رواية عشق فارس الصعيد الفصل السابع7بقلم هنا حسين
كانت كروانه في الشركه مندمجه في الشغل مع عمار
عمار: انا كده خلصت الشغل
كروانه: تمام كده اتفضل انت
فضل واقف عمار
كروانه: في حاجه يا عمار اتكلم علي طول
عمار: الحقيقه باسم بعتلي مسج بيقول انه لغي الشغل مابينا
كروانه بغضب: ليه هو لعب عيال
عمار: انا بقول اكيد حد قاله يعمل كده لا انه كان مرحب جداً بشغل معانا
كروانه: مافيش غيره فارس الزفت يعمل اكده مش عاوزني اكبر عاوزني دايما خسرانه بس ماشي اني هعرف اتصرف
عمار: انا معاكي متقلقيش
كروانه: شكراً ليك يا عمار اني عارفه انت مافيش منك اتنين
عمار: طب استأذن انا
وطلع وهي فضلت تفكر هتعمل اي مع فارس
اذكروا الله
كان فارس بيلبس هدومه لقي فونه بيرن
فارس: حبيبت قلبي وحشتيني
رهف: لو كنت وحشتك بجد كنت سالت ولا خلاص اكده مركب الاخوات غارت
فارس: هههه افصلي يخربيت رغيك بعدين انا مشغول بس يا ستي حقك عليا
رهف: طب طمني عليك ياخوي
فارس: كويس يا حبيبتي احتمال اجي الأسبوع اللي جاي
رهف بفرحه: بجد هيبقي احلي يوم
فارس بغرور: اكيد طبعاً مش فارس الصعيد اللي جاي
رهف: يابوي علي التواضع بقول عاد ماتنسنيش جبلي كل حاجه حلوه حاجات كتيره ماشي
فارس: ماشي يا طماعه بس متقوليش لحد عاوز اعملها مفاجأة اوك
رهف: اوكي يا خوي بقلم هنا حسين
وقفلت معاه لقيت امها رواها
نعيمه: بتكلمي مين يابت
رهف: مافيش حد يمه
نعيمه: اوعي تكوني بتكلمي اللي ميتسماش
رهف: ده كلام بردق يمه انت وهادي محزريني
نعيمه: ماشي اما نشوف
اذكروا الله
كان هادي بيلبس هدومه بضيق وبيسمه بتساعده
خبطوا البنات وسمحت ليهم بيسمه بالدخول
البنات: صباح الخير يابوي
هادي مردش عليهم
ريهام: كنا عاوزين المصروف علي شان رايحين الحضانه
بسيمه: اديهم يا هادي مصاريف
هادي بضيق: الفلوس علي كوميدينو بعدين اني شايف ان المدرسه مالهاش عازه لولا ابوي حكم رأيه البنات مالهاش علام
بسيمه بزعيق: حرام عليك يا هادي حرام نحرمهم من العلام
هادي بغضب: انت اتجنيتي بترفعي صوتك عليه طب يمين بالله ماهم رايحين النهاردة
يلا غوري يابت انت وهي على اوضتكم بلا قرف
طلعوا يجروا البنات بخوف وعياط
شافتهم رهف وطلعت تشوف في اي
اذكروا الله
كان هادي بيقرب علي بسيمه علي شان يضربها غير مهتم بصراخ الصغيره دخلت رهف عليهم
رهف: هادي انت بتعمل اي
هادي بغضب: انت كيف تدخلي من غير ماتخبطي علي الزفت ده
رهف بضيق: اصل الزفت كان مفتوح بعدين البنات كانو طالعين بيبكوا اي اللي جرا
هادي: أسأليها عندك اني غاير رايحه الشغل ووجه كلامه لبسيمه اللي كانت بتعيط رهف رحمتك مني وسابهم ومشي
رهف: اهدي يا ختي اي حصل بس
بسيمه: اني تعبت يا رهف اخوكي لا بيحبني ولابيحب البنات مش عارفه اعمله اي علي شان ارضيه
