رواية من اجل حفيدتي
الفصل الاول1
بقلم هاجر خالد
ـ إيه فقدت الذاكرة ازاي!!!!!
.ـ انا جدك سليم ، ودي خالتك زينب.
ـ أنا مش فاكره حاجه خالص....مش فاكره.
ـ أهدى ياحبيبتي الدكتور طمنا وقالنا إنها مسألة وقت بس وهتفتكري كل حاجه.
ـ هو إيه إللي حصل؟.
ـ رد الجد عليها بتوتر محاولًا إخفاء الحقيقة قائلًا : حادثه.....ايوا كنتي راكبه العربيه رايحه مشوار فا عملتي حادثه .
ـ انا عاوزه أخرج من هنا .
ـ هتخرجي النهارده بليل إن شاء الله بس ارتاحي دلوقتي عشان متتعبيش.
ـ تمام.
( مر وقت مش طويل وجه معاد خروج هاجر من المستشفى و.....).
ـ هاجر حبيبتي اصحي يلا عشان نروح .
ـ هنروح فين ؟!!.
ـ هنروح خلاص الدكتور كتبلك على خروج .
ـ بس......
ـ انا عارف إنك خايفه ويعتبر مش مصدقه اننا اهلك و.....
ـ لا لا مش قصدي بس انا فعلا خايفه ومش فاكره حاجه ودا موترني جدًا أنا اسفه لحضرتك .
ـ متتاسفيش ياحبيبتي انا فاهمك ، بس دلوقتي هنروح واقعد انا وانت وخالتك ومش هسيبك غير لما تفتكري كل حاجه ها اتفقنا؟.
ـ ابتسمت قائله : اتفقنا .
ـ يلا بينا زمان العربيه تحت....يلا يازينب.
ـ حاضر يا بابا هنيجي وراك اهو.
( نزلنا ركبنا العربيه واتحركت بينا ، كنت تايهه ببص على الشوارع بحاول افتكر أي حاجه بس.......بس انا حتى ماكنتش فاكره اسمي ولا انا مين ، فضلت غارقه في أفكاري لحد ما قطعني صوت جدو بيقول.......) .
ـ يلا يا حبيبتي وصلنا .
ـ تمام يلا .
( نزلت من العربيه فضلت باصه للبيت شويه بحاول اجمع اي حاجه بس لسه برضو دماغي مشوشه.....طلعت فوق ودخلت الشقه وقعدت على أول كرسي قابلني لاني كنت تعبانه و......) .
ـ هو دا بيت مين.
ـ دا بيتي انا وانتِ عايشه معايا فيه ، والدور اللي فوق بتاعك خالتك زينب.
ـ امممم حلو البيت .
ـ عجبك؟؟.
ـ أيوا جدًا.
ـ طب ياستي الحمدلله.
ـ هو أنا ممكن أسأل حضرتك سؤال.
ـ أيوا ياحبيبتي طبعًا اتفضلي .
ـ هو فين بابايا أو مامتي أو اخواتي؟ انا مشوفتش حد خالص غيرك انت وخالتو .
ـ بان على ملامح الجد سليم الحزن لانه مش عاوز يقولها الحقيقه عشان متتعبش اكتر نظرًا لأنها مش فاكره حاجه فا الكلام هيبقا صدمه بالنسبه ليها ، ولكنه قرر يقولها عشان يبقا كل حاجه واضحه قدامها دا هيبقا احسن بالنسبه ليها ، فمسك إيدها وقال لها بهدوء : بصي ياحبيبتي انتِ لما كان عندك 14 سنه كنتي مسافره انتِ و مراد ( والد هاجر ) و عاليا ( والدة هاجر ) تقضوا الاجازه عند خالك في دبي بس وانتم في سكتكم للمطار كان في عطل في عربية ابوكي فا معرفش يفرمل العربيه على طريق سريع فا.....فا العربيه اتقلبت و مراد و عاليا اتوفو وانتِ الحمدلله طلعتي سليمه كان إصابات بس الحمدلله انتِ موجوده معايا دلوقتي .
ـ عيطت وحسيت بخوف اكتر وتوهت اكتر بس اتكلمت وقولت بحزن : يعني...... يعني انا معنديش أهل ولا اخوات ولا أي حد خالص .
ـ اخدها سليم في حضنه وطبطب عليها قائلًا : متقوليش كدا ياحبيبتي انا معاكي اهو وخالتك زينب معاكي كمان إحنا اهلك .
ـ أيوا ياحبيبتي متعيطيش دا احنا ملناش غيرك.....وكمان ياستي حسن كمان جاي كمان يومين ودا بقا اكتر حد بيعرف يخليكي تضحكي .
ـ ماكنتش مركزه معاهم ويعتبر ماكنتش سامعه خالتو وهي بتتكلم بس كنت عاوزه ابقا لوحدي وانام فاقولت : ممكن انام لو سمحتم انا بجد مش قادره .
ـ حاضر ياحبيبتي.....وديها يازينب اوضتها .
ـ حاضر يا بابا.....تعالي ياحبيبتي.
ـ روحت مع خالتو الاوضه وقعدت على السرير سكت شويه بعدها خالتو اتكلمت وقالت : نامي انتِ دلوقتي وارتاحي وبكرا إن شاء الله نقعد نتكلم سوا .
ـ حاضر .
ـ انا برا لو عوزتي اي حاجه نادي عليا.
ـ حاضر......شكرا لحضرتك .
ـ شكرًا على إيه يا عبيطه انتِ يلا تصبحي على خير .