا غرقانه في التفكير ..
…..
#بلسان_ملك :
بعد أتأكدت من شكوكي فتحته عشان اسمع باقي الكلام ال كان بين حياه و بابا ..
فتحت فيديو تاني
#فلاش_باك :
عبد الوهاب:وريني تاني متذكره شنو
حياه:كُنت خايفه .. بس عايزه اشوف
عبد الوهاب:تشوفي شنو؟
حياه:ال بعملو .. كُنت عايزه اشوف دايما .. عايزه اعرف كل شى
عبد الوهاب:ما خفتي يعني؟
حياه:خفته شديد .. بس ما عارفه لي .. كنت عايزه اشوف برضو ..
عبد الوهاب استغرب شديد ..
عبد الوهاب:طيب شفتى تاني شنو
حياه:بعدها بكم اسبوع تاني جو .. انا كنت بعرف انو حا يحصل شى لمن بابا يقول لينا ماف زول يطلع لمن ما هو يقول لينا اطلعو .. كان بحبسنا كلنا ف البيت و حتى ماما
عبد الوهاب:اها
حياه:وعد اكبر وحده فكانت دايما بتعمل عكس ال حاجات ال بقولها و عشان كانت واعيه و هو كان بخاف منها .. كان بحبسه في المستودع حتى لو م عملت شى ..
عبد الوهاب:اها
حياه:بعد خليتهم يتأكدو أنى نمته طلعته تاني بنفس الباب ال طلعته بيهُ اول .. و شفت بعملو شنو .. بس المره دى كان حاجه تانيه .. فتحو بطن ال طفل بس ما عشان يطلعو اعضائو
عبد الوهاب:عشان شنو؟
حياه:كان في جواها اكياس كتيره و كلها كان فيها بالأبيض .. ما كنت عارفه ده شنو ..
عبد الوهاب:دقيقه .. ما كان في دم و لا حاجات تانيه بطلعوها؟
حياه:لا .. بطلعو اكياس .. كنت مستغربه .. بس لمن كبرته عرفتا .. كانت دى طريقه عشان يجيبو المخدرات من بره .. بختوها في جثه .. و بعد تصل الجثه بطلعو منها الكميه ال ختوها ..
عبد الوهاب بلع ريقو ..
كل شويه كان الموضوع ماشي أخطر ..
عبد الوهاب:انتى عملتي شنو لمن فهمتي
حياه:حاسه انو دى فكره ذكيه .. يعني منو حا يتخيل انو في جوا جثه كميه زى دى من المخدرات
عبد الوهاب:فكره ذكيه؟؟
حياه:اي .. يعني مرات بحس انهم اذكياء .. انت ما شايف كده ؟
عبد الوهاب قبل يرد محمد ابو حياه دخل ..
محمد:اطلعي بره شويه يا حياه
حياه طلعت ..
محمد:اقفل التسجيل
عبد الوهاب عمل نفسو بقفل التسجيل بس هو في الحقيقه ما قفلو
عبد الوهاب:في شنو؟
محمد:قلت ليك ماف زول يشوفها لمن تجي تتعالج و انت ما شاء لله ابدا ما نفذته ال قلتو ليك
عبد الوهاب:منو شافها؟
محمد:بتك ملك .. انت قاعد تستخف ف الموضوع ده شديد
عبد الوهاب:ملك م بتركز ف الحاجات دى ما تخاف ..
محمد:انت عارف اني ما بخاف من شى .. لو بخاف ما حا افكر انى اجيب ليك حياه تحكي ليك الحاجات ال انا و انت عارفين انها حاجات سوده
عبد الوهاب:انت واثق فيني زياده عن اللزوم .. انا ما كنت عارف انو المواضيع واصله للدرجه دى يا محمد
محمد:ما عندك طريقه تنسحب حسي .. ال بدخل تاني ما بطلع
عبد الوهاب:قلت لي تبيض اموال و مخدرات بسيطه بس .. انا بساعدكم ف حاجات تانيه من غير اكون عارف .. في اعضاء و قتل و طقوس شيطانيه يا محمد .. معقول للدرجه دى؟انا ما بقدر اكمل في حاجه زى دى .. لو حا يقتلوني ما بكمل
محمد:انت مفتكر انو ده خيار ؟ اسهل شى ياخذو ملك من يدك
عبد الوهاب:انت بتهددني ب بتي؟
محمد:انت بتغش نفسك ؟؟ صدقته ال كذبه ال انت عملتها ؟؟ اديناك طفله تربيها من غير أى مقابل مادى .. بقيت ابو في يوم واحد و انت كنت بتحلم بالحاجه دى .. هيا اكيد ح تكون ممنونه ل أبوتك ال ما حقيقيه .. اكيد ما حا تبطل تحبك لأنك ما ابوها الحقيقي .. بس لمن تعرف أنك رميت أمها الحقيقيه في النار عشان ما تخسره .. تتوقع حا تكون ردة فعلها شنو؟انا ما واثق فيك يا عبد الوهاب .. لكن واثق إنو ال في يدي اقوي من ال في يدك .. فخليك شاطر و اعمل العليك بس ..
