رواية من اجل حفيدتي
الفصل الرابع عشر14
بقلم هاجر خالد
إيه إللي انا سمعته دا؟؟!.
...……………………………………………………………….....................
" الساعه 8 مساءً في منزل الجد سليم "
( متجمع في بيت الجد سليم عمر ، نديم ، شريف ودول قاعدين في ركن لوحدهم بيتكلموا في شغل ، وقاعد الجد سليم ، زينب ، عبدالله في ركن بيتكلموا في احاول الدنيا والاولاد ومشاكلهم وحياتهم ، وقاعد هاجر ، مروان في ركن بيهزروا ويضحكوا سوا ، حسن كان لسه مجاش من برا و.....).
ـ هاجر لمروان : هو انتم كلكم في هندسه ولا ايه ؟!
ـ مروان : لا انا و عمر هندسه ، و شريف ونديم إدارة أعمال.
ـ هاجر : حلو دا .
ـ مروان : هو احنا مش هنخرج ولا ايه ؟؟.
ـ هاجر : مش عارفه والله شوف العيال دي ويلا بينا .
ـ مروان بصوت عالي لاخواته: إيه يا رجاله مش هنخرج ولا ايه.
ـ عمر : هنخلص بس حاجه وننزل كلنا.
ـ هاجر: خلصوا طيب عقبال ما أرن على حسن اشوفوا لو هيجي معانا.
ـ نديم : تمام بعدها اجهزي عشان انتِ يومك بسنه.
ـ هاجر: مقبوله منك يانديم.
ـ ضحك نديم بعدها وجهه نظره لمروان اللي قاعده قصادهم على الموبايل وقال : وانت يا باشا تعالى ساعدنا في اي حاجه شوفلك شغلانه .
ـ مروان : احنا في اجازه لو مش واخدين بالكم ، يعني فكوا كدا الشغل مش هيطير .
ـ شريف : تعالى يا حيوان .
ـ قام مروان بسرعه من مكانه وراح عشان يقعد جمبهم وهو بيقول : حاضر بهزر ياشريف متبقاش قفوش كدا ياراجل.
ـ بصله شريف بعدها اداله ملف وقال : خد راجع دا يلا.
ـ اخد مروان الملف وقال بصوت واطي بس مسموع : حسبي الله ونعم الوكيل ، يارب فك أسري .
ـ نديم : راجع وانت ساكت يالا.
ـ مروان بتأفأف : براجع اهو براجع.
" عند هاجر في البلكونه بتكلم حسن"
ـ هاجر : ألو ياحسن فينك.
ـ حسن : في الشركه في حاجه ولا ايه؟؟!.
ـ هاجر لأ بس احنا المفروض نخرج النهارده ، وعمر قال هيخلصوا كام حاجه وننزل ، فابشوفك لو هتيجي معانا.
ـ حسن: ايوا جاي متنزليش غير لما اجي.
ـ هاجر: ماشي يا حسن بس أنجز .
ـ حسن: هنجز حاضر......يلا مع السلامه.
ـ هاجر: سلام.
ـ دخلت هاجر من البلكونه وقالت : حسن هيجيي معانا قالي نستناه.
ـ مروان : انا قايم البس .
ـ شريف مسكه بسرعه قبل مايقوم: تعالى هنا مش هتقوم غير لما تراجع الملف كله .
ـ مروان : ياجدعان ارحموني بقا.
بعدين بص لهاجر وقال : ماتقولي حاجه يا هاجر .
ـ قالت هاجر وهي بتبص لشريف وعمر ونديم : اقول إيه يابني انا بخاف منهم انت مش شايف عاملين ازاي.
ـ ضحك الثلاثه عليها بعدين قال مروان : لا متخافيش هما بيحبوكي و هيسمعو الكلام .
ـ هاجر بصت لشريف بعدين قالت: ممكن تسيبه ياشريف ولما يرجع يكمل شغل .
ـ شريف وهو ماسك مروان من هدومه : لأ مش هيمشي غير لما يخلص.
