رواية لقاء السحاب الفصل السادس عشر16بقلم حياة محمد الجدوي
في الناحيه التانيه في القاهره
إيناس بجديه: كده احنا قفلنا حساب الشهر وبعد ما خصمنا مرتبات العاملين وفلوس الكهرباء فيه أى فلوس تانيه نسيتها
عرفان: لأ بس المفروض نقفل حساب السنه عشان خاطر نجهز اقرار الضرائب
فردت إيناس إديها بكسل وقالت: مش النهارده خليها لبكره
عرفان بقلق: مالك يا إيناس: إنتى تعبانه
إيناس: لأ خالص
عرفان: اصلك بتأجلى لبكره
إيناس: ابدا بس عشان هاخد البنات يتفسحوا ويتغدوا بره يعنى اعوضهم عن سفرية الفيوم . عشان كده مش عايزه اتأخر اكتر من كده
بص لها عرفان وقال: ممكن اطلب منك طلب يا إيناس
إيناس: طلب إيه
عرفان:؛ينفع اجى معاكى...قصدى معاكوا انتى والبنات
بصت إيناس الناحية التانية وبعدها قالت: ماينفعش يا عرفان
عرفان بلهفه: ليه بس
إيناس: عشان أنا والبنات عايزين نتفسح هنروح جنينه الحيوانات والملاهي وناكل برجر وفاهيتا ومش عايزين حاجه تضايقنا
عرفان: وأنا إللى هاضايقطكم
نفخت إيناس بضيق وقالت: أيوه يا عرفان إنت هتضايقنا عشان مفيش مره خرجنا فيه إلا لما تسمع بدنا وتكرهنا في الخروج
عرفان بإستنكار: أنا يا إيناس
إيناس: أيوه إنت كل مره بنخرج بتبقى متضايق ومستنى نخرج مع إخواتى عشان شيلوا مصاريف الخروجه
عرفان: أنا
إيناس: أيوه وطول ما احنا قاعدين عمال تحسب وإنت مخنوق ( وبدأت تقلده ): اكلتوا ب٥٠٠ جنيه ده أنا أعيش بهم شهر كامل ياااه طقم واحد ب١٠٠٠ جنيه ليه كان دهب وأنا مش دارى ده أنا أجيب لى عشر اطقم بالألف جنيه ده .... حرام عليكم هو أنا بلاقى الفلوس في الشارع
عرفان: أنا قصدى إن البنات تحس بقيمة الفلوس
إيناس: مش بالطريقة دى ولا بالأسلوب ده وبعدين بناتك أل٤ـ٥ سنين هيفهموا قيمة القرش . وبعدين قيمه قرش إيه هو احنا بتشتغل وبنشقى عشان إيه مش عشان يعيشوا كويسين مايحسوش إنهم أقل من غيرهم
عرفان: يا إيناس اعذريني أنا عشت طول عمرى يتيم ماحستش بحنان الأب ولا عرفت وجوده عشت حياتى محروم من كل حاجه
إيناس: تقوم تحسسنا بكده ...يوه يا عرفان أنا عايزة أخرج أتفسح مع البنات ومش عايزه احرق دمى
عرفان: طب يا إيناس أنا هاجى معاكوا ومش هعترض على حاجه بصراحه وحشنى أوى قعدتنا سوا . قلتى إيه
&&&&&&&&&&&&&&&&&
في الفيوم
كريم: مالك يا ناهد سرحانه في إيه
ناهد: صعبانه عليا البت إيناس بقى إحنا مبسوطين هنا وهى قاعده لوحدها محتاجه مابين العيال شويه والشغل شويه
كريم: خليها مادامت مبسوطه وراضيه خلاص وبعدين مادام ده قرارها فخلاص
ناهد: وعلى القرارات كمان البت زينب وإبنك إللى محتاس مع عياله
كريم : يستاهل خليه يحس بقيمتها
ناهد : والبت ليليان....
