رواية من اجل حفيدتي
الفصل الثالث3
بقلم هاجر خالد
الحقني يا جدو.....
.........................................................................
.........................................................................
ـ هاجر أنا هنزل اجيب حاجات من السوبر ماركت وجايه تحبي تيجي معايا ؟.
ـ لا مش قادره انزل روحي انتِ.
ـ طيب يا حبيبتي انا مش هتاخر وكمان بابا بيخلص كام مشوار كدا وجاي .
ـ تمام.
( نزلت خالتو وانا دخلت اعمل نسكافيه وقعدت في البلكونه......كنت زهقانه بس قعدت شويه بعدها.......)
ـ الباب خبطت روحت افتح قولت اكيد جدو بس مطلعش جدو : ايوا مين حضرتك.
ـ حضرتك!! هو أنا جيت شقه غلط ولا إيه....هي مش دي شقه جدو سليم ولا إيه.
ـ أيوا انت مين ؟!
ـ مين ايه يا هاجر مش هتبطلي هزارك الرخم دا وسعي كدا دخليني .
ـ اثبت عندك ادخلك فين انت عبيط ولا ايه.
ـ عبيط!! مالك يابنتي في إيه ؟!.
ـ انت مين اصلا......الحقني ياجدو.
ـ كان جدو طالع على السلم فانديت عليه عشان يشوف مين دا بجد فقال : إيه دا حسن أنت جيت امتى؟.
ـ قال حسن بضيق : لسه جاي يا جدو والهانم موقفاني عماله تهزر مش راضيه تدخلني .
ـ هو أنا اعرفك عشان اهزر معاك.
ـ شايف يا جدو .
ـ خلاص اسكتو وانتِ يا هاجر ادخلي اوضتك........ وانت تعالى اقعد ارتاح وهحكليك .
(بصلي من فوق لتحت ودخل بني ادم غريب..........دخلت اوضتي وجدو قعدت معاه و........) .
ـ هو في ايه يا جدو هو انتم مخبيين عليا حاجه؟!.
ـ قال الجد سليم بتوتر : بصراحه كدا يا حسن اه.
ـ قول يا جدو طيب في إيه.
ـ هاجر .
ـ مالها.
ـ عملت حادثه من يومين و........
ـ قاطع حسن جده وقال بخضه: إيه!!! يعني ايه يا جدو ازاي محدش يقولي ، ازاي تخبوا عليا اصلًا حاجه زي دي و........
ـ بس بقا أهدى واسمع ووطتي صوتك دا.....انا فهمك.
ـ طيب هديت اهو ممكن تفهمني بقا .
Flash back يوم الحادثه
ـ أنا نازله ياجدو .
ـ ماشي يا حبيبتي خلي بالك من نفسك.
ـ حاضر......مع السلامه .
ـ مع السلامه في رعاية الله.
( نزلت هاجر و ركبت العربيه وكانت كل حاجه تمام.........وهي ماشيه في طريقها بتهدي السرعه وبتدوس فرامل عشان هي في طريق سريع بس.........بس الفرامل سايبه.......).
ـ اتوترت هاجر وبدأت تعيط واعصابها ارتعشت : يالهوي مفيش فرامل ازاي.......ازاي اعمل ايه يارب يارب ........
وقبل ما تكمل جملتها وهي في محاولتها أنها متخبتش في عربيه.....بس للأسف العربيه اتقلبت بيها.....الناس اتلمت عليها كانت مش بتنطق وكل اللي حواليها د*م ، أخذوها على المستشفى وكلمو الجد سليم.......بعدها راح والدكتور قاله على حالتها وإنها فقدة الذاكره ومش هتفتكر أي حاجه دلوقتي و......
Back
ـ هو دا إللي حصل وهي دلوقتي مش فاكره اي حاجه خالص ولا حتى كانت فكراني انا وزينب والعافيه خليناها تقتنع وكانت خايفه مننا .
ـ قال حسن بحزن : يعني هي مش عارفني بجد.
ـ أيوا يا حسن......واحنا بنحاول نفكرها بأي حاجه وإن شاء الله تبقى كويسه.
ـ جدو انت عارف إن الموضوع مدبر صح ؟.
ـ ملكش دعوه يا حسن المهم إنها معانا دلوقتي كويسه وانا عارف هتصرف ازاي .
ـ اتعصب حسن وقال بصوت عالي : لأ ليا يا جدو لما الموضوع يبقا يخصها واعرف إنهم عاوزين يقتلوها يبقا ليا.....وانا بقا مش هيكست حتى لو فيها موتي .
ـ كان الجد سليم هيتكلم لكن قطعه طلوع هاجر من الاوضه فا بص لحسن عشان يسكت وميحسسش هاجر بحاجه عشان مياثرش عليها : هو في إيه يا جدو بيزعق ليه دا.
ـ مفيش حاجه ياحبيبتي تعالي اعرفك على حسن .
ـ روحت قعدت مع جدو وبصيتله بس مش فاكراه خالص فا اتكلم الحد سليم وقال : دا حسن إبن خالتك زينب واقرب حد ليكي ، دا اللي وريتك صورته امبارح.
ـ هو دا قلبظ.
