رواية كبيره البلد والسر المدفون الفصل الاول1بقلم هوايد زغلول
حوريه كانت واقفه وسط الرجاله بتوعها رافعه راسها لفوق بعين مليانه قوه ومالك ابن عمها وحبيبها القديم واقف قدامها مبحلق فيها كأنه مش مصدق اللي شايفه وقال
مالك
يعني معجول دي حوريه اللي كانت بتترعب من البسه تعدي من جنبها دي تبجي كبيره البلد انا مش جادر استوعب ايه اللي جرالها وايه اللي جرال البلد
حوريه رفعت دجنها بكبرياء وقالت وهي بصاله من فوق لتحت
حوريه
راجعت ليه يا مالك فاكر ان لك مطرح بينا من تاني البلد دي خلاص بقت بتاعتنا واحنا اللي بنحكم فيها واللي هيجرب يجرب
مالك جرب منها خطوه وقال بصوت مليان وجع
مالك
فاكرين ان النسر لما يعلى في السما يبجى ناسي اصله ولا ايه فاكره الحب اللي كان بينا ولا نسيتي كل حاجه انا جيت عشان اشوفك واجولك اللي في جلبي واللي دمرني من يوم ما سبتيني
حوريه اتوترت لحظه بس رجعت تماسك نفسها وقالت بجسوه
حوريه
الكلام ده مات خلاص زي صاحبه اللي مات زمان ارجع من حيث ما جيت احسن لك
مالك ضحك بمراره ولف عبايته ومشي وهو سايبها والرجاله حواليها ساكتين فصرخت فيهم
حوريه
ايه يا رجاله هتفضلوا باصين لي كده كتير لو مالك غاب عن عيونكم لحظه واحده محدش فيكم هيسلم مني فاهمين
وسابتهم ودخلت جوا الدار وقلبها بيخبط جامد وعيونها سرحت بعيد وابتدت تفتكر اللي حصل زمان
فلاش باك
كانت واجفه في جنينه الفيلا جنب مالك والهوى بيحرك شعرها وقالت بدلع
حوريه
هو انت ليه مش لابس هدوم الظابط زي ما انا بحب اشوفك ليه الجلابيه دي هو انا اول مره اشوفك صعيدي يعني
مالك ضحك وقال
عشان تشوفيني على اصلي يا بنت عمي وتشوفي هيبة الصعيدي صوح
حوريه قربت منه وقالت
انت هيبتك في عيني كبيره حتى لو لابس شوال
مالك فضل باصص في عيونها وقال بصوت هادي
انا مش فاهم انتي عامله ايه في عيونك دي فيهم سحر بيشدني ليكي كل يوم اكتر من اللي قبله
حوريه اتكسفت وخبطته في كتفه
بطل كلامك ده انت لما نزلت مصر رجعت متغير خالص
مالك قرب منها وقال
اتجوزك بس يا حوريه وهتشوفي انا هعمل ايه هاخدك ونلف الدنيا ونروح اسكندريه ونعيش هناك وتبجي زي بنات مصر القمرات
حوريه زعلت وقالت
يعني ايه زي بنات مصر هو انا وحشه ولا ايه خلاص روح لهم وخليهم يملوا عينك
مالك مسك ايدها بسرعه
يا مجنونه ده انا لو لفيت الدنيا كلها مش هلاجي زيك انتي زي حور البحر
حوريه ابتسمت وقالت
يلا ندخل جوا قبل ما ابويا يحس اني برا ويعمل فيا مصيبه
دخلوا ولجوا الصوت عالي جوه البيت
عتمان كان بيزعق لسالم اخو ابو مالك وقالت
ايه يا سالم انت اتجننت ولا ايه تتكلم معايا بالطريقه دي انا اخوك الكبير
سالم رد بعصبيه
كبير ايه انت فاكر عشان كبير هتاخد كل حاجه لنفسك لا يا عتمان الدهب اللي طلعناه من تحت الارض ده حقي انا
عتمان قرب منه وقال
انت نسيت نفسك ولا ايه انت شغال عندي وانا اللي معلي مقامك
سالم طلع المسدس وقال
اللي ملوش لازمه اهو هيوريك مقامه دلوجتي
عتمان ضحك بسخريه
سيب اللعبه دي يا ولد انت مش قدي
سالم صرخ
انا هوريك انا مين يا عتمان
وضربه بالنار ووقع عتمان في ساعتها
في اللحظه دي دخلت حوريه وشافت ابوها واقع والدم حواليه فصرخت ووقعت جنبه
حوريه
ابويا لا يا ابويا متسبنيش حرام عليك
وبصت لسالم وهي بتعيط وبعدها حوريه قالت ل عمها
ليه يا عمي عملت فيه كده ده اخوك
