رواية عزبة شيماء الفصل الاول1بقلم محمد طه
_المسجون هرب يا باشا
_هرب إزاي يا حضره الظابط، وحضرتك كنت فين، (ويخبط بإيده على المكتب) الواد دا يكون على مكتبي النهارده يا حضره الظابط
_يا أفندم إحنا حددنا مكانه، والمعلومات اللي عندنا مؤكده
_بغضب..ولما حددتو مكانه، والمعلومات مؤكده، مستني إيه يا حضره الظابط، خد قوه وأطلع هاتوا
_يا أفندم المعلومات بتقول إنو ف عزبة شيماء
_بغضب وانفعال..إنشالله يكون ف عزبة الجن الأزرق، إيه عزبة شيماء دي كمان، هتكون عزبة منصور الحفني يعني، أتفضل يا حضره الظابط حضرلي قوه، وأنا اللي هطلع أجيب الواد دا بنفسي، أتفضل يا حضره الظابط
______________________
(من داخل كافي شوب)
(شاب قاعد لوحده حزين ومهموم وشايل هموم الدنيا كلها فوق دماغه، وكان فيه راجل كبير ف السن شافه وقرأ تعبيرات وشه اللي بتدل على اليأس والأحباط، ف أخد الراجل العجوز كرسي وراح قعد جمب الشاب)
_العجوز..مالك يا إبني، أنا شايفك قاعد بالساعات حزين ومهموم، أنا آسف إني بتدخل ف حاجه متخصنيش، بس أنا كمان مش لاقي حد أتكلم معاه،
فضفض واحكيلي اللي مضايقك، ولو مش حابب تحكي، على الأقل اسمعني وهحكيلك أنا
(نزلت دمعه من عين الشاب لخصت حاجات كتير، وبص الشاب للعجوز وقام وقف، والعجوز أفتكر إن الشاب زعل وهيمشي، لكن العجوز أتفاجئ بالشاب وهوا بيحضنه وبعد كده باس إيد العجوز)
_الشاب..أنا ليا الشرف يابا إني أحكيلك، وحضرتك تحكيلي واسمعك،بس أنا مشاكلي مش هتتحل بالكلام،لو كان الكلام هيحللي مشاكلي، أنا كنت اتكلمت مع العالم كله وحكيتله
_العجوز..طيب أقعد يا إبني وصدقني مفيش مشكله ملهاش حل، وعالفكره، المشاكل اللي عندك كلها، نص حلها عندك أنته
_الشاب وما زالت عينه بتبكي..نص حلها عندي إزاي
_العجوز..إنك تدور على حل لمشاكلك، ف هوا دا نص الحل، فيه ناس أول ما تقابلهم المشاكل، فيه منهم اللي بيختار طريق الهروب، وفيه منهم اللي بيختار طريق الا،نتحار، وفيه منهم اللي عقله بيخف ويروح ف طريق الجنون،وفيه اللي بيدور على الحل حتي لو فيه خساره، وخدها مني نصيحه من غير ما أعرف إيه هيا مشاكلك، لو الخساره اللي هتخسرها ف حل مشاكلك هتحافظلك على الناس اللي بتحبهم وبيحبوك، وهتحافظلك على إنك ما تخسرش دينك وتدخل ف طريق الا،نتحار، وهتحافظلك على ثبات عقلك من الجنون، ف الخساره هنا مكسب، طول ما أنته حافظت على ناسك وعلى دينك وعلى عقلك، ف أنته كسبان مش خسران
_الشاب بارتياح..أنته كلامك حلو أوي يابا..وأنا ارتحتلك..وهحكيلك على كل حاجه..بس أنا خايف متصدقنيش
_العجوز..ودي تاني نصيحه هقولهالك،لو أنته صاحب حق ومظلوم،أوعي تخاف،صاحب الحق يا إبني لازم تكون عينه قويه وميخافش، عشان لو خوفت عمر ما حقك هيرجع، وعمر ما فيه حد هيصدقك
(ولسه الشاب هيتكلم العجوز يقاطعه)
_العجوز..قوم بينا نروح مكان غير ده،إحنا قاعدين ف كافي شوب ومش عارفين مين اللي سامعنا ومين اللي مركز معانا
_الشاب..طيب هنروح فين
_العجوز..هنروح عزبه شيماء، هيا قريبه من هنا، العزبه دي الوحيده اللي لما بدخلها بحس براحه غريبه، أنته كمان أول ما هتدخلها هتحس براحه غريبه جواك
_________________________
(فتاة ليل ومكالمه تلفون)
