رواية كسره اصلحت قلبي الفصل الحادي عشر 11 والثاني عشر 12 بقلم روان ابراهيم
كسره اصلحت قلبي 11
جرس الباب رن طلعت مامة منار تفتح ومنار قامت دخلت جوا علشان مكنتش لابسه الخمار
دخلت منار وخادت سلمى معاها
مامة منار فتحت لقت شهاب جاى معاه مامته وباباه
مامة منار: اهلا ايه المفاجأه الحلوه دى اتفضلوا
سلمت على والدة شهاب ودخلوا قعدوا
مامة منار: مجبتوش روناء ليه
والد شهاب: روناء عندها مذاكره المره الجايه بقى ان شاء الله ... اومال فين ابو منار
مامة منار: تحت هرن عليه اهو ...
رنت عليه وقالتله انهم موجودين ودخلت تقدملهم حاجه يشربوها
طلع والد منار*
السلام عليكم
كلهم : وعليكم السلام ورحمة الله وبركاته
والد منار: عاش مين شافكوا ولا نسيتونا بقى
والد شهاب: هو احنا نقدر برده وسلم عليه وقعد
جوا عند منار سمعتهم وعرفت مين بره
منار: غريبه اول مره يجوا كلهم من وقت ما غيروا البيت
سلمى: ده اكيد جاى علشان....
منار: علشان ايه
سلمى: اصل شهاب جيه عندنا بعد ما طلع من الكليه وقال لابراهيم انه عايز يخطبك
منار: اااااه قولى كده بقى علشان كده كنتى عماله تسألى رأيك فيه ايه
سلمى: بالظبطططط
منار: طب مين خالد اللى انتى كنتى بتتكلمى عنه ده
سلمى: ده صاحب ابراهيم وعايز يخطبك برده بس على فكره خالد احلى من شهاب اسمعى منى
منار: يا ستى هو انا اعرف خالد ده ولا عمرى شوفته
سلمى: لاء انتى شوفتيه فى...... قطع كلامهم مامة منار دخلت عليهم
-منار تعرفى شهاب جاى ليه
منار: ليه يا ماما
مامة منار: عايز يتقدملك
سلمى: شوفتى مش قولتلك
مامة منار: وانتى عرفتى منين يا سلمى
منار: اصله جيه لابراهيم بالنهار وقاله
مامة منار: على العموم باباكى قالهم هقولها وارد عليكوا وسابتهم وطلعت
بره كان ماشيين*
والد منار: انتو مستعجلين ليه ملحقناش نقعد مع بعض
والد شهاب: الجايات اكتر ان شاء الله وسلموا عليهم ومشيوا
طلعت منار وسلمى*
والد منار: ايه رأيك يا منار انا رأيى ان شهاب كويس ومحترم ونعرفه من زمان
منار: بس
هصلى استخاره واقولكوا
والد منار: ماشى اللى تشوفيه
منار: تعالى يا سلمى كده ودخلت اوضتها وخادت سلمى
منار: قوليلى بقى مين خالد ده كمان وشافنى فين
سلمى: شافك مره وانتى عندنا تحت والمره التانيه فى فرح نورا
منار: مش فكراه
سلمى: بس هو احسن من شهاب
منار: اقولك انا هرفض خالد وارفض شهاب ارتاحتى
سلمى: ايوه ارفضى شهاب مترفضيش خالد
منار: ايه يا سلمى هو دافعلك رشوه ولا حاجه
سلمى: تؤ تؤ بس هو احلى
منار: اما ابقى اشوفه وقتها اقرر
سلمى: طب انا هنزل بقى
منار: خليكى قاعده كمان شويه
سلمى: هبقى اطلعلك تانى
نزلت سلمى
اول ما دخلت: ماما يا مامااااااااا
مامة سلمى: ايه يا سلمى
سلمى: تعرفى مين كان فوق
=مين؟؟
سلمى: شهاب ومامته وباباه
ابراهيم: ده اكيد جاى يكلم عمى فى الموضوع
سلمى: ايوه ايوه بس منار قالت لسه هتفكر
مامة سلمى: ربنا يقدم اللي فيه الخير ودخلت المطبخ
ابراهيم: انتى يا بت قوليلى قولتى ايه لمنار
سلمى: مقولتش حاجه هقول ايه يعنى
ابراهيم: بجد والله يعنى مطلعتيش خالد ملاك علشان تقبله وترفض شهاب صح
سلمى: احنا قولنا ايه كل واحد فى حاله
ابراهيم: ماشى اما تاخدى على دماغك تانى متبقيش تدخلينى بقى
سلمى: روح انت بس ذاكر شوف الجثث اللى جايبلنا رعب بيهم روح اتطمن عليها تكون صحيت
سلمى دخلت اوضتها ومسكت الفون تكلم شهد*
سلمى: بت يا شهد
شهد: ايش
سلمى: شوفتى اللى حصل
شهد: ايه يا ستى عملتى ايه المره دى
سلمى بصى مش هكتب كل ده هعملك ريكورد
شهد: اوك
بدأت سلمى تحكى اللى حصل فى ريكورد* .........
