بدأت البنت تهدى كتير وحياتها تستقر ولكن دا مدمش كتير بقت تشوف كوابيس يا اما لناس غريبه عاوزه تأذيها او كلاب مسعوره او ثعابين او فئران كبيره بتحاول تأذيها او تأذى أولادها (احيه عليا وع الى جابونى بقى)
بقت تعمل بكلام المأذون الى قاله ليها لما راحتله وهى مخطوبه طبعا فاكرين
وبقت تحاول تصحى وتفوق نفسها قبل ما حد يأذيها
بس مش كل مره كانت بتنجح واوقات كتير كانت بتحاربهم وبتنجح انها تخلص من الحيوانات بس دا طبعا بعد ما بيكونوا عضوا اى مكان ف جسمها وصلوله
(يادى النيله كنت بدأت اتفائل)
وكانت بتقوم تلاقى مكان العضه زرقان وبتوجعها جدا ولكنها مش يأست وفضلت محافظه على صلاتها وقراءه القرءان لحد الوضع ما بقى أسوء وعدد الاشخاص والحيوانات بيزيد وبتعجز عن مقاومتهم بس برضوا اتمسكت بأيمانها بربنا بقت لما تحلم بأشخاص بيجروا وراها ورجليها ثابته ف الارض مش عارفه تجرى بتلاقى نفسها بتطير وماشيه ع الهوا وتنط من سطح بيت لبيت (ههههههه البت قلبت وطواط هتعملوا فيها ايه تانى)
لحد ما بتهرب منهم واوقات شكلها بيتغير بتلاقى نفسها وشها طول اوى وجسمها كمان وطلع ليها ضوافر طويله وبتطلع صوت مخيف عشان تخوف وتنهش الى قصادها لدرجة ان جوزها بيقوم مفزوع على صوتها المخيف (متخيله شكل جوزها وهو قايم مرعوب من صوتها احسن احسن عشان مكنش مصدقها نيهاهاهاهاها)
فضلت ع الحال دا سنين لحد ما عفركوش اختفى تانى
(هييييييي اخيراااا الله يكحمه مطرح ما غار)