رواية من قلب الظلمة الجزء الثاني سرطان الفصل السادس 6 بقلم محمد منصور
الظلمة بقيت هي الحاجة الوحيدة اللي شايفها سرطان و جوة الظلمة شاف كل ضحايا اللي قتلهم وجم علشان يقتلو لكن سرطان هرب منهم وفتح عيونه وهنا شاف نفسه علي سرير وجنب منه مولود وجنب المولود تنام صوفيا اتصدم ووقع من فوق السرير وصحيت صوفيا وقالت
أليكس انت صحيت
برق سرطان جدا وما بقاش فاهم اية اللي بيحصل له،،،
سرطان الموسم 2
من قلب الظلمة
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
تعالو نرجع بالاحداث لكام سنه وراء لما أليكس كان مراهق عنده 13 سنه وهو الاخ الاكبر ل سرطان وكان بيلعب في سوق السمك مع الولاد اللي في سنه
و بيضربهم اصل هو بيمتلك اقوي ذراعات في المملكة كلها لكن مخه علي قده لكن اة مخه علي قده لكن قلبه كان كبير و بيعرف يحب
و متعلق ب صوفيا بنت ساطول اللي كانت احلي بنت شافتها عيونه واول ما كان يشوفها يجري عليها ويقف قصاد منها ويقول
ازيك يا صوفيا
صوفيا كانت طيبه وبتعطف عليه فرديت عليها بحنيه
ازيك انت يا أليكس
أليكس
أنا كويس طول ما انتي كويسة
وبص لطاوله كبيرة كان عليها سمك وهي شايلها فقال لها
عنك انتي
ومد ايده علشان يشيل عنها الطاوله وصوفيا سابت الطاوله وقالت
تعرف انها كانت تقيله اوي عليه
أليكس كان ماشي جنب منها وهو باصص لها وبيقول
اي حاجة تقيله اشالها انا عنك وبعدين انتي اللي زيك حرام يشتغل شغلانه زي دي
صوفيا كانت ماشية جنبه وبتقول
ما انت عارف ان والدي ساطول قبضو عليه حراس المملكة وانا دلوقتي عايشة انا وامي لوحدنا وما فيش مصدر دخل لينا الا شغلتي في سوق السمك
أليكس
شغاليني معاكي بدل ما انا شغال عند راجل ظالم واهو كمان افضل قريب منك
صوفيا ابتسمت بحنيه وقالت
واجيب منين فلوس ادي هالك مقابل شغلك
أليكس
انا كفايه نظره رضا منك يا صوفيا
صوفيا
تعرف يا أليكس انك طيب اوي وقلبك أبيض زي الاطفال
أليكس
ما تقوليش زيهم انا راجل ومش طفل وقلبي في حب كبير ليكي
صوفيا ابتسمت تاني وبرضو بحنيه قالت
وانا كمان بحبك يا أليكس
لكن هي كانت تقصد انها بتحبه زي اخوها وهو فرح لانه فهم عكس كدة ووصلو بيت صوفيا ودخل البيت وحط طاوله السمك وسلم علي انجلينا وقال
الام انجلينا اتمني انك تكوني بخير
انجلينا
كل يوم كدة صوفيا تتعبك وتجيبك لغاية هنا شايل الطاوله
صوفيا
والله هو اللي بيشالها مني وما بيرضاش ياخد مني اي فلوس
أليكس بص ل صوفيا وقال
انا ما بعملش كدة علشان الفلوس
صوفيا طبطبت عليه وقالت
عارفه يا أليكس
أليكس بص ل ايدها بحب شديد واتمني لو يقدر ياخدها في حضنه لكنه ارتبك وقال
انا همشي
انجلينا
طيب استني احط لك اي طعام
أليكس بص ل صوفيا وقال
انا مش محتاج اي طعام كفايه رضا صوفيا عليه
وابتسم ابتسامة طفل كبير وخرج من البيت وانجلينا قالت
صوفيا أية اللي بينك وبين أليكس
صوفيا
هيكون اية اللي بيني وبينه دة طفل بجسم مراهق وانا بعطف عليه مش اكتر
انجلينا
انتي حاسبها كدة لكن هو مش حاسبها كدة ولازم تخافي من اللي جاي دة انا عرفت انه ضرب الراجل اللي شغال عنده وكان هيقتله
