رواية لكل قلب حكاية العاشر 10 بقلم محمد منصور
وبسم الله توكلت علي الله وهو رب العرش العظيم
★بصت وداد بطرف عينيها للنيل وقالت بعصبية
انا ابني ارجل من ميت واحد من عينتك
وزقت امين بكل قوتها وقع من فوق السور خبط في الصخور اللي جنب النيل ووقع في النيل بصت عليه وداد وهو بيغرق وغرقان في دمه. وهنا تسمع صوت امين بيقول
اية بكلمك انا علي فكرة
انتبهت وداد لوجود امين قدام منها سليم وان اللي شافته كان مجرد تخيل وقالت
تعرف انا شوفت اية دلوقتي
امين
شوفتي اية
وداد
شوفت نفسي. وانا بقتلك
ضحك امين باسنهزاء وقال بسخرية
انتي يا تيتة لسة فيكي حيل تقتلي
وداد
يعني اشوفك بتظلم ابني وبضيع مستقبله واسمي عليك
امين
تاني هنرجع لبداية الخروجة الحلوة دي. وتقولي اني انا اللي ضيعت مستقبل ابنك
وداد
اومال هيكون مين غيرك دة انت باعت ورقة بعد خروج عز بيوم من الحجز
استغرب امين وقال
ورقة اية
وداد
ورقة مكتوب فيها.
★الف حمد لله علي السلامه وعقبال المرة الجاية. بس اعدام بقي. وانا برضو اكون السبب. ابعد عن مليكة★
امين
انا ياماما بصمكي ماليش في الكتابة وجو الرسايل الغامضة دي
وداد
اومال مين اللي بعت الورقة دي
امين
ورحمة خالي حسن ما انا.
وداد
بتلعب بيا. صح
امين
والله بشوقك عايزا تحسبيها كدة برحتك بس انا قولت اللي عندي. سلام يا ماما
وسابها امين ومشي وفضلت وداد تبص علية وهي بتقول
كذاب مين غيرك يعملها يا سو، ،،،،،،،
بعدها بشوية ومن جوة اوضة عماد وعمر ووقت ما كان كل واحد منهم قاعد علي سريرة. يفتح امين باب الاوضة ويبص ل عمر اللي قاعد علي اللاب ويقول
كويس اني لقيتك صاحي
عمر بلامبالاة
عايز اية
بص امين ل عماد وقال
اطلع برة يا عماد علشان عايز اخوك في كلمة سر
عماد
انا مش هطلع. من هنا وسيبني في حالي انا مش طايق نفسي بسبب فلوسي اللي اتسرقت دي
امين
خلاص خلاص ما تعملكش موشح.
وبص امين ل عمر وقال
تعالي نروح نقعد في اوضي
عمر
بلعب مش فاضي
راح امين، وقفل اللاب علي ايدين عمر الاثنين وبص له اوي وقال
قولت عايزك.
عمر قلق وقال
طيب اوعي ايدي خليني اقوم معاك
شال امين ايدة من فوق اللاب وقام عمر وخرجوا الاثنين من الاوضة، ،،،،،،
وبعدها بشوية ومن جوة اوضة امين يقعد امين قدام عمر وكان عمر بيقول
ايوة انا اللي بعت الورقة. حصل اية يعني
امين
هو انت في اية في دماغك. يعني تتفق معايا اننا نعلمها في الخباثة. وانت تروح تبعد ورقة تفضحنا بيها
عمر
انت مكبر الموضوع لية دول كلمتين كدة اعرفو بيهم ان مليكة ليها اخوات رجاله. ولو فكر يقرب منها تاني هيزعل كلمتين يعني ياخدهم في اجنابة وهيسكت
امين
المشكلة دلوقتي مش في عز. في امة.
عمر باستهزاء
امه. وانت خايف منها ولا اية
امين
دي ولية مش سهلة وشكلها هتخرب الدنيا. وحقها مستقبل ابنها ضاع. دي جت لغاية عندي وكانت عينيها بطق شرار
عمر
هو انا احساسي غلط ولا صح.
امين
احساس اية
عمر
احساسي ان امين البلطجي مرعوب
امين بعصبية
ولا. بطل استفزاز. واعترف انك غلطان وجو رسايل نص الليل دة. ما كنش لي لزمة. وبسبب الحركة الغبية دي فتحت علينا ابواب ما عرفش تتقفل ازاي
عمر بابتسامه خبيثة
جمد قلبك يا امين. واللي يعرف طريق ابويا يروح يشتكي له
وقام وقف عمر وامين قال
انت تقصد اية بكلامك دة
عمر
اقصد انك ما عملتش حاجة وما تعرفش حاجة والحرامي بشيلته. سيبني بقي اروح اكمل لعب
وخرج عمر من اوضة امين وامين بيبص له وهو بيقول
وعلي النعمة انا جنب الواد اهبل وعبيط،،،،،،،،،،
ومن جوة شقة فوزي. تقف مليكة قدام فوزي وشيماء وتقول لهم
انا داخلة انام بقي
فوزي
بدري كدة
مليكة
بدري اية بس دي الساعه داخلة علي 12. يلا تصبحوا علي خير
وفعلا دخلت مليكة الاوضة اللي بتنام فيها وراحت ناحية موبيلها المقفول اللي كان علي الشاحن وفتحتة وراحت بي للسرير واول ما حطت جسمها علي السرير رن الموبيل بصت لاسم المتصل لقيت رقم غريب استغربت اوي لكنها رديت وقالت
الو
صوت عز
عاملة اية يا مليكة
اتصدمت وقلبها دق دقات سريعه وقالت
انت هو. صح.