شهد: وانتى محرمتيش
سلمى: بس يا بت اسكتى
شهد: طيب اشوفك بكره فى الدرس
ابراهيم كان قاعد بره*
جاتله رساله من شهاب
شهاب: ابراهيم
ابراهيم: وات
شهاب: انا كنت عند عمك من شويه انا وبابا وماما
ابراهيم: وعمى قال ايه
شهاب: قال هيقول لمنار
بقولك هبقى اجيلك بكره بعد الكليه انت هتخلص امتى
ابراهيم: هخلص الساعه 2
شهاب: تمام استنانى بكره
_____________
تانى يوم
ابراهيم نزل راح الكليه وخلص محضرات ومستنى شهاب
كان خالد بيدور على ابراهيم لأنه مشافهوش فى المحاضره
خالد شافه في الكافيه راح قعد جنبه
خالد: ايه مشوفتكش فى المحاضره
ابراهيم: كنت ورا انا اللى مشوفتكش
خالد: طب بقولك..
قطع كلامهم شهاب
شهاب: انا جيييت
ابراهيم: يا هلا وعرف خالد على شهاب
شهاب قعد جنبهم وسلم على خالد
خالد : بقولك انت عملتلى ايه فى موضوع منار
شهاب: منار مين ....يتبع
كسره اصلحت قلبي 12
خالد: بقولك يا ابراهيم عملت ايه فى موضوع منار
شهاب: منار مين
خالد: منار بنت عم ابراهيم انت تعرفها
شهاب: اه طبعا اعرفها انا كنت جارهم اصلا... انت بقى تعرفها منين
خالد: انا هتقدملها ان شاء الله
شهاب بص لابراهيم : انت هتتقدملها
خالد: ايوه وكنت قايل لابراهيم يقولها ومنتظر الرد
كل ده وابراهيم ساكت*
شهاب: وانت عارف اهو يا ابراهيم مقولتليش ليه
خالد: هو ايه الحكايه
شهاب: الحكايه انى متقدم لمنار
خالد بص لابراهيم*
ابراهيم: والله يا جماعه انا مرضتش اقول لحد فيكوا حاجه انا قولت هقول لمنار وهى تختار
شهاب بعصبيه وصوته بدأ يعلى: هو ايه اللى تختار هى اصلا تعرفه منين ولا شافها امتى ...
خالد: استهدى بالله بس دى حاجه قسمه ونصيب ولو وافقت عليك انت خلاص قدر الله وما شاء فعل
شهاب بصله بضيق: وهى أكيد هتوافق عليا انا ومطلبتش رأيك على فكره
سلام وقام مشى
ابراهيم نده عليه: تعالى بس يا شهاب
شهاب مردش عليه ومشى
ابراهيم: متزعلش منه يا خالد
خالد : لاء يا عم مش زعلان ربنا يقدم اللي فيه الخير
ابراهيم: طب ايه هتروح
خالد: لاء رايح المسجد هروح احضر درس القرآن
ابراهيم: طيب هكلمك اما اروح
خالد: ماشى مع السلامه
مشى خالد راح المسجد لأنه بيروح هناك يحفظ قرآن مع شباب تانيين في سنه واكبر منه واصغر منه وكان خالد صوته حلو اوى فى القرآن
وصل خالد المسجد ودخل علشان يلحق العصر دخل صلى العصر وبعد العصر قعدوا يسمعوا كل واحد يسمع الوِرد بتاعه وبعدين بيقرأوا قراءة جماعيه
خلصوا وكان فاضل وقت قصير على المغرب فكانوا منتظرين يصلوا ويمشوا
اسلام: السلام عليكم يا خالد ازيك
اسلام اكبر من خالد بسنتين وهو الامام بتاع المسجد ومحفظ الشباب فى المسجد وصاحب خالد وخالد بيحبه جدا
خالد: وعليكم السلام يا اسلام الحمد لله بخير انت اخبارك ايه
اسلام: انا تمام الحمد لله ايه رأيك تصلى بينا المغرب النهارده
خالد: أنا!!!!
