رواية وجع الفراق الفصل العاشر10بقلم صباح صابر
روح فاقت في المستشفى…
بس الحقيقة إنها ما فاقتش لحياتها.
رجعت بيت آدم وهي ساكتة.
مش بتجادل، مش بتطلب.
كأنها قررت تختصر نفسها عشان تعيش.
لكن العيشة نفسها كانت عقاب.
كانت الصبح تصحي من
الساعة ٦ الصبح تقف في المطبخ قبل الكل.
بتحضّر الفطار، وإيدها لسه بتوجعها.
أم آدم صوتها خارج من الصالة:
— “الجبنة فين؟ هو أنا كل يوم أقول نفس الكلام؟”
روح خرجت بسرعة تحط الطبق قدامها.
أم آدم بصتلها من فوق لتحت وقالت ببرود:
— “كنت فاكرة جايبة ست شاطره… طلعت جايبة واحده متعرفش تعمل حاجه .”
الكلمة وجعت…
بس روح بلعتها آدم كان قاعد ساكت،
وأول ما لمح دمعة في عينها قال بتحذير:
— “أمي متزعلش
وكانت كل يوم تسمع كلام يسم.
و بالليل.
آدم يرجع متعصب من الشغل.
رمي مفاتيحه بعنف.
— “الأكل!”
— “جاهز… ثانية واحدة.”
— “كل حاجة عندك ثانية!”
صوته علي.
وروح بتحاول تهديه.
لكن الغضب سبق الكلام.
سابها واقفة،
وقلبها بيرتعش أكتر من إيدها وهو بيضربها.
روح دخلت أوضتها.
بتكتب رسالة بسرعة على موبايلها:
“ماما أنا محتاجة
الباب اتفتح فجأة.
آدم دخل، خطف الموبايل من إيدها.
— “هتشتكي؟”
— “لا… بس بطمنها.”
ضحك بسخرية:
— “من النهارده مفيش موبايل.”
حطه في الدرج وقفله بالمفتاح.
ومن اليوم ده…
صوتها اتسحب منها رسميًا.
وفي يوم...
تليفون البيت بيرن.
أم آدم ردت:
— “أيوه يا محمود بيه.”
روح قلبها دق.
مسكت السماعة…
ولقت آدم قاعد جنبها.
وأمه واقفة قدامها.
محمود قال بقلق:
— “عاملة إيه يا بنتي؟”
ابتسمت غصب عنها:
— “كويسة يا بابا… الحمد لله.”
— “صوتك مش عاجبني.”
آدم قرب أكتر.
ردت بسرعة:
— “بس تعبانة شوية من الشغل.”
المكالمة خلصت.
آدم قال ببرود:
— “خليكي كده دا ئما.”
وفي يوم..
بعد يوم طويل.
روح بتنضف البيت كله.
تغسل سجاد.
تنشر هدوم.
تطبخ.
وأم آدم قاعدة تراقب.
— “الأرض مش نضيفة.”
— “الكوبايات دي مش بتتلمع كده.”
روح حست بدوخة.
مسكت في الترابيزة عشان ما تقعش.
أم آدم قالت بحدة:
— “بطلي دلع.”
بس ده مكنش دلع وفي ليل.
روح قاعدة لوحدها.
باب الأوضة مقفول.
بتبص لإيديها المتشققة من المية.
همست لنفسها:
— “أنا اللي وافقت…”
بس الحقيقة؟
هي وافقت عشان تنقذ حد تاني.
ونست تنقذ نفسها
وبعد مرور اكتر من شهرين وفي ليلة هادية…
كانت بتلم السفرة.
آدم قاعد بيتفرج على التلفزيون.
فجأة…
صوت خبط قوي على باب الشقة.
مش خبط عادي.
قوي.
مستمر.
آدم وأمه بصوا لبعض باستغراب.
الخبط اتكرر… أقوى.
روح قلبها خبط بعنف.
الإحساس ده رجعلها…
إحساس إن اللحظة الجاية
هتغير كل حاجة.
والباب…
لسه بيتخبط