رهف قربت عليها وحضنتها بحنان
رهف: اهدي يا حبيبتي صدقيني هادي طيب بس هو مضغوط في الشغل لاكن والله بيحبك وبيحب بناته
بسيمه: مابينش الكلام ده يا رهف انت بس بتواسيتي
رهف: ولا بواسيكي ولا حاجة قومي انت شوفي البنات بيعيطوا واني هسكت رفيده
سالم: عاوزك تقلبلي مصر عاوز اوصلها
المتصل: انا بعمل كل جهدي وان شاء الله هنلاقيها
سالم: عاوز اسمع خبر زين يفرحني
وقفل معاه
سندس: لساتك بدور عليها
سالم: ومش هيأس واصل لازما القيها
سندس: ماهي لو ظهرت هتاخد نص الورث بتاع ابوها
سالم: ماتقلقيش يمه دي هتموت مش هخليها عايشه لحظه واحده اول ما اشوفها
اذكروا الله
كانت كروانه قاعده بتفكر في فارس لقيت فونها بيتصل برقمه مرديتش في الاول لاكن بعدين ردت
كروانه: قول اني سمعاك
فارس: مش هاخد من وقتك كتير بس حبيت اعرف اي رايك في اللي حصل
كروانه: عادي يعني ميت شركه تتمني تشتغل معاي
فارس: عارفه لو منك اخد امي وارجع بلدي ولا اه نسيت انت ماينفعش ترجعي احسن يقتلوكي
كروانه بغضب: انت عاوز اي يا فارس مش عملت اللي في دماغك فاكر كده هيأس لاكن لاه بنسبالي عادي مش هشغل بالي بيك وياريت تخليك في شغلك وطلعني من دماغك
فارس: طب لو طلعتك هحط مين بعدين انت زعلانه ليه انت فاكره ان ممكن حد يسيب فارس المنياوي ويفضلك انت وكمل بستفزاز انت بتحلمي يا كوكو
كروانه بغيظ: هو انت فاضي لدرجادي يعني مافيش حاجة تعملها بعدين كل اللي حوليك موجدين علي شان الفلوس وزي ماقولتلك اني مايهمنيش وصدقني قريب قوي هتسمع اسمي مالي السوق ووقتها مش عاوزه مبروك منك لا انك ماتهمنيش وكملت بستفزاز ويلا سلام وقتك خلص وقفلت في وشه بقلم هنا حسين
فارس بغضب: ماشي يا كروانه اما نشوف
اذكروا الله
عمار كان خارج من الشركه ومروح كانت فرحه ماشيه وراه
فرحه: عمار استني
عمار: في حاجة يا انسه فرحه
فرحه: كنت عوزاك تاخدني في طريقك
عمار: هو انت شايفه اني معايا عربيه ولا حاجه
فرحه: لا طبعاً انا قصدي توقفلي تاكسي بعدين لو كروانه اديتك تجيب عربيه كان اي اللي حصل مش كفايه ممشيلها الشغل
عمار بغضب: كلام اي اللي بتقوليه ده هو مستني واحده ست تجبلي عربيه بعدين الشركه صغيره مش عالميه يعني
يعني مافيش فلوس الله يكون في عونها ممشياها بالعافيه
فرحه: انا قولت اي غلط ماهي معاها عربيه
عمار: مالناش دعوه ربنا يهنينها
فرحه: هو انت ماتعرفش اي اللي بينها وبين فارس
عمار بستغراب: ويكون اي اللي بينهم واحد مغرور شايف نفسه واقف في طريقها مش عاوزها تكبر
فرحه: ونبي انت طيب بقا فارس المنياوي سايب رجاله بشنبات واكله السوق ويجي علي كروانه
عمار: انت عاوزه تقولي اي
فرحه: ولا حاجه سلام هركب لوحدي
وسابته واقف متشتت من كلامها