رواية من اجل حفيدتي
الفصل الثاني عشر12
بقلم هاجر خالد
افتح الباب ياحسن شكل خالك جه.
ـ حسن: حاضر جاي اهو.
راح حسن يفتح الباب وزينب والجد سليم كانو قاعدين ، وهاجر كانت في اوضتها بتلبس ، فتح سليم حسن الباب و......).
ـ عبدالله حضن حسن وسلم عليه : واد ياحسن عامل .
ـ حسن بادله الحضن وقال: الحمدلله ياخالو وحشتني اوي يامعلم والله كل دي غيبه.
ـ عبدالله: اعمل ايه بقا ماكنتش عارف انزل خالص ، بس الحمدلله اهو جيت وهقعد معاكم حبه حلوين.
ـ حسن: تنورنا ياخالو والله تعالى ادخل ، جدو وماما قاعدين في الصالون .
ـ دخل عبدالله يسلم على زينب والجد سليم ، وحسن قفل الباب ودخل نسي إن اولاد عبدالله واقفين برا ، فاراح فتح وقال بأسف: معلش يا رجاله والله نسيتكم ،وحشتوني.
ـ قال مروان ابن عبدالله الصغير وهو بيسلم على حسن: ياعم مقبوله منك دخلني بقا.
ـ حسن: ادخل دي ماما قرفانا كل شويه مروان مروان انت عاملها إيه يابني.
ـ مروان : انا مليش غيرو زوزو والله.......يازوزو انا جيت .
ـ زينب جت تسلم عليه بفرحه : مروان حبيبي عامل إيه.
ـ مروان : الحمد لله يا زوزو وحشتيني اوي.
ـ زينب : وانت كمان ياحبيبي والله.
"عند حسن برا"
( سلم على شريف و ونديم وسلم عليهم ودخلهم وكان فاضل عمر سلم عليه برضو و دخلو كلهم قعدو في الصالون و........).
ـ عبدالله: هي فين هاجر .
ـ زينب : هدخل اناديها اهو.
ـ زينب كانت جايه تقوم بس هاجر كانت طلعت من اوضتها وجت : انا جيت......ازيك ياخالو.
ـ قام عبدالله حضنها وكان هيعيط فقال : حبيبتي وحشتيني اوي يا هاجر أنا اسف اني ماكنتش معاكي لما فوقتي بس الدنيا كانت متلغبطه معايا خالص بجد أنا......
ـ هاجر : متتاسفش ياخالو انا مش زعلانه.....جدو قالي إنك مش بتعرف تنزل اوي.
ـ عبدالله بيمسح دموعه وبيقول : بس خلاص جيتلك وهقعد معاكي حبه حلوين.
ـ هاجر: دا انا يابختي والله.
ـ ضحك عبدالله وقال : يابكاشه.....تعالي اعرفك على العيال دي .
ـ قال حسن بهزار : يابختك يابنتي إنك مش فاكره العيال دي.
ـ مروان بهزار : شوفي إبنك يازوزو عشان مزعلوش.
ـ حسن : بس يالا.
ـ نديم : بس انتو الاتنين وسعولي كدا .
راح نديم يسلم على هاجر وقال بابتسامه : انا نديم الوسطاني ، ودا عمر الكبير ، وشريف يعني بعد عمر كدا ، ودا مروان الصغير .
ـ هاجر: ازيكم مبسوطه إني شوفتكم اوي بجد.
ـ عمر : ليكي واحشه ياهاجر بجد .
ـ هاجر : شكرا .
ـ مروان : احنا لازم نسهر النهارده كلنا زي ماكنا بنعمل زمان.
ـ حسن: سيبولي الموضوع دا انا هجهز لكم القعده فوق ونطلع بعد الغداء.
ـ زينب : طيب كفايه كلام ويلا عشان الغداء جاهز .
بعدين بصت لمروان وقالت : عملتلك ورق عنب عارفه إنك بتحبه .
ـ مروان : مش قولتلكم مليش غير زوزو.....يلا عل السفره ياجماعه متسنين إيه.
ضحك الكل على مروان وقامو اتجهوا للسفره وقعدوا بدأوا في الاكل و..........
ـ قال مروان وهي بيدوق ورق العنب : تسلم ايديك يا زوزو الورق عنب تحفههه.
ـ زينب: بالهنا والشفا ياحبيبي.
ـ عمر : اكيد هاجر اللي عامله المكرونه البشاميل.
ـ هاجر: ايوا عرفت منين.
ـ عمر : انتي معروفه في العيله إنك احلى واحده تعمل مكرونه.
ـ حطتله هاجر في الطبق بتاعه وقالت : طب دوق وقولي إيه رأيك.
ـ شريف : عامله إيه دلوقتي ياهاجر رجعتي كليتك ولا لسه.
ـ هاجر: لا لسه بس جدو قالي إني هنزل قريب إن شاء الله.
ـ الجد سليم: ايوا تشد حيلها شويه وتبدأ تنزل .
ـ عمر : لو احتاجتي اي مساعده في الكليه قوليلي .
ـ هاجر: شكرا ياعمر لو احتاجتك حاجه هقولك اكيد.
ـ نديم : انا رأي نقعد في مصر ومنرجعش ألمانيا تاني.
ـ مروان : وانا كمان ادعم نديم .
ـ الجد سليم: ياريت ياولاد والله .
ـ عبدالله: بقالي كتير بفكر في الموضوع دا إن شاء الله نستقر هنا قريب.
( قعدو ياكلو في جو لذيذ ويتكلمو وبعد الغداء زينب عملت الشاي ودخلوا قعدو مع بعض في الصالون و.......).