اسلام: اه انت ليه لاء
خالد: بس انا عمرى ما صليت امام بالمسجد
اسلام: انت ما شاء الله صوتك عذب ومتقن احكام التجويد وحافظ معظم القرآن فاضلك فيه اشياء بسيطه
خالد: بس انا حاسس اني مش هعرف
اسلام: لا هتعرف ان شاء الله استعن بالله واقيم الصلاة يلا
قام خالد وهو متوتر لانه اول مره واقام الصلاة والبنات اللى فوق قاموا علشان يصلوا هم كمان بيروحوا يحفظوا بس مع محفظه فى المسجد
اقام خالد الصلاة وبدأ في الصلاة وبدأوا يصلوا وراه
________________
عند ابراهيم بعد ما وصل البيت واتغدى وقعد شويه
سلمى: ابراهيييييم هو شهاب قالك حاجه
ابراهيم: اسكتى علشان هى باظت خالص باظت باظت
سلمى: حصل ايه
ابراهيم: خالد وشهاب عرفوا ان كل واحد فيهم متقدم لمنار وشهاب اتعصب على خالد
سلمى: وخالد عمل ايه
ابراهيم: خالد معملش حاجه هو قال لو اختارت شهاب عادى ده قسمه ونصيب
سلمى: لاء هى تختار خالد بقى مش شهاب
ابراهيم: وانتى مالك هو انتى اللى هتتجوزى
-جاتله رساله من شهاب
شهاب: ابراهيم
ابراهيم: نعم
شهاب: ليه مقولتليش ان خالد متقدم لمنار
ابراهيم: والله مرضتش اقول لحد فيكم انا قولت اقولها هى وهى تختار
شهاب: طيب مع السلامه
ابراهيم بص لسلمى : شكلى بوظتها
سلمى: بص انت تقول لشهاب ان منار اختارت خالد وتقول لمنار ان شهاب انسحب
ابراهيم: تعرفى تسكتى خالص وايه انسحب دى هى مسابقة اكل
سلمى: اقعد انت فكر بقى انا قايمه اذاكر
ودخلت اوضتها
ابراهيم فى نفسه: انا هقول لمنار على خالد ولو عايزاه يجى هجيبه
سمع صوت حد طالع فكرها منار قام فتح الباب لقاه عمه
ابراهيم: عمى عايزك في حاجه
عم ابراهيم: خير فيه ايه
ابراهيم: تعالى ادخل وهقولك
دخل عمه وقعد: ها خير يا ابراهيم
ابراهيم: بصراحه انا واحد صاحبى اسمه خالد شاف منار قبل كده وعايز يتقدملها وهو كان قايلى مع شهاب فى نفس اليوم بس انا معرفتش حد منهم بس عرفوا النهارده
عم ابراهيم: بس انا معرفش خالد ده هو يعنى كويس وكده
ابراهيم: اه كويس جدا
عم ابراهيم: طيب خليه يجى واما منار تيجى هقولها ولما تشوفه تحدد هتختار مين
ابراهيم: تمام هقوله يجى
عم ابراهيم: تمام هقوم انا اطلع
-طلع عم ابراهيم وابراهيم دخل وقفل
فوق عند عمه
سلام عليكم
والدة منار( زينب) : وعليكم السلام
والد منار( محمد) : هى منار جات
زينب: لاء لسه
محمد: منار جايلها عريس تانى غير شهاب
زينب: وده يبقى مين
محمد حكلها على اللى ابراهيم قالهوله
زينب: وليه يجى ما شهاب كويس
محمد: القرار قرارها وبعدين خليه يجى وهى تختار
-عند خالد فى المسجد بعد ما خلصوا صلاة وقعدوا شويه فى المسجد*
البنات فوق: هو مين اللى صلى بينا النهارده
ردت محفظة البنات( دعاء): مش عارفة بس ده مش صوت اسلام
اسلام يبقى اخو دعاء*
البنات: بس ده صوته كان جميل جدا
دعاء: اه صوته حلو ما شاء الله
-تحت عند خالد
اسلام: ما شاء الله يا عم ايه الجمال ده انت تصلى بينا كل يوم بقى
خالد: لا كل يوم ايه انا كنت متوتر اصلا
اسلام: بس صوتك جميل ما شاء الله ربنا يزيدك
خالد: ربنا يعزك انا همشى بقى مع السلامه
اسلام: فى رعاية الله
طلع خالد علشان يروح بس وهو طالع شاف حاجه وقفته..
يتبع