رواية من اجل حفيدتي
الفصل الثامن8
بقلم هاجر خالد
إيه اتكشفت؟!!!!!
...............................................................................
ـ هاجر: صباح الخير يا جدو .
ـ الجد سليم : صباح النور ياحبيبتي .
ـ هاجر: استنيتك امبارح تسهر معايا انا وخالتو بس اتأخرت فانمت.
ـ الجد سليم: قعدت مع عمك صابر انا وحسن ومازن والوقت سرقنا .
ـ كانت هاجر هتتكلم بس قاطعها خبط على الباب : طب هقوم اشوف فين .
فتحت الباب وكان حسن : اهلًا قلبظ تعالى ادخل .
ـ حسن : اهلًا ياختي........صباح الخير ياجدو.
ـ الجد سليم: صباح النور ياحسن تعالى .
ـ هاجر : هي فين خالتو .
ـ حسن: ماما جايه ورايا اهي .
ـ هاجر : طب أنا هدخل أجهز الفطار عقبال ما خالتو تيجي .
ـ الجد سليم: ماشي احنا هندخل البلكونه عقبال ما تخلصو.
ـ هاجر: okay.
دخل الجد سليم وحسن البلكونه فقال حسن : انا هنزل النهارده اجيب الموبايلات واعدي على مازن اديه واحد عشان المفروض يروح لهارون النهارده الساعه 4 هو هيبقى موجود في الشركه عشان عنده اجتماع.
ـ الجد سليم: تمام ، بس أكد على مازن ياخد احتياطاته وتبقى ردوده جاهزه ، مش عاوزين هارون يشك فيه خالص يا حسن .
ـ حسن: أوامرك يا معلم ، هتعدي إن شاء الله.
ـ الجد سليم: إن شاء الله ياحسن .
After 15 minute
ـ الفطار ياجدو.
ـ الجد سليم: جايين اهو .
ـ دخل الجد سليم وحسن قعدو على السفره ، كانت هاجر وزينب خلاص حطوا الفطار وبدأو يفطرو في صمت ، بس قطع الصمت هاجر وهي بتقول : انا زهقانه ياجدو وعاوزه انزل .
ـ حسن: تنزلي تروحي فين ؟.
ـ هاجر: ملكش دعوه انا بكلم جدو....ها ياجدو .
ـ الجد سليم: تمام شوفي عاوزه تروحي فين .
ـ هاجر: بجد!
ـ الجد سليم: بس حسن هيجي معاكي.
ـ بصلها حسن وضحك باستفزاز ،فقالت هاجر : لأ ياجدو انا عاوزه انزل لوحدي ، مش عاوزه حد يجي معايا.
ـ حسن: ودا ليه إن شاء الله بقا؟!.
ـ هاجر: قولت ملكش دعوه.
ـ حسن : تمام براحتك، بس برضو مش هتنزلي لوحدك .
أنا نازل ورايا مشوار.
ـ الجد سليم: ابقي طمني ياحسن .
ـ حسن : حاضر سلام .
ـ هاجر بضيق : عاجبك كدا ياجدو .
ـ الجد سليم : ياحبيبتي انتِ مينفعش تنزلي لوحدك ، مش هبقا مطمن عليكي ، الاحسن يبقا في حد معاكي .
ـ قالت هاجر بتزمر وهي داخله اوضتها: تمام ياجدو تمام.
ـ الجد سليم: العيال دي وجع دماغ والله .
ـ زينب : عندق حق يا بابا والله...... انا هقوم اعمل قهوه اعملك معايا؟.
ـ الجد سليم: ياريت يازينب ، الواحد دماغه هتنفجر من الصداع
....................................................................
ـ حسن : انت فين ؟؟.
ـ مازن: انا هنزل اهو ، جبت الموبايل.
ـ حسن: اه انت تحت اهو مستنيك.
ـ مازن : تمام انا نازل.....سلام.
ـ نزل مازن وأخد الموبايل من حسن وقال : عرفت إن هارون عنده اجتماع مع شركه مقاولات تحت السلم .
ـ حسن: شامم ريحة حاجه شمال في الحوار .
ـ مازن : بالظبط كدا ، انا هروح بقاا دلوقتي واحاول اعرف أي حاجه من السكرتيره ولما اخلص هعدي عليكم .
ـ حسن: تمام يامعلم خلي بالك من نفسك .
ـ مازن : ماشي سلام .
ـ حسن: سلام .
( ركب مازن عربيته ومشي ، وحسن كمان مشي راح على البيت بتاعه ، طلع شقته الاول قعد مع زينب و.......).
ـ حسن : انا رايح عند جدو يا ماما هاخد هاجر وننزل .
ـ زينب: ماشي ياحبيبي خلي بالكم من نفسكم.
ـ حسن: حاضر سلام .
ـ زينب : سلام في رعاية الله.
ـ راح حسن خبط على شقه الجد سليم وفتحتله هاجر فقال: فين جدو.
ـ هاجر: في البلكونه بيقرأ الجورنال.
ـ حسن: طب أنا هدخله عقبال ماتلبسي .
ـ هاجر: البس ليه ؟!
ـ حسن: مش انتِ عاوزه تخرجي....هخرجك.
ـ هاجر: لا شكرًا مش عاوزه .
ـ حسن: نص ساعه والاقيكي جهزتي يلا .
ـ هاجر: طب........
ـ حسن: هش يلا .