كريم: هو أنا جايبك هنا عشان تشيلينى الهم سيبى العيال يشيلوا.همهم وركزى معايا أنا
ناهد: ماانا مركزه معاك
كريم بغمزه في عينو ؛ يبقى تركزى أكتر
&&&&&&&&&&&&&&&&
عبد العزيز: مالك سرحانه في إيه
سميحه: ولا حاجه
عبد العزيز: لا بجد إيه إللى شاغل بالك
سميحه: في سامح إبنى كان نفسي يبقى معانا هنا ويتبسط معانا في الجو الحلو ده
عبد العزيز: ياستى لما يبقى يجى نبقى نجيبوا ومقعد كلنا هنا شويه منها فسحه وتغيير جو ومنها نقعد مع بعض عائله واحده
سميحه: بجد
عبد العزيز: طبعا من ساعة ماخلتى البيت ده وبقيتى مراتى وأنا بعتبر اولادك أولادى أنا كمان
سميحه: ربنا يخليك ليا
عبد العزيز: طيب مش هنصطاد بقى ولا هنقضيها كلام
&&&&&&&&&&&&&&&&
قربت منه ليليان بغضب وهى بتسحب الحمار وقالت: ممكن أعرف إنت بتضحك على إيه
عادل: هاهاها أصل شكلك وإنتى بتسحب الحمار يفطس من الضحك
ليليان: ياسلام طب ورينى شطارتك إنت واركبه
عادل: اركب إيه بس أنا عمرى ما ركبت حاجات زى دى
ليليان: غريبه يعنى عندكوا مزرعه كبيره اوى زى دى ولا بتعرف تصطاد ولا بتركب الحمار
عادل: تصدقى أنا أول مره اجى هنا
ليليان: عشان كنت حارم نفسك من ابوك أنا لو منك ماكنتش ابعد عنه ابدا
عادل: في دى عندك حق بس أنا ماكنتش اعرف بابا غير لما عشت معاه
ليليان: عمو طيب أوى ولو حس إنك بتحبو بجد يديك عنيه الإتنين .بس إنت إللى حمار ومش عارف تفهمه
عادل: ياشيخة نص كلامك حلو والنص الثاني دبش أنا غلطان إنى جيت عندك أنا ماشي
ليليان: استنى بس رايح فين
عادل: هاقعد لوحدى
ليليان: لا عشان خاطرى خليك وأنا هبقى مؤدبه مش هطول لسانى
عادل: ماشي طب وسعى كده اركب الحمار
&&&&&&&&&&&&&&&&&&&
الكل كان داخل وهو بيضحك وبيتكلم لكنهم اتصدموا من شكل محمد كان نايم على الكنبه وهو شايل إبنه حسام أما يوسف ورودينا كانوا نايمين على رجله
حمزه وهو بيصحيه : محمد يا محمد قوم يا محمد إيه إللى نيمك هنا
اتفزع محمد وقال: زينب إنتى جيتى
بصت ناهد بقلق وقالت: هى زينب لسه ماجاتش لحد دلوقتي أنا كده قلقت عليها
محمد: لا والله يعنى قلقتى عليها وماقلقتيش عليا وانا قاعد محتاس مع العيال
ناهد: وأقلق عليك ليه هو إنت صغير
محمد: هو ده اللي انتى قدرتى عليه بدل ماتقولى غلطانه إنها سابتنى مع العيال طول اليوم
ناهد: دى حاجة بينك ومابين مراتك إحنا ماندخلش فيها بس مش هسكت لك لو غلطت فيها ولا عملت حاجه تزعلها
دخلت زينب وهى رايقه وقالت: مساء الجمال
هدير: مساء النور إيه الجمال ده كله
زينب بدلع: إيه رأيك مش بزمتك بقيت مزه
هدير: احلى مزه
محمد: حمد لله على السلامه يا هانم إيه ده كله
زينب: ده كله ...ده أنا يا دوب لسه مخلصه شفتنى استغليت الفرصه وقلت ادلع نفسى مش شايف الفرق
محمد بغضب : فرق إيه يا هانم ده انتى ماصدقتى قلت كلمه ماعجبتكيش عشان تهرب من مسؤلية العيال وترميهم عليا
كريم: محمد خد بالك من صوتك إحنا مش في بيتنا عشان صوتك يعلى كده ادخل اتفاهم مع مراتك بهدوء وصوت واطى وإياك تزعلها ساعتها أنا إللى هقف لك
بص لها محمد بغيظ وقال لها اطلعى معايا فوق نتفاهم
في الأوضه جوه محمد وهو ليحاول يبقى هادى: ممكن افهم فيه إيه مالك
زينب: أنا زى الفل
محمد بعصبية : زينب ماتستفزنيش أصل مش حتة كلمه ماتسواش تسيبى العيال وتعملى النمره دى قدام اهلى
زينب: نمره وكلمه ماتسواش إنت مش حاسس بنفسك ده لو مش حاسس إنت عملت إيه دى تبقى مصيبه سوده
محمد: مصيبه سوده عشان مارضتش ألزق معاكى واعمل حركات العيال
زينب: محمد لو سمحت ماتتفهش الموقف
محمد: عشان هو تافه ونتيجه دلعك الماسخ ده ضيعتى عليا يوم مهم بستناه من السنه للسنه
زينب: مش إنت لوحدك أنا كمان بستنا اليوم ده من السنه للسنه بستنى اليوم إللى نخرج فيه ونتفسح مع بعض بستنى الوقت إللى بنعيش فيه لوحدنا من غير شغل ولا تعبر ولا وجع قلب بس واضح انك مش فارق معاك
محمد: يا زينب إنتى عارفه كويس انى بحبك وانا مش محتاج كل شويه اعمل معاكى حركات العيال عشان تنبسطى
زينب: أخدت بالك كام مره تقول فيها حركات عيال وتلزيق هو مش من حقى إن جوزى يحبنى واحس بحبه إنت مسمى المشاعر دى تلزيق وحركات عيال .
