بعد مرور عدة شهور من اختفاء عفركوش مات الاب وانهارت البنت ومكنتش متقبله فكره موت ابوها ونفسيتها بقت زفت وزهدت كل شئ يربطها بالحياه وهنا ظهر الاخ عفركوش (ينيلك عفريت انت قاعد مراقبها ومستنى الفرصه)
ف الاول كان بيظهر ف هيئه احلام الشاب الحليوه الى جاى معجب بالبنت وبيحبها وعاوزها تروح معاه
(ينهار منيل عاوز يغرغر بالبت الغلبانه)
كانت بترفض يبتدى يمشيها معاه غصب وهى تقاوم وف مره مدت ايديها ف عيونه بظظت عنيه
(جدعه يابت ايوه كدا خديهم بقى اسلقيهم زى البيض وطفحيهم ليه ابن الوارمه)
المهم لأول مره تكون قويه وتحس انه خاف منها لما اتصدتله بشجاعه وقوة ايمان بس هو مش يأس بدأ يظهر بهيئته المنيله على شكل كوابيس مفزعه
(يادى النيله الهى يجيلك تبول لا ارادى عفريت ابن صرمه)
والحمد لله بفضل ربنا وحفظه كان بيحميها لحد ما عم عفركوش دخل عليها ب ليفل الوحش وظهر لها عيانا بيانا (احيه يا ابو سوسو احيه)