رواية لكل قلب حكاية التاسع 9 بقلم محمد منصور
وبسم الله توكلت علي الله وهو رب العرش العظيم
ومن جوة بيت قديم وفي البدروم تسكن واحدة ست شكلها مريب لابسة جلبية سوداء وايشارب اسود وقدام منها يقعد عمر وفي ايدة ايشارب مليكة وقال للست دي اللي كان اسمها ام حبشي.
عايز لها الخراب والحزن . وعايزها تكرة الجواز واي حد يتقدم لها ترفضة
بصت له ام حبشي باستغراب شديد ومسكت الايشارب منه وقالت
بقالي 30 سنة في الشغلة دي. اول مرة يجي لي. راجل عايز يعمل عمل ل ست قاصد بي الخراب. معروف ان العمل اللي من النوع دة بيكون للنسوان وخصوصا. بين الضراير وبعضيهم
عمر
وانا كمان عمري ما كنت اتوقع ان في يوم احتاج لواحدة جاهلة علشان تساعدني في حاجة انا عايزها
ابتسمت ام حبشي ابتسامه بينت طقم سنانها. اللي في كام سنة ذهب وقالت
ما بلاش الغلط في حضرة الجاهلة والا جهلي هيعور علمك
عمر
بصي يا ام حبشي انا ما بحبش اللي زيك بس لما سالت وطلبت حد زيك. في كتير رشحوكي ليا. وعرفوني ان الفلوس عندك امك وابوكي
وطلع عمر كام ورقة ب 200 وحطهم قدام ام حبشي وقال
الكام ورقة دول هيخلوكي تنسي اللي انا قولته
بصت ام حبشي للفلوس وخدتهم وحطتهم في صدرها وقالت
تبقي لك اية اللي انت عايزا لها الخراب والحزن
سكت عمر ما ردتش بصت له ام حبشي وهي بتجهز عمل مكتوب في كلام بالمعكوس متغمز في دم اسود نجس وقالت
كانت خطيبتك وسابتك وراحت تتجوز غيرك.
برضو ما ردتش عمر قالت ام حبشي
ولا كانت مراتك وسابتك علشان حد تاني
عمر
ما تعرفيش تعملي العمل وانتي ساكتة
ام حبشي
خلي بالك انا ممكن اعرف بطريقتي بس مش عايزا.
عمر طلع كام ورقة ب 200 وقال
الكام ورقة دول مش يخلوكي تسكتي ولا انتي من نوع النسوان اللي تحب الرغي ومناخيرها تبقي محشورة في كل حاجة
ام حبشي ابتسمت تاني نفس الابتسامة الخبيثة وقالت
غلط تاني. بلاش تخليني احطك في دماغي
عمر
تاني برضو. يا ستي اللي انتي بتعملي دة مش بياكل ويشرب معايا دة شغل دجل انا عارفة كويس
ام حبشي
وجيت لية. لدجاله زيي
عمر
علشان شوفت زيك في افلام بيوصلو اللي زيي. للي انا عايزة ومحتاجة
بدات ام حبشي تغمز ايشارب مليكة في الدم الاسود وهي بتقول
الخراب والحزن لصاحبة الايشارب. مليكة. اللي الكل بيحبها
اتصدم عمر وبرق وقال
انتي عرفتي ازاي
ام حبشي
وانت حاقد وبتحسدها علي حب الناس ليها. حقد وحسد خلوك مريض تعشق تشوفها بتتاذئ. مع انها من دمك
عمر بارتباك شديد
بس. واللي بيني وبينها انت مالكيش دعوي بي.
