رواية من اجل حفيدتي
الفصل الثاني2
بقلم هاجر خالد
-هاجر صحيت ولا لسه يازينب.
ـ لسه يا بابا نايمه مرضتش اصحيها ، كانت تعبانه اوي امبارح فاسيبتها تصحى براحتها .
ـ انا زعلانه عليها اوي يازينب .
ـ وانا كمان يا بابا.....بس هنعمل ايه دا قدر.
ـ عندك حق.
بقولك صحيح كلمتي حسن .
ـ أيوا كلمته النهارده الصبح وقالي إنه ممكن يجي النهارده بليل أو بكرا.
ـ أوعى تكوني قولتيله حاجه يازينب مش عاوزين نوتره وهو في سفر يا بنتي .
ـ متقلقش مقولتلوش حاجه....انا خايفه لما يجي ويعرف اللي حصل يبهدل الدنيا .
ـ لا متخافيش سيبي الموضوع عليا .....روحي انتِ بس حضري الفطار عقبال ما هاجر تصحى وانا هنزل عند عمك صابر تحت عشان كان عاوزني .
ـ ماشي يا بابا.
( نزل سليم و راحت زينب تحضر الفطار وبعد شويه خلصت و......).
ـ صباح الخير .
ـ صباح النور ياحبيبتي كويس إنك صحيتي انا حضرت الفطار خلاص .
ـ هو فين جدو؟.
ـ نزل الدور اللي تحت يشوف عم صابر.
ـ مين عم صابر؟!.
ـ دا صاحب جدك من يجي 40 سنه كدا .
ـ اممم
ـ بصي انا هنادي على بابا عشان يفطر معانا واجيلك تاني.
ـ تمام .
( جه الجد سليم وبدأو يفطرو وبعد الفطار قعد سليم وزينب وهاجر في البلكونه بيشربو شاي و .....).
ـ عملتلك نسكافيه عشان انتِ مش بتحبي الشاي .
ـ مش فاكره إذا كنت بحبه ولا لأ بس شكرًا .
ـ لا من الناحيه دي متقلقيش احنا هنقعد مع بعض وهنفكرك بكل حاجه .
ـ إذا كان كدا ماشي مواقفه .
ـ هاتيلي يا زينب الصندوق اللي فوق الدولاب في الاوضه بتاعتي .
ـ حاضر .
ـ صندوق إيه دا يا جدو .
ـ اتفضل يا بابا.
ـ دا ياستي صندوق في كل الصور بتاعتك وبتاعة ابوكي وخالتك وكل حاجه موجوده هنا.
ـ عاوزه اشوف صور بابا و ماما.
ـ عيوني بس كدا تعالي .
( بدأ الجد سليم يفتح الصندوق ويفرج هاجر على الصور واول صوره بدأ بيها كانت صوره بتجمع هاجر و باباها ومامتها و.......).
ـ الصوره دي كان عندك عشر سنين وكنتم بايتين عندي انتم وباقي العيله عشان كنا في العيد .
ـ بابا وماما شكلهم حلو اوي ربنا يرحمهم.
ـ يارب ياحبيبتي .
ـ والصوره دي بقا كان أول يوم ليكي في المدرسه وكنتي عماله تعيطي ومسكتيش غير لما حسن دخل معاكي .
ـ مين حسن؟!.
ـ دا حسن إبن خالتك زينب هيجي بكرا إن شاء الله وهعرفك عليه.
ـ ماشي......الصوره دي مين اللي بيعيط فيها دا .
ـ ضحك الجد سليم قائلًا : الصوره دي خالتك زينب اللي صورتها....كان حسن بعيط عشان كنتي علاطول تحبي تضايقيه وتقوليله ياقلبظ .
( ضحكت هاجر على الصوره وعل شكلها فيها وقعدت تتكلم هي وجدها وخالتها زينب......بعدها قامت هاجر وزينب عشان يجهزو الغداء مع بعض وبعد وقت مش كبير خلصو الغداء و.......) .
ـ تسلم ايدكم الاكل شكله يفتح النفس .
ـ بالهنا والشفا ياجدو .
( بدأنا نتغدى في جو لذيذ كنت مطمنه شويه عكس امبارح ومرتاحه......بعد الغداء قعدت انا وجدو وخالتو اتفرجنا على فيلم سوا و بعد مخلص كنا كلنا بنام على نفسنا و........) .
ـ قالت هاجر وهي بتتاوب: لا انا هدخل انام بقا ، تصبحو على خير.
ـ زينب : وانتِ من أهل الخير يا حبيبتي ، احنا كمان هندخل ننام.
ـ سليم : متنسيش العلاج قبل ما تنامي .
ـ حاضر ياجدو.
( دخل جدو اوضته و خالتو كمان دخلت اوضتها وانا اخدت العلاج بتاعي وقعدت شويه على السرير ونمت......نمت وانا مطمنه ).