رواية نسيان مؤقت الفصل الثالث3بقلم ملك ابراهيم

_الغـ.ـدر لما بيجي من الغريب بيكون معقول.. مقنع.. لكن لما بيجي من القريب بيكون صعب!. 

كانت نوران واقفه قصاد عربية الكبده بتاعتها بعد ما إتفحـ.ـمت تمامًا.. واقف جنبها محمد وهو حزين من جواه عليها.. وبيتكلم وبيقول:-

_تفتكري مين إللي عمل كدة؟!. 

_عطوه... مفيش غيره كل دا علشان يجبرني أشتغل معاه تاني.. 

_صحيح هو كان عاوزك تشتغلي معاه تاني في إيه؟!... 

بتبصله نوران وملامحها بدأ يبان عليها البرود.. وبتقوله:-

_ملكش دخل.. والأحسن ليك متعرفش علشان لو عرفت مش هتكون فاقد الذاكره، إنتَ مش هتكون موجود من الأساس... 

وبتمشي من قصاده لكنها بتسمعه وهو بيتكلم بصوت عالي وبيقول:-

_أنا عمومًا موجود، رقمي معاكي لو احتاجتيني هساعدك يا نوران.. 

بتسمعه وبتكمل مشي وهي مفيش في تفكيرها غير إزاي تقدر تنتقـ.ـم... 

____________________

_مساء الخير يا أمي، بسنت فين؟!.. 

_لسه مجتش يا حبيبتي، من وقت ما نزلت العصر وهي مرجعتش أنا تعبت من البنت دي يا نوران.. مطلعتش شبهك ليه يا بنتي.. 

_معلش يا أمي هي صغيره بكره تكبر وتعقل شويه.. 

_مال هدومك! عليها هبـ.ـاب كدة ليه؟!.. 

_عربية الكبده ولعـ.ـت يا أمي.. والجيران طفوها على بال ما جيت كانت بقت فحمـ.ـه.. رزقي ضاع بس مش هيضيع عند إللي خلقني.. 

_لا حول ولا قوة إلا بالله العلي العظيم، ربنا يعوضك يا بنتي.. أنا مش عارفه اقولك ايه.. 

_متقوليش يا أُمي.. المهم أخدتي الدوا بتاعك ولالا.. 

_الدوا بتاع بعد العصر لا.. قولت لـ بسنت تديه ليا رفضت ومرضيتش وإنتي عارفه مبقدرش أقوم.. 

في اللحظه دي نظرات نوران بتتحول من البرود لـ الغضـ.ـب وبتسمع صوت فتح باب الشقه.. بتقوم وهي بتخرج من أوضة والدتها وبتشوف بسنت قصادها وبتروح تجاهها وهي بتمسكها من شعرها وبتجرها لحد أوضة والدتها من تاني.. 

كانت بسنت بتصـ.ـرخ بصوت عالي وبتقول:-

_إنتي إتجـ.ـننتي سيبيني يا متخلفـ.ـه... 

وبتضربـ.ـها نوران بالقلم وهي بتقولها:-

_إللي إتجننـ.ـت هيَ إنتي يا أم عيار فالت... هتنطقي المعلم عطوه جالك الشقه ليه ولالا!!!. 

_قولتلك مجاش هنا.. قولتلك مجاش... 

_أنا لما جيت سألت أم سيد.. وقالتلي إنه كان بيخبط علينا إحنا.. إنطقي يا بسنت إنطقي وإلا هدفنـ.ـك تحت رجلي ورجل أمك ولا هنحس بذرة ندم واحدة عليكي... 

_المعلم جه علشان يعرض عليا فلوس كتيره مقابل إني أساعده أننا نولـ.ـع في عربية الكبده وإشتريت ليه بنـ.ـزين.. 

_بتتأمري مع الغريب علىٰ أختك يا بنت أبويا وأمي؟! بتخونـ.ـيني وبتقطعي أكل عيشي وتضيعيه علشان مرضـ.ـك، إنتي مريضـ.ـه، إنتي مريضـ.ـه يا بسنت.. 

وأول ما نوران بتنتهي من كلامها بتمسكها من هدومها وهي بتقولها:-

_أُمك لما تطلب حاجه تروحي ورجلك فوق رقابتك تعمليها.. أخر مره هسمع إنك مرضيتيش تديها الدوا.. لو سمعتها منها تاني هدمـ.ـرك يا بسنت.. 

وبتسيبها من إيديها وهي بتنفضها وكإنها كانت ماسكه حاجه مش نضيفه.. وبتتجه برا الاوضه ولكنها بتقف وهي بتبصلها من تاني وبتقولها بمنتهىٰ السخريه:-

_ولا هـ.ـدمرك إيه؟! ما هند وراكي في كُل حتة.. خليها كدة لحد ما توديكي في داهيـ.ـه.. 

بتمشي من قصادها نوران لكن بتقف تاني لما بتسمعها بتقول:-

_أنا بكرهـ.ـك يا نوران... بكـ.ـرهك وأطيق العمـ.ـىٰ ولا إني أشوفك.. 