ام حبشي
عرفت اني لو حبيت اعرف هعرف
عمر
اعملي العمل وانتي ساكتة
ام حبشي فرديت ايدها فوق الطبق اللي في الدم الاسود وبدات تقول كلام مش مفهوم وعمر بدأ يظهر عليه علامات الرعب والخوف واتهز الطبق واتهز واتهز لغاية ما انتهت
ام حبشي من اللي بتقوله وخدت الدم دة وحطت كام نقطة منه علي مية نجسة جوة ازازة دواء ومديت ايدها بالازازة وهي تقول
ارمي المية دي قصاد عتبة اوضتها وبعد ما تعدي امسحها
مسك عمر الازازة وهو لسة مرتبك وخرج من عند
ام حبشي بصت له ام حبشي وقالت
المفروض زي ما بيقولو اعوذ بالله من الشيطان الرجيم. يقولو اعوذ بالله من البني ادم الخبيث. اخر زمن اخ يتمني ل اختة الخراب. ،،،،،،،،،،،
ومن جوة اوضة عماد وعمر. كان عماد بيدور في دولابة علي فلوسه اللي كان شايلها وسط هدومة ونزل تقريبا كل الهدوم اللي كانت في الدولاب وكان هايتجنن. خرج من اوضة بسرعه وراح ل شيماء اللي كانت قاعدة مع مليكة وقال
انتي دخلتي اوضي النهاردة
شيماء
وهدخل اوضك لية
مليكة
مالك يا عماد وشك مخطوف
عماد
كان شايل فلوس الجمعية اللي لسة قابضها من اسبوع وسط هدومي. ببص عليها دلوقتي علشان عايزها ملقتهاش
شيماء
هي حصلت السرقة
مليكة
سرقة اية بس. ومين فينا هيسرق عماد
شيماء
هو في غيرة اللي يتخفي اسمه امين
مليكة
بس امين ما دخلش اوضة عماد خالص
شيماء
انتي هتفضلي طيبة كدة لغاية امتي هو يعني امين هيخش يسرق ويخلينا نشوفه وهو داخل
عماد
وعرف ازاي بس انا قبض جمعية والفلوس بتاعتها في الدولاب
شيماء
شافك وانت راجع بيهم من برة
عماد
ما حدش كان موجود. وقتها الا عمر.
شيماء
عمر
عماد
ايوة وهو اللي شافني وانا بحطهم في الدولاب وسط هدومي
مليكة
معقول عمر يكون خدهم
شيماء
عمر هياخدهم يعمل بيهم اية. هو بيخرج من اوضة ولا يعرف حد غيرنا دة قافل علي نفسه قفلة زفت حتي الشغل ما بيعمرش في
عماد
انا معاكي ان عمر مايعملهاش. وعمر انا حطيت قدام منه فلوس كتير في الدولاب وعمره ما مد ايده عليهم.
مليكة
عمر كل اللي يهمة الموبيل مشحون واللاب عليه نت.
عماد
يبقي امين عرف انا حاطط فلوسي فين ومد ايدة عليهم
هنا يفتح امين باب الشقة ويدخل ويبص لهم بعصبية شديدة ويقول
يعني اية ام عز تيجي وتطلب ايد مليكة واعرف من الشارع. هو اية البيت دة ملهوش كبير
شيماء وقفت وبصت له بتحدي شديد وقالت
كبير البيت دة ممدوح وهو اللي يقوله يمشي
امين
لا. بجد وانا اية طيشة
وبص ل مليكة وشاور عليها بصعابة وقال
ولا الهانم قالت انا بحبه يبقي خلاص كلنا نقول امين
اترعبت مليكة واتسنتد علي عجازها وقامت وهي بتقول
انا داخلة اوضي
شخط فيها امين وقال
اترزعي عندك هو انا لسة خلصت كلامي
مليكة
انت عايز مني اية.
امين
عايز اعرف قابلتي امتي وازاي خلتي يبعد امة تخطبك. ما هو باين عليه دلدول واللي بتقولي لي بينفذه
مليكة
ورب الكعبة انا ما عرفش اي حاجة ولا شوفت عز من ساعه ما رجعت هنا
امين وهو لسة هيهجم علي مليكة
يا بنت المراة هتعم،،،،،،،،
وقف قدام منه عماد وزقة بعيد عنها وقال
مالكش دعوي بيها انت فاهم
امين بص ل عماد بغضب وقال
الله. دة انا بقيت هفه وحتة اخويا الصغير بيعرف يزقني
عماد
انت عايز تعمل اية تاني فيها. ما تسيبها في حالها يا اخي. مليكة دي عمرها اذيت حد علشان كمية الاذية اللي بتتعرض لها بسببك. وسيبك بقي من الشبورا. اللي انت عاملة دي. وقولي فين الفلوس
امين باستغراب شديد
فلوس اية يا روح امك
عماد
الفلوس اللي كانت عندي في الدولاب وانت خدها
امين مسك عماد من لايقة القميص وقال بعصبية
خد اية. انت عايز تقول اني حرامي
عماد مسك امين نفس المسكة وقال
اومال اللي ياخد حاجة مش بتاعته نسمي اية
امين وهو ماسك عماد بدأ يزق في لغاية الحيطة وقال
جري اية. انت نفسك تاخد علقة من بتوع زمان يمكن تفوق وتعرف ان بتكلم اخوك الكبير. مش واحد حرامي
هنا راحت شبماء لي ومسكت ايد امين وقالت
شيل ايدك عن اخوك.
