رواية من اجل حفيدتي
الفصل الثالث عشر13
بقلم هاجر خالد
ممكن اعرف كنتي فين؟؟....
...................................…………………………………
ـ كانت هاجر واقفه في البلكونه كانت الساعه 7 الصبح كان لسه محدش صحي ، وكان عمر برضو واقف في البلكونه اللي فوقيها فاندى عليها وقال : صباح الخير ، إيه اللي مصحيكي بدري كدا؟.
ـ هاجر بصت فوق على البلكونه بتاعة خالها وقالت : صباح النور يا عمر.....انا قلقت بليل ومجاليش نوم ، انت ايه اللي مصحيك بدري كدا؟.
ـ عمر : لأ انا متعود اصحى في المعاد دا علاطول.
بقولك ؟؟.
ـ هاجر: قول .
ـ عمر : تعالي ننزل نجري أو نتمشى على البحر لغاية ماهما يصحوا.
ـ هاجر: امممم ماشي ، انا هروح البس .
ـ عمر : وانا هلبس وانزل استناكي في العربيه .
ـ هاجر: okay.
( راحت هاجر تلبس و عمر كمان راح يلبس وبعد ماخلص نزل استناها تحت ، وبعد 30 دقيقه هاجر كانت نزلت و........).
ـ هاجر: هو فين مروان يجي معانا.
ـ عمر : لا مروان مش بيصحى دلوقتي خالص ، هنسيبه لجدو هو اللي بيعرف يصحيه .
ـ هاجر: okay ، يلا بينا.
ـ ركبو العربيه وابدأوا في طريقهم وبعد وقت من السكون قالت هاجر : هو انتم ليه سافرتوا برا ، معيشتوش هنا مع جدو ؟.
ـ عمر : بعد وفاة ماما كنا مدمرين ومش عارفين نكمل حياتنا حتى بابا ماكنش بينزل الشغل ولا حد فينا كان بينزل من البيت وبعد كام شهر من وفاتها بابا قرر نسافر وبرا نغير المكان ونكمل شغل هناك عشان كل حاجه هنا بتفكرنا بماما ، هو لغاية دلوقتي عمتا كل حاجه بتفكرنا بيها ومش نسينها.
ـ هاجر: ربنا يرحمها .
ـ عمر : يارب .
ـ هاجر: هو انتم هترجعوا تاني تعيشوا هناك.
ـ عمر : هو المفروض إننا نرجع تاني عشان حياتنا بقت هناك وكلية مروان و شغلنا بس إحنا عاوزين نعيش هنا تاني ، وبابا كمان بدأ يفكر في الموضوع.
ـ هاجر : ايوا هيبقا احسن ونعيش كلنا مع بعض .
ـ عمر : إن شاء الله نرجع ، ونبقا كلنا مع بعض زي زمان.
يلا بينا وصلنا..
ـ هاجر: يلا.
( نزلو من العربيه وبدأو يجروا على البحر وقت طويل شويه ، عمر كان بيجري بص جنبه ملقاش هاجر وماكنتش موجوده حواليه ، بس رجع خطوات لورا لقاها قاعده على مقعد خشب و.........).
ـ عمر : منك لله يا شيخه وقعتي قلبي .
ـ هاجر : لا أنا نفسي اتقطع من الجري انت ايييييه في ماراثون.
ـ مازن : انتِ اللي مسنه مش بتقدري تمشي .
ـ هاجر: انا واحده لسه قايمه من عايا مش حمل الفرهده دي .
ـ ضحك عمر وقال : طب قومي نمشي طيب زمانهم صحيوا ومش عاوز الفطار بتاع جدو يفوتني .
ـ هاجر: ايوا يلا بينا أنا جوعت اوي .
ـ عمر : ماشي يلا .
ـ ركبوا العربيه واتحركوا عشان يرجعوا البيت ، بعد فتره وصلو البيت وعمر سبق هاجر على فوق عشان يغير هدومه وينزل عند الحد سليم ، وهاجر طالعه لقت حسن في وشها فقالت : ايه دا حسن، انت مروحتش الشغل ولا إيه.
ـ حسن ببرود: لا جدو مرضاش ينزل حد غير بعد الفطار.
ـ هاجر: طب يلا نطلع بقا.
ـ قال حسن بضيق : استني ، ممكن اعرف كنتي فين؟؟.
ـ هاجر: نزلت مع عمر الصبح نتمشى شويه .
