ذلِك الرجلُ المُريب
أمرهُ غريبٌ عجيب!
هلْ هو قاتِلُ مَأجور
ام ضَحيةُ ومَغدور!
حِرتُ بِمزاياه
جَهِلتُ نَواياه
زعيمٌ حَقير
ام رحيمٌ سَتير!
تارةً يَقتلُ بِجَلادة
وتارةً مُخلِصٌ بالعِبادة
يقفْ ويُصلي على سِجادة!
بعدَ ان سَفِك دِماءً بإرادة
بقلم مريومتي المبدعة
♥️♦️♥️♦️♥️
كمت اتلفت خايفة مرعوبة تفكيري انشل شلون وشنو اسوي هسه؟
لزمت راسي ضغطت عليه قوي غمضت عيوني ورفعت نظري للسماء ادعي واتضرع كون اللي صار مجرد حلم واكعد منه هاي شراح تسوي بية اذا رجعت راح تدمر نفسيتي وتحطمني انتهينا اني وخيلاء انتهينا
فركت وجهي وابجي شسوي ما اعرف!
وين اروح، انهزم بس وين؟ وشلون؟ وخيلاء؟
ياربي دخيلك امتحاني صعب صرت امشي واتلفت دموعي تنزل بغزارة بللت وجهي مرافقتها شهكات شكت صدري
وين اروح لا اندل وارجع للوادي ولا اكدر اروح لمكان ثاني وحتى اذا ردت اروح شنو اكوللهم وين جنا وسبب غيابنا شنو؟
كعدت على الرصيف نصف ساعة اكثر اقل ما ادري شفت ظل بنية صغيرة رفعت راسي باوعتلها نطتني كلينكس
سديل : ما اريد
_اخذيه هذاك عمو دزه ويكول لا ترفعين راسج بس شوفي شنو بيه
هزيت راسي واخذته منها خايفة، فتحت طيات الكلينكس وايدي ترجف لكيت بيها طلقة، سحبت نفس قوي بخوف وعيوني تدور على المكان اللي اشرت عليه، اريد اوكف على رجلي ما اكدر احس حيلي مهدود وكل طاقة ماعندي
مشيت بموازاة الحايط واتلفت من الخوف والرجفة بجسمي، مرت عشرة دقائق طبكت سيارة بصفي مالحكت التفت واشوف منو انجريت لداخلها وغطوا راسي ما اتجرأ اصيح ولا حتى اسأل انتم منو لأن الجهة اللي ماخذتني اعرفها منو.. واذا اكون ما اعرفهم؟؟
تحركت السيارة بدأت الرحلة في الظلام
قطعت مسافة كيلو مترات بعدها واحد بيهم كال
_انت تعرفها؟
_شايفها بس ما اعرفها معرفة عن قرب
_بس حلوووة
_تمووت متت عليها
_تحسها من بنات النهضة
كالها وضحك
_الحلو تختلف عن بنات الوادي
حسيت بأمتعاض من كلامهم خصوصاً من كال
_ما راح اتركها هيج بدون ما اعيش ليلة وياها
_ليلة؟ خاف يحسون بينا ناخذها ساعة بس
_لا ليلة منو يقرا منو يكتب صدك محد راح يحس علينا اليوم هوسة بالوادي
_ وين ناخذها؟
_ببيتنا امي رايحة وية خالاتي لبيت اهلها متجمعين هناك
_ها يلا خوش امشينا نكضي حاجتنا ونطلع
_شبيك اكولك امي تبات ببيت جدي
صرت ارجف اريد احجي ما اكدر ما يطلع صوتي، دعيت بكلبي تصير معجزة تخلصني من قذارتهم اني لحد الان اعتداء الحجي ما متعافية منه واحس نفسي مريضة وكارهة تفاصيل جسمي كلها، وكفت السيارة نزلوا منها وصار هدوء بداخلها صوتهم جان قريب بعدها ابتعد الصوت ايدي جانت مفتوحة تجرأت اوخر الكيس من راسي باوعتهم بعيدين مسافة زينة فكرت اكمز من السيارة وانهزم وشيصير خلي يصير
فتحت باب السيارة نزلت رجل وحدة انتبهوا علية نزلت الثانية وركضت واحد منهم صاح بصوت عالي
_تعاي لج اذبحج والله
سديل : شالك الله اذا نزلت وياكم كلشي راح احجي للحجي لأن اني أخصه وشكلكم حفظته
صفن بوجهي صاح على اللي وياه حجاله وبعدها واحد باوع بوجه الثاني، غمز الثاني وكال
_ شكو شبيها؟
_لك طلعت خاصة بالحجي
_لا جذابة خلي تولي
سديل : لا ما اجذب جرب وشوف شنو راح اسوي
تراجعت خطواتهم وابتعدوا عني تشاوروا بينهم بعدها اجوي يمي واحد منهم حجى بصيغة تهديد
_احنا نتأسف منج وماراح تنعاد وياج راح نوصلج للوادي شرط بدون ما تحجين شي لأي احد، ها متفقين!
