رواية اوقعتني في حبها الفصل الحادي عشر11بقلم اسماء محمد

زين: "نسيت تليفوني، انزلي وأنا جاي وراكي."  

رواية: "ماشي."  

رحاب: "عملتي اللي قولتلك عليه؟"  

سارة بخبث: "أيوه."  

رحاب: "تمام." وفجأة سمعوا صوت صراخ رواية، وابتسمت رحاب بخبث وراحوا على السلم.

رواية كانت سايحة في دمها.  

زين: "رواية... رواية! فوقي. حد يتصل بالإسعاف بسرعة."  

رحاب: "يا خبر، البنت ماتت!"  

زين بغضب: "اخرسي خالص. وحسابك على كل اللي عملتيه هدفعك تمنه."  

رحاب سمعت كده وخافت.

*بعد وقت، زين كان وصل المستشفى.*

زين: "دكتور بسرعة، مراتي هتموت!"  

كان زين واقف أمام باب العمليات.  

هبة بعياط: "بنتي فين؟ حصلها إيه يا زين؟ طمني عليها."  

سلمى بخوف وعياط: "اهدي يا ماما. في إيه يا زين؟ طمنا."  

زين: "متخافوش، هي هتبقى كويسة. وقعت من على السلم وهي نازلة."  

هبة: "يا بنتي، بدل ما آجي أشوفك في بيتك شوفتك في المستشفى. طول عمرك حظك قليل."  

زين: "متخافيش هتبقى بخير يا أمي."  

آدم جه عليهم: "إيه الأخبار؟ مرات أخويا كويسة؟"  

زين: "هتبقى كويسة. تعالى عايزك."

*بعد ساعتين الدكتور خرج.*

زين: "طمني يا دكتور."  

الدكتور: "متقلقش يا زين بيه، هي دلوقتي كويسة. بس كسر بسيط في الرجل وجرح في الدماغ وخيطناه. الحمد لله."  

هبة: "ط... طب أقدر أدخل أشوفها يا دكتور؟"  

الدكتور: "هننقلها لغرفة عادية وتقدري تشوفيها. عن إذنكم."

*في مكان مجهول:*

رحاب: "انت يا حيوان بتعمل إيه؟ سيبني وإلا هتندم."  

الشخص: "متستعجليش. لما يأمر الباشا هسيبك وتروحي على قبرك هههه."  

سارة بصراخ: "يا مامي لااا... خليهم يطلعوني من هنا."  

رحاب: "انتي اخرسي خالص يا غبية. لولاكي مكنتش هنا. انتي أكبر مصيبة جت في حياتي."  

سارة بصدمة: "ماما! انتي بتقولي إيه؟ أنا بنتك!"  

رحاب: "ياريتني موتك وخلصت منك. متقوليش ماما تاني، أنا بقرف إن عندي بنت غبية زيك."  

سارة فضلت ساكتة مش عارفة تقول إيه.  

الشخص: "اسكتوا خالص، مش عايز نفس لحد ما الباشا يجي."

*في مكان تاني، بتحديد في شركة السيوفي للبناء:*

السكرتيرة: "صباح الخير يا فندم."  

مازن: "صباح النور. هاتيلي قهوتي على المكتب."  

تعالوا أعرفكم بمازن: هو حفيد عيلة السيوفي، يبلغ من العمر 25 عامًا، طويل عريض، أسمر، يملك عيونًا بنية. يحب نفسه وبس، صايع وكل يوم مع واحدة شكل.

السكرتيرة: "حاضر يا باشا."  

بعد دقائق.  

السكرتيرة: "اتفضل قهوتك."  

مازن بوقاحة: "رايحة فين؟ انتي وحشاني أوي، تعالي."  

السكرتيرة بمياعة: "انت تؤمر."  

مازن: "كلكم أرخص من بعض." وأكمل ما يريد فعله.  

أيمن دخل: "أنا جبتلك..."  

تعالوا نتعرف على أيمن: الصديق المقرب لمازن، صديق السوء طبعًا. أيمن العمري، يبلغ من العمر 25 عامًا، متوسط الطول، جسم عادي، أسمر، يملك عيونًا بنية.

مازن وهو يعدل نفسه: "اطلعي بره. تعالى، جبت إيه؟"  

أيمن: "جبتلك ملف كامل عن زين الهلالي."  

مازن: "وريني... مين دي؟"  

أيمن: "دي مراته. ابن المحظوظة."  

مازن: "زين معاه المُزة دي؟"  

أيمن بخبث: "ومين عارف، ممكن تبقى مع مين تاني."  

مازن فهمه وضحك بخبث: "أكيد هتبقى معايا. راقبلي كل تحركاتها لحد ما أشوف هعمل إيه مع زين."  

أيمن: "ماشي."