ـ حسن بعصبيه طفيفه : وانتِ نازله كدا مع نفسك من غير ماتستاذني من حد .
ـ هاجر بضيق من طريقته : في ايه ياحسن بتتكلم كدا ليه.....على فكره انا استأذنت من جدو قبل ما انزل ، وكمان انا كنت صاحيه من بدري وكمان عمر كان صاحي وقالي ننزل ، مش شايفه إني عملت حاجه غلط يعني .
ـ حسن: طب تمام اطلعي بقا .
ـ هاجر : ملكش دعوه قولتلك وبطل تتنح عليا .
ـ حسن : اتنح؟!.
ـ هاجر وهي بتسيبه واقف وبتطلع : ايوا بتتنح ، مش معقول بجد .
ـ حسن : بت تعالي هنا .
ـ هاجر : ياعم امشي بقا زهقتني.
ـ حسن : ماشي يا هاجر .
………………………………………………………..........….…..…......…......…....
" في شقة الجد سليم"
ـ هاجر كانت طلعت ودخل البيت فقال الجد : يلا يا هاجر ادخلي غيري هدومك عقبال ما خالك ينزل ، انا حضرت الفطار انا وزينب خلاص.
ـ هاجر : حاضر ياجدو.
( دخلت هاجر غيرت هدومها وطلعت ، كان عبدالله وأولاده نزله تحت ، راحوا قعدو على السفره وبدأ يفطروا ، وبعد الفطار ، نزل حسن شغله ، وعبد الله و عمر و شريف و نديم نزله عشان يشوفوا موضوع إنهم ينقلوا كل شغلهم مصر ، وتبقى في البيت الجد سليم وزينب وهاجر ومروان ، الجد سليم و زينب كانوا بيشربو الشاي في البلكونه و........).
" عند مازن في شركة هارون "
ـ هارون : ايه يا مازن بقالك يومين مختفي .
ـ مازن : كان عندي ضغط في الشركه وشغل محتاج اخلصه ، متقلقش مش هغدر بيك ياهارون.
ـ هارون : لا ما انت متقدرش تغدر بيا......بس ما علينا المهم دلوقتي انا عاوزك معايا في شغل .
ـ مازن : شغل إيه دا ؟؟!.
ـ هارون : في مقاول اعرفه مطلوب منه ماتريال للبُنا ، هو مكسبه من العماره 25 مليون مقابل اننا ناخد 10 مليون ثمن الماتريال اللي هناخدها.
ـ مازن : بس ثمن ماتريال بُنا عماره صغيره كمان ، مش اقل من 15 يعني في حاجه غلط.
ـ هارون : ولا حاجه غلط ولا حاجه ، هي الماتريال مش مظبوطه اوي يعني .
ـ مازن بتمثيل عدم الفهم : يعني إيه.
ـ هارون : يعني مغشوشه بس بنسبه مش عاليه اوي لأن برضو المقاول بيتعامل مع ناس مهمه فا مش عاوزينه يتكشف .
ـ مازن : طب وانا إيه المطلوب مني .
ـ هارون : محتاج منك تلعب في الورق بتاع الجوده بتاع الماتريال والإسعار و كمان في عقد هيتكب بينا وبين المقاول بس انا عاوزك تزوره عشان لو المقاول اتكشف يبقا ملناش يد وهو بيتبل علينا.
ـ مازن : مش سهل انت برضو ياهارون .
ـ هارون : انت فاكره لعب عيال ولا إيه......المهم دلوقتي موافق ولا اشوف حد غيرك .
ـ مازن بتفكير : موافق يا هارون .
ـ هارون : خلاص اتفقنا ، هستناك النهارده الساعه 11 بليل في المكان اللي بنتفق فيه .
ـ مازن : تمام ، بس انا معرفش المكان دا .
ـ هارون : هبعتلك عربيه تاخدك النهارده .
ـ مازن : تمام ، انا همشي عشان عندي شغل .
ـ هارون : تمام هستناك يامازن .
ـ مازن وهو بيقوم : تمام.
طلع مازن من المكتب ونزل ركب عربيته ، ومسك الموبايل التاني اللي كان واخده من حسن ، وبعت للتسجيل لحسن .
تسجيل؟!!!
ايوا مازن سجل لهارون الكلام اللي دا بينهم............
تفتكرو ممكن يحصل ايه بعد كدا وهل هارون هيعرف ولا لأ ويكشف مازن .