عز
هو مين
مليكة
عز
عز
انا هو. واسف اني بتصل بيكي في وقت متاخر زي دة
مليكة رمت الموبيل علي السرير وبصت لشكلها في المريا وقالت
شعري منحكش. طيب اية اقوم اسرحة واقول له شوية واتصل
لكنها ضربت نفسيها بالقلم وقالت
انتي يا غبية هو شايفك دي مكالمة صوت يا هبلة
كل دة وصوت عز طالع برة السماعه بيقول
الو. مليكة. الو.
مسكت الموبيل تاني وقالت
انا معاك اهو.
عز
لو مش فاضية دلوقتي اقفل واتصل بكرة
مليكة
لا. خالص. بس انت عرفت رقمي منين
عز
من سمر صحبتك. واسف كمان مرة لو اتصلت بيكي في وقت متاخر زي دة. بس انا بتصل بيكي من بدري وموبيلك كان مقفول
مليكة
كان علي الساحن
عز ضاحكا
ساحن
مليكة باحراج
اقصد الشاحن
عز
طيب تمام المهم انتي بخير
مليكة
حلوة اة.
عز
حلوة اة. دي يعني انتي كويسة
مليكة
اة. اة. هو انت بتتصل عايز اية
عز
هتصدقيني لو قولت لك اني بس اشتقت لك وحسيت اني عايز اسمع صوتك
مليكة برقت والموبيل وقع من ايدها تاني وفضلت مبللمه وقلبها عامل فرح. وزفه بلدي وعروسة قمر بتتزف وناس بتبارك وعريس زي القمر بيرقص سلو مع عروسته وهنا صوت عز تاني بيقول
الو. مليكة. الو. انتي بتروحي فين مني
مسكت مليكة الموبيل تاني وقالت
معاك اهو.
عز
انا حاسس اني عامل لك قلق وانتي مش فاضية
مليكة
والله انا صايعة ومش وريا حاجة. بس انت بتقول كلام يدوخ
عز
والدوخة دي حاجة حلوة ولا وحشة
مليكة
اية الوحش اللي يجي من وراك انت.
عز
عرفتي اني بعد امي علشان تخطبك
مليكة
اة. عرفت
عز
ورايك اية
مليكة
موافقة
عز
مش محتاجة يعني تفكري شوية
مليكة في سرها قالت
افكر في اية دة انا عيشت عمري كله مستنيا الفرحة دي.
عز قال تاني
روحتي فين تاني
مليكة
معاك اهو. معاك
عز
لا. روحي شوفي بتعملي اية وانا هبقي اتصل بيكي تاني
مليكة
هتقفل بسرعه كدة
عز
علشان تنامي وانا كمان انام
مليكة
هتكلمني تاني
عز
ان شاء الله
مليكة
كمان خمس دقايق كدة
ضحك عز اوي وقال
لو هكلمك كمان خمس دقايق هقفل لية دلوقتي
مليكة ضحكت وقلبها طار وقالت
بكرة كلمني بكرة
عز
حاضر
مليكة بحب شديد
لا اله الا الله
عز سكت شوية لكنه قال
محمد رسول الله
وقفل ومليكة قفلت واترسم علي وشها ملامح الحب اللي بيخلي من صاحبته تبقي احلي واحلي ،،،،،
وفي نفس الوقت كان عز بيحط الموبيل جنب منه وبيقول ل امه وداد
حرام والله اللي احنا بنعمله دة.
وداد
ومش حرام اللي بيتعمل فيك
عز
ارجع واقول هي ذنبها اية
وداد
وارجع واقول لك ذنبها انها اخت امين اللي ضيع مستقبلك
عز
البت بتحبني اوي
وداد
دة عيلة هبلة. ورخيصة. بدل ما كانت تهزقك انك بتتصل بيها في وقت متاخر زي دة. قاعدة تهزر وتضحك معاك
عز
بتحبني وواثقة فيا وكمان هي عارفه اننا في حكم المخطوبين علشان كدة رديت عليه وهي فرحانه
وداد بعصبية
بقول لك اية المرقعه دي انا ما بحبهاش وانت
وحطبت صباعها علي قلب عز وقالت
لو قلبك دة قالك البت دي حلوة يلا نحبها دوس عليه بجذمتك وخليك فاكر احنا بنسابق الزمن وكل اللي عايزينه المراة اللي لبستك القضية تغير كلامها في المحكمة قدام القاضي ودة مش هيصحل الا لما تخلي مليكة تتعلق بيك اكتر واكتر وهي بقي تهيج اخوات امين عليه ويخلو يطلعك من المصيبة اللي غرزك فيها. فاهم طبعا. والا قسما برب العزة. اقتل امين واقتل الولية اللي اتبلت عليك
ووقفت وداد وبصت له اوي وقالت
ولاد دكتور عز مستحيل يكون خالهم امين البلطجي
وسابته ومشيت وسابت عز وسط كمية افكار داخلة في بعضيها، ،،،،،،،.