ـ مروان قاعد جمب هاجر بيوريها حاجه في الموبايل فقالت : انت عندك كان سنه يابني على كل دا.
ـ مروان : 19 .
ـ هاجر : لسه طفل يعني.
ـ مروان : حوش ال 21 سنه اللي مقوينك قلبك.
ـ هاجر: بس فكك انت البنت صاحبتك دي حلوه ابقى عرفني عليها.
ـ مروان : بس كدا......دا لسه في حاجات كتير عاوز احيكهالك.
ـ هاجر: احكي يلا .
ـ حسن: انا جهزت القعده فوق على الروف يلا بينا...
ـ هاجر : يلا .
( طلع حسن و نديم وعمر وشريف ومروان وهاجر ، وزينب والجد سليم وعبد الله قعدو تحت مع بعض و......).
ـ مروان : بقالنا كتير مقعدناش القعده دي بجد.
ـ حسن: ايوا سنتين تقريبا.
ـ كان شريف ونديم كلامهم قليل وبيسمعو اكتر فامالت هاجر على مروان وقالت : هو شريف ونديم مش بيتكلمو معانا ليه هما زعلانين من حاجه .
ـ مروان بهمس لهاجر : لا متاخديش في بالك هما كدا جد شويه ملهومش في الهيء والميء بتاعنا دا ، زي ما انتي شايفه وشهم يقطع الخميره من البيت.
ـ شريف : سمعتك ياحيوان.
ـ مروان : بفهم البنت بدل ما انتم قاعدين شبه بتوع المخابرات كدا.
ـ نديم : انت عارف انا لو فايقلك كنت نفختك .
ـ مروان : انا في حماية جدو زوزو محدش يقدر يعملي حاجه.
ـ عمر : بطلو بقا مش ناقصين وجع دماغ احنا طالعين نقعد مع بعض مش نتخانق.
إيه رأيكم نخرج بكرا كلنا؟؟.
ـ هاجر: موافقه .
ـ حسن: لأ مش هبقا فاضي بكرا خليها يوم تاني.
ـ هاجر:خلاص انا هنزل معاهم بكرا.
ـ بص حسن لهاجر وقال: والله!!!.
ـ هاجر: مجرد فكره .
ـ مروان لحسن : خلاص انت تخلص شغلك وننزل كلنا.....هاا اتفقنا؟!.
ـ حسن : تمام هشوف .
ـ هاجر : تعالو نلعب .
ـ شريف : نلعب إيه؟.
ـ هاجر : imposter ، لعبه لذيذه شوفت كذا فيديو لحد بيلعبها وعجبتني.
ـ مروان : اشطا يلا بينا.
( جابو اللعبه وبدأو يمررو الموبايل عليهم وكلهم عرفوا الكلمه ماعدا واحد بس هو اللي هيبقا imposter و......).
ـ هاجر : يلا نبدا أسأله نقول كلمه بتعبر عن الشيء اللي طلع...... أبدا يا عمر.
ـ عمر : اممم ماشي.......في منها اشكال كتير.
ـ مروان : في منها احجام كتير برضو .
ـ شريف : الوان.
ـ نديم : صعبتوها عليا بس ماشي.....بتبقا فيها رسومات مختلفه.
ـ جه الدور على حسن ومكانش عارف يخمن ايه الكلمه من الحاجات اللي قالوها لانه imposter فقال حسن بسرعه: زراير.
ـ بصت هاجر لحسن وقالت بضحك : خلاص ياحسن انت imposter ملقتش غير زراير اللي تقولها.
ـ حسن: حسيت الكلمه فيها كدا ما انتم مش بتقولو حاجه مفهومه.
ـ مروان : هي اللعبه كدا.
ـ هاجر: خلاص نلعب حاجه تانيه.
ـ نديم : لا انا out بقا هموت وانام.
ـ شريف: وانا كمان هنزل انام.
ـ هاجر: لا ياجماعه بلاش رخامه لسه بدري .
ـ مروان : فكك منهم خلينا نكمل احنا لعب دول مش بتوع سهر دول.
ـ نديم : اسكت يالا.......انا نازل ياجماعه تصبحو على خير.
ـ الجميع: وانت من اهل الخير.
(نزل نديم وشريف الشقه بتاعتهم وكان عبد الله برضو موجود في الشقه ونايم لانهم تعبانين من السفر ، زينب راحت على شقتها ، الجد سليم اخد الدواء بتاعه ونام ، هاجر ومروان وعمر وحسن كانو قاعدين مع بعض فوق و......).
After 2 hours
ـ حسن: انا فصلت خلاص يلا ننزل الساعه 12.
ـ هاجر: وانا برضو .
ـ مروان : ايه ياجماعه دا لسه بدري .
ـ عمر : بدري ايه يابني يلا ننزل ،جدو سليم هيصحينا بكرا بدري اكيد .
ـ مروان: ليه ؟!.
ـ حسن: انت نسيت لما بنتجمع كلنا بنصحى بدري عشان نفطر سوا.
ـ مروان : نسيت خالص الحوار دا .
ـ هاجر: يلا بقا كل واحد بيته .
ـ مروان: انا هنزل ابات عند زوزو.
ـ حسن: على بيتك ياحبيبي معندناش مكان .
ـ مروان: حبيبي ياحسن كنت عارف انك عاوزني ابات معاكم انا هنزل لزوزو بقا سلام.
ـ حسن: لازقه مش ممكن .
( نزل حسن وهاجر وعمر بعد مروان وكل واحد دخل شقته ونامو عشان يستعدو ليومهم بكرا ياترى ممكن يحصل إيه.......)