سديل : تريدون اعبرها الكم؟ هيج يعني؟
_زين نتفق على الشي اللي تريديه يصير
سديل : ترجعوني ومحد يحجي وياية وراسي ما تغطوه
_شلون يصير، ممنوع تشوفين الطريق
_لحظة انت صدكتها لو هي خاصة بالحجي ما يدزها بمهمات وليش يغطي راسها
_هم صدك يلا امشي نفوت للبيت
بدوا يسحبوني واني أجرّ بنفسي منهم واصرخ بعلو صوتي حتى يعوفوني
للأسف ماكو جدوى للصراخ دخلوني للبيت سحلوني للغرفة جنت ابجي صوتي راح توسلاتي ما نفعت ولا شهكاتي ناس ماعندهم رحمة ولا إنسانية ولا حتى غيرة
رفعوني على السرير وبدوا يجردوني من ملابسي واحد منهم كام يصوفر ويتغزل الثاني سال لُعابه مثل الكلب يلهث
وكفوا اثنينهم يتفرجون ببلاهة
واحد باوع بوجه الثاني واستداروا علية
_لك تموت هاي
_حيل عجبتني اطلع انت وبعدين تعال
_شنوو اني اول هذا بيتنا
وبدوا يتعاركون منو ينهش لحمي اول واحد
بديت احجي واضغط على مقاطع الكلمات بتعب وحلكي ناشف
سديل : حفظت اشكالكم كلش زين وهاي العملة ما راح تعدي عليكم سلامات واول ما نوصل للوادي احجيلهم لو جنتوا بسابع أرض راح يجيبوكم
جانوا يسمعوني بإذعان، واحد منهم قرر يتصل وطلع برا اتصل ورجع فرائص جسمه ترتجف
_لك حجيها صحيح هي واختها من المحظورات بالوادي
_جذاب!
_خابر باهي واسأله هسه هو حجى وياية كال تأخرتوا سألته عنها كال الحجي حاط عينه عليها
_امشي نرجعها واذا حجت شي نكذبها
_اكيد راح يصدكوها
بقوا يحجون بينهم واني احاول ألملم ملابسي من الأرض وبديت البسهم ودموعي تنزل بقهر على حالي
سديل : ما احجي لأحد بس رجعوني
بقوا يتوسلون بية اسكت عنهم جنت اهز راسي بالايجاب حتى بس اخلص منهم، بس حفظت اشكالهم كلش زين وراح يتعاقبون على عملتهم هاي
من بعد هذا الصِراع النفسي الحقير رجعنا اول ما نزلت من السيارة وشفت باب الوادي كأنما شايفة باب بيت اهلي لأن حسيت بأمان مجرد تقربت من وجود اختي
الخوف الأخير نسّاني الجنطة وتفاصيلها صعدت فوك لغرفتي توقعت الكي خيلاء وراح ادخل بسين وجيم واتحاسب بس ما لكيتها ارتاحيت شوية، دخلت للحمام سبحت واتنهد خوف وحسرة خلصت وطلعت من الحمام غيرت ملابسي اندكت الباب صحت منو، اجاني صوت سفانا
سديل : تعالي
دخلت شافتني وكالت
سفانا : الست تريدج
سديل : سيادة؟
سفانا : اي
سديل : عصبية؟
سفانا : ما ادري تعالي وبعدين تعرفين
سديل : تمام
سفانا : يلا استعجلي
سديل : كملت
لميت شعري بالمنشفة وطلعت وراها نزلنا لغرفة المكتب دخلتني بعدما طرقت الباب واخذت الاذن حتى تدخلني جنت امرد بأصابعي من التوتر والخوف
اول ما دخلت جانت كاعدة على الميز طلعت جكارة من العلبة حاولت تشعلها بولاعتها رجفت ايدها وكعت الولاعة منها هرولوا اللي اسمهم باهي وساهي وكل واحد قدملها ولاعته الخاصة شعلتها بولاعة ساهي اللي وصلني للبنك، رمته بنظرة تركته لاهث الانفاس، سحبت نفس ونفخته بقوة بعدها باوعتلي وكالت
سيادة : اي سديل ودعتي المبلغ مو؟
سديل : ا ا ا ا
سيادة : وين لسانج بلعتيه!
صرت اتلكئ وما اعرف شنو احجي صاحت بية خلستني بجيت من الخوف
سيادة : المبلغ اكبر من راسج ودعتيه لو لا؟
هزيت براسي لا
سيادة : وينه؟ عندج رجعتيه وياج؟
حجتها وفرت الكرسي مالتها بأتجاه الرجال اللي يمها باوعتلهم بنظرة معناها غادروا المكان لأن هذا اللي صار طلعوا مدنكين راسهم ولا كأنما رجال مشوربة، هذا خوفهم دليل على انّ هاي السيدة مو سهلة واني مستهينة بالموضوع
المفروض اخاف مثلهم لو شنو؟
سيادة : اي سديل الفلوس وين؟
سديل : انباكت
سيادة : شنو؟؟
سديل : انباكت مني مو قصدي والله وما اعرف منو وشلون صار هيج
سيادة : ها انباكت منج وما تعرفين شلون صار هيج اي زين
كامت من مكانها واجتي تتمشى برهاوة وصلت يمي نفخت الدخان بوجهي دخل بعيوني غمضت بقوة، بعدها فتحت من شدة الألم اللي حسيته صحت بصوت، ضربتني كف تنهرني
سيادة: صوتج
سديل : هاي شسويتي!!
بجيت وانهاريت جنت احجي ولازمة خدي اتأوه من الألم
سديل : طفيتي الجكارة بوجهي!
