رواية من اجل حفيدتي
الفصل السابع7
بقلم هاجر خالد
الجد سليم بغضب: إيه اللي بيحصل هنا دا انت وهو.
ـ حسن: هحكيلك ياجدو .
ـ مازن: اهههه عشان تسخنه عليا صح، انا اللي هحكي بقا .
ـ قام عم صابر ومسكهم وطلعهم برا الشقه وقفل الباب وقال: ولا أنت ولا هو.....اقعد يا سليم أنا هحكيلك دي عيال هم.
ـ حسن بيخبط بيقول : افتح ياعم صابر مافيناش من الكلام دا بقا .
ـ صابر : امشي من هنا يالا انت وهو.
ـ مازن: افتح ياعم صابر ومش هننطق تاني .
ـ فتح صابر وبصلهم بضيق وقال : تتدخلوا وتقعدو زي الكرسي اللي قاعدين عليه فاهمين.
ـ حسن و مازن : فاهمين.
ـ الجد سليم: كفايه بقا شغل العيال دا ونتكلم جد شويه......ممكن افهم في ايه بقا .
( بدأ مازن يتكلم وحكي كل حاجه للجد سليم و......)
ـ بص الجد سليم لمازن وقال : انا عارف إنك كنت خايف علينا وعشان كدا متكلمتش ، متعرفش إن هارون ممكن يعمل كدا بس.....دا مايمنعش إنك غلطان .
ـ مازن : عارف إني غلطان والله ، عشان كدا جيت وحكيت لحسن وكنت هاجي واقول لحضرتك كمان.
ـ الجد سليم: ملوش لازمه الكلام دا يا مازن دلوقتي المهم دلوقتي نشوف هنتصرف ازاي ، لأن انا كمان روحت لهارون النهارده و.......
ـ قاطعه حسن وقال : انت روحت لهارون ياجدو!!! ومقولتليش ليه ممكن افهم.
ـ الجد سليم: مقولتلكش عشان المشكله متكبرش ياحسن ، احنا لازم نتصرف بهدوء عشان محدش فينا يتأذي واديك شوفت اللي حصل اول مره .
ـ حسن: تمام ياجدو ممكن أعرف قالك إيه بقا .
ـ الجد سليم حكاله اللي حصل بينه وبين هارون وكل الكلام اللي دار : هو دا اللي حصل ، ودلوقتي هارون عاوز المشروع اللي المفروض هننفذه كمان سنه بالكتير .
ـ حسن: ايوا بس لو احنا ادناله المشروع دا إحنا كدا الدنيا هتخرب معانا يا جدو .
ـ الجد سليم: عارف ياحسن وعشان كدا إحنا هنعمل خطه بسيطه منها نسلم هارون بكل الحاجات الشمال اللي بيعملها وكمان وننفذ مشروعنا من غير ما حد فينا يتأذى.
ـ مازن : طب واحنا هنعمل كدا ازاي ؟؟.
ـ الجد سليم : عاوزكم تركزوا معايا وانا هقولكم هنعمل إيه بالظبط.
............................................................................
الخطه
ـ الجد سليم: مازن .
ـ مازن: أوامرك ياكبير .
ـ الجد سليم: انت هتكلم هارون وهتقوله إنك اتخانقت مع حسن خناقه كبيره بسبب المشروع وبما إنك شريك معانا فيه فا انت هتقوله إنك هتفض الشراكه معانا وانك مستعد تسلمه الفكره وطبعا هو كدا هيبدا يصدق إنك عاوز تعمل كدا فعلا .
ـ بص حسن لمازن من بقرف فقال مازن : انا مالي ياعم جدك اللي بيتكلم .
ـ الجد سليم: اخرس ياحسن.
ـ حسن: حاضر .
ـ كمل الجد سليم كلامه لمازن وقال: وانت بقا عليك إنك تلزق لهارون في الشركه وتحاول تعرف معلومات عن الشغل اللي بيعمل من تحت لتحت ، يعني مثلا توقع السكرتيره في الكلام ، تخلي هارون يبصم بالعشره إنك عاوز تنتقم مننا .
ـ مازن: تسلم دماغك ياجدو.
ـ ضحك الجد سليم وقال : وطبعا هديك جهاز تصنت صغير كدا تحاول تحطه في مكتب هارون من غير مايحس يامازن ، لأن دا اكتر حاجه هتساعدنا إننا نعرف نمسك عليه حاجه .
ـ حسن : طب ايه انا مليش أي دور في الخطه دي .
ـ الجد سليم: لا طبعا ليك ، انت هتجيب موبايل يبقا معاك احتايطي انت ومازن هتتواصله عليه عشان لما أي جديد يحصل أو في حاجه هارون هيعملها ، مازن يبلغك علاطول .
ـ مازن: طب وليه موبايلات تانيه؟!.
ـ الجد سليم: عشان إحنا منضمنش هارون لانه مش هيبقا واثق فيك ميه في الميه فاممكن عادي جدًا يراقب موبايلك عشان يطمن إنك مش بتلعب عليه .
ـ مازن: تمام فهمت .
ـ الجد سليم : ها اتفقنا كدا؟.
ـ حسن و مازن: اتفقنا يامعلم .
ـ الجد سليم: ننفذ بكرا؟.
ـ بص حسن و مازن للجد سليم وقالوا بابتسامه : ننفذ.
ـ الجد سليم: على خيرة الله .
ـ عم صابر: بقولكم إيه انا هقوم اعمل عشا حد هياكل معايا.
ـ مازن: تسلم ياعم صابر انا هروح أنا بقا.
ـ الجد سليم وحسن : واحنا هنطلع بقا .
ـ عم صابر : ماشي تصبحو على خير .
ـ الجميع: وانت من اهل الخير .
( مشي مازن ، طلع الجد سليم وحسن فوق البيت لقوا هاجر نايمه وزينب في شقتها ، دخل الجد سليم شقته عشان ينام بعد اليوم الطويل دا ، وحسن برضو راح شقته عشان ينام و.......وتفتكرو إيه اللي ممكن يحصل في الأيام إللي جايه).