*عند فيلا زين:*

رواية: "نزلني بقى، بيضحكوا علينا."  

زين رماها على الكنبة: "أهو."  

رواية بوجع: "يا غبي، آه!"  

زين: "مش عمالة تقولي نزلني؟ أهو نزلتك."  

رواية: "متشيلنيش تاني بقى."  

هبة: "فين أهلك يا ابني؟ عمك ومرات عمك؟"  

زين: "سافروا، جالهم شغل مهم."  

هبة: "يوصلوا بالسلامة يا ابني."  

زين: "الله يسلمك."  

فاطمة الدادة: "حمد لله على سلامتك يا بنتي."  

رواية بابتسامة: "الله يسلمك يا دادة فاطمة."  

فاطمة: "هحضر الغدا يا زين."  

زين: "ياريت."  

هبة: "استني أنا هاجي أساعدك."  

فاطمة: "لا حضرتك، أنا هعمله. متتعبيش نفسك."  

هبة ضحكت: "حضرتي إيه بس؟ تعالي، أنا أبسط من حضرتك وكده. احنا هنبقى صحاب أصلاً، تعالي."  

زين باستغراب بص لرواية: "هي دي مامتك بجد؟"  

رواية: "لا كده وكده. في إيه يا جدعان؟ انتوا شاكين فيا؟"  

سلمى: "ناههه، والنعمة هتطلعي على باب جامع."  

رواية رمت عليها مخدة: "غوري بقى."  

آدم: "هاتي المخدة وتعالي نقعد في الجنينة."  

سلمى: "يلا."  

زين لرواية: "انتي كويسة دلوقتي؟"  

رواية: "الحمد لله، أحسن شوية."  

زين: "رواية، أنا عايز أقولك حاجة."  

رواية بتركيز: "قول."  

زين: "أنا ب..."  

فاطمة: "تحب تاكلوا إيه نعمله يا زين؟"  

زين بغيظ: "اعملي أي حاجة صحية لرواية، والباقي شوفيهم هم ياكلوا إيه، وأنا العادي بتاعي."  

فاطمة: "ماشي."  

زين: "كنت بقولك إني أنا بح..."  

سلمى: "بقولك يا رواية، افتحيلي نقطة من فونك عشان رصيدي خلص."  

زين بغيظ: "ده أنا اللي هتيجيلي نقطة."  

رواية بضحك: "حاضر، فتحت أهو."  

سلمى: "شكراً يا حبي."  

زين: "أنا كنت بقولك إني أنا ب..."  

آدم: "زين، بقولك في موضوع عايزك فيه."  

زين بغيظ أكبر: "منكم لله، مش عارف أقول حاجة."  

رواية: "مجنون."

*في الجنينة:*

زين: "نعم؟ في إيه؟"  

آدم: "اهدى بس، بص."  

زين: "سيبهم، أنا هروح ليهم بكره."  

آدم: "طيب."

غابت شمس اليوم وغادر كل منهم للمنزل.

*في صباح يوم جديد:*

رواية فتحت عينيها: "باح الخير."  

زين: "باح؟ هي مش صباح؟"  

رواية: "متعلقش، رد وانت ساكت."  

زين قام شالها: "باح النور."  

رواية بخضة: "على فين؟ نزلني."  

زين: "الحمام عشان تفوقي للفطار."  

رواية: "طيب... هروح معاك الشغل."  

زين: "لا طبعاً. انتي دلوقتي مرات زين الهلالي، مينفعش تشتغلي."  

رواية: "ب..."  

زين بمقاطعة: "ششش، يلا عشان نفطر."

*في مكان مجهول:*

رحاب: "خرجني أبوس إيدك."  

آدم: "توتو."  

رحاب: "يا ابني والنبي، مش حمل مرمطة. خليه يخرجني."  

آدم: "اتحايلي عليا كمان، يمكن أوافق."  

رحاب: "انت هتذلني؟ بقولك خرجني، اخلص. ما أنا مش هتبقى دي آخرتي، لااا."  

زين دخل فجأة: "اششش، صوتك يوطى يا مرات عمي... أوووف، نسيت إن عمي طلقك قبل ما يسافر."  

رحاب بصدمة: "إيي؟"  

زين: "زي ما بقولك، طلقك امبارح قبل ما يسافر أمريكا مع مراته الجديدة."  

رحاب: "هقتلكم كلكم، مش هسيبكم."  

زين وهو ينظر لحالة سارة: "هنشوف. وإيه ذنب بنتك في كل ده؟ شوفي عملتي إيه فيها."  

رحاب: "دي مش بنتي."  

سارة بصدمة في أمها: "انتي بتقولي إيه؟ اكرهيني زي ما انتي عايزة، بس إزاي تقولي إني مش بنتك؟"  

رحاب: "لأنك مش بنتي فعلاً. أنا مش بخلف أصلاً."