سيادة : النفاضة بعيدة عني تريدين اصبعي يحترك؟
سديل : بس انتِ شوهتيني
صوتي يرجف وايدي حاطتها على خدي وكلي ألم وحسرة من اللي كاعد اعيشه بسبب غبائي
سيادة : المبلغ اذا تريدين تعوضيه لازم تبيعين كلياتج اثنينهن يلا توفيه
سديل : كوليلي موتي
سيادة : هو هيج انتِ بالحالتين ميتة
سديل : شلون اسدد المبلغ بدون ما تأذيني؟؟
سيادة : ماكو طريقة تسددين بيها غبائج
سديل : اللي صار مو بيدي عفية غلطت اعتبريني بنتج او اختج الصغيرة وسامحيني وشنو تريدين اسوي
سيادة : شنو اريد؟؟
جرت شعري وكعت المنشفة
سديل : اخ اخ شعري حبابة عوفيني
سيادة: هنا ماكو رحمة احنا ناس بعيدين عنها ما نعرفها شنو، ما عايشيها انتِ تتوسلين بالشخص الخطأ للأسف
سديل : اسوي اي شي تطلبيه مني بس اتركيني اروح
سيادة: مبدئياً راح تتعلمين على الروليت والبوكر واذا رادوج بحفلات خاصة للبيوت تطلعين وياهم
سديل : هاي ما اكدر اسويها اني انهزمت من زوجي لأن هيج سوى واصلاً ما ادري اذا طلكني او بعدني على ذمته
قاطعتني وكالت
سيادة : حبيبتي انتِ بوسط الحرام عايشة متزوجة او لا ما يهمني قابل راح نعقدلج وبعدين ناوية تصونيه بغيابه، تسوين اللي كلتلج عليه الاسبوع القادم تبلشين لعب مو بس توكفين مثل الصنم وتفوتين صفقات وياهم
سديل : هو اني وين اعرف ألعب حتى افوت صفقات!!
سيادة : اللي يريد يسدد ديونه يجازف بكلشي
سديل : ماشي اسوي اللي تريديه
لهناك وانفتح الباب التفتت عليه طلع تيام ابتسمتله وكالت
سيادة : اهلاً باش تعال فوت
تيام : لا عندي شغل بس حبيت أمر واسلم
سيادة: وصل سلامك حبيبي
تيام: محتاجة شي؟
سيادة : ابد
تيام : اكيد؟
سيادة : سلامتك
تيام : اخذوا راحتكم اترخص اني
طلع ودفعتني من ظهري بقوة حتى اطلع، طلعت وسديت الباب وراية مشيت اتعثر بخطواتي الضايعة دموعي ما خلتني اشوف منو كدامي انصدمت بشي خلاني اوكف بمكاني فتحت عيوني باوعت تيام مسحت وجهي وهو صافن علية عاكد حاجبه
سديل : عفواً ما شفتك
تيام : شبيج تبجين؟
سديل :مابية شي من رخصتك
حاولت اتعداه سحبني من ايدي بقوة وثبتني بمكاني بثنين ايديه
تيام : شنو صاير وياج؟
سديل : ما صاير شي
تيام : احجي كلتلج
سديل : اذا حجيت تساعدني؟
تيام : احجي اول وبعدين اقرر اذا تستاهلين المساعدة لو لا
سديل : محتاجة فلوس ومهما كلف الأمر ضروري احصلها لو اضيع
تيام : شكد يعني؟ والمن تنطيهن؟
سديل : ما اعرف شكد بس مبلغ كلش كبير
تيام : لشنو استعملتيه؟ ومن وين جبتيه؟
سديل : ساعدني بدون اسئلة
تيام : هاي شلونج
سديل : شبيك
تيام : من وين جبتي الفلوس ومنو أبتزج بيهن؟
سديل : لو تساعدني لو لا تسأل
تيام : ما اساعدج بدون ما افهم
سديل : براحتك
درت وجهي حتى اروح رجع سحبني من زندي
تيام : لحظة
سديل : ها
تيام : شبيه وجهج؟
حجاها ومرر اصبعه عليه زحت بوجهي للجهة البعيدة عنه رجع ثبت وجهي من فكي باوع بعيوني خازرها دنكت راسي رجع رفعه بقوة
سديل : آخ ليش هيج تسوي؟
تيام: منو سوى هيج بوجهج؟
سديل : هواي تسأل
تيام : حِشري المهم اعرف شنو صار وياج
سديل : ناوي تساعدني اهلاً وسهلاً ما ناوي اتركني اروح وعوف فضولك هذا
تيام : يلا روحي
تركته ورجعت لغرفتها فتحت الباب جانت شايلة سماعة التليفون بأيدها وتحجي التفتت علية رمقتني بنظرة حقيرة وكالت
سيادة : لحظة اشوف هاي شبيها، شكو اهلج ما معلميج الأصول تفتحين الباب بعدما تدكيه وينطوج أذن الدخول يالة تفوتين
سديل : اسفة بس ردت اعرف شكد الفلوس بالجنطة حتى اعرف شلون اسددهن
ضحكت وكالت
سيادة : 60
سديل : 60 شنو؟
سيادة : دينار، مليون طبعاً يلا طلعي وسدي الباب وراج
طلعت ورحت لغرفتي اسب والعن بيها دخلت للغرفة لكيت خيلاء تسشور بشعرها حست بية دخلت التفتت علية
خيلاء : وين جنتي ست؟
تركت السشوار من ايديها وكامت اجتي يمي تقربت فاتحة عيونها
خيلاء : هاي شنو صاير وياج؟؟
سديل : ما راح احجي لو شكد ما تحاولين وفري علية وعليج التعب
خيلاء : شنو شنو عيدي اللي كلتيه؟؟