امين
انتي مش سامعه بيقول اية. حصلت يقول عليه حرامي
شيماء
اومال لو ماكنش انت يبقي مين
امين
اة. دة انتو كلكم متفقين عليه.
شيماء وهي متعلقة في ذراع امين بتحاول تبعدها عن عماد
قولت لك نزل ايدك واعمل بلطجي علي اي حد الا اخواتك
والا والله العظيم اطلب البوليس وهما بقي يطلعوا الفلوس اللي انت سرقتها.
ساب امين. عماد. وبص ل شيماء وقال
هو انتي مصدقة اني اسرق اخويا
شيماء
قولي مين غيرك في الشقة يعملها
امين
ما انتو طول عمركم بتسيبو قدام مني فلوس اشمعني المرة دي هسرقكم
كلام امين كان صح. فقال عماد
اومال مين اللي خد الفلوس،،،،،،،،،،
وتعدي كام ساعه ويرجع ممدوح وعمر ويحكي لهم عماد علي اللي حصل وطبعا رد الاثنين كان انهم ما يعرفوش وهما قاعدين يرن جرس الباب يروح يفتح ممدوح علشان يلاقي قدام منه فوزي بص له ممدوح وقاله يدخل وندهه علي شيماء اللي بصت ل فوزي وعيونهم قالو كلام كتير، ،،
ومن جوة بالكونة الشقة يقف فوزي جنب شيماء ويقول لها
هفضل اقول لك حقك عليه كتير خليها حلوة وما يبقاش قلبك اسود
شيماء وهي بتعيط
زعلت منك اوي يا فوزي. اوي
مسك فوزي ايدها وباسها وقال
ما انا اتصلت بيكي كتير علشان اصالحك وانتي عملتي فيها عبد الله التقيل
ابتسمت شيماء فقال فوزي
بصي بتبقي حلوة ازاي وانتي رايقة
شيماء
انت اللي خلتني اتعصب.
فوزي
هو كله من عمر قالي كلمتين خلاني مش عارف انا بقول اية
شيماء باستغراب
عمر. قال لك اية عمر
بدأ فوزي يحكي اللي حصل من عمر اتصدمت شيماء وقالت
كل دة يطلع من عمر. طيب لية دة طول عمره ملهوش دعوي بحد الا بالموبيل بتاعه
فوزي
والله دة اللي حصل
شيماء
دة كدة بقي عمر مركز مع مليكة ولازم اخلي بالي منه
فوزي
سيبك بقي من كل الوش دة. انا جاي النهاردة ومش هسيبك الا وانتي ومليكة تروحو معايا ولا انا ما وحشتكيش
شيماء
وحشتني اوي وربنا يعلم ان كنت كل ليلة قبل ما انام لازم افكر فيك واقعد اشتكي ل قلبي منك
ابتسم فوزي وقال
طيب خشي البسي ولبسي مليكة خلينا نمشي من هنا
ابتسمت شيماء وقالت
حاضر
ودخلت شيماء من البالكونة وقالت ل ممدوح
انا هدخل اغير انا ومليكة علشان هنمشي مع فوزي
سمع عمر كدة قال
لا.
بصو له كلهم وقالت شيماء
لا. لية
عمر ملقاش حاجة يقولها. لكنة قال
يعني اقصد وسطينا هتبقي احسن
شيماء بنظرات فاحصة لعيون عمر الكاذبة. قالت
ومين هيخدمها هنا وهي ما تقدرش تقف علي رجليها
عمر
ما انتي قاعدة معانا
شيماء
وبيتي وجوزي ملهمش حق عليه
عمر
خلاص روحي انتي بيتك وانا هخدمها
شيماء قربت من عمر وقالت
عمر اللي موبيلة عنده اغلي من اخواته هيخدم مليكة. مش غريبة دي.