صوفيا
ما تخافيش عليه يا امي انا عارفه اوقفه امتي عند حدوده، ،،،،،،،
في نفس اليوم دة بالليل كان جاك بيجهز ولاده لعمليه نقل الاعضاء وأليكس مغمي عليه لكنه مخه رافض ينام زي جسمه وعمال يصرخ وبيحاول يفوق وهو بيقول
خلوني اروح ل صوفيا دي قالت انها بتحبني انا مش عايز اموت مش عايز اموت انا ملكها ملكها
لكن العمليه تمت ومات أليكس بجسمه اة لكنت فضلت روحه مسجونه جوة جسم سرطان والروح رفضت الاستسلام ل شر سرطان ومن الظلمة رجعت الروح لما بس أليكس عرف انه خطف صوفيا بنت ساطول وقرر يأذيها وحصلت حاله من حالات انفصام الشخصية عند سرطان شويه يبقي أليكس وعايز بنقذ صوفيا منه وشويه يبقي سرطان اللي عايز يقتل صوفيا لانه سفاح مريض ودة اللي وصلنا للمشهد الاخير في الحلقة الاولي لما سرطان فاق ولقي علي سريرة صوفيا وجنب منها مولود، ،،،،،،
وتعالو نكمل من عند صدمه سرطان اللي باصص ل صوفيا والمولود وبيقول
انتي بتقولي اية انا مش أليكس ودة مش ابني
صوفيا
مش ابنك ازاي واحنا متجوزين من سنه كامله
سرطان لسه مبرق وقال
سنه كامله انا دخلت غيبوبه سنه كامله
صوفيا قامت وراحت ناحيته وحطيت ايدها علي كتفه وقالت
أليكس ما،،،،،،
ماكلمتش الجمله لان سرطان زقها بعيد عنه وقال
ابعدي عني واياكي تقولي اسم أليكس دة تاني
صوفيا خافت منه وقالت
هو أية اللي بيحصل
سرطان
انا نفسي مش عارف اية اللي بيحصل ولازم اعرف
وخرج سرطان من الاوضة ولقي البيت اتغير تماما وراح ناحية الاوضة السريه اللي كان بيحضر فيها عطور النساء من جسمهم و مالقاش اي حاجة في الاوضة اتصدم و خرج من البيت وهو زي المجنون ولقي شوارع المملكة اتغيرت ما هي سنه فاتت يعني وقت لكن الصدمة الاكبر انه سمع اثنين من اهل المملكة بيتكلمو مع بعض والاول قال للتاني
تفتكر مين هيبقي الملك بعت موت الملك الفريد و وزيره انتوني في مذبحة القصر
الرجل التاني قال
ما فيش غيره قائد الحراس لويس
هنا اتصدم سرطان وافتكر منظر لويس والكلب بيغرز انيابه في رقبته فراح ناحيه الاثنين دول وقال
هو لويس لسة عايش
الرجل الاول قال
عايش و شكله كدة هيكون الملك
سرطان
الملك انا كدة لازم اهرب من هنا واخد كل الذهب بتاعي
ودخل سرطان البيت تاني وراح ناحية الاوضة اللي كان حاطط فيها الذهب بتاعه ولقي الاوضة فاضية فاتعصب واتجنن و خرج من الاوضة وراح الاوضة اللي فيها صوفيا وبص لها وقال
فين الذهب
صوفيا كانت بترضع ابنها وقت ما رديت عليه وقالت
ذهب اية
سرطان
الذهب بتاعي
صوفيا
انا ما اعرفش مكانه انت اللي شايلو بايدك
سرطان راح ناحيتها وهو زي المجنون وقال
انا مش هستحمل اكتر من كدة
و سحب الرضيع من حضنها ومسكو من رقبته وقال بجنون
فين الذهب
صوفيا صرخت وحاولت توصل ل ابنها اللي بيصرخ وايد سرطان حوالين رقبته وقالت
سيب ابننا يا أليكس انت مالك النهاردة
سرطان بلهجة مرعبه
أنا مش أليكس ودة مش ابني و عايز اجابه واضحة وصريحة فين الذهب والا،،،،،،
سكت علشان،،،،،،،
لقراءة الجزء الاول من سرطان من هنانب