_ومين قالك إني بحبك يا بسنت؟! إنتي بالنسبالي لعنـ.ـة.. مش أخت!. 

وبتخرج من الاوضه والشقه كلها وهي بتقفل الباب وراها بقوة شديدة لدرجة إنه كان هيتخلع في إيدها.. 

بتبص بسنت على والدتها إللي كانت ساكته ومش بتعمل حاجه غير إنها بتعيط، بتقولها بسُخريه:-

_خليكي كدة بتعيطي.. ربنا يريحني منك إنتي وبنتك.. إنتم الإتنين شـ.ـر... 

وبتاخد شنطتها وبتخرج برا الاوضه وبتتجه لباب البيت وهي بتفتحه وبتنزل منه.. 

بتفضل والدة نوران وبسنت قاعدة مكانها وهي بتعيط وبتقول من بين دموعها:-

_مش مسمحـ.ـاكي يا بنتي، مش مسمحـ.ـاكي

____________________

_إنتَ إيه موقفك هِنا؟!... 

_بيقولوا فيه جريمـ.ـة قتـ.ـل حصلت في البيت دا.. 

كان محمد بيشاور على البيت اللي قصاد بيت نوران.. بتبص عليه بلامبالاه ولكن عينيها بتتحول من البرود للصدمه وهي بتشوف صاحبة عمرها نايمه على السرير الناقل لعربية الاسعاف وهما شايلينها.. 

بتروح نوران تجاهها وهي بتمسك ايدها وبتقول:-

_إسراء حبيبتي، مين عمل فيكي كدة..

_مش قولتلك يا نوران.. قولتلك إن عيشتي معاه يا هيمـ.ـوتني يا همـ.ـوت لوحدي؟!.. 

بتلاقي والدتها ماشيه معاهم وهي بتقولها:-

_لا يا حبيبة أمك لا، هنمشي من هنا وهناخد شقه لوحدنا ونبعد عنه، انا الغلط يا بنتي أنا اللي إختارت ليكي اب بالأسم، أب ظالـ.ـم... 

_خلي بالك من ماما يا نوران.. من بعدي مش هيكون ليها حد. 

وبيبعدها رجال الاسعاف وهما بيدخلوها جوا العربيه ووالدتها بتطلع معاها، بتفضل نوران واقفه وهي شايفه العربيه بتمشي... 

ومن بعدها بتلاقي العساكر خارجين من البيت وهما ماسكين والد إسراء.. بتبصله نوران بنظرات كلها شمـ.ـاته.. وأول ما بيعدي من قصادها بتقول:-

_مريـ.ـض تتعالج مش تمارس عقـ.ـوق الأبناء.. 

_أنا عارف إن الوقت متأخر بس تسمحيلي اعزمك على شاي علىٰ ونقعد القهوة دي؟!. 

_لما نشوف أخرتها يا أسطا محمد. 

_إحكيلي... 

_عطوه شغال في المخـ.ـدرات وأنا كنت من أهم الموزعين ليه.. الناس كانت بتطلبني بالأسم علشان حلوة ومعاملتي دوغري... كان بيديني وجبات أكل على اني اوزعها ومكنتش أعرف إن جواها مخـ.ـدرات غير لما شكيت إن الناس اللي بتاخد الوجبات ناس نضيفه.. مش محتاجه يعني.. وفتحت علبه في يوم وفهمت وقتها. 

_وقتها سيبته علشان ببساطه أنا مليش في السكه دي.. من وقتها وهو بيطاردني.. بيقطع عيشي من كل حتة علشان أرجع واخرتها.. واخرتها إتفق مع أختي عليا.. 

_طب ليه مفكرتيش تبلغي عنه.. 

_عطوه بيهـ.ـددني بأُمي وأختي.. وأنا معنديش غيرهم في الدنيا من بعد ما والدي توفـ.ـىٰ.. 

وقبل ما يتكلم محمد بيلاقوا فجأة صوت عالي طالع من البيت اللي ساكنه فيه نوران.. بيتبعه واحد مجهول بينط من البلكونه بتاعت بيت نوران.. 

بتقوم نوران وبتجري تجاه البيت علشان تطمن على والدتها.. 

ومحمد بيقوم وبيجري ورا المجهول.. لحد ما بيوصلوا علىٰ أول الطريق ولكن في نفس الوقت كانت عربيه جايه بسرعه عاليه وبتخـ.ـبطه بقوه.. وبيقع محمد علىٰ الارض فاقد للوعي.. 

____________________

_ماما؟!!! إنتي فين يا ماما!!.. 

كانت نوران دخلت البيت وهي بتدور عليها بقلبها قبل عينيها.. لحد ما بتوصل قصاد أوضتها وبتفتحها.. المشهد خلاها مش قادره تتكلم! 

والدتها قصادها مرميه علىٰ السرير وغـ.ـرقانه في دمـ.ـها!!... ومش بتحس بعدها لإنها بتقع فاقدة للوعي..