استمرت الحر.ب بين البنت وعفركوش لايام طويله
(سمعاكى يالى بتقولى هى المداح ولا ايه ايوه ياختى زيه والمداح هو الى مقلدها بقى 😏😏😏 )
المهم بعد صر.اعات كتير ومحاولات من عفركوش انها تروح معاه كلها باءت بالفشل قرر الاخ يظهر ليها يمكن تخاف وترضى ساعتها (عفركوش جاب اخره وجض من البنت يخربيته)
ف يوم كانت نايمه عادى ف امان الله ونسيت تحصن نفسها ب الأذكار زى كل يوم
كل ما تتقلب على جمبها اليمين تشوف خيال ورا ستاره الشباك ماهو شباك الاوضه ف الحيطه الى جمب السرير وبعيد عنه بنص متر المهم مكنتش بتركز زى ما الشيخ نصاحها وتتقلب تدى ضهرها للشباك تحس بأيد بتخبط على كتفها وحاجه جواها قويه مخليها عاوز تلف وشها واتنيلت على عينها ولفت شافت دماغه مطله من ورا الستاره وبيضحك لها قالت يابت دا حلم استغفرى ربك ولفى وشك ونامى وعملت كدا حست بحد بيقعد جمبها ويشد شعرها بخفه كدا وبرضوا حاجه جواها عاوزاها تلف وشها (اوعى تلفى وشك اوعى فى خازوق مستنيكى يابت)
ولفت ولاقته ف وشها داخل طاير من الشباك زى الوطواط وبيضحك اوى ضحكته الشريره وبقه بيوسع وهو طاير ناحيتها اكنه هيبلعها طبعا من الخضه رقعت بالصوت صحت بيها الصاحيين والميتين (ياختى ما كنتى رقعتى بالصوت من اول مره لازم يعنى تسرعى الى جابونا معاكى)
طبعا الله ما يوريكم حالتها والخوف الى كانت فيه بقت كمشانه ف جوزها زى العيل الشبطان ف امه وطول الليل قافشه فيه وجسمها كله بيتنفض وهو بيقرأ على دماغها آيات القرآن الكريم عشان تهدى وهى عماله تخطرف ف الكلام (بينى وبينكم جوزها قدامها كان متماسك لكن هو كان ميت من الرعب اكتر منها ومن بعدها بقى يخاف منها 😂😂😂)
ربنا رزقها بشخص حسها على المواظبة ع الصلاة وقراءة القرءان وطلع حصن لها اوضه النوم وطول ما هى نايمه فيها مش بتشوف كوابيس والحمد لله