_الفتاه..أسمع يلا، أنا شغلي بالدقيقه، هتحاسبني بالدقيقه أنا معاك،والدفع مقدم، تشوف أنته قوتك هتسد لكام دقيقه وتبعت الحساب كاش، غير كده ما تضيعش وقتي
_المتصل بثقه..بالدقيقه بالثانيه بالساعه، أنا حاجز الليله كلها، هوا إنتي فكراني عيل من عيال اليومين دول، خمس دقايق ويهنج
_الفتاه بضحكه دلع..أما نشوف، شكلك كده هتطلع بتاع كلام وبس
_المتصل بثقه..هتشوفي وهخليكي تحلفي بحياتي عمرك كله، المهم دلوقتي فيه مشكله بسيطه
_الفتاه بضحكه سخريه..احيه، مشكله إيه يا اللي هحلف بحياتك عمري كله
_المتصل..أنا معنديش مكان، لو تعرفي تدبري مكان يبقي تمام، ومتشغليش بالك بالحساب، هراضيكي وهبسطك عالآخر، فلوس ومتعه
_الفتاه بعد تفكير..خلاص المكان عندي،نتقابل النهارده بالليل ف عزبة شيماء، هبعتلك اللوكيشن،سلام يا أسد مؤقتا
________________________
(ف بيت تاجر سلاح)
_يابا وهدان كان هيغدر بينا العمليه اللي فاتت، أنا مش عارف ليه حضرتك مُصٌرْ تشتغل معاه،مع إن فيه غيره بدل الواحد عشرين، ويتمنو يشتغلوا معانا
_بهدوء وثقه..عشان العشرين واحد اللي عايزين يشتغلوا معانا دول، ممكن يكون فيهم واحد من الحكومه، وبعدين أنا حققت ف اللي حصل ف العمليه اللي فاتت، وأتأكدت إن وهدان ملوش يد ف اللي حصل، أنته بس اللي قارش ملحته ومش نازلك من زور، وقولتهالك مليون مره قبل كده وهقولهالك تاني، طول ما أنا عايش، أنا اللي أقول نشتغل إزاي ومع مين
_ربنا يديك طولة العمر يابا، ويخلي حسك ف الدنيا، ويجعل يومي قبل يومك
_طب يلا أبعت مرسال لوهدان
_خير يابا، هوا فيه تسليم بضاعه النهارده ولا إيه
_أيوه، خلي المرسال يبلغه إن البضاعه هيستلمها الليله، ويعمل حسابه الفلوس تبقي كاش وبالدولار
_حاضر يابا(ويسيب أبوه ويخرج وقبل ما يخرج يرجع لأبوه تاني)مكان التسليم فين يابا
_بهدوء وثقه..ف عزبة شيماء
_________________________
(عزبة شيماء)
(قبل منتصف الليل بساعتين)
(بيت شيماء يشبه القصر الفرعوني، هوا بيت دور واحد أرضي، والسقف ساحه كبيره جدا مخصصه للأجتماعات، وحواليه حراسه مشدده، لكن مفيش واحد فيهم معاه سلا،ح، كل واحد السلا،ح اللي معاه هوا كلب مدرب على أعلي مستوي، ومفيش إلا واحد بس اللي معاه مسد،س ومش مسموح يستخدمه إلا ف أضيق الحدود)
(يدخل الشخص اللي معاه السلا،ح، وهوا ماسك السلا،ح ف إيده وبيتنفض من الخوف)
_ألحقي يا شيماء، مصيبه، الحكومه دخلت العزبة، وجايين على هنا، هنعمل إيه
(تظهر شيماء بهيبتها وبعباءه سوده ولابسه عليها بالطو، والشال على راسها والسبحه ف إيدها،وقربت من الشخص دا وأخدت من إيده السلا،ح، ورفعت العبايه وكشفت رجلها، وكان فيه حزام مربوط فوق رقبتها وحطت فيه المسد،س، وبعدين كلمت الشخص بكل هيبه وثقه)
_شيماء بثقه..من اللحظه دي شغلك هيكون ف المطبخ مع الحريم، تطبخ وتغسل وتمسح معاهم، عشان أنا مفيش راجل يشتغل معايا ويخاف،يلا عالمطبخ واللي يتقالك عليه تعمله
(وينفذ الشخص اللي شيماء أمرت بيه من غير ما ينطق بكلمه،ومفيش دقايق والحكومه دخلت بيت شيماء، ولما الحكومه دخلت كانت شيماء عاطيه ضهرها للحكومه وواقفه بكل هيبه وثقه)
_الظابط بحزم وصوت عالي..إنتي شيماء
_شيماء وهيا ما زالت عاطيه ضهرها للحكومه وبكل ثقه وصوت لايعرف الخوف..
أنا شيماء حسان الباجوري(وفتحت دراعاتها وقالت)
أهلا بيكم ف عزبة شيماء؟