محمد: أنا مقصدش يا زينب الموضوع إنى اتضايقت النهارده أوى
زينب: عشان شيلتك مسؤلية اولادك يوم واحد ده حتى ماحصلتش يوم ده حوالى ٥ساعات ودى حاجه أنا بعملها كل يوم كل سنه كل شهر كل ساعه ومبعترضش وكل إللى بطلبه شويه تقدير ولما مااخدنش منك حاجه فقلت لك اتحمل مسؤوليتهم يوم واحد
محمد: ياستى انتى ست الكل بس يعنى ملقتيش غير النهارده وتشيلينى العيال وتضيعى عليا الصيد
هدير: موسم الصيد طويل تقدر تيجى في أى وقت بس بصراحه احسن إلا العيال عملوا فيك إيه
محمد: طلعوا عنيا
زينب: احسن
محمد: أخص عليكى واهون عليكى برضو
زينب: بالرغم انك تستاهل بس ماتهونش عليا
حضنها محمد وقال: حبيبتي يا زينب بس إيه الحلاوه دي كلها
زينب: بجد عجبتك
محمد: أوى. زى القمر يا حبيبتي زى القمر
&&&&&&&&---&&&&&&&&
فى مدينه الملاهي كان عرفان بيسوق العربية وبيخبط في عربيه البنات إللى بتضحك في حين كانت إيناس بتصورهم بالموبايل
وبعد فترة شال بنته الصغيره على أكتافه وهو ماسك بنته التانيه والكل بياكل غزل البنات
عرفان: انبسطوا يا حبايبي
هدير: أوى أوى يابابا
عرفان: تحبوا نبقى نيجى هنا تانى
صرخت ريم وهى بتتنطط من الفرحه وقالت: أيوه أيوه نيجى
عرفان: خلاص: كل اسبوع لكم فسحه حلوه زى دى
إيناس: ريم هدير قولوا لبابا شكرا
هدير وريم: شكرا يا بابا
عرفان: أنا عارف يا إيناس انى كنت غلطان في افكارى.وتصرفاتى بس أنا عارف ان قلبك ابيض وهتغفرى لى غلطاتى دى
إيناس: إنت طيب يا عرفان بس لو بطلت تبص للى عند غيرك وترضى ياللى قسمه لك ربنا هتبقى بجد حلو أوى ومفيش حد احسن منك كمان
بص لها عرفان وقال: عندك حق بس مش هعرف اغير نفسي لوحدى أنا عايزك إنتى وبناتى معايا إيناس أنا عايز ارجع تانى اعيش معاكى انتى والبنات قلتى إيه
إيناس:.....
