رواية من اجل حفيدتي
الفصل الرابع4
بقلم هاجر خالد
ها هانروح فين النهارده بقا؟؟.
ـ النهارده ياستي هوديكي اكتر مكان انتِ بتحبي تروحيه.
ـ امممم ماشي يلا اطلع .
ـ ركبنا العربي خلاص وهنطلع بس شوفت مازن فانديت عليه لانه ماكنش واخد باله : مازن.
ـ حسن.....رايح فين يابني انا كنت جايلك أصلا.
ـ هخرج هاجر النهارده عشان اعرفها على الأماكن وكدا عشان انت عارف اللي حصل......بقولك إيه ماتيجي معانا.
ـ لا انا هروح وابقا اجيلك وقت تاني .
ـ بطل عبط يا مازن اركب يلا .
ـ ركب مازن معايا العربيه واول ما ركب هاجر قالتله : ازيك انا هاجر.
ـ ابتسم مازن وقال : ايوا ما أنا عارف بس انتِ اللي مش عارفاني.
ـ قال حسن لمازن بهزار : كويس أنها مش فكراك يا مازن......افتكري حاجه عدله يا بنتي .
ـ مازن : ليه الرخامه طيب متسوقش سمعتي كدا .
ـ حسن : هي اصلا متسوقه خلقه اسكت .
ـ هاجر : هو في ايه طيب عاوزه افهم .
ـ حسن : نوصل بس وانا وهنقعد نرغي بقا .
ـ هاجر : ماشي يلا.
( طلعنا بالعربيه وبعد نص ساعه وصلنا المكان......مكان هادي لذيذ هاجر كانت بتحب تقعد فيه اوي كانت علاطول بتيجي هنا.....ترسم ، تتعلم تعمل فخار وحاجات من دي يعني و.......) .
ـ هاجر: حلو المكان دا عجبني اوي.
ـ حسن : كنتي علاطول بتيجي هنا......تعالي نطلع قعد في الروف.
ـ يلا .
( طلعنا قعدنا فوق في الروف المكان كان لذيذ......وحسن ومازن راحوا يجيبو حاجه نشربها و....)
ـ حسن : اتفضلي ياستي .
ـ هاجر : شكرا .
ـ مازن : انا ماكنتش باجي معاكم هنا ليه.
ـ حسن : انت لازقه ليه كدا يابني .
ـ مازن : مش بكلمك انت بكلم هاجر.
ـ حسن : والله ؟!!! ماشي انت ليك روقه لسه اتقل.
ـ هاجر : اهدو بقا مش عاوزه دوشه .
ـ حسن : دوشه!! دا انتِ تقولي للدوشه قومي وانا اقعد مكانك.
ـ هاجر : انت مين اصلا انا لسه عارفاك امبارح .
ـ مازن: شكلها هتولع فا هقوم اجيب حاجه نلعبها .
( قام مازن جاب لعه نلعبها....وفضلنا قاعدين وقت كبير نلعب ونهزر وكنت مبسوطه اوي و.....) .
ـ حسن: انت خمام يا مازن.
ـ مازن : هو انت عشان خسرت يبقا انا خمام!!.
ـ حسن: ايوا بتخم و.....و انتِ كمان قولي اي حاجه بدل ما انتِ بتضحكي عليا كدا .
ـ هاجر: الصراحه؟.
ـ حسن : ايوا طبعا الصراحه.
ـ هاجر: انت فاشل في اللعب خالص ياحسن متلعبش تاني بقا .
ـ حسن: والله انتو الاتنين عليا دلوقتي.....طب تمام مفيش لعب يلا بقا .
ـ مازن: قماص اوي حسن .
ـ هاجر: ايوا اخدت بالي .
ـ حسن: بس يالا انت وهي ويلا بقا نمشي عشان عندي شغل بكرا وكمان اتأخرنا .
ـ مازن : يلا انا كمان عندي شغل بدري بكرا .
ـ هاجر: وانا مورايش حاجه بس عاوزه انام .
( نزلنا ركبنا العربيه واتحركنا بيها بس كنت حاسه بحاجه غريبه بتحصل وكنت قلقانه وكمان حسن ومازن حسيتهم بحاولي يداروا حاجه و.......) .
ـ مازن بصوت هامس لحسن : شد شويه ياحسن وحاول تتوهه .
ـ حسن بهمس : بحاول.
ـ هاجر: هو في ايه بتتوشو في ايه؟؟!.
ـ مازن : ها...لا ولا حاجه انا بس بقوله يشد شويه عشان العربيه راكنها عند العماره عندكم.....بقولك إيه ياحسن شد لآخر الشارع دا وخد يمين علاطول .
ـ بصله حسن في المرايا وقال: هو دا اللي هيحصل يا معلم.
( زود حسن من سرعة العربيه بعدها دخل في شارع جانبي فاجأه عشان يتوه العربيه اللي ماشيه وراه وهو عارف هي تبع مين.......بعد ما دخل الشارع بص في المرايه ملقاش العربيه ماشيه وراه....اطمن وكمل سواقه لغاية ما وصله عند البيت و.......) .
ـ مازن : انا همشي بقا ياحسن هبقا اكلمك.
ـ حسن: تمام مع السلامه .
ـ مازن: سلام ....مع السلامه يا هاجر.
ـ هاجر: سلام يا مازن.
ـ حسن: يلا بينا نطلع بقا لأن الوقت اتاخر وانا عاوز انام .
ـ هاجر: حسن ......انا حاسه انكم مخبين عليا حاجه.
ـ حسن: حاجه زي إيه يعني؟!.
ـ هاجر: معرفش انا اللي بسألك...... يعني امبارح كنت بتزعق انت وجدو واول ما أنا جيت سكتو وتوهتو الموضوع و النهارده كمان انت ومازن.....هو في إيه ؟!.
ـ حسن: هنخبي عليكي ايه يعني يا هاجر اطمني مفيش اي حاجه بجد متشغليش بالك انتِ اتفقنا .
ـ هاجر بعدم اقتناع : تمام ياحسن .
( طلعنا فوق عند جدو وسلمت عليه ودخلت انام و.....).
ـ الجد سليم: يومكم كان عامل ازاي ياحسن النهارده .
ـ حسن: هارون كان باعت حد يمشي ورانا النهارده ياجدو .
ـ الجد سليم بقلق : إيه يعني إيه.....طب وهاجر حست بحاجة؟.
ـ حسن: حاولت اتوهها انا ومازن عشان ماتخدش بالها لكن.....سالتني لو كنا مخبين عليها حاجه ولا لأ ، قولتلها إن مفيش حاجه .
ـ الجد سليم: هارون شكله مش هيجيبها لبر .
ـ حسن: هنعمل ايه ياجدو.
ـ الجد سليم: سيبني افكر ياحسن انا هوقفه عند حده......لغاية احفادي وكدا هو لعب في عداد عمره.