سديل : مثلما سمعتي واذا حبيتي صدك تساعديني اريدج تعرفين الزعيم شكد خسر باللعبة بيوم اللي نزلنا اني وياج للصالة
خيلاء : منو حاسبج على هذا اليوم و وين جنتي من كعدت لحد الآن انتِ ماكو وهسه ساعة تسعة ست سديل
سديل : مو مهم تعرفين ، عليج بنفسج وبس
ضربتني كف لزمت خدي تركتها ودخلت بفراشي غطيت راسي وبجيت سحبت مني الغطى حاولت وياية حتى تعرف اللي تريده واجاوب اسئلتها بطريقة شافية ما حصلت مني شي، انهارت بالبجي وهي تحجي كلمات شكت صدري بيها
خيلاء : شايفة اللي يكبت بداخله وما يحجي ومنجب عبالكم قوي وصلف وما يهمه شي، بس ما تدرين كاعد اطحن بروحي طحن وحتى بنومتي ما مرتاحة وكلها كوابيس كل هذا اللي بية وما كاعد احسسج بشي حتى ماتتأذين ونفسيتج تتدمر وتالي تذبين روحج بشي اكبر مني ومنج ولج حسي بية تعبت كاعد تشوفيني شامرة روحي بوسط النار حتى بس اسايرهم واشوفلي زلة عليهم من خلالها احصل مخرج تجين بنوبة غباء عابرة تخربين الأول والتالي علينا شسوي! وين انطي وجهي! مليت وتعبت اموت روحي! احركها واخلصج مني! وتبقين ضايعة بين الايادي هيج زين مو؟؟؟
الحايط يرد وسديل ما ترد شمرت الغطى فوك راسها وكمت اضرب بيها بأثنين اديه جنت منهارة واعصابي على المحك بيني وبين الجنون شعرة اتمرجح عليها
رجعت وكفت كبال المرايا لزمت السشوار اكمل شعري باوعت هاي مو خيلاء شيطان متلبسني كملت بنحيب داخلي صرخات مكتومة توسلات غير مسموعة كم وكم من البنات مثلي بتعاستي بفراغي العاطفي بتخيلاتي ان اعيش بسعادة وية بنتي بوسط عائلة ورجل يخاف الله بينا ويدللنا
تعبت مني ومن اختي ومن الدنيا اللي اني بيها
سحبت الفستان من الخزانة لبسته إنساب بسهولة على جسمي سديت السحاب بصعوبة ورجعت رتبت وجهي بمكياج يناسب المكان التعيس
خلصت ولبست كعبي العالي ونزلت الدرج متوجهة للصالة فكرت بكلامها وقررت احاجي الزعيم واسأله عن كمية المبلغ اللي خسره رحت للمكتب اللي بالعادة يتواجد بيه دكيت الباب محد موجود رجعت للصالة اختاريت طاولة بعيدة عن الانظار لهناك ولمحته دخل بعدما انشغلت الطاولات إلا طاولته جانت فارغة وبعيدة عن ضوضائهم اخذ مكانه نزع القبعة والكفوف والبالطو تقرب واحد من الحماية اخذهم منه وقدموله الضيافة قررت اشاركه الكعدة واحجي وياه واحقق رغبة سديل بمعرفة مبلغ خسارته وما انطيها اي معلومة اذا ما عرفت شنو صاير وياها
مشيت وعيوني تترقبه لهناك ولمحت سكرة سحبت كرسي وكعدت بصفه رفع ايده حاوطها سحبت نفس قوي ورجعت لمكاني
طول الكعدة جنت اتجنب شكو واحد يعزمني على كاس او كعدة خاصة اعتذر بإبتسامة، جنت استرق نظرات اباوعله جان مندمج يسولف وياها وهي تضحك الدنيا ما سايعتها قبل لا تنتهي السهرة اخذها وكاموا من مكانهم مروا من يمي رماني بنظرة جانبية وبعدها تجاهلني حسسني بقيمتي صفر بهذا المكان
تبعتهم بنظراتي خلسة الى ان اختفوا عن ناظري، صرت عصبية ما اعرف شنو السبب رغم ماعندي شي وياه ولا اكن له شعور
كمت رجعت لغرفتي جانت سديل نايمة غيرت ملابسي وفتت بفراشي مددت من بعد تفكير حماسي داخل عقلي نمت وجسمي يتجزء بالآلام من التعب والقهر
ثاني يوم كعدنا غيرنا ملابسنا ونزلنا وحدة ما باوعت بوجه الثانية ولا صبحنا على بعض جنت ضايجة منها وهي متفاديتني، اليوم جمعة واكو اجتماع للأعضاء المؤسسين على الريوك بلغونا بيه قبل لا انام وسديل ما اعرف شلون عرفت بيه لأن بدون ما اكوللها اجتي
دخلنا للأجتماع الريوك جان ملكي واللي متواجد الاعضاء الثانويين والبقية بعدهم، اخذنا اماكننا والبقية اجوي بالتتابع آخرهم فاتوا الزعيم وتيام الأخير ابتسم وجه كلامه للزعيم
تيام : خصيمي صباح الخير جمعة مباركة
اينار : هي الجمعة مباركة ظلت للكو***
تيام : ايباه شكد شريف انتَ
عواد : بلشنا نكرة من صباحيات رب العالمين
اينار : شكو اليوم ملتمين مو اتفقنا الاجتماع ضيق ومغلق
عواد : كل اللي موجودين من المساهمين بالوادي ليش بعد نخليه مغلق!
