وبعد ما اختفى عفركوش البنت تعبت من الى حصلها دا كله ف يوم واحد ولجأت لشخص حصن لها الاوضة التانيه والدنيا هديت فتره طويله (احمدك يارب اخيرااا)
لحد ما حصلها ف حياتها خبطه جامده جدا طعن.ة غد.ر هزتها وخليتها فقدت ايمانها بنفسها وبكل شئ حواليها نفسيتها اتحطمت فقدت اى بريق للحياه وهنا ظهر الاخ عفركوش (احيه ملحقتش افرح😏😏😏)
نايمه ف امان الله لاقت الدولاب اختفى والحيطه اتفتحت وخرج منها شاب مفيش ف جماله اتنين والمرادى مدهاش فرصه تتكلم خدها من ايديها ونزل بيها تحت الارض (يانهار اسوس البت راحت ف فتحه ارض)
لاقت نفسها ف نفق تحت الارض ولابسه فستان فرح
(البت للأخ عفركوش لا والنبى لبسته مره وحلفت ما اعملها تانى)
والاخ ماسك ايديها وساحبها وراه زى الد.بيحه جسد بيتحرك من غير روح لحد ما لاقت نفسها قاعده ف اوضه جدرانها سوده وترابيزه عليها ناس وبيتم اجراءات الجواز (حسره عليها ياحسره عليهااااا)
هنا بدأ عقلها يفوق ولكنها خلاص وقعت ف عرينه غمضت عنيها وقالت جواها يارب وبعدها قالت فينك يا ابويا ياريتك جمبى مكنش حصلى كل دا وحاولت تقرأ قرءان بس لسانها كان مشلول لحد ما حست بشخص واقف وراها وبيلقمها كلام الله ف ودانها (يافرج الله)
وكان الشخص دا ابوها بقت تسمع منه وتردد وراه ايات الله وفجأه قامت جريت منه
(اجرى يامجديييييييي 🏃♂️🏃♂️🏃♂️🏃♂️)
وهو بيجرى وراها ملقتش منفذ تخرج منه لاقت نفسها بتمشى ع الحيطه
(ياسنه سوخه البت اتقلبت برص🦎🦎🦎)
وبتحفر بأيديها ف السقف وهو بيشدها من رجلها عشان تنزل وهى مستمره ف الحفر وبتقرأ قرءان لحد ما اتفتحت طاقه نور صغيره
(هيييييي النور جه)خرجت منها ولاقت نفسها ف اوضتها وهنا قامت مفزوعه من النوم وفكرت نفسها بتحلم بكابوس
(طلع كابوس طلع كابوس هييييي 💃💃💃)
ولكن لما جت تغير لاقت زرقان على رجلها وايديها راحت لشيخ موثوق قالها مكنش حلم
(انا مش هفرح تانى انا يأست)ومن رحمة ربنا بيها انه هيئلها الى حصل على انه كابوس واختفى عفركوش