وفي نفس الليلة وقت ما كان عمر قاعد علي اللاب بتاعه بيقلب في من كتر الزهق يلاقي ملف صور قديم مكتوب عليه مليكة استغرب وقال
اية اللي جاب صور مليكة هنا
وفتح الملف دة علشان يلاقي صور ل مليكة جوة اوضتها وهي بلبس البيت الخفيف وصور ليها وهي مع شيماء ايام فرح شيماء وبتقيس الفستان اللي هتلبسه في الفرح. صور ليها بالترنج الضيق صور ليها وهي نايمة صور خليت عمر يستغرب جدا وجدا. وفضل يسال نفسه جت ازاي علي اللاب. لكن شيطانه زينه فكرة تخلي يعذب بيها مليكة وفضل يبص للصور تاني وجمع اكتر صور مثيرة ونزلها علي موبيلة. وقفل اللاب ،،،،،،،،،،،
وتاني يوم وبعد اذان الظهر يخبط باب شقة عز. فتقوم وداد تفتح لان عز نزل علشان تلاقي قدام منها عمر اللي قال
دي شقة دكتور عز صح
وداد
ايوة انت مين
عمر
وانتي والدته
وداد
ايوة.
عمر
انا واحد جاي عايز مصلحتك انتي وابنك
وداد
مش فاهمة
طلع عمر الموبيل بتاعه وفتح صور مليكة ووري الصور ل وداد اللي اتصدمت من الصور وقالت
انت مين
عمر شال الموبيل تاني وقال
دي اللي انتي عايزة تجوزيها ابنك. طيب ازاي
وداد
انت كنت ماشي مع مليكة قبل كدة
عمر
حب قديم يعني
وداد
مثلا.
عمر بجنون
ولا عمري حبتها
وداد
اومال بتعمل لية كدة
عمر
ماحبش اشوفها فرحانه
وداد
طيب انا عايزا الصور دي. علشان اوريها ل عز واخلي يصدق انها ما تنفعش تكون مراته
عمر
عز بس اللي يشوفها
وداد
طبعا. دي زي بنتي هفضحها يعني
عمر
شاطرة. يا طنط.
وطلع موبيله تاني وقال
افتحي الشير، ،،،،،،،،،،،،،،
وبعدها بشوية ومن علي القهوة اللي بيقعد عليها امين تروح ل وداد وتقول
عايزاك
امين
تاني
وداد
المرة دي صدقني غير اي مرة،،،،،،،
ومن علي الكورنيش تفتح وداد موبيلها وتوري صور مليكة اللي خدتها من عمر ل امين اللي اتجنن وكان ناقص يهجم علي وداد وهو بيقول
جبتي الصور دي منين يا بنت المراة
وداد بتحدي
لو غلط او عليت صوتك فضيحة اختك هتبقي بجلاجل.
امين بدأ يبص للي موجودين علي الكورنيش واللي بداو يركزوا مع صوته العالي فشخط فيهم وقال
اية. ما كل واحد يخلي في حاله
ورجع بص ل وداد اللي قالت.
بلاش الناس تتفرج علينا
امين
الصور دي تلزمني
وداد
حلال عليك. كل الصور اللي عندي. بس ابني يطلع من المصيبة اللي انت زرعته فيها
امين
هيطلع
ضحكت وداد وقالت
ما كان من الاول لازم تصعبها عليه وعليك
امين
الصور دي متاخده ل اختي في اوضتها. جت لك ازاي
وداد
من فاعل خير
امين ودمه بيغلي
ما تخلينا مع بعض سكة ودغوري
وداد
انا ما عرفش اللي جابهم ليا. ولا يهمني اعرفه. اللي يهمني ابني مستقبله ما يضعيش
امين
خلصانه. مع اني حاسس ان ابنك ضحك علي اختي وخلاها تبعد له الصور دي
وداد
ما تبقاش غبي. الصور دي لو مع ابني من الاول ما كنتش احتجت للفة الطويلة دي علشان اخليك تطلع ابني من قضية متلفقة
امين
اثبتي لي انه هو براءة
وداد
الخطوبة هتم والجوازة كمان اكراما ليك وللي هتعلمه مع ابني
امين
والصور
وداد
ليلة براءة ابني ليلة ما الصور تبات علي موبيلك وبطريقتك بقي هات اللي صور اختك او اللي اختك بعتت له الصور بكيفك
امين بغضب شديد
هجيبة. ورحمة ابويا وامي ل اعرفه وساعتها الموت هييقي اقل ثمن يدفعه بعد اللي عمله ده.
وقال بغضب اكبر
وانتي يا مليكة حسابك معايا هيبقي دم، ،،،،،،،،،،،،،