جان ياكل بدون ما يرفع عيونه كال
اينار : متأكد الكل مساهم بالوادي؟
عواد : اي ليش منو عندك عليه علامة استفهام؟
اينار : كل الموجودين مساهمين بالمال الخاص بس اكو دخلاء هذولي بشنو مساهمين بالجسد؟
تلبية رغباتك مثلاً
عواد ترك الشوكة من ايده وباوع لإينار بغضب، تيام جان يضحك خلسة
عواد : اوزن كلامك ابني
اينار : اليوم اكو مهمة وضروري تسووها الساعة 3 ظهراً
3 وخمسة نخسرها اكو بنات اثنين جدد تتأكدون منهم ومن سلامتهم يلا تجيبوهم حسب قانون
(لِكل من وهَب ذَهب)
الكل جان مُنصت لكلامه بعدها استرسل
اينار : اما الواشي باللي يصير داخل الوادي فالحكم عليه وعلى عائلته بالاعدام وهذا الشي معروف عند القدماء والكلام موجه للي انضموا عنوة عني، حسب قانون
(عهد الصمت)
ضروري يتوضح للكل ونذكر للي ناسين الحجر الاساس للأخلاقيات الاجرامية اللي اسسناها بينا، يحظر على شرفاء المنظمة عدم الكشف عن المكان وتفاصيل عالمنا السري الخاص خصوصاً امام رجال الاحزاب والدولة حتى لو اضطر الأمر الدخول للسجن والوصول لحبل المشنقة واستقبال الحكم بشرف افضل من القتل بأيدنا وبذلة
اما اللي وشى عن آخر مهمة قمت بيها وزرعوا اشخاص عرقلوا شغلي واعطوا مكان وجودي بالبيت هذولي حسابهم قريب وقريب جداً
واللي عنده شي يتفضل بالنسبة الية خلصت كلامي
عواد : عندي ملاحظات اضيفها تتبع كلام الزعيم
اينار : كمل اني رايح من رخصتك
عافهم وطلع وتبعته وما اهتميت شنو راح يصير مشيت وراه جان يمشي سريع فتح باب المصعد دخل ودخلت وراه باوعلي عاكد حاجبه مستفهم
خيلاء : تلميحات ما اريد احجيلي طك بطك
اينار : ماعندي شي ألمح عليه جنت احجي بوضوح
خيلاء : اعرف بس جنا اني واختي المقصودين بالكلام
اينار : وان يكن هيج فهمتي، شنو المطلوب؟
خيلاء: عاملني احسن من هيج اني ما اشتغل عندك
اينار : ولا انتِ من مسؤولياتي حتى اهتم بيج انجرحتي او تحسستي ما تهميني
خيلاء : شكد المبلغ اللي خسرته بالصفقة؟
اينار : وشنو هذا التدخل الجديد؟؟
خيلاء : مو تدخل بس اريد اعرف
اينار : بصفتج منو حتى احجيلج؟
خيلاء : عبدة من عبيدكم تريد تخلص نفسها واختها من بين ايدكم
انفتح باب المصعد باوعلي صفح وطلع تبعته صحت بأسمه وكف والتفتلي
اينار : شكو
خيلاء : ساعدني
اينار : انتِ شنو من بشر ليش من اريد اساعدج تجرين بظهرج وتسوين اشياء من راسج بدون علمي ومن اشيل ايدي عنج تتبعيني وتتوسلين حتى تسمعين كلمة تفيدج
خيلاء : قصدك على نزلتي للصالة؟ هاي اللي حاركة دمك!
اينار: وليش حتى يحترك دمي؟ اصلاً ما تهميني انتِ
خيلاء : ما اريد اعرف المسببات اللي خلتك تهتم بية وتداريني وتخاف علية بس اريد اعرف انت شخص سيء لو لا؟ وليش جنت تريد تساعدني تعرفني قبل؟
اينار : ما شايفج حتى بأحلامي من وين جبتي هاي التكهنات الغريبة
خيلاء: زين شنو سبب تغيرك علية؟
اينار :سألتج بالصالة ليش نزلتي بدون علمي واني مانعج ترفعتي عن الجواب، لهذا ما الج كل حق تحققين وياية بأي شي ما يعجبني اجاوب عليه
خيلاء : لا تنسى انت اللي كلتلي بعد الشفاء تزاولين شغلج وانطيتني اسم، بحياتي لا تتدخل خليك بنسوانك
باوعلي مبتسم بعدها كال
اينار : ما غلط من سماج خبلاء هو هذا هم اسم؟
خيلاء : ما راح تساعدني؟
سحب نفس قوي وزفره بالهواء التفت للجهة البعيدة بعدها رجع باوعلي وكال
اينار : راح احذرج لا تعتبريها نصيحة ابد، اني والشيطان متخاوين حسج عينج تدوسيلي على طرف لأن راح تشوفين مني كمية قباحة تخليج تنفجرين من فضولج وتسألين هذا مخلوق من نار لو طين!