مالك كان واقف مصدوم مش عارف يتحرك ولا يتكلم
سالم شده وقال
سالم
يلا يا ولد نمشي قبل ما حد يشوفنا
رجعوا البيت ومالك قال وهو منهار
مالك
ازاي تعمل كده في اخوك يا ابويا ازاي
سالم قال ببرود
اسكت خالص احنا لازم نمشي من البلد دلوجتي البت حوريه دي مش هتسكت وانا عارفها زين عامله زي ابوها عمرها ما تسيب حقها واصل مهما أن حوصل اي
مالك قال
نمشي ازاي ونسيب كل حاجه وبعدين هو انت مش خايف علي مستقبلي يا ابوي انت عارف ان بسبب اللي حوصل ده انا ممكن اترفد من شغلي
سالم
انا عارف حوريه زين عمرها ما هتفكر تاخد حقها بالقانون لازم هتخادو ب أيدها المهم احنا لازم نبعد عن البلد
مالك
عايزني اهرب يا ابوي
سالم رد
احنا مش بنهرب احنا بنبعد لحد ما الدنيا تهدى وبعدين نرجع
مالك قال
هتعمل ايه في مصر هو انت تعرف حد هناك ولا هتقدر تعيش هناك اصلا
سالم قال
ب ابني افهم انا كده كده نازل مصر علشان خاطر
هبيع البضاعه اللي معايا
مالك استغرب
بضاعه ايه انا حاسس ان بتكلم عن واحد تاني معرفوش
سالم بصله وقال
دهب يا ولد دهب من تحت الارض
مالك اتصدم وقال
يعني ايه دهب انت بتعمل في ايه ده انا داخل داخليه وانت بتسرق دهب
سالم قال بعصبيه
اسكت وخليك معايا بدل ما تضيع احنا لازم يبجى لينا ظهر جوه الحكومه
مالك سكت وهو حاسس ان الدنيا كلها بتقع عليه
وبعدها نزلوا مصر ورجع سالم شقه مالك. وقام وقال ليه
مالك
كنت فين يا ابوي لحد دلوكيت
سالم
اسكت انا اتنصب عليا وبجد مش عارف اعمل ايه الدهب كله اتسرق مني
مالك
انا مش فاهم انت بتعمل فينا كده ليه حرام عليك وبجد كنت مستني ايه اللي يحوصل بعد اللي عملته
سالم
ارجوك يا والدي انا مش ناقص سبني باللي انا فيه حرام عليك
مالك
هو انت فاكر انك هتعرف تعيش يوم واحد في خير
بعد اللي عملته في اخوك الله يسامحك يا ابوي
وبعدها سالم مسك قلبه ووقع
مالك راح علي ابو وبعدين قال
مالك
بوي قوم يا ابوي وبعدها راح المستشفي وعرف ان ابو مات
وفضل مالك في القاهره شويه وبعدين قرر أنه يرجع الصعيد
رجوع
حوريه فتحت عيونها ومسحت دموعها وقالت لنفسها
حوريه
انا مش هسامح يا مالك ولا هنسى اللي حصل حتى لو جلبي لسه بيحبك
وفي نفس الوقت كان مالك واقف برا وبيبص علي الدوار وفال
مالك
معجول اغيب عن البلد المده دي كلها وارجع الاقيكي اكده بس انتي برده كيف البدر يا حوريه حتى لو لابسه جلابية راجل انا مش عارف امسك نفسي كيف اكتر من اكده وانا شايفك منوره اكده وكانك كل يوم بتثبتيلي انك كل يوم تحلوي اكتر من اليوم اللي فات
ومهما تعندي وتباني قدامي انك قويه ما هيدخلش عقلي بالكلام ده
ويركب عربيته ويمشي
في الوقت ده كانت ليل اخت حوريه ماشيه في البلد وفي اللحظه دي بيعدي مالك وما ياخدش باله منها يخبطها بالعربيه واول ما يحس ينزل بسرعه
مالك
هو انتي ايه اللي عاملاه ما تبصيش قدامك هو انتي ازاي تمشي اكده من غير ما تفتحي عيونك زين هو انتي عايزه توديني في داهيه
ليل
اه ياني يا رجلي مش قادره واصل
وبعدها بصت ليه وقالت
يعني انت الغلطان وكمان بتغلطني انا هو انت فاكر اني هسكت على طريقتك دي لا يا خوي اه اللي باين عليا اني من البندر بس انا صعيديه وبنت صعيدي
وابوي كان ماسك البلد دي كلها ودلوك اختي هي اللي ماسكاها
مالك
هو انتي مين اصلا وبتتكلمي على مين انا مش فاهم منك حاقه وخيتك مين وابوكي مين وانتي بنت مين في البلد دي وخصوصي ان اول مره اشوفك اكده
