رواية عشق فارس الصعيد الفصل السادس6بقلم هنا حسين
كروانه بغضب: اياك ثم اياك تقرب مني تاني انت فاكرني رخيصه
فارس بغضب اكبر قرب عليها ومسك دراعها وداس عليه بغل
فارس: وانت اياكي ترفعي ايدك عليا تاني مش علي شان سكتلك مره تسوقي فيها انا ممكن انسفك من وش الدنيا بس انا سايبك تجيبي اخرك معايا
كروانه: اخري واعر يابن المنياوي واني مش ساهله ولا رخيصه ومش هسمحلك تسيطر عليه تاني كيف زمان
فارس: مشكلتك انك شايفه نفسك حاجه وانت ولا حاجة اخرك كلام وخلاص يابنت الانصاري
كروانه بغضب: وقتك خلص اطلع برا واني اشتغل مع اللي عيزاه بقلم هنا حسين
فارس: انا طالع بس صدقيني لو عملتي اللي في دماغك هتزعلي
ومشي وسابها
اذكروا الله
دخلت السكرتيرة بلؤم
السكرتيرة: هو فارس المنياوي كان بيعمل اي هنا
كروانه بضيق: مالكيش صالح خليكي في شغلك وبس
السكرتيرة: انا مش قصدي حاجه يا فندم انا كنت حابه اطمن مش اكتر
كروانه: اطمني مافيش حاجه روحي هتيلي قهوه بدل اللي بردت
طلعت السكرتيرة وهي متغاظه من رد كروانه ليها
ماشي يا كروانه انا هعرف اوريكي
كان قاعد فارس بعد مارجع من عند كروانه
دخل ياسر عليه
ياسر: انت روحت فين جيت مالقتكش
فارس: روحت للزفته كروانه
ياسر: عملت اي
فارس: كروانه جابت اخري معاها بتلعب وهي مش عارفه بتلعب مع مين
ياسر: ساهله اهلها في الصعيد بيدور عليها غمزه منك يخلصوك منها من غير ماتوسخ ايدك فيها
فارس بغضب: ياسر كم مره اقول ان كروانه دي ملكي بعدين لو عاوز اعمل كده كنت عملت من زمان مش جبتلي التايهه انت
ياسر: خلاص يا عم براحتك انت مش ناوي تنزل الصعيد
فارس: ابويا كل شويه يزن عليا عاوزني انزل افكر انزل اخر الشهر ده
ياسر: طب كويس
اذكروا الله
عند كروانه كانت بتتكلم بغضب
كروانه: افهميني يامه فهد ده مش مجرد طفل عادي فهد لو ظهر هتحصل مشاكل كتير واني بغنه عنيها
انوار: الحق عليه اللي عاوزه يفرح بعدين ولدك زن عليه ماقدرتش عليه
كروانه: يامه يا حبيبتي فهد صغير مش فاهم حاجة واصل لو حد شافه وراح لفارس بلغه ممكن يخطفه ويحرمني منيه
انوار: ومين بس اللي يقوله يا بتي ده كان بيلعب بوز البوابه مراحش مكان بعيد
كروانه: فارس بيراقبني ووارد قوي حد يشوفه ويبلغه ريحي قلبي يامه وبلاش تسمعي كلامه تاني في الطلوع
انوار: حاضر يابتي
طلعت كروانه لاوضته فهد
لقيته بيذاكر
كروانه بعتاب: زين اللي عملته النهاردة
فهد: عملت اي يا ماما
كروانه: مانتش عارف يعني
فهد: بس زهقت يامه وانت مش بتخليني اطلع أبداً ولا حتي بتروحي معايا المدرسه حتي البيت عوزاني اقعد وماطلعش
كروانه: خايفه عليك يا قلب امك
فهد: ماتخفيش يا ماما اني مش هبعد عندك خالص
وقام قرب عليها وحضنها وهي ضمته بحب
كروانه: بحبك قوي يا قلب امك
هادي: يابوي اني تعبت مافيش غيري يشتغل شيع لولدك يجي يساعدني
ابوه: انا قولتله يجي وجاي قريب
هادي: جاي مقيم ولا هيمشي عايش حياته في مصر واني مدعوق اهنه في ام الاراضي
ابوه: وبعدهالك عاد يا ولدي فارس ده ربايه بلاد بره ماهيعرفش يتعايش معانه اهنه
ام هادي: يعني كان لازما تتجوز من بلاد بره
ابو هادي: النصيب عاد اعمل اي
هادي: ولا حاجه يابوي وانه يحط عينه علي اللي بحبها نصيب برضوا مش اكده واتجوز مره معيزهاش برضوا نصيب تخلفلي بنات برضوا نصيب
ابوه: ايوه نصيب امال نقول اي احمد ربنا غيرك مش لاقي ضفر عيل بعدين اخوك لا متجوز ولا مخلف من بعد اللي حصل
لا انت طولتها ولا هو
امه: ماعرفاش اي عاجبكم فيها لا مال ولا جمال بت انوار اهه غارت في داهية الله لا يرجعها
طلع هادي لغرفته لقي بسيمه بتعيط بقهر فهي هي فتاه يتيمه وضعيفه وليس لها احد
هادي بضيق: قلبها مناحه ليه يا وش الفقر
بسيمه: مافيش اني زينه
هادي: امال عاوزه تكوني اي كنتي تحلمي بجوازه زي دي
بسيمه: انت بتعايرني يا هادي اني ذنبي اي
هادي: اني اللي مذنب وعملت لحالي اكده واتجوزتك
بسيمه: اني معرفاش انت ليه بتكرهني اعملك اي علي شان تحبني اني والله بتمنالك الرضي يا هادي
هادي: القلب ومايريد عاد
بسيمه بحزن: وانت قلبك رايد غيري مش اكده
هادي: قفلي عن الموضوع غوري البت دي عند اخواتها وتعالي عاوزك ودخل الحمام ياخد شاور وسابها تبكي على ماهي فيه