بقيت اباوعله وعيوني تتردد بين ملامحه
خيلاء : شنو المحظورات؟ اللي ممنوع اسويها؟
اينار : اي مهمة اني بيها يدزوج يجبروج ارفضي تطلعين، غيرها ما راح احاسبج عليهن اجمعهن واشمرهن بوجهج بطريقة تناسب ديزاينج
ابتسم وراح بقيت اباوعله لحدما اختفى عن ناظري وراها رجعت خطوتين انصدمت بظهري بشخص ألتفتت لكيتها سكرة باوعتلي شايطة غضب
خيلاء : شبيج؟ ليش واكفة هنا؟
سكرة : ماكو سلامتج
خيلاء : اتمنى يكون هيج
سكرة : عليج تتمنين وبس
ضحكت وعافتني ناس اتعس من ناس شنو من بشر ذولي!
رجعت لغرفتي لكيت المنظفة تنظف بيها صارت الساعة 2 ونصف سمعت بدوا يتحركون عرفت كاعد يتحضرون للمهمة اللي طلبها منهم الزعيم
لهناك ودخلت سديل توجهت للكنتور فتحته وبدأت تطلع ملابس
خيلاء : ماكو سهرة اليوم انلغت
سديل : اي اعرف
خيلاء : وين رايحة؟
سديل : عندي شغل جوة مثلما انطوج شغل اني هم انطوني
خيلاء : اسلوبج خ*** وياية ليش؟
سديل : عليج بنفسج واذا صحتلج فرصة تطلعين بيها منا اطلعي واتركيني اني عاجبني ابقى هنا
خيلاء : هيج صارت؟
سديل : اي هيج
تركتها وغيرت ملابسي ونزلت لغرفة سيادة وجهتني وين اروح ومنو راح يعلمني اللعب هزيت راسي بالموافقة وطلعت
مشيت للصالة حتى اتعلم لعب كعدت انتظر اللي راح يعلموني اكو اشخاص مهمتهم هذا الشي
قبل لا يجون انسحب كرسي وكعد شخص عليه جنت مدنكة راسي بين ايديه رفعت راسي باوعت تيام
سديل : خير؟ انت راح تعلمني؟
تيام : اعلمج شنو؟
سديل : عاجبني اخوض بمُغريات المُقامرة
حجيت الجملة حسب ما علمتني سيادة كالت اللي يسألج هيج كوليله
هو ابتسم رفع حاجبه وكال
تيام : ملقنيج كلش زين
سديل : مو كدام الكل تنحجي هاي الجملة صح؟
هز راسه لازمته الضحكة
تيام : اي صح، شعندج متعلمة الروليت؟
سديل : هيج، ضايجة وحياتي فراغ بفراغ كلت اتعلم صنعة
تيام : احجي بدون استهزاء
سديل : يعني ليش اريد اتعلم غير حتى اسدد الفلوس اللي انباكن مني واني لا بيها ولا عليها
تيام : وتريدين تخلصين من مشكلة تفوتين بالأكبر منها شلون عقل طايش عندج! انتِ تعرفين اذا خطيتي هيج خطوة تغرقين
سديل: مو بس الروليت حتى البوكر كالتلي تعلمي عليه
تيام : هو قمار بصورة عامة، بعدين تعالي كوليلي اذا خسرتي من وين راح تجيبين فلوس؟ القمار مقبرة المال للرجال وتجارة لأجساد النساء(بمعنى الرجال يعطون المال فدية لخسائرهم اما النساء تُقامر بالجسد)
سديل : شلون يعني ما فهمت؟
تيام : اذا تعلمتي راح تفوتين صفقات
سديل : اي كالتلي سيادة
تيام : اذا ربحتي، فلوس الرهان الج واذا خسرتي تدفعين مقابل اذا فلوس كان بيها، واذا ماكو فلوس شنو يطلبون منج راح تنفذيه يعني جسدج متاح الهم كل ليلة لحدما تسددين آخر فلس مطلوبته الهم
سديل : انطيني فلوس حتى ما اضطر انطي شي لا اني ولا انتَ نريد ننطيه هاي اذا قصدك شريف وتريدلي الخير من صدك
تيام : ما مضطرة تلعبين ليش تغامرين بشي اكبر منج؟
سديل : عندي دين اريد اسدده
تيام : لمنو وليش؟ احجي احتمال اللي مبتزج شخص مخالف قوانين الوادي وراح يتحاسب وتتخلصين من الدين ومن ورطتج بهذا اللعب
سديل : وليش اصدكك منو يكول انتَ مو مندس وتريد تسحب مني كلام وهاي كعدتك وكلامك مُتفق عليه
تيام : اذا هيج ذكية وين ذكائج جان من تراكمت عليج الديون وصاروا يبتزوج على العموم سوي اللي براسج اني ماعلية
دخلت غفل للصالة وبهتت واستغربت من شفت تيام واكف وسديل مدت ايدها وحضنت كفه بكفوفها تتوسله بعيونها وملامحها، رجعت ليورا وبقيت اراقبهم جان رافع راسه ليفوك ويتأفأف بضجر منها آخر شي حجى كلمتين دنكت راسها عافها ومشى فات من يمي ورحت وراه
خيلاء : تيام تيام
التفتلي وكال
تيام : حفلة الاخوات اليوم ما ناوية تخلص!!