ليل
ما انا قولتلك اني بنت كبير البلد عتمان ابوي عتمان اللي كان ماسك البلد كلها بتاعتكم دي علشان كده هروح البيت واحكي لحوريه اختي على اللي عملته واستحمل بقى اللي هيحصلك وخلي عينك مفتوحه زين
ولما تيجي تمشي يوقفها مالك ويقول
مالك
استني ما تروحيش في حته انا مش فاهم منك حاچه غير كده وكده لو انتي فعلا بنت عتمان يبقى انا ابن عمك انا دماغي لفت فهميني ازاي تبقي بنت عمي وما نعرفش عنك حاجه
ليل
انا تعبت من الحكايه دي كل شويه حد يقابلني ويسألني عليها واحكي من الاول بس يلا مش هتيجي عليك المره دي
وبعدها اقعدت قدامه علي الارض وقالت
اسمع يا سيدي وبتبتدي ليل تحكي اللي حصل
فلاش باك
ليل واقفه قدام سرير امها وبتعيط وبتقول
ليل
وحياتك يا اما ما تسيبينيش لوحدي هعيش كيف وانتي بعيده عني ما تسيبينيش وانتي عارفه زين لو سبتيتني ايه اللي هيحصلي
وفوق ده كله ابوي بقاله زمان ما بيسألش ولا بييجي مصر
سميره بتعب
اهدي يا ليل انا عارفه انك مالكيش حد غيري بس خليك فاكره ان ابوكي موجود اول ما تدفنوني هتلاقي العنوان والبلد اللي عايش فيها روحي اقعدي وياهم هناك علشان ابقى مطمنه عليكي
ليل بدموع
وحياتك يا اما بلاش الكلام ده انتي هتخفي وهتبقي زينه ما توجعيش قلبي عليكي
سميره
خلي بالك من نفسك يا ليل وخليكي وسط اهل ابوكي وما تسيبيهمش هما سندك بعد ربنا واسمعي الكلام يا بتي
واول ما تقول اكده روحها تطلع لربها
وتمر الايام ويتدفنوا سميره وساعتها تاخد العنوان وتطلع على الصعيد وتنزل حوريه وهي لابسه لبس رجالي وبعدها بتقول ليها
حوريه
قولي اللي انتي عايزاه ابويا خير عايزاه في ايه وانتي مين وجايه منين من البندر على هنا
ليل بتوتر
احممممم انا امي سميره كانت متجوزه ابويا عتمان
وكان بياجي عندنا القاهره بس بقالو مده مش بيجي انا جايه علشان اقوله ان امي ماتت وما بقاش ليا مكان غير هنا علشان اكده جيت
حوريه
انتي اتجننتي ايه الكلام ده هو انتي فاكره انك هتيجي ترمي بلاكي علينا هنا تبقي لسه ما تعرفيش انا مين ابويا ما اتجوزش غير امي ولو فاكره انك هتضحكي علينا تبقي كتبتي نهايتك بيدك
ليل
وحياتك ما ليش دعوه بالكلام ده انا ما جيتش غير علشان ما بقاش ليا حد ولو مش مصدقه دي شهاده ميلادي وصوري ويا ابويا كمان
واول ما حوريه تشوف اكده تتصدم وتقول
حوريه
وا وا وا
طب ما ابوي متجوز ليه ما قالناش وليه كان مخبي علينا اكده
ليل
وحياتك انا ما اعرفش حاجه انا كل اللي عايزاه الامان هنا وخايفه اوي من ساعه ما امي ماتت
اول ما تسمع اكده تقرب منها وتحضنها وتقول
حوريه
ما تخافيش يا ليل طول ما انا موجوده اي حاجه تيجي لك تعاليلي وقوليلي وشوفي هعمل ايه
ليل
هي مين حوريه دي اللي بتقولي عليها انا مش فاهمه حاقه
حوريه
انا حوريه اختك
ليل
حوريه اختي كيف انتي اكيد بتهزري وانا عاوزه ابوي ابوي فين
حوريه
اهدي ابونا مات وانا دلوك لازم اعمل اكده علشان محدش يجي علينا وبروح قايله لها على كل حاجه
ليل
معقول كل اللي بيحصل ده طب انتي ذنبك ايه في كل ده وليه تدفني انوثتك وتلبسي جلابية رجاله وتعملي اكده في روحك وكل ده علشان ايه
حوريه
علشان خاطر اسم ابوي يفضل اي حد يسمعه يخاف مني ابوي طول عمره كان نفسه في ولد يشيل اسمه قبل ما يموت بس اللي ما يعرفوش انه خلف رجاله ما خلفش بنات