&&&&&&&&&&&&&&&&&&
بعد اسبوع
دخلت ليليان الشركه وطلعت عند مكتب عمها عبد العزيز
عبد العزيز: أهلا أهلا يا لى لى
ليليان: أهلا بك يا عبد العزيز بيه
عبد العزيز: مالك يا بت متخشبه كده ليه
ليليان: عشان تعرف إنى انسانه عمليه بفصل مابين الشغل و العلاقات الأسريه
عبد العزيز: طظ فيكى يا انسه
ليليان بزعل: كده يا عمو بدل ما تشجعنى
عبد العزيز: اشجعك في إيه يا هبله انتى تركزى وتتعلمى بسرعه عشان الشغل مش بيحب الأغبياء ولا إللى مخهم تخين زيك
ليليان: هبهرك
عبد العزيز: أنا عارف يالا عشان تروحى على مكتبك
قامت ليليان مع عبد العزيز ودخلت مكتب عادل
عبد العزيز: شوف يا عادل ليليان عندك اهى أنا عايز تعلمها الشغل بنفسك
عادل: ودى هنشتغل إيه بس هنا
عبد العزيز: خليها معاك وعلمها الأمور الإدارية وبعد فتره نبقى نخليها تروح مواقع الشغل معاك
وخرج عبد العزيز فقربت منه ليليان وقالت: شفت أدينى وراك وراك
صرخ فيها عادل: وراك وراك انتى جايه تتدلعى طب خدى بالك كويس أوى انى مش بحبك الدلع والاستهتار في الشغل فلو ما انتبهتبش وركزتى كويس أنا إللى هسحبك من قفاكى بره الشركه فاهمه
أدت التحيه العسكريه له وهى بتقول: تمام يا فندم
رفع عادل حاجب وقال ماشي نستهلى إللى هعملوا فيكى
بعد مرور ساعتين
ليليان: منك لله يا عادل يابن أم عادل دماغى ورمت عماله احسب واجمع واطرح اشى حسابات على ضرائب على واردات وصادرت لحد ما دماغى ورمت
قرب منها عادل وقال: بتقولى حاجه
ليليان بإبتسامه هبله: أنا لا ده أنا بشكرك على الخبره الكبيره إللى بتعملمها منك
عادل: : طيب كويس خلصى الاوراق دى عشان هتاخدى اوراق ميزانيه السنه كلها تراجعيها
ليليان : ؟؟؟؟؟؟؟!!!!!!
-&&&&&&&&&&&&&&&&&
كانت ليليان خارجه من الجامعه هى ومجموعة من اصحابها تفاجات بعادل مناظرها عند البوابه خبطت على إزاز العربيه وقالت: بتعمل ايه هنا
عادل: يعنى كليتى القديمه فجيت اشوفها وأعيد الذكريات
ليليان: لا والله بس حسب معلوماتي انك هندسه مدنيه وأنا زراعة يعنى مفيش أى علاقة مابينا خالص قول قول جاى هنا ليه
عادل: صعبتى عليا عشان بتتبهدلى في المواصلات فقلت أجى اوصلك ونروح الشغل سوا بدل ما تتأخرى
ليليان: مقابل إيه يا استاذ للدرجه دى شايفنى رخيصه بتغريها بعربيتك لا يا استاذ أنا انسانه محترمه أنا مش من البنات إياهم
عادل: تصدقى إنى غلطان عشان جيت خليكى بقى يا محترمه أنا ماشى
ليليان: ماشي فين لا ده أنا ماصدقت حد يعبرنى ويوصلنى
عادل: ليه هو انتى مش من البنات إياهم
ليليان: أنا معرفش يعنى إيه إياهم ( وركبت جنبه بسرعه وهى بتقول)) يالا ولو تعزمنى على واحد برجر هدعى لك
عادل: يعنى ركوبه وعزومه كمان . ماشي امرى لله يالا عشان مانتأخرش
&&&&&&&&&&&&&&&&
يوم الخميس كانت العائله كلها مجتمعه في بيت كريم وكانوا متقسمين لمجموعات
كريم وعبد العزيز كانوا بيلعبوا طاولة وبيسمعوا الست
سميحه وناهد وإيناس وزينب ببتكلموا وهم منسجمين
أما الباقى بيلعب بلاى ستيشن وصوت ضحكهم عالى وفجاه سمع الكل صوت جرس الباب
قامت ليليان تفتح و اتفاجأت بالشاب الوسيم إللى واقف على الباب بصت له وقالت : حضرتك عايز مين؟
الشاب : أنا جاى أقابل ماما مش ده بيت عمى كريم
ليليان: أيوه بس مين حضرتك
قامت سميحه بسرعه وهى بتفتح ذراعيها بفرحه وبتقول : إبنى سامح!!!!