خيلاء : شنو رادت منك سديل؟
تيام : راح تضيع اذا ما تلاحكتيلها
خيلاء : شنو اسوي دليني على مخرج واحد الله يخليك
تيام : غير اعرف بشنو متورطين وشنو قصتكم حتى اساعدكم
خيلاء : شلون أأمن بيكم واني الرعب مالي نفسي من اللي كاعد اشوفه منو الزين ومنو الشين منو سيء ومنو الاكثر سوء هنا!!
تيام : بأصابع ايدج لا تأمنين بس ديري بالج وباللي اكدر عليه راح اساعدكم
خيلاء : بمقابل؟
تيام : شلون يعني؟
خيلاء : اينار راد يتزوجني يلا يساعدني وانت شنو تريد؟
ضحك وكال
تيام : خرب شرفك زعيم
خيلاء: هاي شنو كل البنات اللي يدخلون هنا يتزوجهم شهريار؟؟
ضحك بكهكهة مرجع راسه ليورا للحظة نسيت احنا خارج الوادي وانعجبت بشخصيته
تيام : اعتذر بس تذكرت عدد النسوان اللي تزوجهن اشكال والوان الحلوة العوبة والصخلة كلهن جان طاير بيهن
خيلاء : ايع هذا صدك يحجي وعلى اي اساس هيج يسوي؟
تيام : على حسب قانون من وَهب ذَهب
خيلاء : وشنو من قانون هذا؟؟
تيام : هنا اكو قوانين وبيها هواي تفرعات واللي يخالف يتحاسب حساب عسير بالنسبة للزواج
اسسوا بالوادي دِين خاص بيهم ومذهب..
ولكل من وهب ذهب، بيها عدة تفسيرات التفسير الاول اللي يجيب بنية باكر او تكون هِبة مثلاً للزعيم ينطون مقابيلها ذهب من الوادي، توهب للواهب فلوس ومجوهرات مرات مخدرات حسب الحالة اللي تجي
خيلاء : شنو من قرف هذا والكل يشمله القانون لو بس الزعيم؟
تيام : فقط الزعيم
هزيت راسي جريت نفس قوي وهمست
خيلاء : ايدي بيدك اريدك تساعدني وبالمقابل اني هم اساعدك
ابتسم وكال
تيام : فهمتيني!!
هزيت راسي بأي
خيلاء : تأذي الزعيم
تقرب وهمس بأذني
تيام : نأذيه بطريقة خلساء ياخيلاء
باوعتله وهزيت راسي ساكته
رجعت لغرفتي وبعدها رحت للمطبخ ساعدت البنات لان يفترون على راسنا ماكو وحدة تكعد وترتاح بس وقت النوم وهم محسوبة عليها هاي الساعات
لليل جابوا البنات ومثلما سووا ويانا اني وسديل بأول دخولنا سووا وياهم ثاني يوم اجى أمر ترتبت الصالة وتم عقد قرآن الزعيم على وحدة من البنات الجدد واخذها وطلع، الثانية بقت ماعرفت السبب، طول غيابه اسبوع كامل رجع بدونها معناها زواجه فعلي وكامل واخذها سترها ببيت بعيد عن الوادي وقرفه بس شنو منتظرها هناك وية رجل عصابات وقاتل محترف ومشيهم على أُسس ودِين ومذهب غريب عجيب!!
فن من فنون المافيات والعصابات الاجرامية الكبيرة
ما تصادفت وياه من بعد الموقف الاخير ولا حتى تلاكت نظراتنا
وبيوم جنت كاعدة اجى تيام لغرفتي طلعت وياه وحجينا على مهمة يطلع بيها الزعيم وطلب مني اخربها، هاي المهمة مابيها قتل بس راح تروح وياه وحدة لصايغ ذهب اللي هي اني، على اساس مخطوبين جدد وكاعد نشتري نيشان وهناك يصير تبادل الصفقة مخدرات مقابيلها ذهب، حتى يسدد فلوس البنات للي جابهن للوادي
خيلاء : زين شلون اخربها شنو اسوي؟
تيام : عاندي وكولي الذهب بهذا المحل ما عجبني اريد غيره ومن مكان ثاني
خيلاء : ومنو يكول هو راح يختارني؟
تيام : هو يطلع وحده والبنات على سيادة هي تختارهم وتعلمهم بالحرف الواحد وتدزهن جاهزات
خيلاء : منو يكول سيادة راح توافق اني اروح لأن سوالفها العوجة كثرت وية الزعيم
تيام : مشاحناتهم كثرت ومنافستهم على المال كبرت لا تخافين عندها شغف تطيرنا من المكان اكثر مني ومنج
خيلاء : زين شنو راح يصير من اطلب منه نروح لمحل ذهب ثاني؟
تيام : الباقي علية المهم تأخريه فترة وتطلعيه من المكان بشطارتج
خيلاء : وشلون اذا يأذينا؟
تيام : ما راح يلحك اكون اني متصرف قبله
خيلاء : تمام هذا هو
تيام : اعتبر الموضوع تم؟
خيلاء : اعتبره تم
دخلت غرفتي وفكرت شنو اسوي وشنو احجي حتى أأخره بدون ما يبين اني متفقة وية واحد بيهم حتى اذا تيام ما ألتزم بالوعد مانتأذى اني وسديل
دزت علية سيادة وشرحتلي الوضع بالتفصيل بقيت صافنة معقولة كل هذا الشي يصير عندنا شنو من عصابات منظمة وواثقين من نفسهم لهاي الدرجة
اجى يوم المهمة لبست وتهيأت مريت على سيادة من دزت علية وكعدت تحجي وياية وتنبهني ما اغلط وية الزعيم ما اعرف لان اكو اكثر من طرف بالغرفة رادت تبين نفسها هي زينة وكلبها على الوادي وبالخفاء هي وتيام على اتفاق مسبق دخت
المهم طلعت من الوادي وصعدت بالسيارة وكالعادة راسي مغطى وايدي شدوها ليورا وصلنا للمنطقة اللي بيها صايغ الذهب جانت سيارة الزعيم واكفة عرفت هاي المعلومات من المكالمة اللي اجراها، وراها نزل السايق وسد باب السيارة من رجع صعد سدها بقوة جفلني، رجعت مشت بينا السيارة والهدوء سيد الموقف بس صوت نفس السايق عالي كلش
وصلنا انفتح الباب نزلني وسحبني من زندي بقوة صوت الآه امتزج بصوت زقزقة العصافير وحفيف الشجر، بعدها انشمرت بدون رحمة للكاع
خيلاء : آخ انت منو؟
تقرب بخطواته دنك وسحب الكيس من راسي باوعتله الزعيم
اينار : شيطانج اللي ما ناوية تتعوذين منه
خيلاء : شنو رايد مني وشكو جايبني لهنا
جنت احجي بخوف وعيوني تمشط المكان
اينار : منو رايد من منو اني مو حذرتج تتجنبيني بأي شكل من الاشكال!!