ـ الجد سليم: بتتناقرو على إيه المرادي .
ـ حسن: ولا حاجه ياجدو دي عيله بومه.
ـ هاجر: والله مافي حد بومه غيرك.
ـ حسن: امشي يابت من هنا يلا.
ـ راحت هاجر تلبس وقعد حسن مع الجد سليم فقال الجد : عملت إيه مع مازن .
ـ حسن: اديتله الموبايل وقالي إنه لما يخلص مع هارون هيجيلنا على هنا .
ـ الجد سليم: تمام ربنا يعديها على خير.
ـ حسن: إن شاء الله ياجدو متقلقش انت بس .
( حرك الجد سليم رأسه مع ابتسامة تدل على الاطمئنان ، كمل الجد سليم وحسن قعدتهم في البلكونه يتكلمو لغاية ما هاجر تجهز وبعد ساعه تقريبا......).
ـ هاجر: انا جهزت.
ـ حسن: إيه السرعه دي اللهُ اكبر عليكي .
ـ هاجر: بتتريق صح!!
ـ حسن: اتريق ايه بس لسمح الله.
ـ هاجر: طب يلا بقا ننزل
ـ حسن: يلا .
ـ هاجر وحسن : سلام ياجدو .
ـ الجد سليم: سلام ياحبايبي في رعاية الله.
ـ نزل هاجر وسليم وطلعوا بالعربيه: عاوزه تروحي فين .
ـ هاجر: مش عارفه بس ممكن نروح نقعد على البحر و ناكل دره .
ـ حسن: عيونا للست هاجر .
ـ هاجر: شكرا ياحسن ربنا يسترك يارب .
ـ حسن: كرمشيلي خمسه جنيه في أيدي احسن يا هاجر.
ـ هاجر: تصدق خساره فيك الدعوه.
ـ حسن: بهزر ياستي......ربنا يسترنا كلنا .
( وصلوا على البحر وقعدو ، جاب حسن دره وفضلو يتكلمو وقت طويل بعدها قامو يتمشوا و.........).
................................................................
عند مازن "
ـ هارون باستغراب: ايه دا مازن!! إيه الزياره المفاجأة دي خير إيه إللي جابك؟!.
ـ مازن بجديه : جاي احط ايدي في ايدك ، اظن أهدافنا بقت واحده.
ـ هارون بعدم فهم : مش فاهم يعني إيه؟؟.
ـ مازن : يعني انت عاوزه تنتقم من حسن وسليم ، وانا كمان يعني متفقين.
ـ هارون: وانت إيه اللي غير كلامك ،مش دا صاحب عمرك ومستحيل تبيعه.
ـ مازن: كان صاحب عمري ، دلوقتي خلاص مفيش حاجه تخلينا أصحاب وكمان هفض الشراكه معاه .
ـ هارون : إيه اللي حصل وصلكم لكدا.
ـ مازن ببرود: أظن دي حاجه متخصكش ، هتبقا معايا ولا لأ.
ـ هارون بتفكير : وأنا إيه اللي يضمنلي إنك مش جاي تلعب عليا.
ـ مازن بجديه : معنديش ضمانات ادقدمهالك ياهارون عاوز نبقا ايد واحده تمام ، مش عاوزه دي حاجه ترجعلك.
ـ اقتنع هارون بكلام مازن شويه فقال : تمام يا مازن موافق بس لو طلعت لعبه منك صدقني هتندم .
ـ قام مازن وقف ببرود وقال : صدقني معنديش وقت اضيعه ياهارون واظن إن ليك كذا طريقه تتأكد بيها ولا إيه ؟.
ـ هارون: تمام يا مازن اتفقنا.
ـ مازن تمام.
..............................................................
عند حسن و هاجر "
ـ هاجر : يلا نروح بقا انا تجلت.
ـ حسن: وانا كمان نشفت خلاص ، يلا بينا .
ـ هاجر : يلا .
( ركب حسن و هاجر العربيه عشان يروحوا وبعد نص ساعه كدا وصلو البيت و.....).
ـ هاجر: اكيد جدو نام.
ـ حسن: اكيد ، جدو وماما بينامو بدري اصلا .
ـ هاجر: ايوا اخدت بالي......شكرًا ياحسن على الخروجه اللذيذه دي اتمني تكرر تاني .
ـ حسن: العفو ياستي.....اي وقت عاوزه تنزلي قوليلي.
ـ هاجر: okay.
حسن: يلا تصبحي على خير.
ـ هاجر: وانت من اهل الخير.
ـ دخلت هاجر وقفلت الباب وحسن دخلت شقته برضو ، بش مانمش كام مستني مازن يرن عليه وبعد دقايق فعلا موبايله رن وكان مازن ، فرد عليه وقال : ايه يامازن كل دا التأخير دا ، وكمان انت مش قولت هتيجي ماجتش ليه.
ـ مازن: اديني فرصه اتكلم طيب.
ـ حسن: طمني بس يامازن .
ـ قال مازن بتوتر مزيف عشان يخوف حسن : مش عارف اقولك ايه ياحسن بس......
ـ قاطعه حسن بقلق قائلًا : إيه اتكشفت؟!!!!!
(تفتكرو ممكن ايه يحصل في الأيام الجايه وهل فعلا هارون هيقع في شر أعماله و عيلة سليم هتعرف توقعه وتعيش بسلام ولا لأ، دا اللي هنعرفه بعدين).