ـ هاجر بتمثيل البراءه: please ياشريف .
ـ بصلها شريف بتفكير بعدها قال وهو بيسيب مروان : خلاص هسيبه عشان خاطرك أنتِ ، بس لو الملف دا مخلصش ، هحاسب مين فيكم بقا ؟.
ـ بصت هاجر لمروان بعدها قالت بسرعه : هو طبعاً أنا مالي .
ـ مروان : والله!!!.
ـ هاجر: انتم اخوات اتفهموا مع بعض انا رايحه البس .
ـ راحت هاجر تلبس ومروان بص لشريف لقاه ببصله بشر فقال مروان وهو بيطلع من الاوضه بسرعه : انا هروح اشوف هاجر مش بتنادي ليه .
( طلع مروان فوق شقتهم يلبس ، وهاجر كانت بتلبس برضو ، وبعد وقت جهزت هاجر ، نزل مروان ، شريف وعمر ونديم كانو خلصوا بس حسن لسه مجاش.......).
ـ هاجر: انا جهزت
ـ الجميع : واحنا خلصنا يلا بينا .
ـ هاجر: حسن لسه مجاش برضو ، تناحه مش معقول .
ـ حسن وهو واقف وراها : مش معقول فعلًا .
ـ لفت هاجر لقيته في وشها فقالت بهروب : حسن جه اهو يلا بينا .
ـ حسن : انتِ عاوزه تتعلقي.
ـ مروان : انتم ليه جايين علينا أنا والبت غلبانه دي.
ـ بص حسن لمروان وقاله بهمس : ما بلاش انت بدل ما اخليهم ينكدوا عليك وانت عارفهم .
ـ مروان : انا بقول يلا ننزل عشان منضيعش وقت .
ـ هاجر : ياريت بقا خلصوني.
نزلو من البيت و عمر وسليم وشريف ركبوا عربيتهم ، مروان وهاجر ركبوا مع حسن فقال حسن : مركبتش مع اخواتك ليه .
ـ مروان : ركز انت بس في الطريق انا جاي اقعد مع هاجر.
ـ حسن : ماشي ماشي اتقل عليا أنت هاجر .
( طلع حسن بعربيته وكمان عمر ، وبعد نص ساعه كانو وصلوا المكان اللي هاجر راحته مع مازن وحسن قبل كدا ، قعدو في الروف ، لعبوا كتير واتعشوا مع بعض ،والوقت سرقهم ، لغاية مابص حسن في الساعه و.....).
ـ حسن: يلا نروح اتأخرنا اوي الساعه بقت 1 .
ـ نديم : الوقت سرقنا ، انا بقالي كتير مسهرتش .
ـ مروان : هو احنا كدا سهرنا!!.
ـ هاجر: قولهم يامروان .
ـ حسن: ما انتِ ومروان مرواكوش حاجه ، لكن احنا ناس وراها شغل ،قوموا يلا .
ـ شريف : ايوا يا استاذ مروان نسيت الملف ولا ايه ؟.
ـ قال مروان بيأس : الظاهر كدا إني لبست خلاص.
ـ هاجر: شكلك كدا ، ربنا معاك.
ـ عمر : خلاص يلا بينا.
..................……………………….……………………….………...........
" عند مازن "
ـ بيرن مازن على حسن كتير مش بيرد ، حاول يرن عليه اخر مره واخيرا رد فقال مازن بعصبيه : انت مستفز يالا مش بترد ليه كل دا.
ـ حسن: أهدى بس والله مسمعتش الموبايل التاني دا كنت ناسي أنه في العربيه.
ـ مازن: انت فين؟.
ـ حسن: مروح ، كنت خارج انا وهاجر وولاد خالي.......انت إيه الاخبار عندك.
ـ مازن: انت مسمعتش التسجيل اللي بعتهولك الصبح .
ـ حسن: لا تسجيل ايه دا.
ـ مازن : طب شوف ياحسن الموبايل وهتلاقيني باعته اسمعه وكلمني.
ـ حسن: تمام انت خلاص وصلت البيت هطلع واسمعه .