#في_الوقت_الحالي :
#بلسان_ملك :
وقفت الفيديو .. ختيت قلبي في يدي ..
ملك:مستحيل .. مستحيل يكون حقيقي .. اكيد كذب .. مستحيل ..
…
#عنده_مهند :
هو و عمر دخلو القسم بعد ما أتفقو عايزين يعملو شنو ..
أول ما دخلو اروى جاتهم ..
كانت بتتكلم بس مهند كان ماسك نفسو بالقوه عشان ما يعمل شى ..
اروى:مهند مالك؟انت كويس ؟؟
عمر حاول ينقذ الموقف و قال ل مهند اطلع انت المكتب ..
مهند طلع من غير يرد على اروى
اروى:في شنو يا عمر
عمر:اخلاقو قافله الليله ..
عمر خلى اروى واقفه و حاسه بغضب من تعاملهم معاها ..
مهند قبل يمشي المكتب مشى يشوف لو نتيجه البصمات طلعت من السيجاره ال لقوها في بيت ابو ملك ..
بس مهند أتفاجئ انو عمر ما سلم ليهم أى شى
مهند:انت متأكد؟
_اي .. لو في حاجه زى دى كُنا حا نطلعه ليك سريع .. أنت عارف ما بقصر معاك
مهند استغرب و بدى يراجع كلام عمر ..
و بدء يتكلم مع نفسو ..
مهند:انت علاقتك شنو بالزول ال كان بمشي البيت ؟
مهند فجأه إتذكر كلام عمر قبيل و لمن وضح أنو اكيد سبب أنهم يقتلو روان انهم يغطو على اروى
و هِنا ركز في حاجه ما كان مركز فيها ..
عُمر عارف حاجات كتيره و ساكت ..
لي ساكت ؟ و كيف عرف ؟
في خيوط كتيره ناقصه .. بس خيوط كلها بتأدى ل سؤال واحد ..
" عُمر بعمل شنو مقابل كل المعلومات ال بتجيهُ دى ؟ "
….
عُمر دخل غرفه التحقيق ال فيها وعد ..
عُمر:وعد ..
وعد:ها
عمر:بديتِ تطلعي من إتفاقنا
وعد:ما عملت شى انا ..
عمر:بتدخلي نفسك و بتدخليني في مواقف ما ليها داعي
وعد:كأنك حا تتأذى؟
عمر:بالضبط .. انا عملت ال علي عشانك .. و دورى خلص
وعد:بس لسه إتفاقنا ما خلص ..
عمر:لمن بكره حا يخلص ..
وعد:ح يموت؟
عمر:ح يموت ..
وعد:…
….
مهند دخل المكتب و كان سرحان
فجاه وقعت عيونو على ورق بخص عمر ..
اتذكر انو عمر مكتبو لسه ما جهز و انو كل ال حاجات ال بتخصو بتجى مكتب مهند ..
مهند قام يرتب الورق وقعت عيونو على خطاب كتبو عمر يخص طلبو انو عايز ينزل شغل و يوقف الأجازه
تاريخ الطلب كان قبل موت الام و الابو ب أسبوع بس
و في الغالب الطلبات ال زى دى بتاخد كم يوم و بتم الموافقه عليها
و فعلاً الموافقه طلعت يوم :
2_2_2025
الجريمه وقعت يوم :
3_2_2025
مهند خت الورق و بدى يعاين للحيطه ال كان فيها صور المتهمين في جريمه الام و الاب ..
كان بتذكر كل تفاصيل التحقيق ..
أنهم ما لقو شى ظاهر في الكاميرات ل محمود .. و أنو في حاجات كتيره مبهمه ..
هل ده كلو صدفه ؟…
هل ال يوم ال قرر ينزل فيهُ عمر صدفه ؟
و هل صدفه انو ال ناس ال بتعاملو معاهم حالياً هُما نفسهم ال كانو سبب في الحريق ال حصل ل عيله عمر ؟…
مهند اخذ نفس و عِرف أنو مستحيل ده كلو صدفه ..
بس كيف ؟؟
كيف ؟…
" الغلط أنك ما تشوف الصوره كامله ..
أنك تختار تشوف من زاويه وحده ..
هِنا كل الأشخاص مرتبطين ببعض بصوره غريبه ..
و عشان تعرف الرابط
مفروض ترجع لأول القصه ..
كيف القصه بدت ؟.."
يتبع …