ـ قال حسن وهو بيبصلها بضيق : قلبظ!!! يعني انتِ ناسيه كل حاجه وجايه تفتكري قلبظ.
ـ لا أنا ماكنتش فاكره جدو هو اللي قالي .
ـ بص حسن لجدو راح الجد سليم باصص في السقف كأنه مش سامع : اههههه جدو......ماشي ياجدو .
ـ الجد سليم : طيب يا حبايبي انا هدخل ارن على زينب بقا اشوفها فين .
ـ هاجر : تمام يا جدو.
ـ حسن : هو انتِ مش فاكراني خالص طيب .
ـ هاجر: لا يا قلبظ انا مش فاكراك بجد .
ـ حسن : يابنتي يا بنتي بطلي قلبظ دي......حتى وانتِ فاقده الذاكره بترخمي .
ـ هاجر: هو أنا كنت برخم عليك علاطول ولا إيه.
ـ حسن : ياه متعديش دا انتِ كنتي مطهقاني في عيشتي ياستي......بس على قلبي زي العسل .
ـ هاجر: شكرا يا قلبظ .
ـ حسن : تاني.
ـ هاجر: خلاص بهزر معاك .
ـ مقبوله منك ياستي انا هروح بس شقتي احط الشنطه واظبط حالي كدا واجيلكم تكون ماما جت.
ـ تمام.
ـ لينا قاعده مع بعض خلي بالك ها.
ـ ماشي هستناك تيجي تقعد معايا انا وجدو .
ـ ماشي باي .
ـ باي .
( مشي حسن وهاجر دخلت اوضتها خدت العلاج ونامت شويه ، بعد فتره زينب جت وعرفت إن حسن موجوده سلمت عليه وفضلت قاعده معاه بعدين قامت تجهز الغداء و......).
ـ حسن : هي فين هاجر .
ـ زينب : دخلت اصحيها قالتلي مش عاوزه تاكل دلوقتي .
ـ الجد سليم : ليه مالها تعبانه أو حاجه؟.
ـ زينب : لا الحمدلله كويسه بس همدانه انت عارف يا بابا اللي حصل كان صعب .
ـ الجد سليم: ايوا يابنتي....ربنا يحميها يارب .
ـ حسن : انا هقوم اناديها .
ـ روحت خبطت على الباب كانت بتحسبني ماما فقالت : مش جعانه يا خالتو عاوزه انام .
ـ حسن: انا مش خالتو وقومي يلا بقا .
ـ هاجر : امشي يا قلبظ وسيبني أنام.
ـ حسن : ماشي ماشي اتقلي عليا......قومي يلا استنيني في البلكونه هعمل نسكافيه واجيلك .
ـ هاجر : بس.....
ـ حسن: مفيش بس يلا .
ـ روحت عملت النسكافيه وطلعت البلكونه لقيتها قاعده : سرحانه في ايه.
ـ ولا حاجه عادي .
ـ طيب ياستي.....قوليلي بقا عاوزه نتكلم في إيه.
ـ مش عارفه بس ممكن تحكيلي عن حياتي والناس اللي اعرفها ولو عندي صحاب وكدا يعني .
ـ بس كدا من عيوني.....بصي بقا انتِ عندك 20 سنه ، في كلية إعلام ، رسامه وكاتبه شاطره ، بتحبي الخروج ، عندك صحاب كتير لأنك اجتماعيه اوي وهبقا اكلمهم يجولك يوم ، انتِ عايشه مع جدو هنا وانا وماما في الشقه اللي في وشكم و........مالك هتعيطي ولا ايه!!!!.
ـ انا زعلانه إني مش فاكره حاجه خالص .
ـ متزعليش دي فتره مؤقته وهتعدي وكل حاجه هترجع زي الاول وكمان ياستي انا معاكي متشغليش بالك بأي حاجه اتفقنا؟.
ـ اتفقنا.
ـ كنت هكمل كلامي بس موبايلي رن : ثواني بس ارد على مازن .
ألو يا مازن عامل إيه.
ـ مازن : الحمدلله يا معلم انت إيه الاخبار .
ـ حسن : تمام الحمدلله بخير.
ـ مازن : الحمدلله......هي هاجر عامله ايه دلوقتي طمني .
ـ حسن : الحمدلله ب........ثواني هو انت كنت عارف إللي حصل؟!!!.
ـ قال مازن بتوتر : إيه لا هو في حاجه حصلت معاها ولا إيه.....انا بسأل عليها عادي.
ـ حسن: تمام يا مازن.
ـ انهى مازن كلامه قائلًا : طيب ياحسن هكلمك تاني عشان بس في حاجات بخلصها في الشغل ، مع السلامه.
ـ حسن: مع السلامه.
ـ هاجر: دا صاحبك .
ـ أيوا مازن .
ـ حسن كان مضايقك لانه حس إن مازن مخبي حاجه عليه بس كان بيحاول ميفكرش في كدا فقال لهاجر : بصي انا هروح انام دلوقتي وانتِ كمان نامي لأن شكلك تعبانه ، وبكرا إن شاء الله هاخدك ونروح مكان انتِ بتحبيه اوي اتفقنا.
ـ اتفقنا انا اصلًا زهقانه .
ـ خلاص على بركة الله.....تصبحي على خير .