ـ مازن: تمام .
( وصلو البيت وكل واحد طلع شقته ، وكان الجد سليم ، زينب نايمين ، هاجر كمان نامت ، واولاد عبدالله كمان ، بس حسن دخل اوضته وسمع التسجيل اللي مازن كان باعته ، بعد ماسمعه رن على مازن و.......).
ـ حسن: إيه اللي انا سمعته دا؟!!.
ـ مازن: إيه رأيك بقاا .
ـ حسن: جدع يامازن انك عرفت تعمل كدا ، أوعى يكون حس بحاجه.
ـ مازن: عيب عليك ، انا مطلعتش الموبايل دا قدامه نهائي ميعرفش إني معايا موبايل تاني اصلا.
ـ حسن : انت ورحت النهارده زي ما اتفقت معاه.
ـ مازن: ايوا ، لو ماكنتش روحت كان هيشك فيا.
ـ حسن: طب عملت إيه.
ـ مازن: هحكيلك.
" Flash back "
ـ كنت في البيت مستني العربيه اللي المفروض اروح بيها تيجي ، فضلت قاعد شويه مستني بعدها رن هارون عليا وقال : العربيه وصلت تحت بيتك يامازن .
ـ مازن : تمام انا هنزل دلوقتي .
ـ نزلت من البيت وركبت العربيه اللي هارون بعتها ، بس اول ماركبت السواق اخد الموبايل مني وقال إن دي أوامر هارون ، اديتله الموبايل ،طلع بالعربيه ، قعدنا وقت كبير شويه يجي ساعه ، ولما وصلت كان مكان مقطوع وساكت ، بس فيه بيت صغير كدا ، هو دا اللي هارون بيجتمع فيه مع الناس اللي بيشتغل معاهم شغل مش مظبوط ، دخلت المكان وطبعًا قبل ما ادخل اتفتش ، وبعد مافتشوني واتأكدو إني في السليم دخلت ، كان قاعد هارون والمقاول اللي قال عليه دا على طربيزه ، روحت قعدت معاهم وبدأ هارون يتكلم..........
ـ هارون: دا مازن يا صبحي شريكي في الشغل .
ـ بص صبحي المقاول لمازن وقال : اهلًا يا باشا اتشرفنا بيك.
ـ مازن : اهلًا بيك.
ـ هارون : قول اللي عندك يا صبحي .
ـ صبحي : الناس اللي طالبين مني ابنيلهم العماره ، اتفقوا معايا على جديد.
ـ هارون : جديد إيه.
ـ صبحي : الحج الكبير قالي إنه لو الشغل عجبهم هيشتغلوا معايا علاطول وابقا الراجل بتاعهم ، وكدا هيجيلي شغل اكتر يعني هستنفع وانفعك ياهارون باشا .
ـ هارون : وايه المطلوب دلوقتي؟؟.
ـ صبحي : الحاجه اللي هاخدها منك هتبقى مغشوشه اه بس مش عاوز مخلوق يحس بكدا في الشغل ، عاوزه اخد البضاعه وكأنها أصلي يا باشا طبعًا انت فاهمني.
ـ هارون : فاهمك بس كدا هتكلفك اكتر .
ـ صبحي : عامل حسابي انا كلمت الحج الكبير وعليت معاه السعر .
ـ هارون : يبقا اتفقنا ، دلوقتي انت هتتعامل مع مازن في موضوع العقود والحسابات .
ـ مازن: تمام انا هظبطت العقود وكمان ورق جودة الماتريال ، والحسابات.
ـ هارون : بالظبط كدا .
ـ صبحي : اتفقنا يا باشاوات ، اول ما العقود والورق يخلص هتلاقو الفلوس اتحولت .
ـ هارون : تمام ، امشي انت دلوقتي.
ـ صبحي : سلام يا باشا.
ـ مشي صبحي وقعد مازن ومع هارون فقال هارون وهو مركز على تعابير مازن : ها يامازن هتعرف تعمل المطلوب منك .