ليل
بس حرام عليكي انتي اكده بتظلمي روحك ما ينفعش اللي انتي بتعمليه ده
حوريه
بلاش حديتك اللي ما لوش لازمه واطلعي فوق ريحي من تعب السفر واي حاقه عاوزاها قوليلي وما لكيش دعوه باي حاجه
وفعلا من ساعتها وليل قاعده ويايا في نفس الدوار وطول الفتره دي بتحاول تخليني اقلع الجلابيه بس انا كنت برفض وبالذات ما كانش حد هيخلي باله من مصالحنا غيري
رجوع
واول ما ليل تخلص كلامها يرد مالك ويقول
مالك
معقول كل ده يطلع من عمي انا مش مصدق والله انتي ما تعرفيش انا مبسوط كيف انك طلعتي بنت عمي انا مالك ابن عمك سالم ولو احتاجتي اي حاجه انا موجود
ليل
معقوله قريبنا انا ما تعرفش انا مبسوطه كيف يا مالك اني اتكلمت وياك انا لازم امشي دلوك علشان زمان حوريه قالبا الدنيا علي وبالذات اني اتاخرت عليها وانا فرحانه اني اتكلمت وياك
وبتسيبه وتمشي وهي بتبص عليه وبتضحك
مالك
حلو الكلام ده اللعبه بدت تحلو انا عرفت دلوك كيف هخليكي ترجعي حوريه اللي كانت ضحكتها كيف البدر وبيركب عربيته ويرجع بيته
بعد شويه توصل ليل واول ما اشوفها اقول لها بحده
حوريه
هو انا ما قلت لك اكتر من مره بلاش اللبس اللي بتلبسيه في البلد دي انتي عاوزه الناس تاكل وشنا انا قلت لك تنسي حياة البندر خالص هو انتي ما بتسمعيش الكلام
ليل
حرام عليكي يا حوريه مش معقول كل ما ارجع مبسوطه تقلبوها نكد اكده وبعدين انتي عارفه اني ما برتاحش غير في اللبس ده ولا عاوزه تخليني البس زيك انا ممكن يجرالي حاقه بجد
حوريه
انا ما قلتش اكده بس شوفي بنات البلد بيلبسوا ايه والبسي زيهم ولا انتي عاوزه الناس تاكل وشي وهيبه تروح بعد ما البلد كلها عارفه اني ما بحبش الحال المايل
ليل
خلاص يا حوريه ما تكبريش الموضوع وهو ما يستاهلش يا ستي انا هحاول اظبط الدنيا بعد اكده واوعدك اني هاخد بالي من لبسي بس سيبيك من ده كله تصوري وانا راجعه الدوار عربيه خبطتني
ولسه جايه تكمل كلامها اقطعها واقول
حوريه
طب انتي كيف انتي زينه وتعالي نروح المستوصف دلوك نطمن عليكي وطالما حصل لك اكده واقفه تتحدتي معايا ده كلام ومني ابن الرفدي اللي عمل فيكي اكده انتي ما تعرفيش انا هعمل فيه ايه
ليل
اهدي يا حوريه ما حصلش حاجه كبيره الموضوع بسيط وعلى فكره كان ذوق خالص وما كانش يعرف انه يقرب لي ده مالك بس شكله حلو قوي قوي وحاسه انه معجب بيا وانا بصراحه حسيت براحه من ناحيته وشكلك اكده هتفرحي بيا قريب
اول ما اسمع اكده اقوم واقفه واقول بعصبيه
حوريه
قولي انك بتهزري صح مالك مين اللي بتقولي عليه الكلام ده اوعي يكون مالك ابن عمك سالم بقول لك انسي خالص وما تقفيش ويايا في الموضوع ده تاني انتي سمعتي
ليل
هو في ايه يا حوريه انا زهقت من طريقتك دي وماله مالك ده انا قلت هتفرحي وبالذات انه قريبنا
حوريه
لو كنتي مركزه كنتي فهمتي ان اسم مالك ده ابوه هو اللي عمل اكده في ابونا وخلانا نتحرم منه
ليل
ايوه برده انا مش فاهمه هو من امتى العيال بتشيل ذنب ابوها واللي عمله وذنبي انا ايه في كل ده وانتي قولتي انه ما كانش له يد في اللي حصل
حوريه
بقول لك يا ليل انا ما عاوزش كلام كتير انا قولت لك اللي فيها ولو ما عاوزاني ازعل منك تبقي تبعدي عن اللي اسمه مالك خالص علشان مستحيل اخليكي تقربي له
مغتاظه منه وبمشي واروح على بيت مالك واول ما يشوفني يقول