خيلاء : اللي ينطلب مني كاعد اسويه ما تعديت على خصوصيتك
اينار : وية منو متفقة؟ منو اللي وراج احجي؟
خيلاء : ماكو هيج شي دزوني بمهمة وياك واجيت غيرها ماكو صدكني
وراها اجاه تليفون كام مني وجاوب يهز راسه بعصبية ساكت ختمها بكلمة تمام وسده، تقرب دفرني بخاصرتي برجله دنك سحبني من شعري بقبضة ايده نزلت دموعي تأذيت
اينار : شنو عندج وية تيام؟ وعلى شنو اتفقتوا وشنو نطيتيه؟
خيلاء : ما اتفقت وياه
صاح بعلو صوته وضربني راشدي
اينار : كذابة احجي
خيلاء : متوهم كلتلك ماكو هيج شي
اينار : باعي لج انتِ ما كاعد تستشارين رجل دين ولا تاخذين معلومة من استاذ جامعي انتِ كاعد تتعاملين وية واحد قاتل تعرفين شنو معناها ادفنج هنا وراها اروح اتغدا واكمل حياتي عادي كلش عادي لهذا احجي
خيلاء : اكتلني وخلصني ياريت تسويها فضل
اينار : ميخالف اخلصج بس قبلها تذكري منو وراج وشنو راح يصير بيهم اولهم سديل تليفون مني وراح اسمعج صوتها وهي تتعذب يلا اكتلج حتى هناك بالقبر تستخدمين صوتها نغمة رنين
خيلاء : تستهزء حضرتك؟
اينار : احجي منو وراج منو دازج غير تيام؟
خيلاء : محد وراية
رفع الموبايل شوفني الاسم محاج رجف كلبي
اينار : محاج انت وجزار عندكم وليمة طيبة اليوم متحضرين ادزلكم الاسم؟
محاج : واخيراً حنيت علينا زعيم كول وتدلل
اينار : اسمها راح يجيك برسالة ومن تكملون شمروها للجلاب السايبة
ضحك ضحكة خشنة وكال
محاج : مبين حيل مضوجتك
سدة والتفتلي
اينار : خلي يفيدج عنادج
خيلاء : ما عاندت اني
صاح بعلو صوته
خيلاء : لا تعانديني اكلج لا تنزلين ونزلتي، لا تحتكين بيهم واحتكيتي، وآخرها تخلين ايدج بيدهم؟
بقى يلح ويهدد بية تعبت وهمست بأسم تيام وتمتمت بكلمات من الخوف ما مفهومة
اينار : شنو شنو عيدي شنو كلتي
خيلاء : تيام راد يساعدني وبس
كلت هيج لو تخبل كام يسب ويلعن ويرجع يدفر بية آخر شي تعبت راد يغمى علية
اينار : بسيطة بسيطة
طلع دم من حلكي مسحته بكتفي وهمست
خيلاء : اي اذى يصيبني اني واختي راح تتحاسب عليه
باوعلي عاكد حاجبه وعضلات وجهه ترجف غضب
اينار : ومنو راح يحاسبني؟؟
خيلاء : تيام يكونلك بالمرصاد
اينار : راح يحميج مني يعني؟
خيلاء : اي
اينار : وشلون وثقتي بيه شنو فرقه عني اخذج للكعبة حلفلج هو شريف ويختلف مو قدمتلج حمايتي ليش رفضتيها؟
الموقف زادني كره له وتصرفاته كلها مقرفة بالنسبة الية لهذا تمنيت الموت بين ايده حتى اخلص لذلك استفزيته
خيلاء : لانه مبين اصيل وابو المثل يكول لا تشدّوا سروجكم على غير الأصيل فمقعد السرج على ظهر الناقص يميل.
سحب اقسام من سلاحه وتقرب مني شدني من شعري وصاح بعلو صوته
اينار : افتحي حلكج بر** ك** س**
هزيت براسي لا
اينار : افتحي كلتلج وخلي اشوف شلون راح ينقذج مني الاصيل