ـ مازن ببرود خافي اي تعبير ممكن يتمسك عليه : الظاهر إنك متعرفنيش كويس ياهارون .
ـ هارون : لا بس متوقعتش إن يكون ليك في السكه دي .
ـ ابتسم مازن ابتسامه بارده وقال : مش بقولك متعرفنيش كويس......على العموم اللي انت طلبته هيتنفذ بس هيحتاج وقت شويه .
ـ هارون : مش مهم الوقت ، المهم الشغل يبقا مظبوطه محدش يقدر يكشفنا .
ـ مازن : متقلقش دا اللي حيصل.
ـ هارون : تمام تقدر تمشي دلوقتي، نفس العربيه هترجعك البيت .
ـ مازن : ماكنش ليه لازمه الشغل اللي عامله دا يا هارون ، يعني عربيه جايباني وواخدين الموبايل وبتاع .
ـ هارون : لازم أأمن نفسي انا برضو لسه مضمنكش ، بس بعد كدا تقدر تيجي بعربيتك عادي ، انت خلاص بقيت شريكي ولا ايه.
ـ مازن : اكيد ياهارون......انا همشي بقا ، هبقا اتواصل معاك عشان اعرف معلومات عن الكميه وأجهزة الورق .
ـ هارون: تمام .
" Back "
ـ حسن: كدا نقدر نقول إن هارون بدأ يثق فيك .
ـ مازن : بالظبط .
ـ حسن: بس انت كدا ممكن تتورط معاه في الحاجات اللي المفروض تزروها دي .
ـ مازن: متقلقش انا عارف هعمل إيه ، اكيد مش هخليه يمسك حاجه عليا .
ـ حسن: مش عارف انا قلقان .
ـ مازن: متقلقش يابني الدنيا هتمشي إن شاء الله.
ـ حسن: يارب يا مازن.
ـ مازن: انا هروح انام بقا لاني عندي شغل بكرا ، هبقا اكلمك ياحسن ركز شويه مع الموبايل.
ـ ضحك حسن وقال : حاضر والله كنت ناسيه بس خلاص هركز .
ـ ضحك مازن أيضاً وقال : ماشي يامعلم ، يلا تصبح خير .
ـ مازن: وانت من اهل الخير .
ـ قفل حسن مع مازن وغير هدومه بس ماكنش جايله نوم ، طلع البلكونه لقى هاجر واقفه في بلكونتها وكمان عمر واقف في بلكونته وبيتكلمو فقال حسن بضيق : إيه اللي مصيحكوا انتو الاتنين.
ـ هاجر: انا مش جايلي نوم .
ـ عمر : وانا كمان، انت ايه اللي مصحيك .
ـ حسن: كنت هقف شويه وادخل انام .
بعدين بص لهاجر وقال اي حاجه عشان يخليها تدخل ومتقفش مع عمر : وانتِ المفروض تدخلي تنامي عشان.....عشان اخدك معايا الشركه بكرا.
ـ هاجر: بجد ياحسن هتخليني اروح معاك .
ـ حسن: ايوا بس ادخلي نامي عشان هصحيكي بدري .
ـ هاجر : okay.
كانت هتدخل بس وقفت وقالت لعمر : تعالى معانا انت وباقي اخواتك تشوفوا شركة حسن .
ـ عمر بتفكير : ماشي أنا اصلا كنت هروح في مره ، مشوفتهاش من اول ما بدأت .
ـ هاجر : خلاص يبقا هنروح معاك بكرا ياحسن.
ـ قال حسن بصوت هامس محدش سمعه : يعني انا واخدك عشان متقعديش معاه تروحي جيباهم كلهم ، اتقلي عليا
ـ هاجر: بتقول ايه؟!
ـ حسن : مش بقول.....انا داخل انام .
ـ هاجر: وانا كمان يلا تصبحوا على خير.
ـ عمر و حسن : وانتي من اهل الخير .
( دخل الثلاثه عشان يناموا ويستعدوا ليوم جديد بكرا هيبقا في احداث كتير ، تفتكروا ممكن يحصل إيه........).