وقربت منه وقالت بصوت واطي
تخدم واحدة انت شايفها مش متربية زي ما قولت ل فوزي والله عيب عليك. دي اختك اللي انت بتشنع عليها قصاد جوزي
سكت عمر وشيماء قالت للممدوح
انا داخلة البس انا ومليكة
بص عمر بغل من تحت ل تحت ناحية فوزي وقام دخل اوضة بص عماد ل ممدوح وقال
شيماء قالت اية ل عمر خليته يقلب وشة كدة
ممدوح
ما عرفش وبعدين نتكلم علشان فوزي ما يحسش بحاجة
عماد
طيب خلي بالك عمر ما بقاش مظبوط
ممدوح
ملاحظ ان تصرفاته بقيت غريبة وبقاله فترة حالته مني سئ. ل اسوء. ،،،،،،،،،،،،
من جوة شقة عز تقعد وداد مع اخوها المحامي سعيد وكانت بتقول بعصبية
يعني اية. القضية لبست ابني
سعيد
هنعمل اية الولية جابت اتنين شهود واكدة كلامها والدواء اللي سبب لها التسمم طلع موجود في صيدلية ابنك
وداد
ما عز قبل كدة قال لك الدواء دة مش موجود عنده في الصيدلية
سعيد
يبقي اتحط له يا وداد. علشان يلبسها رسمي
وداد بصوت حزين
والعمل يا سعيد
سعيد
ما فيش غير ان الولية دي تغير اقوالها قدام المحكمة وتقول انها اتلغبطت وطلعت روشتة قديمة مكان الروشتة اللي المفروض تجيبها ودة اللي سبب لها التسمم. والدواء اللي كان في الصيدلية نقول ان عز اتلخبط ونسي يقول انه موجود عنده من
وداد
وكدة يخرج منها عز وتتفتح الصيدلية
سعيد
باذن الله. بس هي تقول كدة قدام المحكمة
وداد
يبقي اللي سلطها لازم يخليها تغير كلامها، ،،،،،،،،،
ومن علي القهوة اللي بيقعد عليها امين واصحابه وحيد وعنتر. كان وحيد بيقول ل امين
ما تسيبة يتجوزها طالما طلب ايدها. انت مالك مصعبها لية كدة
امين
وما طلبهاش مني لية. دة انا كبير المنطقة دي. وعم الناس دي كلها ولا يكنش مستعر يحط ايدة في ايدي
عنتر
ان جيت للحق. انا مش شايفها الا كدة. دكتور بقي وشايف نفسه
امين
دكتور علي نفسه. دة انا امين. اللي علم عليه وكسر لة عضم دماغه قبل كدة وعندي استعداد اكسرها تاني
وحيد
لا. لا. كدة بقي انت بتخرف الواد دة واخد عليك تعهد بعدم التعرض. يعني لو لمسته تاني فيها حبس وقضية ومحكمة وسجن. انت في غني عن الدوشة دي كلها
امين
يعني اسيبة يعلم علية واسكت
هنا تقف وداد ام عز قصاد امين وتقول له
عايزاك
امين بص لها باستغراب وقال
انتي مين لا مواخذة
وداد
ام عز
امين
اة. اهلا يا امي. خير ان شاء الله
وداد
بعني ينفع واحدة ست زيي تتكلم في قهوة قصاد الخلق دي كلها
امين قام وقال
لا. ما يصحش برضو، ،،،،،،،،،،،
ومن علي سور الكورنيش تقعد وداد قصاد امين وتقول له
احنا هنبقي نسايب ازاي بقي ترضي ان مستقبل خطيب اختك يضيع
امين
معلش يطلع مين خطيب اختي دة
وداد
عز ابني
امين
عز اللي انا فتحته له دماغه قبل كدة
وداد
بلاش كلام قديم يوديني ل كلام ما نحبش نسمعه احنا الاثنين. احنا ولاد النهادرة وانا جاية عايزا الخير ل ابني ول بنتكم
امين
هو انتي يا ماما بتكلميني زي ما اكون انا اللي في ايدي اخرج ابنك براءة.
وداد
بلاش لف ودوران وخلينا نكون ل بعض مش علي بعض
امين
الله دة انتي ليكي في لغة الاشقياء.
وداد
انا بنت سوق وياما وقفت في محلات ابويا الله يرحمة
امين
وانا ابن سوق وبقول لك ابنك ما ينفعش اختي.
وداد
لية بس
امين
اصله عيل خيخا ما يملاش عيني وانا بضربه كان بيعيط زي النسوان
بصت وداد بطرف عينيها للنيل وقالت بعصبية
انا ابني ارجل من ميت واحد من عينتك
وزقت امين بكل قوتها وقع من فوق السور خبط في الصخور اللي جنب النيل ووقع في النيل بصت عليه وداد وهو بيغرق وغرقان في دمه ،،،،،،،،،،،